叁茶陸飯

营业中

休息中

又掛住台灣菜，見呢間店Menu有好多食物同飲品選擇所以試下去台灣必食當然係滷肉飯啦，肉連帶豬皮，膠質豐富！另外肉偏肥所以入口即溶汁都好香，微甜帶五香味，而且因為膠質所以質感較濃稠 。整體好食！如果配既蛋唔係滷蛋而係温泉蛋就更好啦！另外點左個台灣知名既柯仔煎，表面都煎到好脆，但內部就食唔岀係有蕃薯粉果種軟Q感，整體口感似係食緊有蠔既煎蛋另外柯仔胡椒粉味偏重，但都食到少少腥味。不過值得一讚係個醬汁，微甜微辣幾開胃，但就唔太夾，完全蓋過所有味…整體有點失望，同台灣既柯仔煎不論口感定醬料同完全唔似。之後花雕醉雞腿卷既味道超級淡（酒味甚至咸味都幾乎食唔岀）而且肉質十分柴...失望總括來說晚餐性價比一般但如果有下午茶會再黎食滷肉飯！

真係好耐冇食過咁難食 一家四口去食叫碟炒飯 大碟呢可以有層油㗎 鹹蛋炒苦瓜濕淋淋 （面頭加少少咸蛋就當係）皮蛋豆腐算係正常（因為最簡單的事2樣嘢放埋一齊就搞定）（蔥油餅同埋韭菜餅 急凍嘢 最搞笑 韭菜餅得三條蔥 冇韭菜😂）嗌咗啲嘢飲水果茶真係冇得頂難飲到爆 點解可以咁差尬 秘制沙嗲牛肉D 碟野睇完 咩胃口 都冇曬因為屋企人有小朋友所以我冇影到相好少寫食評不過呢間真係太難食啦一定要話俾大家知 地方環境都算唔錯但係啲食物真係唔得啦

〔 黃金湯酸菜無骨魚片 〕 $188 .酸菜魚好滑口, 湯咸道適中可以當湯或加入飯中, 除左魚仲有小小薯粉〔 當花雕遇上雞 〕 $72 .紅棗味突出, 花雕就比較淡味, 雞入味.〔 香煎韭菜餅 〕 $32 .煎得好香口, 餡料味道一般.〔 髒髒朱古力珍珠奶茶 〕 $38 .朱古力味與奶茶好夾好濃味, 珍珠非常多一啲都唔手軟.(好味指數: 9/10)

今日叫左兩個午餐，一個糸台灣肉燥飯套餐加招牌黑糖珍珠炭燒烏龍，肉燥味剛好，唔會太咸，有半隻蛋，炭燒烏龍好香，另一個糸招牌排骨配白飯，足料，加熱小農珍珠奶茶，好味，另外加左兩份小食，一份糸花枝丸，好彈牙好好味，另一份糸府城手工蝦卷(2條），超好味，呢個細條左少少

唔係第一次買佢地外賣但愛上左佢地！而家外賣仲有9折下午茶真係好抵，啲野好足料。同埋非常中意佢地嘅茶底，個人中意茶較濃唔太甜嘅茶，呢間好perfect，加料只係5蚊但都好多，本身以為下午茶跟餐細細杯，點知同出面大杯嘅差唔多。今次食佢嘅台式蚵仔肉碎泡飯，蚵仔有十幾粒，粒粒都唔細架，唔知係唔係冰鮮但起碼冇雪味同腥味。湯底有台灣嘅味道，值得一讚！飲完唔會口渴。肉碎同勝瓜（應該係）都唔少，分量好足！但外賣建議打電話嗌定，有時等得比較耐。

下晝買嘢經過呢頭，甘啱呢間有show下午茶餐牌，見到有酸菜魚米線60幾蚊好抵就試，仲有好大杯嘢飲送！米線好好味，湯底濃郁，配菜的豆角都好入味，送嘅茶都好有茶味，唔係求其送嘅嘢飲！

