古今二 (觀塘工業中心)

营业中

休息中

喺觀塘尋找一下工業大廈中嘅餐廳先🍽 嚟到古今二，地鐵站一出就係，夠晒方便叫咗個柚子蝦沙律，有柚子生蝦牛油果蘋果，非常足料，酸酸甜甜又有芝麻醬，好開胃😋芝士年糕係我嘅all time favorite 😍 啱啱炸出嚟梗係要即刻食，外脆內流心，永遠都係冇得輸再嚟多碟餃子，吾錯👍最後又點可以唔食佢嘅卷物呢😛 我哋叫咗個超級龍捲風，裏面包着新鮮出爐熱辣辣好脆既炸蝦，珍珠米好好食，出邊有唔知係蒜片定吾知咩脆片，加多左口感😋

呢排食得太多西餐，難得聽日放假，我們決定去食日本餐，但是平時日本菜食嚟食去都是刺身，今次我們嘗試下一些主攻靚的卷物的日本餐廳。這裏除咗有刺身之外，還有一些改名改得非常特別的卷物，仲有一些燒物。我們叫的卷物是蜘蛛，雖然一聽個名好似好驚咁，但是其實是用炸軟殼蟹做的， 10分足料，咬落去既有日本米的黏性，又有軟殼蟹的脆卜卜，雙重口感，而且醬汁調得剛剛好，不會太鹹，不用點Wasabi豉油就咁食都覺得好入味。我們兩個人，所以叫了兩款不同的卷物，這個有芝士和三文魚的是費城卷，芝士條不會很硬，而是入口即溶，配合三文魚，淡淡滿足，而且還有牛油果，所以每一啖都很豐足雜錦天婦羅揸得趣博博，很欣賞這裏的脆粉是金黃色的，也很喜歡這裏的蔬菜選材，細細粒的紫薯甜度10分高，秋葵亦10分健康。我們還叫了一個龍捲風沙律，這個簡直是我們的主菜，份量真的足夠兩個成年人，上面除了有蟹柳，蟹子，原來還有中華沙律，成碟沙律不會很寡，反而有少少辣辣地的感覺，入口很惹味。

昨天放假，加上出左消費券，當然要約朋友慶祝下。聽人講觀塘好多工廈開左好多隱世餐廳美食，於是搵左間起觀塘工業中心4期1樓嘅特色日本菜試下。雖然位於舊式工廈，但入到去感覺都乾淨企理，裝修都幾別緻，尤其喜愛佢幅壁畫，都算坐得舒服。佢個龍捲風沙律，好豐富，份量超多，用上蟹柳絲,蟹籽,生菜，最特別係有些薯片碎起面，仲有山葵，食落脆脆地又辣辣地，幾得意。再將蟹柳絲，蟹籽，仲有生菜撈埋啲沙律醬一齊食，好清新，啲生菜勁多，感覺好健康。炸芝士年糕粒，好大粒，平時食通常都係比較細舊。外脆內煙煙韌韌，加上熱騰騰，好正😋佢個煎豆腐，都係大大件，甜甜地，最重要係夠滑，因為我都幾喜愛食豆腐的，所以我很喜歡這個厚切豆腐。朋友就話最好食係這個三文魚壽司薄餅，佢係將飯團炸脆左作薄餅底，上面鋪滿大量三文魚肉碎，沙律醬，脆脆卜卜，好特別，夠晒創意。價錢都合宜，真心低食。

2022-09-17女朋友推介👩🏻‍🌾女友同朋友去慶祝生日🎂租到個partyroom大家開心吓🥳慶祝點少蛋糕同美食🍣之前堂食實在太好食了🤤對古今二念念不忘🥰再次幫襯古今二叫到會🤗壽星女發板，六人派對套餐，798蚊套餐🤗獨創沙律:龍捲風沙律，外形就無堂食咁震撼，不過就好大份，有超多蟹子，蟹柳絲，蔬菜，中華沙律整成一個龍捲風咁，有一種清新嘅感覺 ，蟹柳絲加埋蔬菜口感豐富，仲有唔少得蟹子嘅脆口😋精選前菜: 自家玉子燒，賣相就好似堂食咁靚仔，玉子面頭蒲咗蟹子，入口充滿蛋香，微甜既玉子燒配上類似大阪燒醬料🥚出位小食: 七味脆香雞軟骨，見唔到有七味粉係雞粒上，但食落口就有微辣，仲好香脆，無炸到好油膩嘅感覺🍗飽肚主食: 鰻魚炒飯，炒飯炒到粒粒分明，配料有鳴門卷粒，鰻魚粒，味道唔算好重，味道偏淡，不過幾有鑊氣🍚夏日精選: 日式冷麵（胡麻醬）冷麵面上放滿配料，蟹柳絲，蛋絲，紅薑絲，白蘿蔔絲，豬肉絲，冷麵質感爽口，入口爽滑，拌上胡麻醬，將所有配料撈埋一齊食，非常好食🫶🏻特色卷物:三文魚牛油果卷，用三文魚，牛油果和芝士做材料，一份有八件，卷物都幾大嚿🤗辣味三文魚卷，同樣都係有八件，用咗辣味三文魚，加埋芥末整

