古早味休閒台灣 (已結業)

好少係香港食到好食嘅台灣野🤔。。。多數都係炸雞扒嗰啲好多炸粉，然後啲肉好少或者唔新鮮。魯肉嗰啲就成Pat肥膏。🤧嚟到依度，估唔到喺花園街尋到寶。新裝修，行上去嘅樓梯都色彩繽紛，好有台灣風。嘢食種類都算多。第一次嚟，保險啲，叫咗一個大雞扒滷肉飯塊🥳🥳雞扒係鹽酥，香得來又脆，入面啲雞肉亦都好滑，食落有驚喜的哦！！份量亦都好充足，一碗飯雞扒好大塊，滷肉亦都鋪滿晒啲飯，好抵食！兩個人黎食share都夠。不過我就略嫌佢太多汁，啲飯都大部份係啡色🙈，所以下次來再食一定會叫少汁！預咗杯奶蓋咖啡，層奶蓋個又整得幾出色喎👏🏻👏🏻加左兩個小食。一個係宜蘭沖咸餅,好似之前都冇食過,食落其實個未有啲似食煎韭菜餃,還可以的。另一個係花枝蝦餅,又幾唔錯喎，幾野味👍🏼其實菅野仲有好多甜品，不過今次無試到，下次你再試吓先！推薦！！是會回頭的一間台灣店👏🏻

定時定候食返一餐台灣野先安樂！🥰冇計啦 雖然台灣咁近，但係都冇得放假去個旅行🥴宜家先知原來旺角有間咁平有咁好味嘅台灣菜，上面係餐廳，下面有外賣部賣小食同台式飲品。食台灣野梗係要食碗牛肉麵，佢嘅湯係我係香港食過最香濃嘅一碗🤩 牛肉好淋又入味，麵條軟硬適中 算彈牙，整體好滿意，只係$60😳😳😳最鍾意食香口野，叫咗鹽酥豆腐。炸得好香脆，但裏面豆腐超級滑，外皮好夠味 好好食呀！🥳🥳🥳當然唔少得帶番杯奶茶，呢度有我最鍾意飲嘅仙草奶茶。$18一杯真係估唔到會咁好飲，喺餐廳飲完一杯另外叫多一半拎走，超好飲👍🏻👍🏻👍🏻一定要經常黎食！大大推介 好抵食又坐得舒服！💕💕

通菜街除了是一條排檔街，也是一條食街 。購物遊客都會在這裏找食肆，所以入到店内，有一半是遊客。入到台式食肆，我一般會點鹽酥雞或肉燥飯，今次一次過吃齊兩樣：大雞扒鹵肉飯❕套餐賣相很多好，有前菜及餐湯； 餐湯ok，前菜一般；鹽酥雞扒及肉燥飯有水準， 吃得到鹽酥雞的酥及肉燥的甘香，古早的做法更是一流❗ 配餐的珍珠奶茶水準一般。整個套餐合格，但價錢偏貴，要扣分❗最後提一點意見， 就是珍珠奶茶不要配一支普通奶茶棒，飯碗的飯口大一點較合適， 打帶一點古風更好❕

台灣野is my favourite🥰朋友食過，知道近我屋企，即刻勁推我去食食！一於帶埋媽媽去食食佢就係女人街樓上咋好易揾。雖然樓下雜雜地，但宜間古早裝修得好有誠意，條樓梯畫唒畫咁，一上到去感覺都很不錯👍🏼同媽媽share一碗古早味牛肉麵係最愛的台灣粗粗麵條啊牛肉仲要大大塊又林喎，不太肥個湯濃得泥又不太咸，嗯！！$60兩份食，夠飽了，因為仲要留肚食甜品啊一路食一路聞到陣陣既甜味(大概是牛油味)窩夫喲原來有沒有不叫的理由！叫左個士多啤梨窩夫，有得揀雲厘拿/草莓/朱古力雪糕🍦一上枱我都未影得切，媽媽就切左來吃啦🙈🙈Hahaha 真係大讚啊宜個！！唔好諗住佢脆到介口which is no good🥵這個是香脆內軟，入面不是空氣喔下次想試埋芋圓kekee 還有加了一杯咖啡+珍珠。不錯的

