古今二 (觀塘工業中心)

营业中

休息中

今日去開觀塘想食日本野就search 下，見到呢間古今二好似不錯一於試下佢！佢係官塘工業中心入面但好近地鐵站 唔難搵！都坐得舒服隔離枱一班同事飲酒傾計 好好feel今次揀古今二主要係想試佢d 卷物佢嘅款色比出面多好多 !!!幾有創意！我就叫咗 超級龍卷風 (個名好得意）佢入面包咗鰻魚，蝦，芝士（正）出面就淋咗d 醬 同加上脆片好特別！ 多重口感！我最鐘意係芝士，成件事好夾！88蚊有8大粒！ 算好抵食！唯一可惜之處係我今次獨食 嗌唔到多一款卷！唔係多d 朋友share 就可以試多d 創意卷物另外嗌咗雜錦天婦羅有三大條蝦，紫薯 同秋葵最欣賞佢嘅蝦！炸得啱啱好 熱辣辣 但又唔佢食落好油！ 最報嗌咗個秘製蒜香牛油燒帆立貝 好大粒！香牛油味！ 總結：食咗二百幾蚊（嗌得有d 多，因為樣樣份量都足）大滿足！ 好味😆

［觀塘］必試特色出色卷物今晚同朋友又食古今二😂，所以我決定share 下 ☁️ 龍卷風沙律$76⭐️每次必點的沙律🥗，因為分量超大，沙律菜又新鮮爽口，加埋蟹籽，中華沙律，蟹柳，仲有脆脆鋪面，材料超級豐富🥰。而且味道方面，除咗沙律醬的清新，還有少少辣吊味，提升成個沙律嘅層次感，會更加開胃，仲可以促進食慾😆。☁️ 金龍卷$98聽個名，知唔知係咩嚟呢🙊？開估啦😌其實係芝士炸蝦三文魚卷物。由香濃的芝士加上三文魚鋪面，再配上香脆彈牙的炸鮮蝦，不但口感豐富，而且每啖都好滋味🤤。蝦🦐新鮮炸起，熱辣辣😍，而且又唔會好油，勁吸引❤️。☁️搖滾樂 $82另一特色的卷物🤩，係芝士鰻魚牛油果炸蝦卷物。肥美的鰻魚配上牛油果，再加上特色醬料，味道已經非常匹配🥰。依家再加上彈牙的炸蝦，增加口感之餘，成件事即刻豐富咗🤭。☁️ 古今日式餃子 $56🥟餃子皮的厚薄適中，煎得金黃色，外脆內軟，又唔會好油，餡料份量都多，而且肉汁都豐富😚。優點：☁️食物質素好，有特色❤️☁️餐廳裝修有格調☁️地點方便☁️多分店整體味道：🌕🌕🌕🌗🌑環境：🌕🌕🌕🌗🌑地區：#arfan_foodie_觀塘類別：#arfan_foodie_小圈子聚會 #arfan_foo

平日最鍾意捐窿捐罅搵美食🤣今次朋友就介紹我嚟到位於觀塘工業中心既古今二食日式料理。平心而論，呢間餐廳都收得幾隱蔽，唔係朋友推介真係唔識黎。門口裝修正常，但一開門就恍如另一個空間，裝修典雅、空間闊落、環境乾淨，睇得出裝修上用咗心機。而佢喺食品設計上亦都用咗心思，餐牌上好多菜品都係獨家設計，款款都好吸引😋我同友人有太多心頭好，唯有留返下次再嗌啦。今次主力嗌餐廳招牌菜式，包括有:- 龍捲風沙律 ($76): 一打開Menu就吸引咗我嘅眼球，毫不猶豫就下單。味道方面的確有驚喜，除咗因為配菜繁多，例如有蔬菜、海藻同蟹柳外，更重要嘅係加入咗脆片，令到口感上有蔬菜同海藻嘅爽口清新外、亦都食薯片同款卜卜脆嘅口感，加上佢嘅醬汁用咗微辣味千島醬，出嚟嘅味道同口感意外地好食到停唔到口。健康又好食，大愛😍- 炸芝士年糕 ($26): 邪惡之選🤣 外脆內軟，而且一咬開芝士會係口中溶化，年糕嘅咬感都非常香糯軟熟。食完之後非常滿足，亦都好有飽肚感😝- 古今日式餃子($56): 外層煎到金黃香脆，而且餃子皮薄餡靚，咬落去肉汁滿溢。沾上醬油後食用更加可口。😚- 金龍卷 ($98): 特色卷物，亦係餐廳推薦之選。淨係睇配