古今二位於工廈裡面，外型已經裝修得好靚，再加上黃色燈泡，係門外望已經俾佢吸引到入去。龍卷風沙律 $76沙律份量超級多，滿滿嘅蟹柳絲，上面再舖上蟹籽，賣相十分吸引，沙律裡面除咗大量生菜還有中華沙律，連埋一齊食口感相當唔錯，加上沙律醬、醋、燒汁攪勻一齊食，味道好好。金龍卷 $98 + 鰻魚牛油果卷 $52金龍卷將白飯同芝麻、黑芝麻、醋混合埋一齊，再將炸得香脆嘅炸蝦連紫菜卷起，然後係飯上面舖上三文魚。鰻魚牛油果卷嘅鰻魚完全無骨，好嫩滑，而鰻魚汁唔會太過濃郁，連埋牛油果一齊食啱啱好。古今日式餃子 $56餃子外皮煎到微微香脆，咬開時有肉汁出黎，餃子皮唔會太厚，口感好好。

之前食開古今二都係食佢嘅外賣多，今次放工經過就一於試下佢嘅堂食，6點黎到都已經有唔少人喺度佢有好多選擇，無論卷物，沙律，燒物定丼飯都有，我地唔太餓就叫左少少黎試下龍卷風沙律呢個沙律份量超多。沙律菜同中華沙律好新鮮爽口，配埋魚籽同蟹柳食一流雜錦天婦羅天婦羅有大蝦，秋葵同紫薯，每樣都炸得啱啱好，蝦肉彈牙，紫薯香甜黑龍卷黑龍卷面頭有鰻魚，牛油果，中間夾住炸蟹柳，牛油果中和左鰻魚同蟹柳嘅濃味，令到食落去唔會膩

觀塘雖然工廈臨立🏭其實有好多唔同國家嘅美食等緊你去發掘🤩 今次就去左官塘工業中心嘅古今二試食日本菜🇯🇵進入餐廳前要先經過工廈一條露天嘅樓梯 我地去時已經入黑🏙 氣氛神秘得黎仲有少少驚🥶 不過去到餐廳門口成個感覺唔同晒😜 店鋪雖然唔係好大 不過用左柔和嘅燈光 感覺好溫暖☺️ 無論係上班一族中午黎充電食野 定係情侶收工撐枱腳 都推介大家黎試下呀🤪👉🏻 龍卷風沙律🥗💰HKD7️⃣6️⃣叫得龍卷風🌪 份量當然有份咁上下啦😋 不過沙律唔係剩係得菜多 仲落左好多蟹子 蟹柳同蛋絲☺️ 加埋啲黑醋同蛋黃醬 🍳口感味道夠晒豐富👅👉🏻 彩虹卷🌈💰HKD1️⃣1️⃣6️⃣彩虹卷鋪左三文魚 吞拿魚 同埋劍魚腩 一次滿足晒三個願望🤩 上碟時仲好似彩虹咁色彩繽紛🥳 睇見都開胃🤤👉🏻 炸軟殼蟹天婦羅🦀💰HKD8️⃣8️⃣都好耐冇食過天婦羅啦😆 主要係因為好怕炸得好熱氣同啲油溢味😣 不過呢個天婦羅完全冇呢個問題😍 而且炸粉好薄 食入口鬆脆之餘唔會蓋過軟殼蟹嘅味道 必食推介💫加一服務費❌

