古早味休閒台灣 (已結業)

同老公係附近既樓上辦好年貨，就想搵餐廳吃晚飯，見到呢間餐廳好大間，應該都坐得舒服就嚐一下～餐廳好多小食都好吸引，最重要價錢唔貴，所以就只點了一碗牛肉牛筋麵2個人分嚟食～牛肉是用牛腱既部位，麵QQ配上濃郁既湯，好食！花枝蝦餅 和脆炸吉列蝦 炸得金黃香口～乾煸四季豆份量好足，如果可以辣多少少就更惹味～台式滷水拼盤 ，豬肚、腩肉、大腸3樣都滷得入味，腩肉食落唔油膩，大腸好有咬口！草莓窩夫配雪糕好驚喜，窩夫即叫即製，熱辣辣做到外脆內軟，仲好香蛋味，好食！

朋友話食過旺角一間台灣菜好抵食又好味，細問之下原來係古早味，平時見到但冇試到。呢間食物選擇好多，由小食，到主菜，甜品都揀咗好耐🙈🙈 叫下叫下就成枱都係野食😝叫咗台灣刈包 ($25) 同花枝蝦餅刈包 ($32) 個包好軟熟，一點都唔乾👍🏻 台灣刈包同傳統既好似，入面一塊五花腩，好冧好入味🤤 食落一啲都唔肥膩。個蝦餅仲正，好彈牙好正🤣宜蘭蔥餡餅 ($28) 好似煎餃子咁既味，皮薄餡靚，口感都好好黑糖薑母雞翼 ($28) 食落唔會好重薑母茶味，甜甜地，都幾滑另外叫咗兩個都幾出名嘅台灣飯。台式滷肉飯 ($50) 同嘉義雞肉飯 ($50) 以比例黎計，白飯有啲偏多。味道唔錯，雞肉比較鞋少少古早味牛肉麵 ($60) 呢一個麵質係我最愛，夠哂口感又夠彈牙🤩 牛肉會連埋牛根👍🏻好彈牙好好味！手工綜合芋圓($45) 餡料好足，但芋圓偏冧~炸地瓜圓 ($22) 細細粒，煙煙韌韌好有口感，地瓜味都食得岀！整體來講呢間餐廳都算係好抵食👍🏻

一行上樓 牆身啲壁畫好似 壁畫村咁 原來2:30 開始係下午茶48蚊左右有 有主食,小食,野飲 好抵食!下面仲有啲小食可以半價追加~我地最尾叫咗豬軟骨滷肉飯,古早味干撈麵同炸地瓜球再追加台灣雙色腸左邊係炭燒烏龍茶 右邊係桂圖紅棗茶炭燒味勁出!茶味濃! 唔會好似出面咁溝咁淡晒 同埋佢本身冇糖 至於個紅棗茶亦唔會得個死甜 朋友好鐘意古早味干撈麵 我叫咗粗麵佢另外有幼麵揀我同朋友都好鐘意佢個麵質 唔好太淋撈麵汁份量啱啱好 亦唔好太咸 仲有啲青瓜絲食落口感唔好太齋~~個豬軟骨先係重點!!! 好腍好入味 食完好滿足是日三款小食分別係 醃白蘿蔔、春卷同木耳蘿蔔似係韓式個種酸同爽口! 食完主食食下呢啲 個人即刻更加開胃至於個春卷 入面有啲木耳絲 熱辣辣 滿足下想食少少炸物嘅朋友最後個木耳係酸酸辣辣都係好清脆爽口飯前飯後食都好好呢啲小食豬軟骨滷肉飯個豬軟骨唔洗多講 一樣咁出色!至於啲滷肉 肥廋啱啱好每一淡飯都會食到啲肥肉溶係口入面 亦唔會話淨係食到肥肉台灣雙色腸有蜜糖腸同墨魚汁腸我同朋友都覺得兩隻都好好味 但墨汁更出色因為食落真係有墨汁味!!最後呢個炸地瓜不得了 新鮮出爐 熱辣辣仲要好彈好QQ 食完同

