叁茶陸飯

营业中

休息中

和友人聚餐相約了在叁茶陸飯 。由於排隊需時 ，太座意忍不住先叫了一杯黑糖珍珠奶茶解渴 。店員表示，飲品預設是少冰半糖，因此不太擔心會太凍或太甜。黑糖珍珠奶茶的珍珠可能主打健康，無咩味道 😜。奶茶也沒太多茶香，奶味較重。滷味拼盤看上去不是太大份，但一行幾人一起吃居然也吃不完。鹵水味略咸。鹽酥雞鬆脆可口，而價錢也不貴，份量頗多，性價比一流，值得推介。最難忘是鹽酥雞的九層塔炸得很好，香口而不會很油膩。水煮牛的花椒不夠多，沒太多麻香。辣味也只是輕輕的，不帶走一片雲彩。最奇怪的是下了香芹，味道不夾。蚵仔煎的蛋漿不錯，有蛋香；而蠔仔也不吝嗇，每隻蠔仔的太小和姆指相若，對愛蠔的我得到一點安慰。黑糖芋圓仙草2號 餐牌上寫了是凍甜品， 但奉餐的時候是室溫的食物，令我有一點失望。芋圓略硬，嚼感一般 ；仙草也無咩甘甜味。整體來說，我不會再點。餐廳走的是簡約工業風路線，坐得舒服。友人聚餐也可以輕談聚舊。值得一讚是店員的服務不錯，向他表示冷氣太大，轉頭就幫我們關掉。

今日放假一起身又好肚餓，突然好想食台灣野😋之前聽朋友介紹過中染城有間台灣野好似唔錯，就特登搭車由元朗出去試下。我叫左個肉燥乾拌麵同海鹽芝士奶蓋烏龍茶，本身以為個麵同平時食開果d冇咩特別，點知食左一啖，要俾十個like佢個麵質地又滑又好彈牙，有D似日本拉麵，再配魯肉一齊食，非常夾！一D都唔漏！另外杯海鹽芝士奶蓋烏龍茶又好好飲，好清新，個茶底又好香，呢杯野有三個層次，一開始就咁飲d奶，好錦好滑又唔漏，之後用飲茼飲個茶，又好清香，到最後將d奶同茶撈埋一齊飲，就好似lattle咁食完呢餐之後，成日都好想再去食！仲想試埋其他菜色非常推薦大家去試下個人覺得呢間台灣野係我食過嘅做得最好味，最有心，而且最重要嘅係價錢平民！

今日想去荃灣ikea買啲野 但係又唔想食ikea餐廳喎 咁就去咗ikea嗰個商場搵餐廳食飯 行過呢間台灣野 見到環境幾好就入咗去試吓😗Lunch set有唔少選擇 價錢都唔算好貴 我就揀咗個香酥雞排飯套餐 我朋友就叫祕制糖醋魚柳套餐🐟香酥雞排炸得好香脆 調味料都好足 而糖醋魚柳就好大塊 好鬆脆 酸甜度適中 幾開胃⭐️ 另外兩個套餐都有配菜 有手拍青瓜 花生同蔬菜 我特別鍾意碟青瓜 辣辣地幾好食😋跟餐飲品有兩款 有南投小農紅茶 同南投四季春青茶 我朋友怕肥 所以叫咗走糖 紅茶有黑糖味 幾特別 青茶就係好清純嘅綠茶🍵總括嚟講 午市套餐嘅性價比幾高 有機會會再試多次呢間餐廳 佢會收加一服務費既 但都物有所值 侍應態度幾好 而門口有個牌寫住學生9折 所以學生哥都唔洗驚負擔好重呀🤤

今次係第2次黎食，等位時間較上次短好多。我嘅是日午餐係”經典三杯雞飯套餐” ($68)加配黑糖珍珠奶茶(+$17) (去台式餐廳食飯, 來一杯台式飲品是必須的).不得了!三杯雞份量出奇地多, 配上一碗白飯, 普通一位女士真係未必KO得哂。最後我當然係食剩半碗白飯啦！　不過說實話，三杯雞嘅味道確係唔錯，雞肉亦唔算嚡口。黑糖珍珠奶茶味道亦唔錯，茶&奶比例適中，又不太甜。 不過我認為份量可以調整一下，那麼套餐定價就可以減減了。現在加一後三杯雞飯套餐收$93.5，以午餐黎講確係幾唔平。

位於在八咪半....非常合適睇戲前的選擇。星期二六點半左加....唔洗等位...即入座....不過邊食都開始邊多人...最後滿場....星期二來講真係算幾勁......我地分別點了以下:滷水拼盤(小) (有雞翼、蛋、牛肚、豆腐) - 滷水非常夠入味....但又不會過咸。 肉燥乾拌麵 - 肉燥不是太濃味....麵夠彈牙.....芝士蘑菇雞翼 - 炸得夠火喉....芝士有拉絲的效果.....味道不錯!!口水雞 - 夠辣...但雞偏鞋....中般~草莓黑糖麻糬鬆餅 - 好好味...麻糬跟麵粉混埋一起...整件事都是好煙un...雙莓芝士奶蓋 - 莓味算淡...但奶蓋出色.....還可合格海鹽芝士奶蓋烏龍茶 - 茶味濃.....奶蓋一樣出色.....

