古今二 (觀塘工業中心)

营业中

休息中

黎食午餐，位置都幾隱蔽，入到去環境紛紛暗暗，裝飾簡樸又帶點日式復古風，算係不錯。望一望午餐menu有幾款都有d興趣，本身都考慮緊份量問題，但見到隔離枱碟飯好大碟，應該叫邊款都係差唔多大份最後叫左咖哩豬扒蛋包飯，份量正常，蛋都幾滑溜，但豬扒就炸得太乾(even係夠脆)，重點係咖哩汁並非我原本以為咁水同埋咁淡味本來諗住日式咖哩都唔會辣得去邊，但呢隻咖哩食得出微小辣味，係幾好食！或者配炸豬扒以外其他餸會更好。

約左好朋友食飯，同事早幾日介紹我食古今二，話有好多好特別嘅卷物食。同事仲提我一定要book位，我當時仲諗喺工廈仲要係平日應該都唔會好多人食，不過佢咁講我就照book咗先啦。點知一黎到竟然係全場爆滿，好彩同事有提醒我👍🏻日本溫室南瓜沙律($55):南瓜好甜好香，同沙律醬竟然出奇地夾😋蕉魔(蕉,牛油果, 炸牛肉, 芝士)($98):外面軟，炸牛肉有嚼口，口感好好👍🏻富士山(牛油果, 鰻魚, 蟹柳, 脆片)($88):山頂係勁多蟹籽同蟹柳，賣相一流，味道亦都一流😍日式天婦羅($85):炸漿好薄好脆，熱辣辣脆卜卜❤自家製香菇雞肉丸串燒($30):肉質好鬆化，燒得啱啱好，好juicy👍🏻其實我地對好多款卷物都好有興趣，可惜胃口有限，唯有留番下次食😎

朋友正日生日，加上還有十多天便移民到加拿大，下次見面不知要等多久。所以想在暫別前食一餐日本菜，要接近日出康城，便決定係觀塘搵食，見到古今二有點特式，評語也不錯，決定一試。位於工業大廈內，臨近地鐵站，地點方便容易搵。餐廳門口擺滿餐牌，等位同時可以睇定想食乜。火灸左口魚裙邊刺身：好喜歡左口魚那份油膩感及油香味，一上檯已經忍不住立刻食，所以張相係突然醒起至影😂飛魚子壽司，劍魚壽司，蟹柳壽司飛魚子壽司高度比一般的高了1cm左右，大大件，紫菜新鮮爽口。劍魚腩乾了一點，唔夠juicy同肥美。蟹柳則叫給小朋友，無乜特別。東京爆脆這裡比較多特色卷物，此乃其中一款，飯內包著吞拿魚及蟹柳，咬下去有脆口的感覺；面層輕輕火灸一下，幾顯香口，幾好味。鰻魚壽司薄餅同樣是脆的，薄餅底由壽司飯炸成，鰻魚沒有腥味也沒有骨，不錯。龍蝦卷卷物外包了一層牛油果，內裡的龍蝦輕炸過，肉質彈牙。因為知道是慶祝朋友的生日飯，師傅特意用鰻魚汁唧出'Happy Birthday'，很細心😊雞翼串燒燒得幾香，雞皮還是脆的，帶點鹽好好味。野菜鍋至愛這野菜鍋，簡直是物有所值，全鍋底鋪滿椰菜，一點空位都沒有，菜，菇類及番茄都新鮮，湯頭清甜，真的

三文魚牛油果卷 $45牛油果味唔太突出，三文魚味濃👍🏻山葵似係有顆粒即磨個種，唔係唧牙膏👍🏻火山 $88下面卷物部份係蟹柳同牛油果；上面係滿滿的沙律撈帶子粒同蟹柳絲；表面有芝士同飛魚籽Menu寫有青瓜，但我就搵唔到又食唔出，唔知青瓜去左邊🤷🏻‍♀️帶子肉非常細粒，差啲見佢唔到火山的味道主要來自蟹柳同沙律，整體係好食，但有啲食材加左好似無加，少少浪費😕鹽燒活鰻 $78鰻魚肉質爽脆，有少量骨，鹹味剛好份量比預期少，唔值$78照燒三文魚定食 $135刺身新鮮好味👍🏻沙律係一般的麻醬沙律，欣賞佢加左玉子😋炸魷魚同三文魚凍左，味噌湯係暖的三文魚同白飯較乾，白飯對我黎講偏硬和菓子係好黏的蜜瓜荳奶味麻糬友人話成個定食都唔夠熱今次係第二次食古今二，定食質素比上次的下降左希望古今二能夠保持返之前的水準🤭

