古早味休閒台灣 (已結業)

說起古早味三個字，一定想到台灣，原來已有3年多沒去過，是日與家人經過旺角見到這家古早味休閒台灣，便進去一食止止癮。紹興醉蝦 - 充滿上紹興酒的清香，大隻之餘蝦肉結實彈牙。古早味牛三寶麵 - 牛三寶包括了牛腱，牛筋，金錢肚，煮得很腍很入味，湯加了紅蘿蔔和菜，牛味濃郁中帶清甜，能一次過可食到三款餸確實不錯。乾扁四季豆配白飯 - 炒得夠鑊氣又香，加少許辣椒更惹味，送飯一流。晚餐可以半價點小食，我們選了酥炸雞扒和宜蘭蔥餡餅。雞扒大大塊，炸得香脆鬆化; 蔥餡餅一口一小件，食畢也不覺滯。跟餐點燉湯同樣有半價，這個藥燉烏骨雞湯落足料，藥味香濃之餘亦甜。點了多款菜式還只是3百餘元，價格實惠，想食台式菜時不用飛到台灣了。

旺角街道車水馬龍，人來人往， 餐廳食肆有如走馬燈多不勝數，途經旺角亞皆老街，見到古早味休閒台灣門口圖案幾特別，是一間要上樓梯，到上一層的樓上食肆餐廳。被門口的圖案樓梯吸引，一步一步走上餐廳吃晚餐。餐牌選擇都幾多，飯類麵類甜品飲品樣樣有，我們輕鬆揀選了幾款美食當晚餐。其中$58的乾煸四季豆，以及$38的鹽酥豆腐特別覺得好味又抵食。價錢不貴，夠平民化。四季豆應該有經過炸調，所以外觀翠綠，而且食下去沒有草青味。加上有肉碎，豬肉味令到四季豆增添鮮味，爽脆可口。鹽酥豆腐更加是食完一口又一口，外邊炸到微脆，裡面十分嫩滑，好好味。因為朋友想食紹興醉蝦，所以我們都有下單。$138有大概8隻。未食到已經聞到，超級有紹興酒的味道，蝦肉裏面都食到濃濃的紹興酒味。如果鍾意飲酒的朋友應該幾鍾意。就連放在醉蝦上面的杞子都有很重的紹興酒味。蝦肉爽中帶酒味，不過我們食完是沒有醉的，哈哈。甜品叫了$56的香蕉窩夫配雪糕，和$58的三色芋圓仙草刨冰。香蕉窩夫配雪糕超級鍾意。四件窩夫都好有蛋味，而且外脆內鬆化。有香蕉和士多啤梨的水果食，好滿足。三色芋圓仙草刨冰十足上次去台灣食的，芋圓好彈牙，甜甜的，糯感十足，都好好味。除了

又黎都旺角行街啦，今次嚟到呢間古早味原味台灣吃飯，位置都唔錯，係花園街，旺角地鐵站出口1-2分鐘就到，非常方便。飲品我哋叫咗個桂花茶， 我以為係就咁簡單地用桂花沖水就算，點知原來加咗少少糖，飲落甜絲絲，原來呢種飲法都唔錯喎！呢個係香酥繽紛炸芋圓，呢個口感幾特別，係第一次食得到，外層係有少少似鬆軟版嘅曲奇， 内裡就係䁔䁔地嘅芋圓，外脆內軟好得意😎！呢份鹽酥豆腐都值得一試，外面揸到吹卜卜，灑上少少椒鹽，入面係熱辣辣嘅又滑嘟嘟嘅豆腐，屋企真係煮唔到，份量係一口一啖，好方便！仲有呢個焦糖燉蛋，呢個燉蛋同一般嘅燉蛋唔一樣，面層冇咗層焦糖，得一層糖漿，不過食落去都好滑，同埋唔知點解有啲彈牙，係好奇妙嘅口感。