朋友的小孩入了一個台灣人餐館做告訴我她們的奶茶是自己煲紅茶手製令我感到非常窩心很怕開茶粉的珍珠奶茶和各種即沖飲料午餐價錢可喜不加一大大碗台北牛肉牛筋麵介紹我熱甜點因其店紅茶是自家煲的一早已選黑糖薑母奶奇妙fusion Delicious 😋 作為美食者當然我一定會點蚵仔煎跟著慢慢品茶：我很牙擦吃奶茶最咀刁這個薑奶合成的滋味⋯⋯是成功一嘗試奶油酥味被薑汁中和薑在冬天的效用微妙是女生恩物可能薑行氣活血令女士立即暖和起來很受歡迎👏我第二注重台灣牛肉麵牛肉麵是面店鎮店之寶午餐68$送一18$ 熱茶三小食堪稱貼地蚝仔煎採薄片煎脆52$可惜除午餐外單點要加一朋友若問：台灣人煮食為什麼「索」我不私藏實說：因為他們有時間香港人所沒有的優勢⋯⋯願歲月靜好，感應！這酒釀好濃郁的！

香港有好多台灣餐廳，好多小店，有d係台灣人開，有d價錢都算平，呢間古早味台灣好似有幾間分店，我見佢價錢都吾貴，同出面食個快餐店既差吾多，又茶木嗰d咁貴，所以就去試下。嘢飲叫左杯奶蓋綠茶，估吾到又幾好飲喎，同步出間既台式手調飲品店舖比都算ok，吾錯吾錯。小食叫左個鹽酥雞，粉漿吾算好厚，所以吾會太油，而且炸得幾鬆脆，幾crispy架。仲有叫左個滷水拼盆，有雞翼，豬耳，雞蛋，係三拼，多人食可以叫五拼，會有多兩樣。但滷得吾係好入味，無咩滷水味，吾夠香。主食叫左個牛肉牛筋麵，牛肉部位係用左牛展，所以口感好正，有咬口又吾會太硬，但牛筋就煮得吾夠冧，我覺得可以煮耐少少。總括黎講款式幾多價錢又吾貴，同多d朋友黎可以試多d吾同種類。

每次食台灣菜都見到好多菜式前面寫住古早味，我估系傳統正宗同懷舊既意思，今次就試左呢間古早味台灣，味道都吾錯幾適合香港人口味，因為通常係台灣食古早味既嘢都覺得味道怪怪地，食吾慣。呢間嘅嘢食都幾多選擇，除左一貫既牛肉麵同鹽酥雞之後，仲有燉湯台式小炒同好多款甜品，女仔黎到一定好鍾意。叫左個冬蟲草燉鴨湯，三十蚊，又吾算貴，燉得好有火候，味道都幾濃郁，但我就覺得太細盅，吾夠飲。之後叫左個滷牛肉，其實係牛展，切開左一片片清楚見到d筋，口感幾好吾會太乾，但我就覺得切得太薄無咩口感，同埋味道一般，都有d辣辣地吾知點解。主菜系乾煸四季豆，都幾香口，因為肉碎同四季豆都走過油，但我就覺得咁既做法太油吾係好健康，情願佢就咁炒。

經常去台北，所以好少在香港食台灣美食，今次行經旺角，見到呢間（古早味優閒台灣）門口個設計都幾有特色，所以就比佢吸引咗入去試試！有甜品，湯麵，小食，小菜，鍋物，飲品都有！🦐紹興醉蝦（凍食）聞到迷人酒香，蝦子鮮甜，肉質Q彈，淡淡中藥味，都幾好味！😋🍜古早味牛肉麵牛肉油脂均勻，麵質Q彈，湯頭亦用心熬製，一放低已經聞到濃濃的飄香古早味，個湯都可以飲埋，不錯！👍🏻👍🏻🌶辣味鹽酥雞即炸熱辣辣，外層脆卜卜，最重要的是雞肉仍充滿肉汁，而且脆粉好薄，不會覺得油膩感覺！🥢古早油飯卷有青瓜，台灣腸和黃蘿蔔做餡料，鍾意食糯米飯既我當然必叫啦，又飽肚又易食，沾上醬汁甜甜的食唔停口！

