古今二 (The ONE)

营业中

休息中

🥰店舖雖不太大,但座位舒適,店舖裝修夠特色📝餐牌超多選擇🥗前菜沙律,刺身🍢特色卷物,串燒🥘鍋物,小食炸物🍜飯麵類,清酒🍶🍹沙冰特飲,果汁梳打及汽水 $18-42鍾意嗒番杯 Chill 一 Chill 嘅....🍶仲有多款清酒選擇$68/杯-$588/支🥗龍卷風沙律$76新鮮蔬菜,海藻,蟹柳&脆片撈拌沙律醬汁有少少辣味口味清新開胃宮崎黃金炸豆腐 $68 （6件）醬汁甜甜地,外脆內軟,口感豐富🍤海老天婦羅 $88炸皮薄身夠脆口, 蝦肉厚實💚青龍卷 $98牛油果,鰻魚,蟹柳呢個🍙嘅配搭, 原來係絕配口味清新有嚼口感🥰🌈彩虹卷 $116刺身,牛油果,青瓜&蟹柳😋呢款卷物好睇又好食刺身下包著飯糰加蟹柳及爽口青瓜,口感豐富😍

難得約到朋友出去尖沙咀食飯揀間日本餐廳是必須的位於方便The One嘅5樓人流唔算多感覺舒服休閒餐廳座位闊落坐得舒服😌裝修彷彿去到以前嘅日本🇯🇵好正最鍾意門口嗰個有特色嘅磚牆前菜係龍捲風沙律🥗 $76最鍾意佢上面嘅生菜脆片！撈埋重量嘅蟹柳蟹子 配上海量沙律醬非常誇張！最有特色係呢度嘅壽司卷物點咗部火山🌋（卷物）$128入面有帶子、青瓜、牛油果同埋蟹柳上菜方式非常之有趣似表演會有真火，圍住火山爆發好正，身為港女的我好buy呢啲煙花🎆 $78要唔要辣味三文魚、辣味吞拿魚同埋芝士發現咗好有趣嘅質感，原來係脆卜卜嘅薯片好有驚喜！櫻花蝦茄子燒 $68完全改變左對茄子嘅睇法原來櫻花蝦配茄子會咁夾脆卜卜嘅櫻花蝦，配上淋芝芝茄子🍆溫馨提示，配搭埋佢嘅酸蘿蔔更加出色秘製蒜香牛油燒帆立貝$38上枱已經聞到濃濃嘅牛油香味咬落蒜香更加明顯好滿足❤️‍🔥❤️‍🔥❤️‍🔥餐廳侍應都非常幫到手！好nice同埋勁有禮貌鍾意佢哋嘅服務態度同埋留意客人需要總括嚟講今晚餐好滿意下次再黎😛

感覺質數整體下降 ~之前有到訪過觀塘店，覺得小店幾有風味，串燒香口，其招牌富士山幾有特色，故今次帶同家人試尖沙咀The One分店，点了刺身盛7式盤，壽司煱物等...開頭熟食都不覺問題所在，然後食到壽司就感到唔多新鮮，隻牡丹蝦蝦頭就很大；原來無肉嘅🥲，再且個刺身等咗25-30分鐘都未到，向侍應哥哥催促後到來，（價值$588的7式刺身）原來只係用隻碟放兩塊葉盛載，感觀大打折扣🙁 食入口完全無鲜味，海膽仲要係 苦澀味🥴$588呢個價完全唔值，去爭鮮食真係仲鮮！未試過食日本菜個刺身最後先嚟上，完全錯哂🤷‍♂️最後埋單盛惠$3049， 真係一句多謝曬😪...怕怕

