叁茶陸飯

营业中

休息中

行過見到喱間舖頭啱啱新開張，開張花牌又好多。望下餐牌見到有芋圓甜品就滿心期待去試，事關荃灣無乜邊度有芋圓糖水食。揀左個紅豆紫米糖水加芋圓，買完飛話即刻整要等15分鐘，諗住質素唔會差得去邊。點知番到屋企一開就知中伏，一望就見到水稀稀，無乜渣。撈幾撈就見到紅豆既份量已經少，點知紫米仲少，再撈下原來芋圓得5-6粒。碗嘢都唔係平，要$33，而芋圓，紅豆，紫米本身又唔係一啲貴價食材，洗唔洗賺到咁盡。失望，無下次！！！

很久沒到荃灣，無意發現了這家新開的台灣餐廳，剛好是有點想吃台灣菜的心情，決定前往看看探過究竟。———中國染廠大廈這邊開了各式各樣的餐廳，晚飯時間人頭湧湧，這家叁茶陸飯也有不少人在門口取票等位。我們先取票再看看餐牌，是新開張或是人太多的關係，很多菜式都已經被刪去，看來已經賣光，於是決定就只到旁邊的外賣買杯茶喝喝就好。———『海鹽芝士奶蓋四季春茶 $28』點了這杯海鹽芝士奶蓋四季春茶，茶是挺好的，四季春的味道濃，絕對沒有偷減茶葉。可是海鹽芝士奶蓋，卻只有奶蓋味，完全沒有海鹽芝士的味道，因此建議大家還是喝茶比較好，奶蓋還是⋯⋯嘛嘛希望之後能有機會在餐廳裡嚐嚐店內的台灣菜呢。

星期六8點左右入去食晚飯，點知餐牌上面d野食好多都賣曬。叫左嗰肉燥飯，黎到發現d肉好肥，d汁好油膩，食左一半放棄左，米粉又係好乾而且無味，價錢都唔平。總括而言，不值一試。

放工後諗住去行下宜家，就去8咪半新開嗰間，咁就近係8咪半食個簡單晚飯先啦，見到依間台灣人野新開既， 個裝修都簡潔俐落，又唔係大連鎖店，就入去試下喇。依個時間都要等咗一陣先有位，帶位佢會俾張menu你, 上面係可以好似酒樓咁tick你要啲咩。但係唔知係咪新開張，帶好幾樣野都無得揀，包括最多人想叫既牛肉麵。我兩個人叫咗一個鹵肉飯，一個牛腩煲，一個鹽酥雞粒，一個蜂蜜麻薯窩夫，我仲叫咗杯珍珠奶茶添。鹵肉飯好快有，佢啲鹵肉係似腩肉切片再切粒咁，個汁同個味都ok, 要38蚊碗，我見枱枱都差唔多有叫，再黎就係牛腩煲，一見到就已經有啲失望，因為108蚊依個價錢會以為係大煲啲，點知係細細煲似一人份量咁，牛肉味道唔錯，應該係新鮮牛腩，牛味好夠，但就無入個湯味既，個腩汁似日式甜豉油湯，都濃味既。鹽穌雞就十分普通，佢有menu仲進介住，都幾失望，味道一般之餘，肉質粗鞋，無肉汁。最後係甜品窩夫，個味道係ok既，但相俾個價錢就太貴喇，要78蚊。餐飯我最滿意既就係佢杯珍珠奶茶，茶味香濃之餘又唔會大甜，珍珠細細粒易入口，俾出面連鎖店好飲。總結，依個價錢同質素唔成正比，唔扺食。

尋晩放工後去咗八咪半，見個商場新開，近來又有咁多新食店加入，決定今晚係依度晚餐，見到呢間sell台式餐廳，裝飾新簇簇，門面光猛，諗住應該都唔會太差，點知就出事啦。入到去，店員已經同我地講台灣牛肉麵同鹵水拼盤已經賣唒，吓，只不過係七點已經賣唒，係咪咁受歡迎呀，咁唯有挑選下其他。點咗台式鹵肉飯，正正常常咁啦，無咩特別驚喜。之後，再點咗個聲稱皇牌推介的＄108元「古法銀籮牛腩煲。上檯時，發現分量其實很細，賣相同味道又唔係特別出眾，有D物菲所值。另外，叫了二杯台式飲品，都係用烏龍茶作茶底，算是這餐最好味的東西了。最後，還點了一份黑糖蔴薯鬆餅，其實味道算不錯，不過無咩特別。結果，兩人埋單差不多400元，已經唔係價格貴定平，而係好似無食過野咁，唔係咁抵食。同埋，唔知係咪新開張，店員跟order超級甩漏，要三催四請，下次應該唔會再去了！

食物質素不錯，飲品值得推介，係我最近食過最唔錯嘅台灣野。我一家人兩大兩細，其中有個手抱bb，安排張四人圓枱，坐得舒適，又有bb櫈，大女食得好好。餐廳裝潢有品味，讓食客坐得舒服。食物上枱速度都唔錯，阿女勁肚餓都好快有得食。野食就比較濃味，啱我口味。總括黎講，我都應該會再返去食。不過停車場就真係要講下，等左半小時先有位泊入黎，可能因為有宜家家俬，人流多左，排入停車場都要一段時間。同埋餐廳同廁所有啲遠，帶住大女去廁所，遠到呢

原本興致勃勃去食晏晝飯，見到新台式諗住入去食。最後失望而回1.滷水小食拼盤 （豆干，雞翼，蛋）- 又凍又硬2. 肉燥飯- 乾，冇汁，肉燥少得可憐，同食白飯冇分別3. 招牌黑糖珍珠燒鳥龍奶茶- 水汪汪，總之冇驚喜試過就算了，冇下次！

新開張既台灣料理，真係好岩一班人黎影相食飯，環境闊落，由於lunch 時間，有陽光打入大大既落地玻璃，成個人都好relax 懶洋洋講返食物先，因當日開張所以部分食物提供唔到，原因佢地理念將最新鮮食材提供俾客人，所以今日貴精不貴多都食到好好味既野食佢地推介既鹽酥雞👍🏻我同朋友食唔停口，見好多人都叫埋台灣啤酒好似好正但我 e d 打卡系緊係要點👍🏻海鹽芝士奶蓋紅茶先出色,我好啖啖芝士加紅茶陣味，驚喜店員表示茶葉係台灣運黎架聞說仲有個窩夫好正，我好想再黎食

新店開張，入去試食。點咗金瓜米粉。這款素食附送小農紅茶。埋單價$55。碟餸賣相好正。個米粉好足料。金瓜絲好爽口。米粉好彈牙。屬上等食材。食入口好清新。杯紅茶好甜。橫裝好正。服務員好有禮貌。價錢公道。

因為睇牙醫到荃灣區, 見街上多是大集團餐廳或者零食店, 就係巴士站唸緊返唔返屋企食既時候, 望到後面商場有間新開張既餐廳, 門前兩邊都係花籃。入到去, 少有餐廳用呢隻藍色, 側面落地玻璃,太陽照住令店好光猛, 座位闊我最鍾意。佢有lunch set,都有幾個選擇, 但可惜麵餐唔能夠提供, 職員解釋因為廚師要求真材實料,湯底仍在烹調中, 原來昨天才開張, 所以我會體諒。我同個仔各叫一份, 份量都幾多, 可以同職員講少飯,唔好嘥。味道唔錯, 伴菜係熱既, 唔似平日個D凍冰冰, 飯既汁好香口。排骨同雞肉都好味, 唔覺有太多油味, 兩杯飲品都好香。