台北倆伴

营业中

休息中

自我放假一天去行街街🛍️近近地去圍方闊落又多野食呢間台式餐廳木系帶點歐式感人氣滿滿人流不斷🈵出菜率又快◂ ◂ ◂ ◂ ◂ ✐☡ ▸ ▸ ▸ ▸ ▸↬ Set 1 ↫▸ 大腸麵線 (配有醋)份量不少麵條好幼細濃稠度同咸道適中本人愛呷醋所以加哂全部🫣覺得加醋後麵線更提味好食大腸都有不少滷得好腍好入味▸ 古早滷肉飯睇落細碗但食落就覺大碗糖心蛋好食就不在話下欣賞濃郁肉燥加香酥肉鬆配搭我再加埋餐桌上嘅鹹菜🤤甜甜咸咸又爽食落更有層次 ↬ Set 2 ↫▸ 麻辣拌麵麻得過癮辣得惹昩🌶️麵質似上海麵唔糊有咬口撈埋肉燥同鹹菜夠哂香口▸ 鴨血臭豆腐 鴨血夾起唔易散食落唔太似鴨血🤔黑蚊蚊臭豆腐唔太臭但吸哂精華少少辣挺不錯▸ 地瓜條少少似甜不辣外脆內軟又煙韌感覺麵粉加埋地瓜一齊撈埋唔會淨得地瓜嘅香甜味▸ 肉丸海帶湯肉丸切成細粒彈牙味似香菇貢丸好香味唔太濃但有少少咸 ↬ 飲品 ↫可升級加配特飲 ($𝟖-𝟐𝟐不等)▸ 愛文芒果起司奶蓋 (微糖少冰)奶蓋控表示奶蓋綿厚細膩甜度剛好芝士味可以再重啲芒果香甜純果糖略嫌有點稀▸ 芋香珍珠奶茶 (微糖少冰)芋頭味香濃細滑唔似糖精粒粒珍珠Q彈有咬口可惜只有凍冰溶後芋香變淡希望

見好耐無食過台灣嘢，就抱住一試嘅心態去。咁晚餐就叫咗一個臭臭鍋、蟹蓋同埋豬軟骨湯麵。.臭臭鍋 $168我哋點餐嗰時叫咗小辣，嚟到睇起嚟個湯雖然好清，但意外都幾辣，算不過不失。但臭臭鍋最重要嘅臭豆腐，味道竟然同樓下自然派賣嘅元素豆腐一樣，完全唔值$168⋯⋯.士林夜市蟹蓋 $52味道係…街市食到嘅煎釀三寶味道，只不過放咗喺個蟹蓋入面，而且係用沙律醬伴碟🫥都唔知講咩，創意加分？煎釀三寶蟹蓋？.豬軟骨湯麵 $82算係最不過不失嘅餐點，豬軟骨嘅味道同喺台灣團購返香港嘅豬軟骨差唔多味，至少似台灣嘢呀。.✨重點來了✨當所有餐點到晒嘅時候，突然有個男店員行過隔離，用對講機好大聲咁「嘩呢度仲有一個臭臭鍋，全場成11個臭臭鍋！」然後連住個鼻走開，同場見到幾個員工喺周圍恥笑同數有幾多個臭臭鍋，好似笑客人食緊屎咁😅如果連員工都唔識尊重自己餐廳食物，仲要當住客人面咁樣講嘢，其他服務質素都真係心照😅可一不可再。

事原星期日家庭樂中午1點鐘拿張飛B76，同老婆阿仔等了1個鐘左右，見到B號飛仲有9張檯即B67就行落4樓行下，前後大概6.7分鐘後再返來5樓，就見到已經B87，立刻行過去同個服務員（原來係店長KO××)講五好意思，行落去幾分鐘唔知會過20多張飛，個所謂店長就話太多人攞飛冇係度，你過了11個位，如果10位內都可以俾你，過了1位。等了1個幾鐘食唔到，聽我老婆講已經係第二次咁，因為星期日圍方間間都要排隊，重新去第二度排成個鐘，個仔肚餓都一直喊。我覺得你咁樣就唔好用THE CULU叫飛。直接全部排隊。個店長講嘢得來好串，令我好唔舒服，仲佢呢個公司全香港佢最大