今日同朋友行完旺中，過馬路見到有個姐姐係街拎住Menu，我同朋友就去睇下，去到上樓梯，樓梯的繪畫好似台灣景點咁。Menu好多選擇，小食前菜都有好多種，我同朋友都叫左麵。紅燒豬軟骨麵，古早味牛肉麵，台灣手抓餅，酥皮捧捧泡芙同穀麥捧捧泡芙。紅燒豬軟骨麵$60麵條有嚼勁彈牙，係刀削麵的進化，大大件豬軟骨，軟骨入味稔身，濃濃湯汁古早味牛肉麵$60牛肉大大嚿，牛香味濃，份量勁足，麵質煙韌彈牙。台灣手抓餅＄28大過塊面，有小小似蔥油餅咁外脆多層。酥皮捧捧泡芙 $15即焗泡芙條長條形，攞上手熱辣辣，泡芙條嘅外層脆皮非常酥脆，入邊凍吉士醬同外層嘅酥皮一冷一熱，口感獨特，吉士醬唔係食落好漏嗰種，當係飯後甜品食完美穀麥捧捧泡芙$15外面穀麥有咬口

前幾天與朋友來這店飯聚,第一次光顧這店第一印象挺好的,食物味道好,而且小食選擇多,價錢也不貴~可以叫多款台式食物來嚐嚐鮮,炸地圓,豆腐,飯卷都推薦!!內心想著下次可以再光顧,但吃到中段,友人發現有老鼠在上面的窄通道亂竄......我們一邊吃一邊提心吊膽,生怕老鼠會掉下來...那通道幾乎是貫穿全店,而且老鼠絕對會很易就能下來!!這點真的非常嚇人!!!!!食物質素是好,但請店家也關注一下衞生環境!!!

香港一個美食天堂,無論邊個國家嘅菜式香港都有。特別係台灣菜，喺呢幾年大行其道 ，行過旺區總會有一間。其中一間係古早味，亦係唔同地區開咗分店， 當然唔少得旺角區呢一間啦。 食得台灣菜梗係要配返杯台式嘅飲品襯托返。呢杯番石榴水果茶，喺台式嘅飲品店入面都比較少見， 味道好清新，茶味亦濃。 花枝蝦餅都好抵食，2塊都係38蚊。 口感彈牙新鮮，外脆內嫩，甜酸醬夠惹味。 好鍾意食台灣嘅香腸，兩款都好好味。尤其是係黑色墨魚腸，口感彈牙不特止，仲好香墨魚味，必食。 麻辣雞腎，夠曬香口惹味。麻辣都唔算太辣，口味大眾化，肉質夠曬爽口。 第一次見台式食店有紹興醉蝦。 每一隻蝦都非常大隻同新鮮，肉質爽口非常，啖啖都充滿咗紹興酒味，苦澀味中帶香甜。 主食叫咗一碗台式滷肉飯。呢度嘅滷肉唔算肥膩，味道不俗夠香，送飯一流，而且夠足料。 又係台灣特色嘅甜品， 綜合芋圓。最鍾意呢啲口感qq彈嘅芋圓，食落爽口，過曬口引。

午市時間都幾人黎食LUNCH架，因為我諗佢既 LUNCH SET 其實都幾抵食，都有好幾款選擇，而且價錢唔算貴，岩曬係附近既上班一族黎食架都 ~套餐都會包括一杯飲品，有 D 係跟餐就唔洗額外加錢可以飲到既，有 D 款式就要加少少錢先有，例如我揀既胚芽奶茶 + 珍珠，咁就要另外 +$3 啦 ~呢個就係我同朋友既 2個 LUNCH SET 再加 2款小食 ~ 成個賣相同份量都好似唔錯啊 呢度既飲品全部都係用外賣裝比客人既，都有佢既好處架，最起碼如果係堂食飲唔曬既話，都可以拎走繼續飲呀嘛 !主菜到啦，呢個係朋友所揀嘅，古早味牛三寶麵，分量好似幾多，賣相亦好似幾吸引，香濃嘅湯底放入多件牛件，有腩亦有筋，朋友話味道都確實唔錯呢個係我所揀嘅滷肉飯，賣相確實吸引，鍾意食滷肉飯嘅朋友，一定要叫，因為呢度都做得唔錯，係有台灣嘅味道！面頭既滷肉，有肥有瘦，口感一流，味道亦夠濃，所以非常好味，汁亦夠多除左兩個主套餐之外，午市時間叫咗套餐，仲可以用半價追加幾款小食，我哋就揀咗兩款，分別係酥炸鹽酥雞及雙色台灣香腸搬家來講，相當抵食，因為份量同平時正價嘅一樣，鹽酥雞非常出色，咬開入面仍然好 Juicy ! 台灣香