一直都好中意食台灣嘢！所以今次就去咗間食台灣小菜嘅地方～塔香鹽酥綜合拼盤✨ $98份量都唔算少！有鹽酥雞、台灣腸、花枝丸、同甜不辣。鹽酥雞上到枱好熱辣辣，其他就常溫🤣味道正常唔算出色，而且覺得口味偏淡☹️3.2/5😋台式鳳梨香腸蛋炒飯🍍 $76份量都唔算少，可以裝到四、五碗。食落好有鑊氣，但又係調味偏淡，加埋菠蘿食落好fresh~3.5/5😋京蔥爆牛肉 $98呢個相比真係有啲貴，不過肉嘅份量都ok。食落就係中式小炒嘅味道🤣調味比較重，配飯食就啱啱好～3.5/5😋芋香紫薯鮮奶茶🥤 $31呢個真係是日最伏☹️都幾有誠意幾大杯仲有紫薯粒，但芋頭同紫薯味都好假，奶精味好重，越飲越口渴🥲成杯嘢嘅味道都好化學，唔推介！整體嚟講不過不失，但有其他更好食更平嘅台灣菜。而且服務態度亦都麻麻。

日日經過想試好耐，價錢中等偏貴，不過外賣有九折。最期待放工可以飲杯茶味濃的珍奶$28，結果大大大失望，一飲就已經甜到喊出黎，無烏龍茶味，珍珠太甜，結果加多半杯水去飲，估唔到台灣餐廳杯招牌珍奶會咁差。塔香鹽酥雞綜合拼盤$88，外表就好靚仔，有齊台灣腸、鹽酥雞、花枝丸，我諗如果堂食熱D可能會仲好食，味道不過不失，但沒有大驚喜。不過份量略少，1人食完全唔夠飽，如果係晚餐份量，應該要加多個飯先夠，如無意外應該唔會要去。

最近去左荃灣IKEA行下，而IKEA個商場就有一間叫《叁茶陸飯》既台灣菜餐廳，見佢裝修唔錯就入去試試😙佢地提供既食物同飲品種類非常多，好多款望落都吸引，揀左好耐先揀到以下幾款😛◦ 府城蝦卷拼滷水翼配肉燥飯 ($78)呢份lunch set係有兩條蝦卷同兩隻滷水翼，仲有滿滿既肉燥，所以食落都幾豐富；當中最滿意係熱辣辣既蝦卷，食落唔會好粉，而且幾脆口😍滷水翼就普普通通，肉質比較實，滷水味唔係好夠重◦ 糖醋魚柳配白飯 ($78)有糖醋既野一向都幾好食，而呢到既糖醋魚柳都唔例外；魚肉既質地就正常啦畢竟都係急凍，整體黎講都幾開胃，份量十足，食到勁飽😋◦ 台灣肉燥乾拌麵 ($68)肉燥同麵既份量都幾多，肉燥唔錯唔會太油，不過加埋D麵就整體黎講偏鹹，飲翻杯茶中和味道就好d🤣◦ 海鹽芝士奶蓋四季春青茶 (+$20)雖然要加$20，但都真係幾大杯，最後飽到飲唔曬；佢既奶蓋都幾厚身，不過芝士味/鹹味唔夠濃😛茶底係用左四季春，茶味覺得唔夠濃🙆🏻‍♀️◦ 招牌炭燒烏龍珍珠奶茶 (+$20)呢杯珍珠奶茶🧋普通，覺得烏龍茶味道比較淡，有D失望🥲珍珠就正常，都彈牙既◦ 南投小農紅茶加珍珠 (+$5)呢杯真係唔建議加珍