星期六夜晚6點幾攞飛，等咗大半個鐘，就有位入到去， 限時一個鐘，食得比較急🥴。店內座位排列迫夾，凳背貼凳背😵‍💫，比較嘈吵 ，隔離枱四人嘅卡位，坐咗五個人，鋪面細細，感覺容納好多座位。 侍應生服務ok 👍， 快手快腳落單，叫佢加單，或者攞啲乜嘢，都以光速攞到畀你，非常有效率。💯我哋三個人叫咗三樣食物🍜兩杯嘢飲🧋，最好食係個豬軟骨滷肉飯😍， 豬軟骨炆得淋又入味 。其他食物就一般， 尤其是五更腸旺($138)， 望落去好大份，但底下全部都係粉絲😒，上面有幾舊大腸、鴨血、牛肚咁，係咁多嘢食物當中cp值最低。 埋單食咗$392蚊。

大圍區內少有的台灣菜，午飯時間人多，價錢合理，食物份量大，味道不錯，建議三五知己一起吃可以3個餐4個人吃，地方整潔光亮。我試了豬軟骨麻棘伴麵，個人覺得麻棘程度剛好，我們會再光顧！

大圍開了新商場「圍方」，當然要抽空行下，想不到平日的下午都非常多人，大部分食肆門前都有人在等位，我和朋友來到5樓的「台北倆伴」食台灣菜，好彩等了一陣已有位了。下午2點，餐廳已轉了下午茶餐牌，經濟抵食。「台南芋頭貢丸新竹米粉」$47新竹米粉很幼滑，加了少少甜梅菜調味，4粒大大粒的芋頭頁丸彈牙好味。「紅燒牛肉麵、古早滷肉飯」$58有麵又有飯才58元，超抵食，飯有超多滷肉、肉鬆和半隻溫泉蛋，撈飯食最正。「逢甲肉鬆榨菜蛋餅」$48台灣《逢甲》的蛋餅非常出名，蛋餅皮口感好Q軟，吃起來不會有粉粉的感覺，內裡簡單地夾著 榨菜和肉鬆，已經超好味了。「芋泥三色芋圓」$46台式三色芋圓口感Q彈，煙煙靭靭，中間一粒大芋圓加外圍的涼粉，色彩繽紛，口感豐富，甜度也剛剛好。

晚巿食飯，太少2人檯，需要同人搭檯食飯，而食飯時間只有一個鐘，無聽錯，係一個鐘呀。食得好鬼辛苦，你又要行高檔路線，但又要行澳牛速食文化，想點? 食左個魯肉飯同芒果綠茶，個水吧好似未訓醒，杯野淡到爆鴨血臭豆腐，好普通，臭豆腐係黑色長沙豆腐咁，好難食，一pat野咁沙茶鍋個沙茶醬係最好味中規中矩啦，但地方窄成咁，坐得可憐，似難民食飯樓面態度ok既, 地方同食物真係……唔值呢個價囉....圍方成個場都好細，好心如果你係要行高檔價錢就唔好要人搭檯啦2個人食左4百幾

台北倆伴，這家位於The Wai圍方的台式餐廳，為食客帶來了一場美味的味蕾之旅。他們的下午茶餐提供了多種選擇，其中兩道令人難以抗拒的佳餚是「古早滷肉飯」和「大腸麵線」。首先，「古早滷肉飯」，這道經典台式料理帶來了濃郁的肉醬風味，每一口都充滿著滷肉的豐富香氣，讓人回味無窮。米飯本身經過滷汁的浸泡，讓每一粒米飯都充滿了滋味。搭配上大腸麵線，更增添了飽足感和層次感。這道下午茶餐充分展現了台灣街頭小吃的美味，絕對值得一試。另一道「逢甲肉鬆榨菜蛋餅」同樣令人垂涎欲滴。酥脆的蛋餅包裹著濃郁的肉鬆和香氣四溢的榨菜，每一口都帶來了多層次的口感和風味。這款蛋餅不僅適合下午茶，也是隨時都能享受的美味點心。在飲品方面，「凍古早冬瓜茶」是一款獨特的選擇。這款茶飲結合了冬瓜的清甜和茶的淡雅，再加上冰涼的口感，讓人在炎炎夏日中感到一絲涼意。另一方面，「凍台灣奶茶」則是經典的台灣飲品，濃郁的茶香和奶香相互輝映，每一口都是濃情款款。本次享用的下午茶餐還是飲品，都充分展現了台灣小吃的多樣性和美味。如果您對台灣料理情有獨鍾，這裡絕對值得一遊，品味正宗的台灣味道。