我個可愛嘅朋友去完旅行返嚟啦!😆咁當然要約一約佢啦😌。要攞返啲代購產品㗎嘛。😂由於好耐冇食過台灣嘢，所以我就食suggest左去平時係先達等車嗰陣，對面嘅一間台灣餐廳。對佢好有印象，因為好大個「古早味」嘅字貼左出嚟。🧐佢係一樓，地方都幾大，而且食客都幾多。 好好彩地唔使等位就有一張二人枱😍。我哋叫咗兩個主食同兩個小食，🤤本來都想試埋佢甜品同台式飲品，但由於近排肥咗好多再加上連續幾日飲咗好多奶蓋，😩所以我哋就冇叫了。⭐️鹽酥豆腐豆腐細細粒，一口豆腐嘅感覺，外脆內軟。👍🏼⭐️花枝蝦餅❤️比想像中嘅細但係真係好食！⭐️古早味牛肉麵❤️呢一個真係招牌菜，個湯有好香濃牛肉味，牛肉亦都好厚同林。⭐️大雞扒滷肉飯呢度嘅滷肉肥豬肉較多，同埋比較乾身。雞扒就炸得好食。

年尾窮到窿，想平平地食餐飯。係旺角亞皆老街呢條街，真係由細個食到大。見到寫住古早味台灣菜，就俾佢吸引入去。一到去行上樓梯，周圍都有充滿台灣特色嘅壁畫，感覺置身於台灣。炸地瓜圓 $22之前去過台灣夜市，令我念念不忘嘅就係地瓜圓，每次去夜市都必叫嘅嘢食。呢度嘅地瓜圓就冇台灣個款咁炸得咁鬆脆，反而個外皮有少少滑滑地，入面都係有地瓜糯米，感覺都特別，又冇咁熱氣。炸鹽酥雞 $38炸到外脆內軟，每一粒入邊有好多雞肉，雞肉又唔會太乾。滷肉飯 $50大大碗滷肉飯，呢度嘅豬肉係大粒嘅，豬油同豬肉嘅比例適切，撈埋食落每一啖都有滷肉嘅味道。花枝蝦餅 $38食落好有咬口，可以見到有啲墨魚同蝦係入邊，好真材實料。干扁四季豆 $58最鍾意去餐廳食四季豆，炒完中保持菜嘅鮮度，仲有啲肉碎最啱就係送飯。

岩岩去完旅行就相約左好朋友係呢間餐廳到交收手信。朋友話好耐冇食台灣野就揀左間非常就腳既餐廳。基本上一出地鐵行幾步就到。餐廳係一樓，唔算好大，不過坐落都幾舒服。見到餐牌有好多款小食，飯、面同埋好多甜品。由於第日要返早，所以只能夠沖沖叫啲主食小食，冇時間嘆埋個甜品。叫完大概5分鐘就起菜既係呢個台灣牛肉麵。湯底濃郁，有3大塊牛肉。牛肉入味而且林身。面既份量適中，面質都幾彈牙，整體十分唔錯，唯一缺點係唔夠熱！另一主菜叫左炸雞扒滷肉飯，好大一碗。雞扒味道都可以，不過唔係新鮮炸起，放得耐左就一般般。 滷肉既汁調得ok，送飯食唔錯。小食方面，見好多人推介就叫左呢個炸花枝蝦餅。新鮮炸起，香味十足，而且好彈牙，係細份左小小。好食呀！另外一個小食椒鹽豆腐，又係好新鮮炸起，好香椒鹽味，豆腐都好滑，仲要估唔到佢份量咁多，有成10舊！推薦！總結而言，呢間餐廳上菜夠快，選擇多，小食都幾新鮮，十分唔錯呢！下次要試埋啲甜品！