係觀塘做嘢既我， 成日約埋d 同事一齊去搵好野食， d 間都算係我哋經常會光顧既top 10 歺廳之一.間歺廳係觀塘地鐵站附近， 行3-5 mins ,地點易搵方便.歺廳主打日本fusion 菜，十分有創意， 食咗好多次都唔悶， 耐唔耐就會黎食， d 到唔只有壽司食， 重有其他熱食.之前食咗幾次都係叫壽司，今次叫咗二個午市定食試下：蒲燒鰻魚旦包飯（$98）- 鰻魚份量多， 厚身， 啖啖肉，唔會太多汁滑旦焗豬扒井（$75）-個旦好滑， 豬扒入味， 冧身👍整體上熱食都唔錯😋

之前同事介紹食呢間餐廳🍴睇到啲menu同相見到啲款式都好特別🤩價錢親民 份量夠多 仲要好食👍🏻📍地點好方便 就係地鐵站附近🚇門口已經覺得好日式 好有特式嘅餐廳仲有部舊式老虎機🎰好特別好有日本feel嘅餐廳🇯🇵Menu有太多頁 影幾張比大家參考下😉龍捲風沙律評分：👍🏻👍🏻👍🏻👍🏻👍🏻一送到嚟嘩左聲 超大兜😂份量超大心諗兩個人點食得曬 啲料都勁多有中華沙律 蟹柳絲 雞蛋絲 蟹籽撈完連埋沙律菜一齊食 愈食愈開胃中華沙律好好味 好有咬口雜錦天婦羅評分：👍🏻👍🏻👍🏻👍🏻👍🏻超 級 好 食！！！炸蝦勁酥脆 蝦亦都好鮮甜爽口 唔似冰鮮蝦仲有兩粒炸一口紫薯 好甜🥰秋葵比我想像中好食 好脆 冇左滑潺潺嘅感覺蜘蛛卷（軟殼蟹）評分：👍🏻👍🏻👍🏻👍🏻呢個比較普通 唔夠特別 唔算好好味但炸軟殼蟹都係好酥脆炸雞芝士卷評分：👍🏻👍🏻👍🏻👍🏻👍🏻好特別嘅炸雞芝士卷 芝士味好出上面仲有啲脆片增加卷物嘅特色士多啤梨益力多評分：👍🏻👍🏻👍🏻👍🏻👍🏻好好飲嘅士多啤梨益力多仲有檸檬同士多啤梨粒食 好有驚喜工廈餐廳嚟講好易搵而且地方夠大同屋企人 朋友嚟食都唔會覺得逼

今日同同事係觀塘工業區附近做野，觀塘既工業大廈出左名多好野食。咁岩大家都肚餓就決定入去尋寶。見到一間日式餐廳，睇餐牌見d野食特別係卷物好有特色就入左去食入去夠闊落，環境又好乾淨，已經知道轉頭食野會好舒服。餐牌除左卷物都有好多野食，但入面林林總總既卷物已經有好多配搭，總有一款會岩你食。首先上左道開胃既沙律，沙律既配搭好好，菜又新鮮，醬料亦配合得好好，作為一道開胃前菜會食慾大增。之後黎左一道燒豬頸肉，燒得均勻，肉質又夠彈同埋多肉汁，估唔到一碟隨便叫既燒物都有咁高既水準。作為日本食物迷既我，食日本野當然唔小得餃子。煎得恰到好處，外皮夠脆，內餡又夠香同入味。最後出場既係今次既主角卷物「金龍卷」，炸蝦炸得香脆，三文魚放係頂層再加芝士既配合，一次過滿足你三個願望。一入口好食程度令我食指大動。果然佢地既招牌菜係無得頂。

