古今二 (觀塘工業中心)

营业中

休息中

地址在工廈，但比想象中易去，就係地鐵站旁，上一層樓梯就到左，而且門外裝飾得好有格調😊- ⭐️推介⭐️ 雜錦天婦羅🍤 💲88一碟有齊三樣野（蝦、紫薯、仲有一款記唔起😆），每款兩件，兩個人食好fit👍🏻- ⭐️推介⭐️ 金龍卷🐲 💲98睇食評見好出名，就叫來試試，三文魚、炸蝦、芝士既配搭真係冇得輸😍仲要有整埋隻龍頭同龍尾，for埋你打卡😆- 炸雞芝士卷🐥 💲58兩款都芝士之下，呢款就有少少比下去，食落比較似雞肉卷，不過不失。- 柚想蝦你沙律🥗 💲98的確係超多水果係入面，蘋果、柚子、牛油果、車厘茄⋯⋯⋯⋯而且無敵大盤，我估4個人先食得晒😆係清新好味既👍🏻- 日式冷麵🍜 💲92都係超級大碗，相信如果食晒佢，就唔會再食到其他野😅 麵幾彈牙爽口，不過不失。係工廈入面係一個幾舒服既角落，食物都算幾美味，係叫既時候點得太多卷物、沙律同麵，好快已經好濟，試唔到太多特色及值得推介既野～整體都係幾精緻好味既一餐！

今日行開觀塘 所以就黎左依間工廈食個簡單嘅晚餐餐廳地點都易搵需然係工廈，但入面個環境都ok, 乾淨企理，日系風menu 好厚，好多選擇。可惜我今日冇打算食太多，簡簡單單試下味先xd沙律嘅菜都幾新鮮，而且佢嘅菜的種類比較多，仲有d 蟹柳絲，令個味道層次豐富左蔥牛卷好正，蔥同埋牛都好入味，份量又多。牛都軟唔韌，值得一試炸蝦卷嘅份量一樣好足。蝦肉彈牙，包住蝦嘅個層粉都好輕簿酥脆。個人覺得如果醬料嘅份量少d 就更加perfect最尾依個菜式：火山。就打卡感十足，飯上面嘅都係蟹柳（冇辦法，個朋友近排迷上左🙈）不過好彩佢e 間野嘅蟹柳味道都唔錯～但當然如果我下次自己黎/同其他人黎食絕對會証下間店嘅其他菜式，畢竟人地個menu 咁厚。。。

大半年前同朋友嚟食過，兩個人埋單$1500，叫咗沙律、刺身、鍋物兩份、串燒等等，水準中等，除咗海膽真係好唔新鮮之外，最後食唔晒打包咗好多返屋企。今次再嚟食，見有啲價錢好似加咗價，但食物質素真係令我同朋友都好好好失望。首先係吞拿魚壽司，嚿吞拿魚勁乾身又腥，一啲都對不上$36@1嘅水準，跟碟嘅薑都乾晒，冇乜水份，好似擺咗勁耐咁。羊架大家可以睇相，可能我見識少，真係第一次見咁樣散版式上碟嘅羊架。其他菜式例如壽喜燒、沙律就不過不失，但就一定去唔到大家讚好好食嘅程度，而刺身真係差過之前好多，勁唔新鮮，咁嘅價錢真係可以有更好選擇。呢間唔會再三刷，除非朋友突然想高價食劣食啦。