早兩日行經旺角女人街附近，見有一個姐姐派傳單 介紹台灣菜，睇到個單張價錢幾吸引，於是就走上去試下，環境跟座位都好舒服，食品種類都好多，佢嘅鹽酥豆腐真係誇啦啦，酥香軟綿，面層鬆化，內心鹹香撲鼻。台式香腸，根本地的不一樣，特別軟滑，軟軟綿綿的質感，味道濃郁芳香。一碗紅燒三寶麵，份量十足，麵質煙韌彈牙，五香牛肉牛香滿載，軟腍多汁，牛肚非常入味，爽滑 甘香，還有牛筋同樣出色，柔韌得嚟夠軟腍。台式珍珠奶茶已經非常出名，飲品種類多款，添加各樣特色，我哋點了胚芽奶茶加珍珠，更加滋味，滑溜非常甜蜜蜜。menu

心癮起想食台灣菜，於是嚟左呢度，貪其食物選擇多，正餐甜品可以一take過！飲品味道正常，唔好同出面幾十蚊一杯既比較。見台灣刈包幾得意，一試之下覺得都唔錯，如果中間既半肥瘦豬肉可以鬆軟啲就更好。黑糖薑母雞翼離遠都聞到一陣濃濃既黑糖味，食落除左有甜甜地既黑糖，仲有淡淡薑味，幾特別。吉列蝦炸漿略厚，但幾香脆。大雞扒滷肉飯份量相當大。牛肉麵麵條好煙韌，湯底有濃濃既藥材味，牛肉都好多。綜合芋圓材料好豐富，芋圓軟中帶韌，好食！估唔到呢個窩夫同樣出色，外脆内軟，仲好香蛋味，配埋幼滑既草莓雪糕，正！食左咁多野都唔洗$400，好高cp值！

同fd子gathering成日都諗唔到食咩😟😟最後經過一輪投票後就揀咗呢間評價都幾好嘅古早味🇹🇼👏🏻😂—鹽酥豆腐 $38豆腐係熱辣辣炸起🔥🔥外面香脆得黎又唔會好粉，外脆內嫩🌞撒咗炸蒜同椒鹽吊味，好香口👅👅.酥炸鹽酥雞 $38上台時都係熱辣辣可能食咗太多次鹽酥雞，味道算不上話好出色，都係普普通通咁😛同fd 當小食咁share食都唔錯.蚵仔煎 $52蛋皮好薄，個邊重要脆脆地🤤點上面頭個甜酸醬食極之開胃同夾🤩令到小編好想成碟清晒佢🤣只不過份量唔係話好多，性價比相對不高🤔.古早味番茄牛肉麵 $63好鍾意佢個麵，係粗麵來夠煙韌❤️湯裡頭好多番茄粒🍅真材實料，湯底味道就唔會話好濃牛肉都大大舊，而且都唔會話好難咬🤩總體來講係ok的

又到周未家庭日,在旺角逛街消磨了一個下午,到了晚餐的時候了,媽媽好喜愛吃台灣牛肉麵,所以我們一家幾口決定去吃台灣菜,點了好多款菜一起分享,有飯有麵有菜有甜品,牛肉麵湯底濃郁,牛肉厚身但非常入味,媽媽超喜歡,吃得津津有味蝦餅和豆腐炸得外脆內軟👍香煎黃魚亦煎得剛剛好,外面魚皮脆但不太過火,裡面魚肉保持鮮嫩,此外,甜品都非常出色,芋圓 煙韌而且口感Q彈,紅豆湯底不太甜,就算是怕甜的老人家都很適合享用,而水果茶十分抵飲,很大杯和很多水果在裡面,吃完煎炸食品再飲,感覺十分爽,大家吃完後都十分滿足和滿意,媽媽還迫不及待地問何時再來呢？