響香港既饅魚飯黎講，呢間舖頭都算大件夾抵食。饅魚鋪滿成個盒！而且好厚身！燒得岩岩好，唔會太乾，每次食都要一分為2，如果唔係一啖都食唔哂😍😍😍醬汁夠濃夠傑身，完全做到掛響塊饅魚上面，而且一d都唔姑寒，飯都有唔少汁，食哂饅魚撈勻送飯都一流！！仲有我鐘意既醃蘿蔔伴碟！perfect哂🤤另外order左杯熱情果益力多特飲，熱情果既清新香味加上益力多既酸甜味，簡直係完美配搭！😍由其是食饅魚飯呢類濃味野更加可以清一清口腔。唯一就係好容易會吸左熱情果籽上黎有d麻煩🤣

餐廳位於觀塘工廈，要行少少樓梯，個入口都要細心啲先搵到，雖然大廈感覺殘舊，但間餐廳外面裝修新淨，都幾有特色，走工業風⛓餐廳主打特色卷物，所以決定試佢個午市B餐🍱值得一讚係個「午夜牛郎卷」，外圍炸到脆，加埋個芝士醬汁，好香好好味。而稻庭冷烏冬就較薄身，有薑蓉同蔥花可以配醬汁，味道正正常常，唔係有太大驚喜。午餐set都有麵豉湯送，再加埋8舊卷物同冷烏冬都真係飽肚，盛惠88蚊。朋友見好多人嗌日式咖哩蛋包飯（盛惠65蚊），而且賣相唔錯，所以嗌嚟試吓，不過入面啲飯唔係炒底，上面嘅蛋亦都只係得薄薄一層，呢個餐就睇好過食喇。

卷物選擇繁多，大部分都係充滿特色。食左邊幾款已經忘記左😜但全部都好味嘅⋯梅酒好飲 // 酒精濃度應該好低 要讚個南瓜沙律 🥗 好驚喜啊，冇諗過南瓜可以咁整。其中一款串燒係，黑豚肉包住粒荔枝，雖然我覺得個黑豚肉有點薄⋯⋯但係個粒荔枝係中間，呢個效果，相當醒神！！！！！有一點係去到食先知，因為經OPENRICE訂位所以可能冇為意，用餐時間只有個半鐘。呢個我覺得少左啲⋯職員都真係好均真地1小時多15分鐘拎張單黎埋單。係屬於想用日本野黎填飽個肚嘅餐廳，想食耐少少飲啖酒吹下水就不了不了。

觀塘工廈都食到有水準日本菜聽聞觀塘工廈開左好多有水準餐廳，咁岩今日放工又約左朋友在觀塘食日本菜，於是就試下位於觀塘工業中心嘅古今 2 喇！餐廳主打創意卷物，且每一款都有別出心裁的名字，我同朋友揀左好耐先有心水日本溫室南瓜沙律 來自日本的南瓜本來就好甜，打成南瓜蓉後配埋沙律醬及車厘茄，甜甜酸酸，豁然開胃！彩虹卷賣相同餐牌上所顯示嘅一模一樣，被紅橙綠包圍著，同彩虹一字100% match! 味道方面：同一件卷物居然可以食哂三文魚同吞拿魚，滿滿的幸福哦！牛油果出奇地夾到海鮮味道，整體味道好香濃！富士山賣相震撼，飯卷舖上一大堆蟹柳沙律，飯卷又夾雜著牛油果，鰻魚，蟹柳，一啖沙律一啖飯卷，口感好豐富，令人回味無窮！東京脆爆望落似係紫菜飯卷包著炸帶子，但原來仲有吞拿魚同蟹柳，配埋沙律醬，又唔太油膩，值得一試！黑豚荔枝卷串燒燒荔枝好香，水份可補充較乾身嘅豚肉，令串燒味道昇華！鹽燒牛舌燒的時間剛剛好，肉質爽得黎又唔會韌，小量黑椒令牛舌太惹味！