今日中午去到觀塘行街，知道觀塘嘅工廠大廈有好多美食，就決定去explore下。嚟到古今二，門口已經好有復古feel，餐廳入面裝修都唔錯店員就俾咗卡位我哋坐，都幾舒服。一揭開餐牌，就已經俾佢嘅卷物吸引咗。所有嘅卷物都有啲好特別嘅名稱，相當有趣，而且價錢亦都唔貴。我哋兩個人就首先嗌咗個沙律，龍捲風。沙律有生菜、蟹柳、魚子、中華沙律，再加上特製嘅沙律醬，相當惹味。個沙律醬係有少少辣嘅，喺一個清新嘅沙律入面，再令到成個味道豐富左。而且值得一讚嘅係，佢個份量超級大！！真心食完個沙律飽咗跟住我哋嗌咗兩個卷物，一個係蜘蛛，一個係三文魚牛油果卷。蜘蛛其實係炸軟殼蟹加牛油果。軟殼蟹炸得好鬆脆，醬汁都好特別，味道鹹鹹甜甜咁。而且個卷物好足料啊，成個軟殼蟹腳都喺度！極度推介三文魚牛油果卷亦都唔錯。好少可做卷物嘅三文魚都會咁新鮮，加埋熟咗軟淋淋嘅牛油果，非常好味最後我哋嗌咗個雜錦天婦羅。首先要讚嘅，又係佢嘅份量，竟然雜錦天婦羅會有三隻蝦 (平時出邊食係得一、兩隻lol)。第二就係，啲炸物都炸得好好，非常鬆脆，而且熱辣辣最後，食到咁飽竟然只係$300埋單，有返咁上下水準嘅日本菜，呢個價錢係非常抵呀

♡♡♡📍古今二 (官塘工業中心) (觀塘)觀塘觀塘道436-446號官塘工業中心4期1樓B室🍽火山上菜嗰陣先知原來呢個會係咁打卡嘅😂！會有職員過嚟點火！真係超靚😎🤣～整個賣相都超靚，而且入邊包含咗帶子、牛油果、蟹柳同埋青瓜，內容相當吸引🥰～🍽柚想蝦你沙律成個沙律都好fresh，覺得加埋蘋果令到成個口感更加豐富，增加一啲咬口感🤤，同埋會變得更加清爽😎～當中包含左牛油果、甜蝦、柚子汁等既材料，都好豐富😝～🍽彩虹卷出到嚟真係彩虹色😛，覺得都幾特別。而且顏色嘅配搭上都幾鮮艷😝，會有一種可愛嘅感覺，入口嘅味道都幾清新😆～🍽埼玉網燒牛舌牛舌色澤均勻😜，睇落已經好吸引！而且牛舌都幾厚身，另外仲會有個汁可以點，覺得點埋呢個汁更加惹味🤣！🍽炸芝士年糕外皮酥脆，裏面嘅芝士仲可以拉絲😆😆，都幾吸引～

已經嚟過N次嘅日本料理餐廳地鐵站D出口行過去五分鐘都唔使絕對要食佢嘅三文魚腩刺身😍😍😍同埋佢仲有好多特色壽司卷👍🏼午夜牛郞同火山都非常地意外好食🙈上菜嘅速度都不錯😌😌

最近清大假要係公司附近搵野食，同事話公司隔離街有間叫古今二嘅唔錯 於是我地就去試下觀塘地鐵站一出行5分鐘就到先黎一個柚想蝦你沙律🥗超大碗！蝦同柚子分量唔少， 沙律菜夠爽脆！仲有牛油果同蕃茄仔 口感夠豐富柚子汁加胡麻醬清新又開胃琦玉網燒牛舌！好食喎有啲厚度仲好juicy !!夠哂咬口呢個叫火山嘅就西利了！完全係打卡able 上枱之後 店員ready 火槍秒速燒熱塊板 燒左一分鐘之後就慢慢熄咗 火山其實係上面鋪滿蟹柳同蟹籽嘅大舊壽司加埋小小辣嘅沙律醬，好惹味！大壽司其實係將好多舊飯痴埋一齊，內料主要係青瓜同蟹柳！另外都食左彩虹卷賣相好吸引佢係用緊三款唔同刺身同牛油果做個外層 用住含有青瓜同蟹柳嘅飯卷所以口感好多層次！最後叫埋個炸芝士年糕 新鮮炸起熱辣辣！食落煙煙unun

