古早味休閒台灣 (已結業)

行旺角見到有間台灣野新開，於是上去試一試。睇openrice之前有set，但近期轉左餐牌，變左一個台式火鍋，但一個人唔通自己打大佬咩。咁我都係叫番最傳統大家會食的野啦。台式滷肉飯🇹🇼🐷 (推薦指數😋😋😋😋) $50一個人的份量係絕對足夠的，飯的比例比較多，所以都算係抵食。滷肉味道岩岩好，咸道適中，滷水令肉粒好入味，但汁可以再多一d會比較好。滷水拼盆(豬耳🐷，雞翼🐔，豬肚🐽 (推薦指數😋😋😋😋)呢個拼盆其實係有6樣野比大家揀3樣的，包括有豬耳，雞翼，紅腸，豬肚，雞蛋🥚，腩肉。咁豬耳同豬肚都好入味，雞翼都幾好，我個人鐘意食重味d，如果入多d就100分。台式鹽騷雞 (推薦指數😋😋😋😋😋)做到非常外脆內軟，入面真係好juicy，無得傾，係好出色。坐左好耐，又肚餓，所以最後果陣我再叫左麵包磚。草莓蜜糖方磚🍓🍯咁佢係平，抵食，水準亦高，每舊包的牛油味係好香的，亦炸到金黃色，所以係一定出色的。

今日約咗個朋友食dinner，知道佢勁鐘意食台灣野所以就搵咗一間係佢學校附近而我地又未食過既餐廳。我地7點上到去，吾算好多人，但過咗15分鐘，就算今日係平日都滿座。佢既價錢都吾算貴，係平時食台灣野既價位，而且佢野食既種類都好多，台灣必食既牛肉麵，滷肉飯，鹽酥炸雞，柯仔煎都有。而且，佢飲品既選擇都好多，仲有得揀甜度，依樣真係好緊要。我地叫咗牛肉麵，一嚟到啲麵條真係幾吸引，因為佢係手打既麵條，真係好似正崇既台灣麵咁。食落都真係同平時係香港食既台灣麵吾同！佢個湯都幾特別，有濃郁既八角味，係台灣既味道呀。我地仲叫咗豬軟骨滷肉飯，佢啲肉好入味所以撈埋啲飯真係好夾，令我地食吾停口，佢個份量都好大，所以真係好抵食。當然，仲有必叫既鹽酥炸雞，啱啱炸起所以熱辣辣咁食，外面鬆脆但啲肉都好嫩滑。珍珠奶綠，啲珍珠有黑糖味，而且仲好有咬口。胚芽奶綠

太耐無去台灣，想念台灣既味道，就去左旺角既古早味。去之前睇過openrice，見佢有dinner set 幾抵，一心諗住試下。點知職員話最近轉左餐牌，無左dinner set，轉左火鍋，咁唯有散叫。我地3人分別叫左一個豬軟骨滷肉飯、古早乾撈麵同牛肉牛筋麵。黎到先知原本古早乾撈麵既材料同豬軟骨滷肉飯係一樣，只係飯變左做撈麵，不過唔緊要，我地都係各人食自己order果碗。豬軟骨啖啖肉煮得腍。至於牛肉牛筋麵 ，朋友就話牛筋質感彈牙帶黏不會過份軟爛，牛肉入口唔會覺得硬。其他小食及甜品我地就share食。鹽酥雞，雞肉切成小塊, 雞肉鮮嫩, 口感酥脆。炸地瓜圓，外酥香、內Q彈。手工綜合芋圓，份量多，成碗都放滿晒，配珍珠、紅豆、綠豆同仙草。芋圓都尚有芋頭同蕃薯味。芒果拿破崙，芒果可能唔當造，唔甜帶點酸、但係個酥皮做得幾好，好脆又鬆。芋香牛奶：飲落有芋香味，又唔會太甜。