第一次聽聞古今二呢間創意卷物店已經係一年多前，一直未有機會試，而本人亦期待咗好耐。上網睇咗原來佢有三間分店，但最後都揀返觀塘呢間，就返朋友收工地點。今晚兩個人過咗嚟食。位於觀塘工廠大廈入面，裝修都唔錯。首先，講下野食。創意卷物大多$88一份，份量唔大。當晚叫咗兩份創意卷物，一份燒茄子，荔枝串燒同埋三碟壽司。創意卷物係幾有新鮮感，但性價比低，講好有帶子，但就淨係得帶子碎，而且黑椒味重。燒茄子同樣黑椒味重到不行。令人覺得食物只有單一的單椒味。荔枝串燒並不出息。只有壽司算係滿意，對得起個價錢。環境方面，當晚我同朋友被安排坐一張六人座位，隔離再隔離位坐咗兩位女食客。慘在全晚都聽到哂隔離兩位客人嘅對話。呢間餐廳並唔會係傾訴嘅好地方。服務方面，坐低冇耐，就有個著圍裙個女服務員同我地講今晚會有啲新鮮海產。當晚都聽到佢有同其他枱嘅食客介紹。該位女服務員偏向豪邁，上菜態度比人感覺係去咗街市麵檔食緊魚蛋河。整體而言，呢間餐廳係貴，食物/環境/服務都冇一樣令我好滿意。同樣價錢，可以有更好嘅選擇。

又來到開心星期四同朋友可以一番𣈱聚啦❤️❤️❤️今日嚟到朋友介紹嘅古今2😳😳😳聽聞係觀塘最好食嘅日本菜😍😍😍因為佢有唔同嘅卷。啲卷唔係普通出邊食到嘅，而係有唔同心思同埋配菜，食材，花款嘅卷👍🏻👍🏻👍🏻今日試咗火山卷，佢有好多蟹柳喺上邊，仲有火龍卷，有啲沙律醬同埋燒過嘅嘢喺上邊風味真係十分唔同。串燒亦都10分好好味，例如有牛舌，冬菇，荔枝豬肉卷，全部都好好食哦。當然配埋酒就一流啦！❤️❤️❤️

超鍾意食日本壽司🍣嘅我 梗係唔會錯過呢間咁有特色嘅卷物啦😍觀塘工廈有性價比高嘅高質日本餐廳🍴古今二喜歡食壽司嘅朋友一定要試吓😋.#超級龍卷風 $88入面有鰻魚、海老、芝士、青瓜、脆片份量好多 呢個價錢係超值‼️反卷捲住海老 🍤 依然可以做到脆脆既效果😍 炸皮唔會淋咗👍🏻芝士係口入面慢慢融化 同鰻魚融合咗🤤最正係夾埋脆片食😳有小小外脆內軟既感覺 口感好豐富👍🏻.#彩虹卷$98刺身、牛油果🥑、青瓜、蟹柳上面分別有三文魚、呑拿魚、油甘魚食一件卷物就可以試足2款刺身🤤牛油果🥑係口慢慢融化🤭 味道好香濃.#辣妹$95辣味吞拿魚、炸蝦🍤、芝士正啊😳辣味呑拿魚好鮮甜👍🏻食唔出辣 但甜甜地好好味入面捲住既炸蝦🍤好脆口 同融咗既芝士有好多對比 口感好豐富🥳超推介‼️👍🏻.另外嗌咗2款串燒👇🏻#鹽燒牛舌$40牛舌較厚身 上面灑上好多黑胡椒 胡椒既味道好突出口感都幾爽口😋不過要盡快食.#鹽燒活鰻$78肥嘟嘟既活鰻夠哂厚身🤩外皮燒到勁脆😳好似炸魚皮嘅口感一啖食落口 肉身軟外皮脆.仲有好多款特色卷物同創意日本料理😼下次要試埋其他😻.#古今二觀塘觀塘道436-446號官塘工業中心4期1樓B室

