影片
以上资料只供参考，请与餐厅确认详情
第一次黎，估唔到间餐厅都算有惊喜。个餐都算丰富，又有猪红，块鸡扒又大又厚，卤肉饭又够多汁多肉，仲可以免费转饮台式饮品，味道仲要唔差，中午时间又唔算多人，非常推介。
继续阅读
台北俩伴 位于大围餐厅大 坐得舒适 下午茶时间有茶餐古早卤肉饭拼大肠面线有一个卤肉饭再加面线组成完全还原台北面线味道 大肠干净 面线腍卤肉唔会硬亦唔会干 五花腩脂肪比例高好香五香粉味 加埋肉松 流心蛋 好送饭 盐酥鸡肉松卤肉饭除咗卤肉饭仲有配盐酥鸡+紫菜贡丸汤+地瓜酥盐酥鸡系即炸 所以上枱时脆卜卜 鸡肉Juicy 粉浆好薄 紫菜贡丸汤唔会过咸 地瓜酥烟韧 带有地瓜味 非常满意 由于盐酥鸡真系好食 所以encore澎湖荔枝虾球虾肉非常弹牙 真材实料 而且外层非常脆口免费跟餐 选择左台湾奶茶 点餐时职员建议可以选择小甜另外加钱四季春奶盖 奶盖非常浓厚 突显到茶香味用餐体验唔错 职员都好有礼貌
继续阅读
今次同朋友去咗大围围方呢间一直想试嘅台湾小店「俩伴」，下午茶时段竟然有齐牛肉面、卤肉饭、小食同饮品，份量抵食又丰富，完全系台式控嘅福音！ **🔶 盐酥鸡肉松卤肉饭套餐（HK$62）** 套餐包齐卤肉饭、盐酥鸡、炸地瓜同贡丸紫菜汤，一次过满足晒贪心又想试多款嘢嘅胃口！卤肉饭肥瘦均匀，卤汁浓得嚟唔会死咸，加埋肉松同溏心蛋，真系有种台湾古早味嘅朴实感。盐酥鸡炸得香脆，炸地瓜酥甜甜哋烟烟韧韧，当饭后甜品啱晒。贡丸汤咸香清淡，饮一啖中和返油腻感，配住饭食好舒服。 **🔶 红烧牛肉面拼古早卤肉饭** 朋友叫嘅双拼set，牛肉煮到好淋，汤，加埋酸菜同幼滑面条，台式风味即刻出晒嚟！卤肉饭都一样足料，男仔食晒成碗都够饱肚。 **🔶 大甲芋头芋圆鲜奶** (+$18)芋头鲜奶奶味超浓，饮落顺喉又唔会太甜，咬到粒粒芋圆同芋头蓉，口感丰富，芋圆控必试！ **🔶 黑糖珍珠奶茶（少甜）** (+$12)朋友叫咗少甜，黑糖香依然突出，珍珠煮得Q弹，少甜后甜度刚好，唔会饮完滞住滞住。 **总结：** 两个人食到捧住个肚走，人均$80几蚊有齐主食、小食同特饮饮品，真心抵食！食物质素对得住价钱，尤其卤肉饭同盐酥鸡够晒地道，环境干净坐得舒服，系大围区想食台式嘢嘅好选择。如果钟意一次过试多款嘢，呢度嘅套餐绝对啱你心水～
继续阅读
早两日同妈咪行完大围街市，见未够钟接妞妞放学，紧系喂饱咗自己先！好想食盐酥鸡嘅猪太郎就畀呢间台湾俩伴吸引到，仲有多款下午茶套餐𠻹！都几抵食噃～.➜盐酥鸡肉松卤肉饭配紫菜贡丸汤及地瓜酥 热辣辣嘅盐酥鸡外皮脆卜卜，唔会太厚粉，仲少少椒盐，够惹味；油香满满嘅卤肉饭，加咗肉松捞埋一齐食，口感更丰富；地瓜酥有惊喜，超浓嘅番薯味，外脆内软得嚟，咬落烟烟韧韧。.➜台中芋头贡丸新竹米粉谂住清清地叫多个米粉，但啲贡丸系有馅呀！第一次食有芋头馅嘅贡丸，好特别！令成个米粉无咁单调！.➜花雕鸡卷睇落好睇又好食嘅花雕鸡卷，散发阵阵酒香好入味，而且肉质嫩滑，唔会柴口。.➜珍珠奶茶 & 爱文芒果起司奶盖两杯都可以拣返少甜！珍珠奶茶嘅奶茶茶底味浓，更加啱妈咪饮！爱文芒果起司奶盖嘅起司奶盖够浓够厚，咸甜滋味同芒果好夹。.
继续阅读
好少去围方食嘢，见到呢间呢个钟数都有啲人气，就入去叹返个下午茶花雕鸡卷麻辣拌面 $56一个套餐包4样嘢，好丰富！麻辣卤肉拌面+花雕鸡卷+地瓜酥+贡丸紫菜汤拌面好creamy，夹杂榨菜嘅爽口，口感丰富！朝天椒的麻辣味好抢，同时卤肉咸香惹味，味道上都好有层次花雕酒好入味，充满醉香；同时鸡卷肉质弹实嫩滑，果然系店舖招牌菜！地瓜酥一啲也不油腻，入口香甜软糯，带一啲酥脆，份量都啱啱好，唔会食多食济 紫菜贡丸汤好有心思咁切细咗啲贡丸，食起嚟更加方便爱文芒果起司奶盖 跟餐+$22唔系讲笑，芝士奶盖成尺厚，香醇浓郁，配合清甜的爱文芒果，真系非常滋味，好想可以再饮多杯！
继续阅读