今晚約咗朋友嚟到尖沙咀嘅古今二食晚餐，之前都book mark左呢間餐廳一排，所以都預先book咗位，嚟到都唔需要排隊。到底佢點解咁犀利可以開咗咁多間分店，都想知道係咩料！今次Total就叫咗咁多款食物，覺得佢個壽司薄餅係幾特別，另外卷物都係值得推薦，卷物方面我哋叫咗三種唔同嘅卷，分別係彩虹卷、煙花、同埋橫綱力士龍蝦卷。龍蝦卷佢仲有埋條龍蝦尾，咁啱得咁橋我就夾中咗個龍蝦尾不過佢唔知係唔係煮得有啲太老，個龍蝦肉比較硬。彩虹卷我就覺得比較普通，煙花都係幾特別嘅海膽炒飯都係其中一個佢推薦嘅菜式，但係我就覺得普普通通，可能因為佢啲海膽唔係咁新鮮，個飯同海膽係兩件事，雖然佢有舊海膽擺喺面，但你唔同我講佢係海膽炒飯，我唔會食得出佢有海膽味。另外都叫咗一個五品海鮮刺身，其中佢嘅海膽真係比較令人失望，佢啲海膽係苦嘅⋯唔知係唔係唔新鮮⋯唔太建議叫呢一個我哋都叫咗個龍捲風沙律🥗呢個就真係幾抵食嘅，好大兜，覺得都算OK～佢個醬汁係有少少辣辣地，都值得推薦嘅～雜錦天婦羅來講佢個份量都比較少，包括坐秋葵，炸蝦、紫薯仔，唔會話好值得推薦。牛舌我哋叫咗兩份，因為我哋多人，不過佢個牛舌唔係爽嘅，佢係好韌⋯呢個都唔值得

星期五去朋友屋企玩，見tst都有古今，就諗住去買d創意卷物一齊食呢間古今比cwb的大，當然也一樣多人😆不過想食特色卷物，的確係高性價比嘅地方朋友一見到已經覺得好吸引😆的確無買錯。富士山賣相吸引之餘，味道都好好，上層係蟹柳+脆片，卷物內則是鰻魚+牛油果，味道少辣，飯同配料好balance😋另外上面嘅蟹柳+脆片都好好口感金龍卷係有炸蝦、三文魚、炸蝦肉質彈口，三文魚新鮮，配上沙律醬真係好match😋龍捲風沙律真係幾多料，有海草、蟹子、生菜、蟹柳，配上少少辣的醬料，幾refreshing另外炸雞外皮香脆得來，肉質都嫩滑，而且真係幾多肉食😋下次要來堂食，食更多創意卷物！😋😋😋

其實我真係好小比負評，自問個人都好有耐性同會體諒員工…但餐廳店員真係明顯缺乏經驗，需要多加培訓！今晚8點到店拎飛，門口都好多人，要等十張台左右。拎完飛我就一直企係門口等，大概半個鐘到只郁左一張，陸陸續續好多人都唔等，接近等左45分鐘左右時，得番我同另一對情侶（我認得佢地後我一個號碼）而當時下個到我，有對客book左但遲到，門口店員同佢講左一輪野，去完問另一位應該高級一點既應該點做，最後佢就好快比佢地優先入左..跟住我見到餐廳入面已經有吉台，我問門口男店員點解有台都未入得？ 佢話要執台等多陣（當時張台係無曬野，應該係抹乾淨同放返餐具），另一位妹妹店員終於去抹下張枱，但突然間抹抹下，佢又走咗去隔離執碟（但隔離嗰台冇人叫佢去）只係佢眼望到又去收，然後又過左十分鐘，張台終於清潔完同放好餐具啦，仍然無叫我入去，我再問：已經有台..又叫我等等..好..再過五分鐘，我用就來餓死既眼神直視一直望住門口位哥哥仔，佢先意識到再望望張台話得了….由於企左一個鐘我立即已經畫紙叫野，落單時間21:06，21:11來左第一份刺身..接住幾樣小食…然後就慘了…前菜同主食一直未到，21:40 ，我吹單，因為就要關門我

#尖沙咀美食 #小蓮星吞食尖沙咀🔻 古今尖沙咀彌敦道100號The ONE5樓502號舖/🧃龍卷風沙律 $76蟹柳絲多到好似龍捲風咁樣鋪喺沙律面，加埋沙律汁、中華沙律、脆片、蟹籽，味道豐富得來，口感亦都有多種層次，另外值得一提係沙律菜好新鮮，好爽脆。/🧃午夜牛郎 $95餡料包括三文魚、牛油果同埋芝士，飯卷炸到脆卜卜，非常香口，加埋軟滑芝士同埋牛油果，口感對比好大，芝士仲好香濃。/🧃彩虹卷 $116彩虹由吞拿魚同埋三文魚兩隻顏色嘅刺身組成，顏色好鮮艷好靚，入面包左牛油果、蟹柳同埋青瓜，好清新爽脆嘅一款卷物。/🧃櫻花蝦茄子燒 $68騎士銷售食得多，加咗櫻花蝦上去嘅第一次試，鹹香脆口嘅櫻花蝦鋪滿茄子，勁惹味。/🧃野菜天婦羅 $68有金針菇、冬菇、紫薯等等，雖然炸左，但係都食到食材嘅清甜。///#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