呢度啲卷物外貌好震撼，我地分別叫左三款，最鐘意就係富士山！上面舖左一大堆蟹柳沙律，好睇又好食，沙律醬唔會過多，而卷物入面係牛油果，鰻魚，蟹柳，配埋上面對蟹柳沙律，超多料！仲嗌左東京爆脆，食落好似帶子，原來係有啲脆脆包住熟既吞拿魚同蟹柳，口感幾特別。彩虹卷都好食，分別由三文魚，吞拿魚包住牛油果同蟹柳。溫室南瓜沙律日本南瓜，甜甜地，煮到好粉，撈埋蛋黃醬好夾。黑豚荔枝卷串燒，呢個配搭好新鮮，可以一試！日式豬頸肉串燒，每件都細細粒，幾好咬口。

✨觀塘🍣高質創意卷物✨觀塘最多就係工廈西餐cafe😂今次食下日本菜呢間已經食過幾次 值得encore!卷物都幾有特色 次次試下唔同款🥰.🍣煙花 $95( 辣味三文魚 呑拿魚 脆片)呑拿魚蓉份量多 微辣三文魚好惹味面層加左脆片 口感好豐富！仲有蟹子🤤🤤呢款真係幾款中我覺得最好食.🍙東京爆脆 $88 ( 蟹柳 呑拿魚 )餡料好足！幾特別 係脆既壽司面層用火槍炙燒 有微微飯焦幾脆口仲有燒汁同醬係面😍.🥑青龍卷 $98 ( 牛油果 蟹柳 鰻魚)用牛油果做壽司真係好少見😂鰻魚足料 加牛油果感覺幾light.🎃日本溫室南瓜沙律（$55）南瓜控一定要叫！南瓜香甜 口感軟淋加蛋黃醬同蟹子好豐富🥰.🍢鹽燒牛舌（$40）🍢鹽燒活鰻（$78）鰻魚不錯 燒得幾香 食到本身鮮味但牛舌有d乾 加左黑椒更乾😂😂如果有汁就好d喇.

有去開觀塘工廈搵食嘅朋友應該都有聽過古今二呢間食日本嘢嘅港式餐廳。試過之後覺得都真係幾得意，會再去幫襯。佢個格局其實幾舒服，除咗有個大廳，仲有另外一邊有幾張卡位，如果想坐，記得book位。今次試咗煙花、龍捲風沙律、燒豬頸肉，樣樣都好好食，尤其是個沙律，係驚喜。沙律入面係有中華沙律，所以有啲辣，味道好入味，仲有啲黃色既脆脆，好似係一啲粟米片嘅嘢，令到食落去口感好好，一大碗，其實兩個人食都幾飽。另外個豬頸肉都好正，香甜淋，如果唔係飽咗，真係想嗌多幾轉。呢間餐廳坐得好舒服，如果想同朋友傾吓計，食啲好嘢，呢間係一個好好既選擇，不過基本上午市晚市都爆棚，所以記得一定要book位。

今日接男朋友放學之後去咗觀塘食嘢，搵咗呢間係工廈入面嘅餐廳食日本嘢，點知好有驚喜！首先間餐廳嘅位置都幾方便，一落觀塘地鐵站行多兩步就到，好易搵得到！餐廳外面嘅裝修好似有啲工業風feel，之後男朋友仲話我知原來呢間餐廳仲有分店！我哋兩個人叫咗以下幾樣嘢食：日本溫室南瓜沙津（$55）：南瓜蓉入面有啲洋蔥絲，上面有啲杏仁片同蟹籽，口感幾特別啲壽司嘅名都幾特別，我哋叫咗兩款，份量都幾多，人多share食可以叫多幾款：火山（$88）：啲料係青瓜、牛油果、蟹柳、帶子煙花（$95）：啲料係辣味三文魚、辣味吞拿魚同脆片牛肉壽喜燒（$138）：我同男朋友不嬲都好鍾意食壽喜燒個汁，貪佢甜甜哋，真係用嚟煮咩嘢都咁好食，而且呢個鍋嘅份量都幾大，我哋食完都真係飽飽喇 😋