之前睇過古今二嘅訪問，老闆係幾個後生仔，主打係創意卷物。其實之前都食過一次，今次經過觀塘呢邊，再試下佢🤪 地點都好方便，地鐵站一出再上一層樓梯就到，係近市區嘅工廠大廈。座位都闊落，好舒服，6點半開始多人，記得要book位😎每次睇menu都花多眼亂，啲卷物超多款，目不暇給，隻隻都好特別好好食咁。龍捲風沙律首先係成座山咁高嘅沙律😂 有蟹柳絲同海草，加埋沙律醬，好開胃，食咗啲菜落肚即刻罪惡感都細咗🤣🤣 兩個人食都好夠！雜錦天婦羅雜錦包括：炸蝦、秋葵、紫薯每樣都炸得好脆，熱辣辣，冇油益味紫薯好甜😍蜘蛛卷牛油果軟殼蟹呢個長青組合冇得輸，加埋蟹柳絲同埋青瓜，令口感更加豐富，得5舊唔夠喉囉😝費城卷三文魚芝士牛油果呢個配搭估唔到咁夾，芝士唔會太大嚿令到我好膩，一啖一舊好正！百香果益力多特飲又酸又甜仲有粒粒百香果😍好refreshing！睇住佢越開越多分店😍下次嚟會再試多啲其他卷物😍

今日去左觀塘，經過一D工廈，見到樓上有呢間古今二，就入去試下。之前已經聽過朋友介紹古今二，話係平價但又好食嘅日本野，睇下係咪真係咁好食先🤤我地叫左個蟹柳沙律、龍卷風、火山同埋三文魚頭湯鍋。蟹柳沙律，好大兜呀，上面有超多蟹柳😍食極都仲有。有少少輕微嘅辣辣地，好開胃又惹味。D菜都非常新鮮爽口。龍卷風，入面係芝士同鰻魚嘅卷物，上面有d脆片。口感非常豐富！上面d脆脆真係好好味呀，真係好創新嘅配搭。火山，上碟嘅時候，店員點左兩邊嘅火焰，好靚呀，非常吸睛！火山係由帶子、牛油果蟹柳、青瓜嘅卷物組成，好豐富！有超級多蟹柳喺上面，好滿足呀🥰三文魚頭湯鍋，好好味呀！冬天飲呢個湯，真係非常適合😍湯底係奶白色，有好多三文魚喺入面，飲湯食埋D魚，感受非常健康有益。

趁着聖誕節，約朋友一齊去食呢間book mark咗好耐嘅餐廳！因為我係幾鍾意食壽司，不過我係唔食生野嘅，所以呢間餐廳係幾適合我！本身有啲驚聖誕節間間餐廳都會好多人，所以就閒日2:30pm左右去，果然唔太多人，坐耐啲都唔會好辛苦！我哋嗌咗五樣嘢食。龍捲風沙律睇落雖然普普通通，但係調味同口感都做得好好，生菜好脆好新鮮，仲有中華沙律、蟹籽同蟹柳，呢幾樣食材既口感都唔一樣，所以咬落去每啖口感都好豐富！而醬汁都好輕盈，就算份量比較大，食完都仲係好fresh唔會好膩！仙台牛舌係佢哋嘅新菜式，我本身唔係太鍾意食牛舌，因為覺得佢個口感好奇怪，但係呢度啲牛肉汁好濃味好香，我覺得佢嘅口感同牛肉有啲似，不過會再煙靭啲。我諗如果好鍾意食牛舌嘅一定會好鍾意！然後就係食佢哋嘅主打菜式---卷物！我哋揀咗蜘蛛，同埋搖滾樂。賣相好好睇，而且味道都好好！蜘蛛係軟殼蟹，搖滾樂就係鰻魚同埋炸蝦。雖然兩樣味道係唔太一樣，不過有個共通點就係好口感好豐富！因為今日入面會有牛油果或者芝士呢啲比較creamy嘅材料，同主要食材配合得好好！每一啖都好滿足好好味！最後再嗌左一個芝士年糕～份量都唔細㗎，好足料！口感啱啱好，唔會太脆，唔會太