早前從網上購買了此餐廳的優惠四人餐，今晚便來試試。其實餐廳不一定吃台菜，還有不同菜式可選擇，我覺得今晚吃的像京菜。一行四人吃了六款菜式，每一碟都份量十足，足夠四人享用。愛吃豆腐的我們，選了兩款豆腐菜式。皮蛋豆腐，皮蛋是流心的，蛋黃軟糯可口，豆腐也嫩滑，豆腐面層蓋滿了豬肉鬆，醬汁較稠，不鹹微甜，這個屬於台灣的風味。椒鹽百葉豆腐，一碟七件，外層煎得香脆，內層厚實但不會太硬。慢慢咀嚼可吃出有椒鹽的香味。糖醋松子魚，完整一條上碟，中間魚骨已除去，魚肉被粉漿包裹著，炸得香脆可口。澄澄的菠蘿粒，紅紅的西椒絲，細碎的松子上，覆蓋於魚身上，伴隨一陣陣醋香撲鼻而來，好看又好吃。秘制蔥油雞（半隻），雞皮黃油且滑，雞肉也嫩，但伴吃的醬油只有醬油之色而沒有半點鹹味，有點奇怪了。後來要了一碟豆瓣醬來增味。特色客家小炒，用了韮菜，土魷，蝦乾，豆乾，肉絲，腰果一齊炒，味道鹹鮮，有鑊氣，韮菜爽口，十分美味。京蔥爆牛肉，京蔥每一口爽嫩，牛肉大大片，容易咀嚼，醬汁排滿食材且量剛好，吃了不膩。餐廳有很多台式飲品供應，點了招牌炭燒烏龍珍珠奶茶喝，滿滿一大杯，茶味足，珍珠煙韌，甜度適中，飯後來一杯可作甜品。

叄茶陸飯（Tsuen Wan）位於荃灣8咪半商場嘅台式餐廳🍴 位置相對寬鬆 店內裝飾都幾靚✨ 除咗堂食選擇 仲連埋隔離外賣手搖🧋 下午時段人流都頗多添～⌖ 台灣肉燥飯🐷🍚💰$38抵食之選🙌🏻 肉燥唔會煮得過老 味道亦恰到好處 突出到肉燥嘅味～ 飯同汁都好均勻😌😌 啖啖都食到肉燥仲有煮到溶嘅洋蔥🧅 不過半邊嘅滷水蛋就過火左🥚 食落偏硬身..⌖ 川味水煮魚片（小辣）🌶🐟💰$168水煮魚聞落唔算好香 可能係嗌左小辣嘅關係 整體食落都唔夠惹味 哩款辣係吞落喉嚨果下先feel到 所以比較易濁親🥵 同埋好可惜係無麻辣果種「麻」😭😭 好彩魚片好滑好嫩 個湯底都夠鮮甜嘅 而成個份量都幾多同埋夠足料 有香芹、芽菜、青瓜🥒、薯粉🍠做配料添 尤其係香芹同湯底非常夾～🤩🤩 可能始終都唔係川菜館 所以水煮魚片都稍稍遜色😗⌖招牌炭燒烏龍珍珠奶茶（少糖，少冰）🧋💰$28非常普通嘅一款手搖飲品 有啲失望☹️ 只係有輕微嘅烏龍茶味道 有啲溝水嘅感覺 所以比較稀😣😣 好彩係甜度適中 珍珠都煙韌彈牙嘅🤨⌖海鹽芝士奶蓋茉香綠茶（少糖，少冰）🍵💰$26推薦之選！😎 有好厚嘅芝士奶蓋🧀 奶蓋味道濃郁 鹹鹹地 同綠茶亦非常夾☺️☺️

吃過好幾次的台式餐廳，每次試新菜都不回失望要測試夠不夠「台灣」，滷肉飯和芋圓就是很好的測試對象。很多地方的滷肉飯滷肉很少，乾巴巴的；芋圓像港式糖水隨便加幾粒芋圓。但這家不一樣，滷肉飯很香，芋圓的料很足，很滿足。三杯雞、鴨血、鳳梨蝦球都很好吃。非常適合一家人叫幾個菜share，就是桌子小了一點。。。。