同友人約左好耐要一齊去食晚餐.最後決定一齊去試下古早味其實上一年嘗試過銅鑼灣個間...但..本人認為一般..所以一開始朋友話去呢間時我有少少抗拒不過朋友話原來每間古早都會有不同之處於是就決定去試下當日去到..我地差D入錯大廈XDDDD 仲不斷話橦大廈唔似有台灣野原來餐廳正正係大廈旁邊當日我地都點左唔少野-花枝蝦餅, 鹽酥雞, 古早油飯團, 炸花枝丸, 紅燒豬軟骨麵, 炸甜不辣, 蚵仔煎, 胚芽奶茶同炭燒烏龍奶茶加仙草我地認為花枝蝦餅，鹽酥雞都唔錯。我就鍾意古早油飯團同炸甜不辣紅燒豬軟骨麵係用左粗麵，麵條好掛湯。我估牛應該會好食啲..搵機會再去試下我杯碳燒烏龍茶加仙草好香茶味加埋我愛嘅仙草。正啊我地個日傾傾下都坐左差不多兩個幾鐘呢間餐廳會係食飯傾計嘅好選擇

上次食完天水圍嘅九份十分之後，一直心思思想再食台灣嘢。呢日喺旺角搵嘢食，碌碌下openrice見到呢間喺女人街頭嘅台灣嘢——古早味休閒台灣，價錢又唔貴，就即刻衝咗去喇。行樓梯上去嘅時候已經見到牆身具台灣特色嘅油畫嗌咗個午餐加啲小食。午餐都有好多選擇，有唔同嘅飯麵，仲可以以半價加配小食我就嗌咗個滷肉飯加雙色台灣香腸。滷肉飯（$55）午餐會配三款小食同飲品。滷肉飯有喺台灣食嘅感覺，滷肉半肥瘦，不過好大碗，好飽。仲有碗高麗菜湯～小食有海蜇、蘿蔔、南瓜餅，好食。如果你個餐有南瓜餅記得要趁熱食，我食完個飯先食，淋曬😭雙色台灣香腸（跟餐加配$19；原價$38）最鍾意食台灣腸～ 呢兩隻味分別係原味同墨魚味，其實食落都係差唔多味道，甜甜地咁，好好食餐嘅飲品包普通奶茶咖啡，可以補差價配其他野飲。我就加咗$5轉奶蓋烏龍茶～奶蓋烏龍茶（跟餐加$5）味道就唔錯嘅，不過我覺得唔用個膠蓋封住會好啲。唔封先可以飲埋啲奶蓋，而家咁樣插住飲筒，淨係飲到啲茶🤔另外口痕仲加咗個廚師推介嘅炸紅槽肉。炸紅槽肉（$45）呢個從來都未食過，個樣有啲似叉燒。其實係五花肉用酒醃過再攞去炸嘅～味道唔錯，外皮脆脆地，口感幾好～食咗咁多嘢都

今次行開旺角亞皆老街, 係街頭就見到呢間搶眼既台灣餐廳, 就試下佢啦~~佢D款式都好多, 有小食、飯、面、甜品都有~~首先叫個蚵仔酥做餐前小食先啦! 佢炸得好香脆, 脆卜卜又唔會好重油~ 不過D蚵仔真係細隻左D, 好迷你阿呢個幾特別wor, 叫九層塔手抓餅! 咬落去脆脆地, 而且有好香既九層塔味! 呢個組合比較小有, 值得一試台灣刈包, 中間有舊5花腩同埋酸菜, 係台灣地道小食麻辣雞腎~ 呢個同蚵仔酥比較份量大好多, 雞腎好入味, 唔會太韌而且夠哂麻辣古早油飯卷, 佢個飯係類似糯米飯, 煙煙韌韌, 中間有舊爽口既羅白令到佢口感更加豐富。好食~~最後埋單兩個人200蚊都唔洗, 就有咁多野食....真係好抵食阿~ D野地道得黎又幾特別

今晚約了舊同事聚聚，選了這間餐廳，早前吃過，性價比頗高，所以再來呢！環境也是非常舒適。台式小雲吞，細細粒，配上醋汁，頗為開胃呢！鹽酥豆腐，大大粒，外脆內軟，吃得友人Lam Lam 脷！豬軟骨麵必點，麵條有嚼勁，軟骨入味稔身！老水拼盤可選三款，最愛豬耳，入味，卜卜脆，雞翼及豬肚也頗為不錯，下次可以試試大腸呢！桂圓紅棗茶也是甚好飲，珍珠奶茶友人表示甜度合宜，珍珠有嚼勁！芋圓紅豆糖水，冬天吃個暖暖糖水，太好，材料十分足，芋圓大大粒！