今日觀塘收工同朋友想近近地搵間日本嘢食下，開個OpenRice就見到最近嘅日本嘢就係呢間，咁就想去試吓啦。間舖頭門面已經佈置晒聖誕嘅裝飾，感覺簡單得來又花咗啲心思，入到去舖頭嘅時候都係六點，未有太多人，都坐得幾闊落。打開餐牌原來呢間餐廳主要都幾多新派日本菜，同一般平時出邊見到嘅都唔同，咁我哋就打算叫兩個卷物，一個沙律仲有一個燒茄子。先講吓個柚子沙律先，冇諗過佢個沙律嘅份量會咁大盤，如果女士或者細食啲嘅朋友真係可以淨係食呢個沙律都飽。個沙律有蘋果，中華沙律柚子同蟹子，佢個柚子撈埋啲沙律食落去酸酸甜甜，好清好開胃。我本身都好鍾意食中華沙律佢個底就撈左勁多，超正。另一個餸燒茄子咁煮法都係第一次食，佢將條茄子燒完之後放咗勁多櫻花蝦再加左啲燒汁，成個菜真係勁足料。最後佢金龍卷同埋煙花兩個卷物都一齊上。佢個煙花係將辣味三文魚同埋吞拿魚撈埋一齊，個食法都幾特別。而就幾鍾意佢個金龍卷，個蝦尾炸得勁脆勁好食。最後兩個人叫咗，四個餸咁樣食法都係377，都算唔錯

自己都鐘意食日本菜放學咁岩經過觀塘工廈見到呢間日本餐廳，見到佢都有午市套餐！今次試左佢地既晚市！係店鋪門外都見到非常之有聖誕氣氛🎄門外都有午市套餐，亦都有外賣自取九折日式便當都係$75！包左沙律/白飯同埋卷物三選一（炸蝦卷/加州卷/三文魚卷）亦都有自選湯麵$98！包左拉麵/烏冬加卷物食物款式都有好多！天婦羅🍤、壽司、鍋物、串燒、沙律、燒物、前菜小食、卷物、飯/麵類今日天氣比較凍得12度🥶所以同朋友叫左呢個牛肉壽喜燒 $208！火鍋都有半磅既肥牛、豆腐（都非常入味同好滑）、娃娃菜、薯粉、金菇、洋蔥、生雞蛋🥚呢一個壽喜燒湯底亦非常濃，唔需要另外點其他醬汁都好夠味火山$128！係有好多細舊既壽司切成一大舊！當中有帶子、青瓜、牛油果、蟹柳都有唔同既口味！呢一個打卡一流入面亦有好多蟹籽！櫻花蝦茄子燒🍆$68！呢個茄子都好多櫻花蝦係上面！呢個做前菜都真係正！🤪野飲有綠茶！食完個火鍋同火山飲呢個好解膩

今日係觀塘開工，朋友話想食日本菜，話要帶我去試新野，一於試下係咪咁正先餐廳位於官塘工業中心第四期一樓，餐廳門口放滿了餐牌，可能今日早到，唔駛等位就可以入座這裡座位闊落，Menu多選擇，壽司都幾創新，最後我們點了沙律和卷物超級龍卷風 | $88以鰻魚、海老、芝士、青瓜和炸蝦做餡，加上脆片，呢個卷物都係大大舊，賣相吸引，炸蝦脆口，加上芝士鹹香，青瓜清甜脆爽，口感層次非常豐富忘不了你 | $98以芒果、炸牛肉、芝士做餡，而係卷物上面有海量嘅芥末醬、蛋黃醬和照燒醬，卷物中間包住炸牛肉和免治肉碎，咬落去係脆卜卜，上面嘅芒果每一塊都好甜，中和返芥末醬嘅辣味和芝士的鹹香味，食落相當有口感龍捲風沙律 | $76份量超大，加入大量蟹柳絲、生菜和脆片，最正係有好多蟹柳、蟹籽和海量沙律醬，可以撈得晒生菜和沙律菜，每一啖都食到多層口感，加上中華沙律汁酸酸甜甜，非常開胃煎豆腐 | $58又係大大舊，送上來時個豆腐仲彈下彈下外皮煎得香脆，外面嘅和風醬汁令到成件豆腐一啲都唔單調；豆腐中間好嫩滑，這個價錢有兩大豆腐，抵食

