台北倆伴

营业中

休息中

今日去新商場行街，行過見到呢間餐廳，見好多人排隊，咁我就攞一張飛試吓，最終排咗個半鐘先有位。今日同阿媽嗌咗兩個飯和一杯飲品，豬軟骨飯同埋排骨麵，另外加一杯芒果綠茶。先講一講豬軟骨，嗰啲肉好鞋口．明顯未夠火喉，唔知道係攞貨定係自己做，呢個真係要餐廳留意吓。另外，個排骨麵，一個字好Q鹹，而且似乎是用牛肉麵個湯，好彩我食牛，但係如果吾食牛的人要問清楚。排骨應該係新鮮炸起，但係好薄身，上面好似沾滿好多老抽，搞到我一啖麵之後要一啖水。芒果綠茶就一般般。整體來說好一般，價錢就正常。服務良好。如果唔係喺呢個商場，應該冇人會排隊。