圍方開幕之後，第一次嚟睇戲戲院旁邊呢間台式餐廳幾吸引下午茶套餐好抵食有服務有效率四五十蚊仲跟餐飲,真係要比個like✨ 大腸麵線拼淡水焢肉刈包台灣必食嘅麵線加入大腸同芫茜惹味得嚟唔味精配埋焢肉刈包，軟軟綿綿嘅包包包著香茜．啖啖肉，口感豐富✨ 老阿嬤焢肉肉鬆滷肉飯配紫菜貢丸湯滷肉同飯嘅比例恰好，輕輕搞拌，每粒米飯都充滿肉汁加上滷蛋同肉鬆焢肉肥瘦適中加配紫菜湯，可以中和一下✨士林夜市蟹蓋將蟹肉同其他配料均勻搞拌，放在蟹蓋上烤焗係台式不二之選的小食✨台灣奶茶 ✨大甲芋頭芋圓鮮奶 鮮奶配搭綿綿嘅芋頭仲有粒粒煙煙靭靭嘅芋圓加上鮮奶，味道唔會太甜，啖啖都有咬口下次一定要試下台式嘅一品臭臭鍋

今日收工諗住近近地喺圍方食個飯，於是就喺網上拎飛，去到圍方個陣大約等多10分鐘就入到座啦～我地兩個人，叫左兩碗麵、一個蛋餅、同一杯飲品🍜半筋半肉牛肉麵&牛三寶麵個麵都幾彈牙👍🏻牛筋煮到好稔，入口即溶😗個牛肚都幾爽口嘅～但個牛肉咬落有筋😵‍💫難咬左啲🫢個湯就一般，可能我個人比較中意藥膳味嘅牛肉麵多啲～🫔九層塔芝士蛋餅好少食蛋餅會加九層塔🤭我覺得都幾特別嘅🧋芋頭芋圓鮮奶呢杯就真係唔ok😕個芋頭同鮮奶完全係分開，冇融合埋一齊嘅感覺😓個芋圓都太稔，冇咬口-最後埋單兩個人食左$296，以呢個質素同份量嚟講就偏貴🫢再加上冇得網上拎飛嘅話要等好耐🫢同埋入座限時60分鐘😓我諗應該都未必會再encore lu🫢

圍方新開幕，即去湊湊熱鬧，商場空間感幾足，所以即使好多人都唔會感覺侷促，不過啲餐廳就真係間間排長龍，尼間截咗飛，我以為冇人排先去睇睇，員工好好話派埋尼張飛俾我，機緣巧合下就試咗尼間台灣嘢嚕 🙈—🍜 紅燒牛肉手工麵 $82湯底牛肉味濃郁但唔會太鹹，牛肉有三大舊，帶筋位所以都好夠淋，麵底正常唔會淋晒，幾入味，仲有啲酸菜< 4/5 >🫔 逢甲肉鬆榨菜蛋餅 $56未試過食蛋餅入面有榨茶，味道幾特別，肉鬆同榨菜都夠多，但蛋餅就偏乾身< 3.5/5 >🍲 沙茶牛肉鍋 $160好特別嘅菜式，個鍋細細哋但原來分量好足，首先沙茶味好濃郁好香口惹味，火鍋料有幾塊牛板腱，薄身肉質好，仲有米血糕、甜不辣、蛋餃、鵪鶉蛋、牛肚、牛丸、蜂巢豆腐各二，米血糕同甜不辣都好有台灣風味，牛肚係金錢肚口感好靚而且好索味，牛丸爆汁好正，另外有幾舊牛筋，都好彈牙，有一粒貢丸一粒福州魚蛋，魚蛋好特別，入面係包住豬肉餡，當然有菜、金菇、冬菇等等，索晒啲沙茶湯味都好正喔< 5/5 >🥠 彰化花雕雞卷 $62第一次食，好香花雕酒味，但食落唔會一陣陣苦澀味，好開胃，雞肉偏實但唔會鞋唔會韌，好