今晚和同事ot收工非常肚餓，好想食台灣菜，早前朋友介紹過旺角亞皆老街樓上舖有一間唔錯嘅台灣店，上到去見到週邊環境寬敞，座位夠舒適。一碟五味雞，雞件冧冧肉，雞皮滑捋捋，有五種調味醬汁提供，一定有你喜歡的味道。一碟台灣鹵水拼盤，有多種選擇，可簡選三款味道，我們點選了腩肉，一層一層五花腩，肥瘦均勻，柔韌蜜甜，滷水香氣 濃郁芳香。鹵水大腸，豬腸氣味直逼鼻蕾，酥酥的，食起來非常滋味軟綿綿。還有個豬耳，爽脆索索聲，味道都好濃蜜。大大碗台式滷肉飯，滷肉嘅香甜，鋪得滿滿的，調味非常到位，一啲都不吝嗇，飯粒顆顆飽滿圓潤，煙韌軟綿。食飽飽飲返一杯桂圓紅棗茶，蜜甜潤喉，散發著陣陣幽香，非常滿足。

🎐熊大呢排報左個教練班🥊，一星期有3️⃣日早上要上堂，中午就順個便同熊妹食個便飯🥣，然後又繼續努力開工💼。竟然撞岩卡肥今日返下午又可以仨人行🕴🏻👫出動喇。📍熊妹就揀一間輕便少少的午餐醫醫熊大同卡肥的肥肚仔喇。👅📍三隻腳🦵🏼各自來到位於旺角的《古早味。休閒台灣》食台灣菜。📍熊妹早到攞位先，等各位大大黎到可以就坐。地址明明寫住「亞皆老街」，但卡肥同熊大都不約而同稱應該叫「通菜街」，因為直情係通菜街街口，反而跟「亞皆老街」會有點難找。熊妹對地理🧩唔係好認識呀🤷🏻‍♀️，只知道跟住GPS🈯️示就得喇。📍平日一點半🕜黎到，睇黎散哂上班族💼放lunch班人潮，餐廳未算坐滿好多人，唔洗等就有位。📍有午餐有下午茶餐，主要係台灣飯🍚同麵🍜，全部套餐跟3款小食同一杯飲品，價錢$50-$75，仲可以半價追加一份小食🥡，係幾抵既。📍下午茶餐雖然價錢平啲，但睇返原來寫明係「細」份，邊夠兩隻大食積食呀，直情睇都唔睇下午茶餐牌📗，由熊妹自己慢慢研究。🤖古早味牛肉湯麵，$65📍熊妹就知道熊大實點牛肉麵，因為熊大喜歡吃台灣麵條。有兩大塊牛𦟌，滷味好入味，肉質非常軟諗，一啲筋都無，實情啖啖肉。台灣麵條就好似刀削麵咁煙煙韌韌好有嚼

朋友最近開左間新公司，話有好野介紹比我地，今晚三人行就約左去旺角古味早休閒台灣食台灣野，位於女人街附近，好近港鐵站，交通方便。去台灣最愛掃街，今晚我地都叫左好多小食，蚵仔煎、鹽酥豆腐、炸地瓜圓、台灣手抓餅、宜蘭蔥餡餅、酥炸鹽酥雞，全部小食都係幾十蚊一款，而且都是熱辣辣上枱，吾會話整左好耐先攞出黎，份量都吾算少，不過有人最後怕吾夠飽，就叫多個紅燒豬軟骨麵和乾煸四季豆，一樣好大份。今餐真係好似去咗台灣掃街咁🤣🤣

每次經過旺角都會見到呢一間餐廳，今次同朋友就決定試吓，全部係台灣嘅嘢食，估唔到嘅事店員都係台灣人，環境十分唔錯！菜單方面，食物嘅選擇好多，由街頭小食到出名嘅台灣牛肉都有，每一樣野都好，我哋都揀唔落手！我哋首先叫咗蚵仔煎味道十分唔錯另外朋友都想試吓台灣刈包值得推介嘅仲有五味雞仲有嘅當然唔少得好岀名台灣牛肉最後我哋就叫咗心太軟總括來講，今餐嘅體驗都相當好，推介果然冇錯，如果有機會都會再嚟試吓其他嘅食物！