真係好耐無食過台灣菜啦，今晚簡左間台灣餐廳，朋友知道後大為興奮。呢度大腸包小腸、滷肉飯、鹽酥雞、炸雞扒、各式甜品、小食等應有盡有，尤如變身小台灣。🥢大雞扒滷肉飯 $78雞扒鬆化惹味，肥美既豬肉加上香濃既醬汁，濃郁既滷肉飯真係好下飯又美味。🥢花枝蝦餅 +$19蝦餅好香脆，而且蝦味濃郁，我地兩個都覺得真不錯。🥄蟲草花燉鴨湯 +$15加15蚊就有燉湯飲，真係好抵😝，而且味道唔錯。🥢乾煸四季豆 $58冬季既四季豆特別甘甜，用油慢慢煸乾而衍生出一種特別既香，清新爽口，食唔停口。🥢紅石榴水果茶 +$17內有有西柚、橙、士多啤梨、火龍果、椰果等等，味道好清新，甜度剛好，我覺得相比飲品店沖得仲好味👍🏻。🥢台式滷水拼盤㈢款 $68台灣唔少菜色都以＂滷＂字行頭，拼盤係好多人嘅至愛，叫黎做小食就最啱喇，其有6款，我地簡左豬耳、豬肚、雞翼 。🥢雙色臺灣香腸 $38台式香腸較甜，但一向好多人都鐘意食，我覺得雙色味道都好滋味，好快我地就清哂。😍🥢紅豆燒餅 $28紅豆蓉餡料甜度適中，外層香蘇，美味！🥄焦糖炖蛋 $38唔會太甜，朋友仲話好好味。

台灣未有得去住，唯有去食台灣菜吊下癮。忙左一排係時候潛上水🎣出黎搵食。見呢間評價幾好，地點又幾方便，就約埋幾個朋友放工黎試試🤨餐廳係樓上，沿住亞皆老街見到佢個招牌轉入通菜街就會見到佢個門口。餐廳空間算大，枱夠哂大，d野食黎哂都吾會吾夠位放。餐具又乾淨，抵讚。滷肉同雞扒份量都好足料，雞扒炸到剛剛好，吾油，滷肉吾會太咸，少少汁，撈飯好正。牛肉麵湯底香濃，感覺幾正宗。麵係較粗果隻，有紋，可以掛到d湯。雞翼真係有黑糖同薑味，肉質鮮嫩，小朋友一定岩食。花枝蝦餅炸得好香口，入面有吾少蝦肉，吾洗5min比我地清哂。胚芽奶綠好足料，胚芽同奶綠好襯。慕絲賣相精緻，慕絲、海錦蛋糕、蛋白同士多啤梨提升左口感。呢隻芋圓好特別，係酥炸既，有十幾粒，都係$26。外脆內軟，仲有3隻味，真係好好食，食吾停口。呢d套餐幾抵咁，可惜已經飽到上頭頂，食吾到。黃花魚都有，真係幾多選擇。新甜品，價格由$15起。

星期六和朋友回到旺角，因為要行波鞋街，大家也未食晏，所以就在附近隨意找點什麼吃。 在女人街頭見到古早味台灣，便直入。餐廳位於二樓，比想像中大。更驚喜的是午餐選擇接近20種可揀。而且配台式飲品都不用加錢。 酥炸雞扒湯麵和五味雞飯都賣相吸引！雞扒炸得香脆，但不覺得有利。面也很足料，而且午餐都加配三款前菜，青瓜、木耳、魚腐都可以過下口癮。 我的五未雞飯賣相好靚，因為五種不同顏色的醬料，拼在一齊。雞肉份量也多，飯雖不是油飯，但混入了兩種不同的米，所以口感很好。這雞飯可一次過試晒咸甜酸辣不同的味道。 不得不讚那炸花技蝦排，揸得香脆可口，但入面彈牙爽口，點上甜酸醬食，好惹味。 跟餐餸的台式飲品我們都選了珍珠奶茶，味道卻令人驚喜。以為跟餐質素也是一般，但這個珍珠奶茶，珍珠有咬口，而且奶和茶的比例也配得不錯，比得上出面台式飲品店！跟餐有這種質素，大讚！意猶未盡我們還點了芋圓！三色芋圓煙韌有咬口，配上珍珠、綠豆、紅豆、仙草等滿滿的，食完好滿足。 想不到這家不起眼的台式食店，食物的質素這麼有驚喜，和其他主打台式食品的餐廳相比，這裏的性價比頗高！

十二月中，星期六。又到了每個月做美容療程的日子，今天約得比較晚，跟友人先出去旺角吃個下午茶。輕食的話台灣菜是不錯的選擇，在大街附近找到這家裝潢挺新潮的餐廳，下面賣小吃賣珍珠奶茶，就去樓上試試看。到了樓上飄來陣陣茶香味，除了在台灣之外很久沒有聞到過，決定一定要試一下他們的珍珠奶茶。我們各點了一杯炭燒烏龍奶茶，加三塊錢有珍珠，珍珠大小適中，Q彈不會太大顆，也不會太甜，烏龍茶的淡淡炭燒味實在跟珍珠太配了。下午茶餐也不貴，我要了古早味三寶麵，吃湯麵一定要先喝一口湯，湯底的牛肉味非常濃而且不鹹，從照片可見牛腱是很厚切，居然沒有煮得太過的問題，肉質新鮮很軟腍，牛筋火喉夠又入味，金錢肚爽口，刀削麵軟硬適中，配合濃湯實在太好吃了。朋友的古早味牛肉麵裡面的牛肉也是厚切，除了肉類做得好以外連紅蘿蔔白菜等配菜也是煮得非常入味，讓我們很驚喜。小吃點了五味雞，有五款醬料，雞肉很香很新鮮，放涼了也不會有肉腥味，每款醬料也各有特色。還有一道花枝蝦餅，麵包糠裡面是真材實料的大蝦跟新鮮花枝，外皮胞口卻不油膩，最驚喜的是變冷後竟然還是脆的，想不到連小吃也那麼有水準。台灣菜在香港成行成市，水準參差，偶然下找到高水準的台灣餐