難得weekday同朋友一齊放假去觀塘行街，避咗lunch time啲繁忙時間，終於可以食到古今二😋首先嚟嘅係柚想蝦你沙律🥗，好足料，有蘋果，中華沙律，生菜同甜蝦，仲有牛油果，配埋柚子酸酸甜甜，勁開胃！呢度啲卷物咁出名，一定唔少得叫，嗌咗火山同埋卷物盛，咁就可以試晒唔同口味😆不過完全低估咗佢嘅份量，兩個人食差啲食唔晒😂火山用嚟打卡一流，嚟到枱waiter會幫手點着兩邊啲海鹽，好似一條火龍咁🤩面頭有勁多蟹籽蟹柳同埋混雜咗少少帶子粒，每一啖都好足料而卷物盛就有四款唔同味嘅卷物，有鰻魚、炸蝦、三文魚同加州卷，細細嚿一啖一嚿啱啱好😋小食方面，嗌咗炸芝士年糕同鹽燒雞翼串，正正常常，芝士年糕熱辣辣食流心好正，唔油但食完好飽肚😂下次一定會再嚟試埋佢其他卷物小食，仲有丼飯😋

 門店及用餐環境：一上梯、轉個彎。見到有部舊式嘅Gaming Machine擺左係正門前方，即刻有種彷置日本小店嘅感覺。入到去更加比個環境深深吸引住，唔知點解好似有種家族經營生意嘅即時感，格外親切。我同朋友約得早(18:30)，可以任意揀位坐。環境清幽，又坐得唔逼。不過我地走個陣開始多人。費城卷 – $65最先黎嘅係フィラデルフィアロール 非常standard，個餡有三文魚、奶油芝士同黃瓜。係一個比較fresh嘅卷物且價錢相宜。龍卷風沙律 – $76今日嘅MVP，份量超大。最岩我呢啲成日係出面食飯嘅人，平時冇咩機會食菜嘅我即刻馬力全開。佢有好多蟹柳同埋蟹籽、同埋夠多沙律醬。每一啖都食到沾滿沙律汁嘅蟹籽同埋蟹柳，唔好覺得自己食緊草咁。係一道評價十分高嘅開胃菜！超級龍卷風 – $88跟住就到我最期待嘅特色卷物，比費城卷大舊，賣相吸引。有炸蝦芝士係入面，口感非常豐富juicy。可以作為主食，會係既滿足又飽肚嘅選足。雜錦天婦羅 – $88包括有蝦、紫薯同秋葵。上枱熱辣辣仲好脆，應該冇炸定先再返炸。蝦肉爽滑，紫薯香甜，秋葵新鮮！而且炸粉都唔算太厚，係一個有質素嘅天婦羅。整體店員服務態度不錯，會主

呢次係我第二次外賣佢嘅卷物盛C！真係好抵食，款款都咁好食！我最中意嘅係中間嘅火山，上面有滿滿嘅芝士火灸蟹籽沙律，下低係一款有青瓜同其他配料嘅卷，夾埋一齊食就惹味得黎唔會太漏！因為單叫一份佢嘅特色卷物雖然會多幾舊，但係一份都$1xx以上，所以叫呢份就好抵食，又可以試多幾款。大食少少嘅話兩個人食岩岩好，再叫啲小食就會好飽！下次會想試下堂食！因為佢地嘅擺盤都好似好靚～而且小食嘅選擇都好多！係一間會想食完再食嘅特色壽司店！