影片
更多
2023-01-10
105 浏览
平日最鍾意捐窿捐罅搵美食🤣今次朋友就介紹我嚟到位於觀塘工業中心既古今二食日式料理。平心而論，呢間餐廳都收得幾隱蔽，唔係朋友推介真係唔識黎。門口裝修正常，但一開門就恍如另一個空間，裝修典雅、空間闊落、環境乾淨，睇得出裝修上用咗心機。而佢喺食品設計上亦都用咗心思，餐牌上好多菜品都係獨家設計，款款都好吸引😋我同友人有太多心頭好，唯有留返下次再嗌啦。今次主力嗌餐廳招牌菜式，包括有:- 龍捲風沙律 ($76): 一打開Menu就吸引咗我嘅眼球，毫不猶豫就下單。味道方面的確有驚喜，除咗因為配菜繁多，例如有蔬菜、海藻同蟹柳外，更重要嘅係加入咗脆片，令到口感上有蔬菜同海藻嘅爽口清新外、亦都食薯片同款卜卜脆嘅口感，加上佢嘅醬汁用咗微辣味千島醬，出嚟嘅味道同口感意外地好食到停唔到口。健康又好食，大愛😍- 炸芝士年糕 ($26): 邪惡之選🤣 外脆內軟，而且一咬開芝士會係口中溶化，年糕嘅咬感都非常香糯軟熟。食完之後非常滿足，亦都好有飽肚感😝- 古今日式餃子($56): 外層煎到金黃香脆，而且餃子皮薄餡靚，咬落去肉汁滿溢。沾上醬油後食用更加可口。😚- 金龍卷 ($98): 特色卷物，亦係餐廳推薦之選。淨係睇配
今次朋友就介紹我嚟到位於觀塘工業中心既古今二食日式料理。平心而論，呢間餐廳都收得幾隱蔽，唔係朋友推介真係唔識黎。
門口裝修正常，但一開門就恍如另一個空間，裝修典雅、空間闊落、環境乾淨，睇得出裝修上用咗心機。
而佢喺食品設計上亦都用咗心思，餐牌上好多菜品都係獨家設計，款款都好吸引😋我同友人有太多心頭好，唯有留返下次再嗌啦。
今次主力嗌餐廳招牌菜式，包括有:
- 龍捲風沙律 ($76): 一打開Menu就吸引咗我嘅眼球，毫不猶豫就下單。味道方面的確有驚喜，除咗因為配菜繁多，例如有蔬菜、海藻同蟹柳外，更重要嘅係加入咗脆片，令到口感上有蔬菜同海藻嘅爽口清新外、亦都食薯片同款卜卜脆嘅口感，加上佢嘅醬汁用咗微辣味千島醬，出嚟嘅味道同口感意外地好食到停唔到口。健康又好食，大愛😍
- 炸芝士年糕 ($26): 邪惡之選🤣 外脆內軟，而且一咬開芝士會係口中溶化，年糕嘅咬感都非常香糯軟熟。食完之後非常滿足，亦都好有飽肚感😝
- 古今日式餃子($56): 外層煎到金黃香脆，而且餃子皮薄餡靚，咬落去肉汁滿溢。沾上醬油後食用更加可口。😚
- 金龍卷 ($98): 特色卷物，亦係餐廳推薦之選。淨係睇配料有三文魚、炸蝦、芝士已經非常啱胃口，而且擺盆上的確有龍王嘅幾分架勢。壽司係一口一件嘅大細，咬落去首先會感覺到芝士嘅香味配搭三文魚嘅鮮甜，然後就會咬到炸蝦嘅鬆脆口感，軟熟同鬆脆相互交替，回味無窮，實在不愧為推薦之選。🤩
- 蜘蛛 ($96): 同樣係特色卷物，而配料有炸軟殼蟹、青瓜、牛油果同蟹柳。雖然有啲比個名嚇親(到最後都唔係幾get到點解叫蜘蛛🤣)，但個人非常鍾意食炸軟殼蟹嘅卷物。呢種卷物每件都好大舊，所以食嘅時候要小心翼翼咁塞入口。而味道嘅配搭都非常清新，軟殼蟹當然係鬆脆，而佢加入咗牛油果同蟹柳亦增添左鮮味，加埋青瓜嘅爽脆口感真係一流。😆
整體而言餐廳質素高，味道頂級、食材新鮮、擺盤精美，而價錢亦都係相當親民。絕對值得推薦 💛
(Main Menu太長，附上午餐餐牌俾大家參考)
张贴