第二次去圍坊食野，上次食上海野好滿意，但太多人爸媽唔想等就黎左呢間，見佢d相同菜式都唔錯諗住試試，等2張枱就有位，覺得有d奇怪，間間都有人等就係佢冇乜，我又好攰冇openrice搵下食評。點知就中伏野食野飲好唔掂不特止（最尾再講，冇乜影相因為本身唔諗住留comment但遇到下面所講既事）主要係服務態度事源我抹緊嘴既時候19:04比個侍應叫‘’留意返用餐時間係一個鐘‘’。重有10分鐘先夠鐘重吹？我地入去2分鐘左右就落完order. 落完order既時間係18:17,叫左個臭臭鍋，蟹蓋唔知乜，台灣腸，同芋泥蛋餅呢d野食大概1835到我地用左20分鐘食哂所有野，而我部電話食完都有禁過，放底前都重係乾淨，但再拎起個陣見到有食物殘骸喺我電話上面（我坐走廊位），絕對唔會係我地食既野彈到，因為食完我都有禁過幾下電話係冇野既。間餐廳我地坐低係冇紙巾，冇水。但佢收好貴重要加1！紙巾同水都冇，我地都冇出聲，收食物既人彈到我電話，我見佢地咁忙，都冇問佢拎紙巾，自己拎張tempo出黎抹咋個客都體諒你地忙唔叫你地拎野你有冇體諒我地重有10分鐘你吹乜？比$429食d咁既野加埋一紙巾冇水要問佢先有食一個鐘早10分鐘

台北倆伴 (大圍)大圍車公廟路18號圍方5樓528號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿今日黎左去大圍新開商場「圍方」。商場真係好多嘢食。每一間餐廳係開門前已經好多人排隊。但我就選擇咗呢間台式嘢啦⋯⋯總算唔錯！都有啲驚喜。食麵個麵質非常之好。個湯都好好味。係啲服務態度差啲啦⋯⋯好似趕客走！😋😋😋😋😋😋😋😋慢煮豬軟骨便當$92古早滷蜜汁排骨便當$92紅燒牛三寶手工麵$88紅燒牛三寶麻辣拌麵$98😋😋😋😋😋😋😋😋總結🤓食物質素水準高，都算係性價比高。不過唔好既野只有60分鐘用餐。如果同小朋友就唔太夠。仲要入坐起計。呢樣野要改善一下。

圍方新開台灣菜每次經過都大排長龍今次特登11幾左右黎點知都要等一陣先入得見佢個蟹肉蟹黃拌麵係限量決定試一試黎到個份量好大蟹肉蟹黃都好多我先試一啖感覺有點腥口我再倒一倒黑醋試試感覺好一點但都吾係話好好食最後拌麵都食吾完另外古早蜜汁排骨便當配菜我地吾食鴨血所以佢轉左麻辣豆腐俾我地個排骨食一啖完全吾夠熱而且落左好多蜜汁令到個排骨都吾夠脆而又偏甜個肉燥飯正正常常偏乾少少可能岩岩開張好多野都未做好或者隔一排再試下睇下

餐廳位於圍方商場，新開張，可在門口取票，但當人太多，就會暫停取票服務，等一等又可以拎啦🤷‍♀️於星期六去食午餐，好多人，等左大概20分鐘，冇限用餐時間。揀左兩個便當🍱❇️彰化花雕雞卷便當 $88🌀 花雕雞卷入味，雞肉唔會老 👍 飯有滷肉、肉鬆、雪菜、半隻溏心蛋，材料豐富！🌀紫菜湯有豬肉丸碎，味道正常。🌀鴨血豆腐有少少辣，豆腐吸曬D 汁。❇️慢煮豬軟骨便當 $92🌀豬軟骨炆得好淋，有肥有瘦肉，味道鹹鹹地帶有少少酸味，感覺一般。❇️逢甲肉鬆榨菜蛋餅 $56🌀材料充足，蛋餅好香，又軟又硬，口感好有層次👍❇️芋香珍珠奶茶 (跟餐+$12)🌀聞落去芋香味重，但飲落去味道有D 假，珍珠煙韌!❇️大甲芋頭芋圓鮮奶（跟餐+$18)🌀材料充足，奶味重，每飲一啖就有芋泥肉+芋圓，好有咬口👍 本人非常鐘意