今日落咗觀塘逛逛，順便去食好西。呢間係朋友食過話唔錯，介紹我地去嘅。佢有好多唔同款式嘅創作壽司，喺觀塘工業大廈，位置好方便，一落地鐵站一上樓梯就會見到。跟住指示行入去轉個彎就見到。鐵皮屋加吊燈，好有特式。Menu入邊有唔同signature嘅卷物，好多都好吸引。估唔到壽司都整到好似甜品蛋糕咁，有咁多造型設計。無聊嘅我係度唸，自製一個high tea set，擺滿晒三層唔同款嘅卷物，望到應該都幾開心。😆😆一打開點餐紙，嘩卷物有成46款‼️總有一款會啱你👏🏻👏🏻👏🏻👏🏻火山$128 （帶子，青瓜，蟹柳，牛油果）登登登登，火山終於上場，見到店員放低就用火槍點起熊熊火光，用黎打卡確實一流😍😍當啲火熄咗之後，就唸，究竟點樣食呢個火山嘅呢？😆😆😆我初初以為係一舊大飯團上邊放咗啲蟹柳係面，仲唸住將佢分開一半，點知筷子一撥開，原來個底層係排咗兩排嘅壽司卷😍😍😍個設計咁有心思，將食物加添咁多元素，加分加分🤩面層嘅帶子蟹柳蟹籽都好多，夾極都有，食落原來都幾飽肚。柚想蝦你沙律$98 呢個係喺三款沙律中最多唔同配料，包括有車厘茄，蘋果，中華沙律，牛油果，柚子，蟹子，蝦，生菜～😆😆份量都多😍😍用咗柚子汁，比較清新

呢間想食好耐，今次終於有機會食到，平日都滿座，多謝好友訂到位🥹今次四個女仔黎食生日飯😍見到menu樣樣都想食，好吸引，尤其係超多款嘅卷物😳款款都想食，又叫左串燒，小食，食食下都好飽三款卷物🍣超級龍卷風🍣黑龍卷🍣龍蝦卷三款都好好食，份量好大好足料，因為有朋友唔食生野，所以叫嘅都係炸蝦、鰻魚材料😁小食類🍲清酒煮蜆🍢蔥牛卷🍆櫻花蝦茄子燒🍢鹿兒島荔枝巻串焼🍘宮崎黃金炸豆腐🍗炸明太子雞亦全部都好食，尤其係蜆、茄子燒、炸豆腐，串燒都唔錯，總結係性價比高，食物質素幾好，服務好快手，上菜都快，雖然話限時90分鐘，但都冇叫我哋走😬

去完駱駝漆行街街，朋友想食日本野😊，所以就黎左呢間古今二啦。營業時間係17：30，早左都要係門口等喔，不過佢都幾準時開既👍，真係17：30就營業啦餐廳環境係工業個性風，枱同枱之間都有d距離，唔會好逼咁，雖然兩個人食，但佢都比個四人位我，坐得好舒服呢🎉🎉🎉Menu design 得好好丫👍👍，係我個人喜愛既圖多過字既類型，畢竟有圖叫野係會吸引d嘛，純文字要靠想像啦😂😂😂😂兩個人點左五樣野食♥️♥️♥️♥️龍卷風沙律$76♥️♥️♥️♥️東京爆脆$92♥️♥️♥️彩虹卷$116♥️♥️♥️鹿兒島荔枝卷串燒$32♥️♥️♥️黑豚豬頸肉串燒$28唔好講笑，呢個沙律真係好大碗💖💖，個沙律醬好好味，調得好好，唔會好膩，同沙律菜好夾，拌好佢唔會係勁多醬而食唔到沙律本身既甜味，而且個蟹柳絲，條條分明，係手工撕啦，誠意滿分💓💓💓東京爆脆係個卷物，包住吞拿魚同蟹柳，一口岩岩好食到，唔洗分兩啖，但都只係岩岩好🙈🙈，佢大多少少就會卡住啦😂😂😂，好鍾意佢包住個個天婦羅脆脆😍，包埋個口感成個昇華左，口感超好，難怪叫爆脆😂😂，仲有上面個醬都好好夾，推薦推薦👍👍👍👍彩虹卷個顏色配搭不錯，令人食慾大振💓，分別用左三文魚，吞拿魚同鯛魚黎包住蟹柳，青瓜同蛋