放工相約於這間台灣店，特意來試試著名的炸物--鹽酥豆腐和花枝蝦餅，當然還有一些很久未嚐過的台灣小吃。紅燒三寶麵($75)，麵條吸汁具厚度，吃時帶軟嚼勁。配料豐富份量足，我最愛的牛根也有數件。鹽酥豆腐($38)，果然是重點推介。剛上桌時吃，倍感美味。豆腐外酥內嫩，椒鹽用得搭當，不會過鹹。蒜泥白肉($48)，我比較喜歡這裏較厚身的白肉， 蒜泥味不過濃，厚身的白肉增添爽脆的口感。九層塔手抓餅($28)，大而薄的一片，不油膩，我把這當成正餐吃，吃完這個手抓餅都飽了。花枝蝦餅($38)，是日重頭戲，朋友吃了一片即說不用蘸點甜辣醬已非常好吃。看到網上其它人也說這個好吃，二話不說便先點了這個。外表與其它蝦餅一樣平平無奇，不知是否燈光的關係，總覺顏色不夠鮮。甫吃一口，即覺外觀不再重要了，口感遠超其它蝦餅。我認為是外層用上較幼身的炸粉，炸的時間適中，才能有如此高水準的炸物。這個是必點的。台式小雲吞($28)，蘸點附碟的醋，提升小雲吞的鮮味。一口小雲吞，一口奶蓋珍珠綠茶，看似南轅北徹的食物和飲品，不同口感的轉換，有趣而讓人放鬆。奶蓋綠茶($23)，加珍珠($3)和仙草($3)，奶蓋是忌廉厚層。珍珠奶茶隨處

與友人閒逛旺角，肚子餓了來到女人街附近想找點街頭小吃，被「古早味休閒台灣」廣告招牌酥炸鹽酥雞吸引，餐廰要上一層經過一條特色既樓梯！店面彩色的裝飾與旁邊的舊唐樓形成強烈對比，猜想老問是一個細心的人。要知邊古早味是閩南人形容古舊味道的一個詞，福建閩南及台灣地區用得比較多，一般指的是懷舊或值得懷念的東西；而濃厚的古早味道正是台灣美食最大特點。朋友與我吃了牛內面與牛三寶面，上餐時是一份木色的底盤，大大的一碗面旁有著三碟配菜，牛根、牛旁、牛肚、牛展、刀削面不單止足料（特別推介牛肉面，有4塊牛比一般多），濃厚的湯味完全反映台灣人的認真，不要以為我誇張，因為據說早年戰爭時期，台灣人生活窮困，飲食也很簡單，食物以腌漬的手法居多，菜脯、竹笋乾、咸菜、豬油拌飯都能隨手變為美味菜式，因此這種簡單料理做法在代代傳承的祖傳秘方中，愈加入更精選食材、精雕細琢的手工制作，讓流傳至今的味道變得精緻誘人起來。另外我們還點了手抓餅、薑母茶及胚芽奶茶，絕對要推介這個手抓餅，又香口又夠我們兩人份量。今次雖然吃不成酥炸鹽酥雞，但在旺角繁華街道上的這間樓上店，絕對讓您能吃出舊時滋味的妙，與及台灣人對生活的認真態度。

難得放假一天,當然就要和閨蜜一起逛街和聚餐輕鬆一下啦～在旺角逛了一整天,戰利品一大堆,但個肚仔更空虛🙈閨蜜想吃台灣菜,所以選擇附近此餐廳享用晚餐,沿著樓梯走上去,感覺環境十分舒服整潔,坐下來研究完餐牌後,我們點了兩個主食, 古早味三寶牛肉麵和台式滷肉飯, 牛肉麵是紅燒味湯底,很有藥材味道,感覺好滋補,麵條是粗身的,很有韌度和彈牙,牛肉,牛筋和牛肚都炆得好軟身,很棒,另外想不到滷肉飯的滷肉比想像中多,滷水汁亦做到不錯, 我們還點了蚵仔煎和台式滷水拼盤,都很有台灣當地風味,味道不錯最後點了一杯黑糖薑汁奶茶一起喝,薑味挺濃,和黑糖,奶茶非常配,飲完暖意在心頭,一頓美味的閨蜜聚餐完滿結束,下次叫多幾個朋友再來光顧,可以點多些其他菜式呢

過左12月, 食左咁多西餐, 呀媽話想食番D亞洲野, 見到呢間地點方便而且咁高分既台灣野, 一於試試佢。估唔到平日既夜晚都幾FULL, 店員態度好sincere, 面帶笑容, 一上到去既感覺都幾唔錯。餐牌成本字典咁厚, 我地揀野食都揀左好耐。呀媽指明要叫蕃茄牛肉麵, 鹽酥雞. 仲話要留肚食甜品, 叫左個芋圓新地, 同埋1杯野飲, 兩個人都食到飽飽蕃茄牛肉麵有3大件牛肉, 肉質超淋超入味, 湯底原來唔係蕃茄湯, 係有d蕃茄粒咁解, 不過個湯都幾好飲! 麵質好彈牙, 仲係粗麵, 份量都幾多, 真係好好食!鹽酥雞雖然睇落細細兜, 不過都有成10粒, 炸得幾香口, 入面有肉汁紅豆奶綠加奶蓋, 因為呀媽好鐘意奶蓋, 所以就加埋, 奶蓋好rich, 紅豆奶綠都幾好飲, 而且佢既飲品都幾平, 平過係街買芋圓新地, 呢個甜品真係好吸睛, 層次同口感都好豐富, 雪糕都好大球, 超滿足, 呀媽都大讚!