星期四晚放工，約咗我閨蜜慶祝佢生日，我預早訂咗間日本餐位於the one 5樓。日式麻醬豆腐秋葵沙律🥗好大碟，性價比幾高，女仔都鐘意食多啲菜嘅，想讚一讚個豆腐滑滑的好有質感，配上麻醬秋葵蕃茄粒，幾好嘅開胃菜。海老天婦羅🍤賣相係金黃色，好彩唔油膩，又幾好食😋，博博一層炸粉，食落唔錯，有5隻，可以選擇嘅小食👌🏼👌🏼鹿兒島豚肉蘆筍，有驚喜，估唔到佢嘅全消都幾好味，一串有三件。😄燒得豚肉好香，有啲似金菇肥牛卷嘅咬口，不過再好食啲😀，因為蘆筍更顯層次感👍🏼東京爆趣，呢個係必食之選，脆卜卜配有吞拿魚蟹柳，秘製醬汁😋，我嘅最愛🥰❤️因為我朋友生日我揀咗呢個比較浮誇，又可以打卡嘅火山，好特別下，就係如圖片所見，有啲火焰🔥燒燒下😎，我以前以為得火焰雪山做到呢個效果🤣原來家下食個帶子青瓜蟹柳牛油果飯卷，都有火花😍👍🏼👍🏼👍🏼

之前喺荃灣同銅鑼灣都食過依間，覺得幾好食，最近多咗好多分店，好開心！依度嘅卷物好特別同有創意，叫左個烈火紅唇（$98）同搖滾樂($82)。前者係士多啤梨、炸牛肉同芝士，估唔到士多啤梨酸酸甜甜，做壽司都幾夾。後者係鰻魚、芝士、炸蝦、牛油果，炸蝦香脆配埋其他三樣都係軟滑嘅食材令口感好豐富，好食！另外食左海老天婦羅（$88），炸得好好，入口唔會好厚炸粉同好油！串燒方面叫左蒜香牛油翠玉瓜（$25），本身麻麻地翠玉瓜，但用蒜蓉同牛油黎整真係好香好易入口。依間無論卷物定係其他熟食都幾高質，難怪開咁多分店！

*此餐廳收取加一服務費。火焰金龍卷（單點$108），擺盤精緻，表面鋪有三文魚腩、芝士，內有吉列炸蝦，三文魚腩油脂味濃，吉列炸蝦口感外酥脆內彈牙。青龍卷（單點$98），表面鋪有牛油果，內有鰻魚、蟹柳，口感好豐富。埼玉網燒牛舌（單點$78），肉質厚身，食落有咬口，牛味濃厚。2串鹿兒島豚肉荔枝串燒（兩串$64），採用黑豚肉製作，肉質嫩滑，肉味濃香，配以荔枝食用，味道清新。吉列廣島蠔（單點$58），口感酥脆，廣島蠔食落好Creamy，味道鮮甜。

鍾意食日本菜嘅你🇯🇵相信「古今二」都會幾適合你😉.龍卷風沙律🌪️🥗沙律份量超大份😍有薯片🥔蟹籽丶蟹柳🦀中華沙律丶生菜🥬口感好豐富😆秘製醬汁帶微辣🌶好開胃.牛肉壽喜燒🍲面頭擺滿牛肉🐄底下仲有雞蛋🥚豆腐，冬菇🍄金菇、娃娃菜等😬牛肉肉肥瘦均勻👍🏻加上鹹甜壽喜燒湯，好味道🤤.黑豚豬頸肉串燒2串🐖豬頸肉Juicy😙加少少檸檬汁就更正🍋.冬菇串燒2串🍢表面嘅醬汁好惹味，充滿日式風味😋