主打創意日式料理同卷物既「古今二」，裝修充满日式fusion 居酒屋既感覺🎏🏮▫️龍卷風沙律 ($76)龍卷風分量好多有氣勢，堆到好似火山咁高🌁材料有海量既蟹柳，蟹籽，中華沙律，生菜同薯片脆片 mix埋一齊🥗而沙律伴上有小小微辣既醬汁，好fresh 又開胃食到停唔到口😋▫️金龍卷 ($98)上枱時有驚喜成條長長既龍🐉🍣擺盤好精美！！金龍卷上面鋪有厚切既三文魚中間卷住炸蝦同芝士，芝士個味道好突出🧀三文魚同炸蝦既比例剛剛好，層次豐富，呢個要推介🥰▫️煙花（$108)人氣卷物煙花由辣味三文魚，辣味吞拿魚同芝士組成，睇落好大堆頭🥰表面佈滿大量既吞拿魚蓉，再加少少脆片和蟹子，入口口感都幾豐富又幾好得意😋而入面就包住辣味三文魚同吞拿魚蓉仲有淡淡既芝士味😋▫️炸軟殼蟹天婦羅 ($88)即叫即炸，脆漿夠晒薄身，食入口鬆脆之餘唔會蓋過軟殼蟹嘅味道🦀內裡軟殼蟹嘅蟹肉鮮嫩可口，超讚♥️

這家是同事帶我來的，作爲超愛吃卷物的我，我一看到卷物那頁的餐牌，一整個開心死！！！看到每個都覺得好像好好吃一樣，最後我就叫了 還有 這兩款卷物。紅龍卷的炸蝦很大，而且很脆，愛慘！烟花也不錯，很好吃！

一直久聞這家店，亦在Openrice 見你到大家給予的好砰，剛巧路過觀塘處理一些事情，便到了這兒看看。看見餐牌，以為這兒的卷物出色，便點了試試看。同時，也點了蟹籽沙律及拉麵。不知是因為正值下午茶時段，還是侍應太忙，點餐過後，侍應沒有主動給予餐具及水（扣分位），不過，送上的第一道拉麵誠意可加，好味！之後再上的卷物，單憑外型及手握卷物的力度看來，使我不禁抱着懷疑嘅態度嘗嘗。果然，不好吃😔性價比低。等了很久，但也沒有上餐飲…我估，如果下次再來，應該只會吃拉麵。

7點左右2個人去食，都幾多人，d枱同枱之間坐滿哂人，基本上聽到哂大家傾緊d咩嗌咗超級龍卷風：飯太濕，包住嘅紫菜好快淋哂，d飯有d鬆散，中間嘅炸蝦都炸得幾脆。嗌咗幾款壽司：油甘魚腩算新鮮，三文魚腩好薄有d孤寒，左口魚壽司不嬲都係正嘅，呢到食算正常，火燒過勁香口，肉算厚，啖啖香油，帶子普通，算中等大粒，但普遍d飯都係濕。牛油燒粟米：牛油香粟米甜燒得幾香。味淋魚干：質地偏硬，幾熱幾香。👍🏻三河極炎活鰻：厚實，嫩滑又彈牙，啱啱燒起熱辣辣，實在太正!  明太子雞翼：幾香口，明太子份量都算多，雞翼飽滿，咬落多汁，小小辣，燒得幾香口。燒羊架，好so, 又硬，唔推介食呢個。

今晚去左觀塘同友人食生日飯，由於佢地要求食日本菜，於是揀左古今二試下。雖然古今二位於工廠大廈內，但佢嘅裝修絶不馬虎同幾有特色。而餐廳供應嘅日式料理嘅菜式都幾特別，無論菜式名稱同埋外型都見到花左心思，充滿創意。不過座位同座位之間有啲密集，但尚可接受。