俾店鋪裝潢門面吸引樓梯繽紛十色，好有街頭風味睇網評以為佢有dinner set，點知新一年原來更新咗，夜晚冇set但轉咗火鍋，係咁凍嘅天氣，打邊爐都係一個唔錯嘅選擇🥶仲可以加其他材料睇完小食推介，叫咗五味雞，配上五隻醬，有芥末同甜酸醬等等，各有風味，雞皮較薄，肉質嫩滑👍🏼酥炸鹽酥雞，炸粉薄🤩十分滋味，份量適中，兩個share岩岩好古早油飯卷，裏面包含台灣腸、黃蘿蔔、青瓜等等飯質較實，易飽肚，油飯十分有台灣風味，咬口層次特別，有滿足感台灣必食紅燒三寶麵，分別有牛腱、牛肚、牛根、紅蘿蔔、菜、鹹菜，湯味十分濃郁，陣陣香牛湯味道配上台灣手工麵，十分有咬口，索左大部份醬汁，非常入味😋牛肉夠冧，易咬，入味🤩

再三幫襯@古早味休閒台灣 旺角亞皆老街36-38號龍飛大廈閣樓全層及地下3-4號舖 呢間店都好多人幫襯，因為抵食夾大件，我平時行街九龍區都去旺角尖沙咀，今日買完手袋去食晚餐。 $58 四季豆，有豬肉碎炒埋四季豆，鹹鹹香香很下飯。如果唔夠飽另外仲可以加點小食la$36 醬汁茄靠個醬提味不少哦$38櫻花野菜沙律，之前食過已經好歡喜，當然要再食，櫻花下落好大一點都不小氣，，以此價錢沒理由不點 套餐多款，想每一款都試上一遍，下次再來食晚飯。

今天到旺角，見到這小台店門面不錯，價錢合宜，六十多元連飲品和小食，決定試試。先看看餐牌，台灣最大眾化的食物都在這了！我點了豬軟骨麵，麵底有咬口到不得了！而且軟骨份量足夠，湯底味濃且香，還有小配菜，確實不錯！這個牛肉麵，厚切，很有台灣風味，最好是連蔬菜上，感覺健康！雞翼很入味，值得一讚！這杯烏龍奶茶實在是太棒了，茶很多、而且有陣陣奶茶香氣，令人難忘，想一飲再飲、不知不覺，就飲完一杯了，回味！水果茶材料很足，正！男友仔大讚呢！

第一次去古早味，事前已經上網睇定又真係幾多台灣口味嘅野食，佢地嘅價錢好抵而且上菜快👍🏻...🍴 手工綜合芋圓（$45)手工綜合芋圓好足料，芋圓下面仲有刨冰，芋圓煙韌，紅豆較綠豆林身五味雞（$38）🍴五味雞嘅醬料有豉油、疑似沙茶醬丶Wasabi丶甜酸醬、辣油，雞肉幾滑，個人比較中意疑似沙茶醬同甜酸醬台灣刈包（$25)🍴台灣刈包係香港比較少見，舊腩肉幾大件，不過就韌左少少...下次想試佢嘅養生鍋，佢地嘅鍋係好似中式皇帝嘅邊爐鍋，好有風味...

家姐美國番黎，好掛住亞洲菜，今次同佢試左呢間起旺角既台灣餐廳！呢度lunch set 都有好多選擇最後選左古早味牛肉麵$65午餐包小食3款同飲品牛肉份量多，件件都大大舊，炆到好淋！湯底係牛肉湯，好香！呢度既麵條係粗既，有啲似刀削麵，幾有咬口每個午餐都包呢3個小食，有炸芋蝦，又有青瓜同菜，令到成個午餐更加多元化，更加多款式，唔會食到悶紅燒豬軟骨麵$65套餐呢度既餸菜俾得幾闊綽，好明顯望到豬軟骨份量多！豬軟骨煮得夠入味，軟骨夠淋，可以食到落肚！湯底同麵跟牛肉麵既一樣！宜蘭蔥餡餅$14（午餐加配有半價）熱辣辣，即刻食好好味雖然入面剩係得蔥，不過調味唔錯，加上即刻煎，所以好味同抵食酥炸鹽酥雞$19（午餐加配有半價）鹽酥雞炸得鬆脆，大大舊雞件，入面雞肉都仲嫩滑！跟餐飲品黑糖薑汁奶茶味道唔錯，冬天飲啲薑汁落肚，成個人都暖啲午餐食咗咁多野，價錢都幾平，幾抵食！