每逢星期四五晚放學都會經過彌敦道近通菜街，見到大大個呢個餐廳名既banner，特別有印象。咁岩今日有同學約係呢間餐廳食宵夜，好奇既我當然要跟著去食好西。台式手卷 (8/10分)用手抓餅做外皮，裡面有雙色腸、芒果、青瓜同生菜等。外皮香酥有好多層，裡面口感豐富，預先切開兩份，兩個人分享岩岩好。蚵仔煎 (8/10分)蠔既分量幾多，煎得夠熟，而且無同蛋散開，所以好香口。d醬微微甜，吾辣，好惹味。仙草奶綠(7.5/10分)仙草滑溜溜，奶綠吾記得叫少甜，好采都吾過甜。茶香奶滑，配埋仙草，好滿足。呢度d侍應好細心，見我地準備食甜品時會主動收餐具，換上甜品餐具，有羹有叉同兜仔。香酥繽紛炸芋圓(9/10)芋圓食得多，酥炸真係第一次食。粒粒都炸到外皮酥脆，比一般芋圓大成倍。外皮灑左適量糖霜，加左d甜，無咁悶。入面既芋圓保持Q彈。最鐘意係紫薯，特別Q彈。隻杯看似陶瓷，其實係不碎膠，太靚要影低。台式飲品堂食同外帶都有。地下門口有得買野飲拎走，夠方便。

好食也抵食@古早味 朋友好鐘意食台灣野，佢帶路下到左旺角古早味休閒台灣食飯，抵食也好食 上面幾別緻，時間尚早人不太多，一到7 點就坐滿晒人，建議都係要有等的心理準備 主食都可以加錢做套餐 甜品也相當吸引 單是台式飲料都幾十款，而且好平! $18蚊一杯珍珠奶茶 紅石榴水果茶&洛神紅莓水果茶$17(跟餐) 我點的是紅石榴水果茶，味道酸酸甜甜的，紅石榴有點似提子汁的味道，而入面有好多水果，感覺天然 跟餐加的花枝蝦餅$19 花枝蝦餅即叫即整，好香口，而且啖啖都有花枝肉和蝦肉，好彈牙 台式醬牛肉，也是跟餐加的$19 一點都唔HEA，成盤小菜咁多!MUST 加~! 古早味牛三寶湯麵($75)，牛三寶有牛展、牛肚、牛筋， 真材實料，成個碗都係料! 大大舊!一個女仔跟本食唔晒! 牛展、牛肚、牛筋我最鐘頭佢既牛筋，好夠腍又入味! 湯底微辣濃郁，充滿肉香，濃而不膩!有點似在台北位於永康街那間牛肉麵! 麵是有點彈牙嘅台灣麵條，滑滑的 另外必點的是台式滷水拚盤(3款)$68 滷五花腩入味又甘香，而且肥廋適中 份量多也是令人開心! 豬腸看起來有點肥，但入口好甘香又爽口

抵食台灣菜系列位於旺角亞街老街樓上鋪 環境舒適 1. 古早味台灣牛肉湯麵 $60 湯底濃郁  牛肉腍身  湯麵煮至剛好爽口2. 台式滷肉飯 $50滷肉份量多 不乾身 配有半隻滷水蛋3. 黑糖薑母雞翼 $28一碟有四隻  黑糖味道重  帶有微微的薑辣味  醃製得非常入味  又不會過甜4. 鹽酥雞軟骨 $33剛炸起即上枱  表面的炸漿炸至十分脆  入口完全感覺到外脆內軟5. 手工綜合芋圓 $45一碗有不多款式的芋圓 仙草及紅豆  煙煙韌韌  加上底下的碎冰一起吃  幫助消除台式食物的油膩感