番唔倒鄉下旅行，掛住鄉下D美食啊！唯有搵間日式餐廳食飯當番左鄉下…今日又黎到觀塘一間我好欣賞嘅日式餐廳食晚飯。黎到古今二要一定要食佢嘅創意卷物。今次叫左費城卷、火山。費城卷第一次試，佢係三文魚同牛油果嘅卷物，外面有小小黑白芝麻。三文魚新鮮又肥美，一口一個大滿足。火山就係打卡必點，邊個會唔鍾意比火焰包圍嘅卷物？蟹柳、蟹籽山令成個卷物非常香口。炸物我地叫左雜錦天婦羅，裏面秋葵、大蝦、紫薯粒粒。蝦外皮夠脆，但係蝦肉依然鮮嫩，紫薯粒粒勁甜。健康d仲要埋一個龍卷風沙律，沙律菜勁新鮮，中間中華沙律，表頭係蟹柳絲蟹籽組成嘅小山丘，一啲都唔Dry，味道好有層次！

今日好懶係觀塘做野同朋友話不如就揀間觀塘openrice最top間餐廳黎食啦之後就黎左先黎個龍卷風沙津 $76滿滿蟹柳蟹子 撈埋一齊好好食又大碗每食一啖都食到蟹籽同埋蟹柳菜都好fresh富士山 $88入面係鰻魚壽司 好好味上面都係鋪滿好多蟹柳豬頸肉串燒 $28夠晒juicy吉列炸蠔 $58熱辣辣即炸 蠔仔都好好味 夠肥美有蠔香埋單合共 $250 人均$125

今日同朋友出去觀塘行街，想食日本嘢，所以就想網搵到呢一間喺觀塘工業中心第四期一樓嘅古今二。餐廳其實好近地鐵站，地鐵站D出口行5分鐘左右就搵到。餐廳主打卷物，係比較少有。我哋兩個女仔點咗以下嘅嘢：柚想蝦你沙律 $98古今日式餃子 $56金龍卷 $98龍捲風 $72一嚟就上咗沙律同餃子，沙律大大兜，有沙律菜牛油果蘋果，蝦刺身、中華沙律等等材料，配上酸甜嘅汁，感覺好清新。餃子就熱辣辣上嚟，唔會好多油，配上酸甜嘅汁幾開胃。跟住上咗兩個卷物，金龍卷其實係炸蝦卷，師傅將去排成一個s型，金龍卷炸蝦脆卜卜幾好食，龍捲風其實係芝士卷，如果鍾意食芝士嘅朋友，不要錯過！如果大家食厭咗刺身壽司，想食下啲特色卷物都可以嚟呢一間餐廳呀，不過可能要早啲book位，因為我哋六點去到見到餐廳好快full。

近年越黎越多餐廳選擇開係觀塘d工業大廈, 今次接近tea time特登去官塘工業中心睇下有冇日本嘢,結果行第一層就俾呢間好有特色嘅古今二吸引到！入面裝修典雅,環境闊落,將近3點都陸陸續續有客人入黎,menu有好多選擇,第一次黎今次主力叫餐廳招牌菜！😛—————————————————————📍 古今二 (官塘工業中心)地址: 觀塘觀塘道436-446號官塘工業中心4期1樓B室✍🏻/食評/◍超級龍捲風 🌪️ $88入面有鰻魚,芝士,青瓜同海老,有8件全部都好大舊！餡料超飽滿,青瓜嘅清新令到芝士同鰻魚食落一D都唔會滯,呢個價錢有咁多舊卷物真係超級抵食！◍火山 🌋 $128一上檯店員會先點火, 睇menu嘅時候唔知有呢個環節🤣🤣視覺效果好正！外型好似係一大舊壽司,其實入面係有8小舊蟹柳牛油果捲!上面鋪滿蟹柳同蟹籽,非常有飽肚感,食落細細舊好方便！◍柚想蝦你沙律 🥗 $98呢個2個人都食唔曬啊超級大碗🥹沙律入邊有甜蝦,牛油果,蘋果,車厘茄,大量生菜同中華沙律加上芝麻醬!味道酸酸甜甜好開胃,好適合做前菜！◍櫻花蝦茄子燒 🍆 $68見到隔離檯都叫咗,原條茄子燒切開一半好吸引,上面仲有大量櫻花蝦,充滿