呢晚同朋友去旺角晚餐，係女人街果邊行行下，有人派緊傳單係食台灣野，朋友都話無咩所謂，咁所以我地就上左去試下。餐廳環境都算唔錯，幾舒服，餐廳入面一路播住台灣歌，真係幾有台式餐廳既感覺。餐廳餐牌方面都有幾多食物選擇，有一啲基本晚餐，餐牌都有好多小食或者野飲可以叫，基本上你想食既台灣野食或者野飲呢到都會見到。台式涼麵呢份台式涼麵其實都幾好食，三款醬我地揀左台式麻醬，配埋肉同菜，夾出黎既味道幾特別，涼麵底仲有冰底，令到個涼麵可以keep到個溫度。朋友幾鍾意呢個涼麵撈完既味道，佢話令佢諗起佢之前係台灣便利店食到既撈涼麵。古早味干撈面古早味既呢份干撈面，肉醬同肉都幾多，面條幾特別，有小小似係刀削面咁，撈出黎既味道都唔錯，呢個比涼面咸，不過我個人覺得呢個面既味道幾特別，肉質都好味，同朋友一人都食到幾舊，份量都還可以。飲品 - 芋香牛奶/奶蓋烏龍茶飲品方面我同朋友一人叫左一杯，我叫左杯芋香牛奶，牛奶應該係奶精沖出黎，芋頭味幾重，我飲緊果陣會諗起以前食既維記芋頭味雪糕，個人覺得都唔錯。朋友就叫左杯奶蓋烏龍茶，奶蓋同出面台式飲品店既味道差唔多，烏龍茶既味道就比出面既算甜小小，不過都可以接受既。酥炸鹽酥雞我

今晚同表妹帶埋佢個女去咗旺角古早味食台灣菜，貪旺角夠方便。餐牌都算幾多嘢食，而且價錢唔算太貴。我哋叫咗一個晚餐古味牛肉麵，D牛都幾琳；另外再叫多個乾煸四季豆配白飯，送飯一流；跟晚餐可以半價配湯，兩個湯都好足料，藥燉烏骨雞湯藥材味道較濃，蟲草花燉鴨湯就較淡; 鹽酥豆腐外脆內軟熱辣辣好好味。小朋友鍾意食甜野，甜品就叫咗個朱古力心太軟配雪糕，佢一個人都可以食晒；桂花酒釀小丸子就甜左少少，但都吾錯；榖麥棒棒泡芙就第一次食，小朋友好鍾意；百爵奶茶慕絲，唔係太甜，有濃濃的奶茶味，好滑。

雖然台灣離香港很近，但有時抽不到時候走轉台灣，就要望梅止渴下。今日旺角行街後，走到去古早味台灣菜！古早味有很多分店，今日選的是休閒台灣。從地面門口走到樓上，地方好寛敞，很有cafe氣氛。是日未夠6點到達，人未開始好多。餐牌上有晚餐套餐，亦有單點，小食、甜品、主食樣樣俱全。晚餐價錢十分相宜，一個小菜配一個白食，包你食得飽！飲品先來兩個花茶！用蠟燭台保持熱度，好睇又有用。玫瑰花茶補血養顏，玫瑰花好足料，餐廳免費幫我加了2次熱水，味道仍然好夠！另外洋甘菊則可令人放鬆心情，加上蜜糖微甜，飲完好舒服😌主食我點了牛肉麵，牛𦟌好厚身，但又好稔身，夠入味！麵亦夠咬口，不會一團粉！味道什有台灣特色！友人的四季豆配飯則好夠大碟，四季豆炸得乾身，尚算夠火喉台灣菜必點醉蝦，首先蝦超大隻！蝦肉保持到彈牙爽身，不會有濃烈酒味，帶出反而是一份香！木耳不過不失，調味尚算開胃！木耳爽口，開胃之選最後點個手工綜合芋圓，大大碗兩人share主角芋圓size適中，方便進食！口感都好煙靭！另外伴有仙草、紅綠豆，大大碗絕對夠2人分享！抵食