尼間台式餐廳屬於樓上鋪位，樓下有售台式飲品，茶味濃厚。叫左紅燒豬軟骨麵($65)，lunch set跟小食3款，飲品，酥炸鹽酥雞(跟餐叫加$19)，柳丁窩夫配雪糕($56)。豬軟骨有4件，肉質軟冧，唔鞋口。配以紅蘿蔔，小棠菜，仲有微辣既湯底，湯底濃郁，深啡色既肉骨湯，惹味。而且，麵條軟硬適中，粗身麵條有口感。小食視乎每日安排，今日係黃瓜片，醃菜，春卷，開胃之餘，亦有小食食下。而跟餐優惠價既鹽酥雞，質素出奇既高，初初以為可能4至5粒，但係上枱時有8至9件，唔係一粒粒，除左炸皮薄之外，肉質滑而唔乾，一d都唔馬虎。跟餐飲品選擇左熱珍珠奶綠，唔駛加錢。珍珠沉低，份量超多，唔會煮得過熟，仍然有煙韌口感。而茶味非常突出。窩夫即叫即整，配上朱古力醬，加上冰凍雲呢拿雪糕。橙塊切走左白色既橙衣，所以食落易咬爛，而且甜，上面仲有士多啤梨添，甜品有賣相有味道。整體，價錢大眾化，而且lunch時間都可以散叫，所以任何時候想食咩款式都可以。服務亦好，食完會清走d碟，上菜速度亦快。

之前試過係銅鑼灣嘅古早味，大家都贊好，所以今日黎到旺角，依然選擇番食古早味為午餐。 我揀咗古早味牛三寶湯麵($75)，配小食3款+飲品。牛三寶有牛展、牛肚、牛筋，滿足哂中意食牛嘅我，加上濃濃嘅湯底同彈牙嘅台灣麵條。小食每日由廚師推介，今日係春卷、菜、瓜，估唔到春卷都咁脆口餡多！ 於是我地額外叫咗鳳味蝦網米春卷($26)，每件都有一隻蝦，非常鮮甜，而且皮薄，唔會好膩。我地亦都追加咗小食台式醬牛肉(只係需要+$18)，牛肉薄身，帶少少麻辣，好開胃！飲品方面我點咗珍珠奶茶，依度嘅奶茶嘅茶味比較重，而且甜度適中，珍珠亦都好煙韌。最令人驚訝嘅係佢地嘅水果茶，依杯係紅石榴水果茶($33)，估唔到水果好豐富，例如有草莓、青檸、橙、火龍果、椰果等等，果味濃香，消暑解渴一流。 

返工諗lunch食咩真係世紀難題，所以當有餐廳派傳單而d圖片同價錢睇落又ok嘅話我地都會試試。睇返menu，d lunch set平均都係$5x-6x，包小菜同野飲，感覺好似幾抵食咁。古早味牛肉麵 $65先試下小菜，有3樣野，包括醃青瓜、涼拌木耳同鹽酥雞，前2者幾開胃，如果雞粒可以熱食就更好。主角方面，牛肉有3大塊，係牛展嘅厚身版，口感腍身，鹵得入味；麵粗幼不一，唔算滑溜，但我反而鍾意呢種raw raw地嘅感覺，好有咬口，食得出係手工製的；配菜有幾塊紅蘿蔔同白菜仔，整體黎講營養都算均衡。凰梨檸檬水果茶 跟餐+$15 (原價$33)原本個餐都包左杯奶茶，不過想飲d清清地嘅野消下滯。無諗過杯水果茶咁大杯，兼非常足料，除左菠蘿同檸檬仲有士多啤梨、西瓜、火龍果等等…味道方面酸酸甜甜咁幾清新，唔會有D好假嘅糖水味。

同friend食飯，平時好少選台式野，今日難得一試，唔錯喎鋪頭係女人街一入去就係，行上一層，都幾大幾舒服丫。侍應見我地四個女仔一人一大袋，仲幫我地換張大枱坐得舒服啲添。夜晚有dinner set，價錢合理，又有半價加小食，竟然仲有湯添！燉湯其實係my favourite，見到又點可以唔叫呢，同friend share左個蟲草花燉鴨補番下。唔錯，似屋企燉既味道我鍾意既鹽酥雞排鹵肉飯，鹵肉好味，而且份量唔少，送飯岩哂。呢個飯其實都幾足料飽肚架另外仲叫左小食鹽酥豆腐，呢個真係好好味呀，必食豆腐滑lulu，個皮又好惹味喎呢個炸芋圓我都係第一次食，好有新鮮感，口感軟糯，熱食幾好味，大家好快清哂！焦糖燉蛋唔知係咪台式做法唔一樣呢，佢冇焦糖脆脆既面，但係有焦糖味既，而且估唔到係好滑同friend share呢個桂花茶，好香桂花味，再加水依然夠濃仲有好多款等下次再試啦走時先發現仲有做芋圓外賣添