1️⃣龍卷風沙律 $76龍卷風沙律🥗好似一座山咁，份量好大。材料有生菜，海藻，蟹柳絲，蟹籽，撈埋沙律醬同招牌鰻魚汁。🙆🏻‍♀️美味指數:7/102️⃣蜘蛛 $96外型好似蜘蛛。材料有軟殼蟹，牛油果，蟹柳同青瓜絲，脆口嘅軟殼蟹。口感層次分明。🙆🏻‍♀️美味指數:7.22/103️⃣辣妹 (6件）$72飯卷包住紫菜同炸蝦加忌廉芝士，更加入咗粒粒黑白芝麻，上面鋪滿辣味碎吞拿魚，再加上蟹籽同脆片碎。🙆🏻‍♀️美味指數:7.31/104️⃣櫻花蝦茄子燒 $68配上特調醬汁，都幾惹味。🙆🏻‍♀️美味指數:7/105️⃣安格斯蔥牛卷 $72蔥牛卷啲蔥好索牛肉汁。🙆🏻‍♀️美味指數:7.12/10古今二 (尖沙咀)地址🐾:尖沙咀彌敦道100號The ONE5樓502號舖

之前食完之後一直心思思想再食壽司卷😋，有次去朋友屋企諗叫咩外賣食嘅時候我即刻提議食呢間😛🤣今次食尖沙咀分店，叫咗啲我上次冇食過嘅嘢😍日式麻醬秋葵豆腐沙律 $78首先食個沙律🥗，麻醬豆腐滑溜溜，爽脆沙律生菜份量好多，仲有中華沙律、秋葵、車厘茄，食大餐前食吓感覺健康啲🙈麻醬夠多，足夠撈晒整盤沙律。相撲力士 $109小小嘅飯卷材料豐富，每件上面鋪咗唔同刺身，三文魚、吞拿魚、劍魚，飯卷裏面有蟹柳，仲有粒creamy嘅奶香芝士😍，配上特別調製嘅醬汁同埋美奶滋好好味😋壽司薄餅 $98我哋揀咗辣味三文魚，辣味好少好少，撈埋啲沙律醬汁同埋蟹子好味😋。我初時以為壽司薄餅只係普通壽司飯做底，但係原來個飯底係包咗薄薄吉列炸粉嘅飯團餅😍，食嘅時候仲可以成件夾得起唔會散。照燒雞肉串 $39一份有4串，雞肉嫩嫩，少少炭香，加埋甜甜地嘅照燒汁，味道正常好食😋。宮崎黃金炸豆腐 $68呢個豆腐炸過比較香口，因為外賣嘅緣故焗住一段時間，豆腐吸左啲醬汁變咗冇咁脆，但係豆腐配上木魚燒汁味道依然唔得彈👍🏻

今日同朋友黎食午餐，預先book左位，有卡位座，點完餐會送上味噌湯，最快上係小食。蔥汁餃子🥟$15 - 個汁酸酸甜甜，幾好味卷物盛$98 - 金龍卷，加洲卷，費城卷，鰻魚牛油果卷各4件三文魚控： 最愛金龍，炸蝦🍤十分脆，三文魚好正，費城都吾錯，牛油果配芝士加三文魚🍣，好夾😆壽司拼盤$138- 三文魚，帶子，吞拿魚，拖羅蓉，蟹膏，甜蝦各一件，辣味三文魚卷4件外表十分搶眼，件件塊肉都吾細，好正午餐仲包野飲。值得再黎😆

📍 古今二 KOKON2🌍 尖沙咀彌敦道100號The ONE5樓502號舖Shop 502, 5/F, The ONE, 100 Nathan Road, Tsim Sha Tsui📝 整體評分：8／10🥢崎玉網燒牛舌🥢 $78牛舌係呢到必叫，厚薄岩岩好，勁有牛脂香，不過外賣凍左就會有D硬，堂食係超正!!!! 🥢炸魷魚鬚🥢 炸物都係好正，拎返去脆口既感覺係差D，但炸皮夠薄又乾身，都係咁香口。🥢青龍卷🥢 $72🥢富士山🥢 $88兩者都係鰻魚壽司卷做底，青龍卷就上面鋪左牛油果，富士山就滿鋪蟹柳絲同脆片🥢日式麻醬秋葵豆腐沙津🥢 $78叫左個素食比媽媽，有D中華沙津、魚子、豆腐、秋葵同埋椰菜，有胡麻醬好難唔好食。