觀塘工廈咁多美食，今次就同朋友去咗一間主打卷物嘅日式餐廳～龍捲風沙律💰$76頭盤先來一客沙律，為炎炎夏日降一降溫，面層嘅蟹柳絲堆搭成一座小山丘，造成龍捲風嘅形狀，創意十足！與底下嘅中華沙律、生菜、蟹籽攪拌一齊食，口感豐富，開胃清新午夜牛郎💰$95饀料有忌廉芝士、三文魚、牛油果，外層炸至金黃色，脆卜卜，好似食緊飯焦，每一口都發出卡滋卡滋嘅酥脆聲，最後加上頂層嘅明太子醬作為點綴火山💰$128熊熊烈火何其壯觀🔥朋友們都即刻攞出手機不停打卡！面層放滿海量明太子蟹籽沙律，店家絕不吝嗇！卷物係牛油果蟹柳絲，牛油果軟腍，與卷物醬汁不謀而合！日式冷麵💰$92配料有叉燒、蕃茄、青瓜絲、鳴門卷、蛋絲，冷麵採用咗拉麵作為麵底，麵質煙煙煙韌韌，好啱我胃口，夏天食冷麵，夠晒清爽

朋友介紹咗呢間響觀塘嘅日本餐廳，趁住假期終於有機會拜訪。餐廳位於工業大廈一樓，真係好隱世。裝修佈局好日式，感覺好似置身日本小店。餐牌選擇好多，尤其係卷物，款式多到我都數唔曬。另外仲有唔少小食，燒肉，鍋物。火山（$128）- 呢個真係不得了，上餐之後點埋火，打卡一流。上面鋪滿帶子、蟹柳、青瓜同牛油果，好豐富好味。龍卷風沙律（$76）- 賣相同樣吸睛，分量極多。入面有海藻、蟹柳、蟹子、脆片等等，配埋好醒神開胃嘅醬汁。好有驚喜嘅一個沙律。雜錦天婦羅（$88）- 炸得極之香脆，睇色澤就知有幾高質，入口好鬆化。無論蝦、秋葵同甜薯都好好味。餐廳食物質素好高，價錢亦都抵食。唔怪之得見勁多人入座，同時外賣訂單亦都源源不絕。絕對可以再次幫襯，值得推介。

個屯門嘅朋友嚟觀塘話想試下工廈大廈美食，就搵呢咗呢間長期熱門嘅日本菜同佢試。睇個menu 發現個菜式名都改得好創意同搞笑，都好耐無遇過咁有諗法嘅鋪頭😉-柚想蝦你沙律🥗，分量好多，完全係4個人啲分量嚟，啲蝦都大隻。-蜘蛛，係包住軟殼蟹，牛油果，青瓜嘅卷物，包得好好，唔會一夾就散，而且口感豐富，推介。-忘不了你，係芒果炸牛肉卷物，好特別嘅一個組合，而且卷咗好多炸牛肉，一硬一軟，估唔到都幾夾。-清酒煮蜆，啲蜆大大粒又鮮甜，仲要無沙！！！而且個酒味又唔會太出太搶，就連平時唔飲酒嘅朋友仔都接受到，仲搶住嚟食，呢個要推介👍🏻👍🏻👍🏻-櫻花蝦茄子燒，估唔到原隻茄子🍆，好啱餸飯食因為鹹鹹地，比較重口味啲人應該會好鐘😆

每日最苦惱嘅就係陣間lunch食乜，喺OpenRice搵靈感嘅時候，見到古今二都幾多人推介，同埋好耐好耐以前都食過一次，印象中好似味道都唔錯，所以就建議同事一齊嚟食。我哋食飯嘅時間比較晏，大概兩點幾，嚟到先發現佢哋Last Order係3:30 ，食到四點佢哋會中場休息，不過對於我哋來講時間都充裕嘅！我同同事叫咗一個龍捲風沙律、金龍卷同埋雜錦天婦羅。龍捲風沙律份量好大好抵食，有好多菜、蟹柳同蟹籽，最特別嘅就係呢個沙律入邊仲有中華沙律，平時出邊啲沙律比較少會見到嘅食材，呢個沙律嘅所有食材都好夾，好好味👍🏻 另外金龍卷都好好味，金龍卷嘅食材有三文魚同炸蝦，兩樣食材都好新鮮，而且炸蝦都係即炸嘅，食嘅時候仲脆卜卜，再加上三文魚同壽司飯嘅口感都係比較軟，完全係外軟內脆👍🏻