好耐以前食過好幾次，次次都係為咗個窩夫去食，因為其他嘢食都一般般。但係聽聞餐廳換咗老細，於是有日經過就再試一次，果然好咗唔少。叫咗個蔥油豬排乾拌刀削麵，炸衣酥脆鬆口，豬排肉質彈牙唔柴，唯獨蔥油香味較弱，唔係好食到蔥味。小菜有花生同四季豆，四季豆蒜味足但係調味清爽，作爲開胃菜確實不錯。可惜刀削麵有啲偏油膩，同時可能因為太多油嘅緣故，唔係好食到刀削麵嘅味道。不過麵嘅質地都有咬勁，還算不錯。另外叫咗個蒜泥白肉，同某米線店嘅蒜泥白肉唔同，呢度嘅蒜泥白肉十分清爽。冇重油重鹽嘅調味，只有適量嘅蠔油辛香料作點綴，完全唔怕食完一口蒜味影響品嚐其他菜式。如果椰菜絲可以再切幼身啲就更加完美。另外呢道菜上菜時間有啲耐，足足等咗4個字先到，食到後面已經有小小飽，不過都無影響我清曬佢。另外我仲叫咗被朱古力口味嘅奶蓋珍珠奶茶，不過冇影到相。雖然有奶蓋同朱古力呢啲味道偏重嘅食物，但係都冇掩蓋到茶本身嘅香味，成杯嘢味道既有層次又和諧。如果珍珠煮得再彈牙就好啦！整體嚟講有小小小小貴，不過條氣都係順嘅，應該得閒會再encore

✨ 叁茶陸飯如果你問我食芋圓食邊間好，我一定會推介呢間！🤎✨ 每隔一排就會心癢癢去荃灣買翻碗～真係必食٩(˃̶͈̀௰˂̶͈́)و 朋友同屋企人都大讚好好味🤎除咗超足料既芋圓，餐廳都主打好多台灣美食✨今次就試左以下嘅菜式：🤎SET G: 古早味新竹炒米粉 ($68)米粉看似平淡無奇，但相當不錯，份量同配料都十分足夠，配有蛋絲、甘荀絲、菇、豬肉、芝麻✨食起來幾香口✨🤎香煎韭菜餅 (4個) ($32)同我想像中既賣相有啲岀入，以為成塊餅係綠色，佈滿韭菜果種(⁎⁍̴̛ᴗ⁍̴̛⁎)由於係外賣，食落已經冇咁香脆，建議煎翻熱食。內餡尚算足夠，鎖緊肉汁水份，配搭酸甜的醬汁，相當開胃～🤎黑糖芋圓仙草凍2號 ($43)必食‼️一定要講多次\(≧▽≦)/芋圓夠煙韌Q彈🥹配料亦十分豐富，佈滿珍珠、紫米、綠豆，加埋仙草凍，很有口感٩(˃̶͈̀௰˂̶͈́)و 而且加入淡奶，甜度亦適中～ 用生命推薦🥹🥹🥹係我芋圓排行榜頭三位黎架(⁎⁍̴̛ᴗ⁍̴̛⁎)🤎彰化茉莉綠茶整體來講食物嘅水準都keep得好好💛私心推介芋圓💛之前食既麻薯窩夫🧇都相當唔錯☺️值得一試～

嚟到荃灣8咪半，行完宜家傢俬，諗住醫肚，見到間台灣美食😋好耐都冇食過台式美食又見冇乜人排隊,因為平時好多人排隊架😧，唔通真係咁好食🤩入到去坐低叫咗個鹽酥排骨炒飯，一個三杯雞配白飯，加個肉操飯，仲有兩杯嘢飲。個肉操飯都可以嘅，唔太油！其他餐廳肉操飯會做到比較油膩，呢個食落都OK嘅👍🏻個鹽酥雞炒飯個飯炒得好好👍🏻有少少金黃色🤩另外鹽酥雞都好夠味，做到外脆內嫩，再加少少蔥花令到賣相更好👍🏻呢碟三杯雞係我必點之一，可以話做到色香味俱全😋😋顏色鮮艷，味道野味，更有陣陣嘅紫蘇葉香味，再加埋有黃椒，紅椒，綠椒🫑，更添口感配埋個白飯🍚一絶咁配！！珍珠奶茶啲珍珠冇咩味，奶茶尚算可以😉另一杯係奶蓋芒果沙冰賣相好，夠解渴😊