位於荃灣愉景新城隔離嘅中染而家多左好多野食，而呢間鋪更帶比我無限驚喜。海鹽芝士奶蓋茉香綠茶（走甜）$26： 💯佢個海鹽芝士奶蓋我可以好肯定咁講，係可以媲美喜茶，一樣咁好飲‼️。creamy 得黎又唔會漏、亦唔似有d 奶蓋咁好咸。都係因為呢個原因令我成日去幫襯佢。-🍵不過個茶底就肯定冇喜茶做得咁出色，茶味唔夠香濃🤨。加上我叫左走甜，有少少澀🤷‍♀️。（之前試過要半糖又好鬼甜喎，但佢又冇微糖，不過都睇返個人口味（我平時飲野都叫開微糖/走甜）。回頭指數：10/10 （自從發現左呢間野之後就成日走去食飯/買野飲，佢個奶蓋真係冇得輸。)

每次去完disneyland諗食咩都會好辛苦，青衣商場又食左幾次，所以今次要去其他地方試下。去左荃灣的Ｅ間餐廳，經過見到覺得佢幾靚就入左去坐底叫左肉燥飯，個飯尼到有陣焦味，肉燥的汁唔會好多，所以Ｄ飯唔會好腍，但肉的份量唔太多，唔可以一啖飯一啖肉，食到最後剩番只有飯仲有鹽酥雞，鹽酥雞有點失望，雖然味道唔會好濃唔會好鹹，但個皮唔係好脆食落有Ｄ乾，炸粉太多飲品叫左奶蓋茉香綠荼，佢好香好好飲，芝士好多，但又唔會好膩，而且佢的茶味亦都好香整體尼講都唔錯，餐廳環境好舒服，好光孟

近來手做茶飲料文化盛行，尤其系由台灣傳過來的茶飲，都紛紛在香港落地開花，到處都糸分店，各種牌子，出名的，不出名的，奶茶，果茶，純茶......而且有d仲賣得晤平，今天天氣十分嚴熱，經過叄茶陸飯，又未有肚餓，唯有外賣一杯冰茶解解暑氣。18蚊一杯南投小農紅茶，糖份，冰量都可以自行選擇，其實18蚊一杯純茶講真不便宜啦，但希望好飲，不過試過冇咩特別，普通茶水，不濃不淡，沒有特別香味，只是當下冰冰涼涼算是解渴，一般貨色啦。

台灣總有太多令人念念不忘既美食未有時間飛台灣，就搵間台灣菜食下，止止癮先！塔香鹽酥綜合拼盤 $88分別有鹽酥雞、台灣香腸、炸甜不辣同花枝丸。鹽酥雞份量大方，炸粉薄身花枝丸同香腸都係台灣味係甜不辣炸得硬左啲，有少少扣分。台灣肉燥飯 $38好食既肉燥飯肉燥份量夠撈哂成碗飯🍚就咁食晒成碗都仲得經典三杯雞 $88鍾意食三杯雞係鍾意佢既酒味，感覺佢雞還雞煮，汁還汁煮，所以唔太夠入味，可以試其他！鹹蛋炒苦瓜 $70驚喜之作愛鹹蛋香既唔好錯過，苦瓜同鹹蛋好夾，苦瓜帶微苦，但就係令人夾完一舊再一舊·好味指數（5粒最高）：環境坐得好舒服，門口仲有takeaway既台式小食同台式飲品（宜家好興既芝士奶蓋都有），唯獨冷氣真係唔係好夠，坐唔得耐

好一段時間沒來中染，想不到現在變了這麼多餐廳，見這間叁茶陸飯好像很多人，便決定試試。這裡的環境雖有點迫但尚算舒適，餐桌墊餐具也頗精緻。塔香鹽酥雞 $45大份到有點嚇人，雞粒外面炸得酥脆，內裡的雞肉嫩滑，又不會太鹹，讓人不想停口。滷味拼盤 (小) $58又是大堆頭的一碟，有牛肚、雞翼、豆干和鹵蛋，全部都鹵得夠入味，鹵水的味道亦鹹甜度剛好。牛肚夠軟稔好咬；雞翼肉質散軟，一咬即骨肉分離；豆干口感不會太硬太粗糙；鹵蛋亦沒有鹵到很老。蚵仔煎 $88煎很很香，蚵仔份量不少，而且隻隻飽滿鮮甜，入口啖啖蚵仔鮮味混合蛋香。蜂蜜黑糖麻糬鬆餅 $72一上桌已經心心眼，唧花弄得不錯，看起來亦烘得剛得剛好。咬下去絕對有驚喜，鬆餅外脆內軟，而且中間夾著的黑糖麻糬口感極煙韌，黑糖味十足，甜度恰到好處，加上香滑忌廉和味道純粹的蜂蜜，我絕對因爲它再來。這晚每樣食物也不錯，而且價錢合理，十分推介。

事隔多月再去中染覓食，見到有非常多的新餐廳開業，仲要大部份為非連鎖店，間間都想試但又冇咁大個胃，唯有選呢間外表睇落最好食嘅台式餐廳。門口有台式飲品外賣，亦有不少小食可以外賣拎走，連最近大熱的黑糖珍珠鮮奶 ($38) 都有得飲，不過整體價錢偏貴，所以都係乖乖地食返午市套餐算。裝修內部都非常適合影相打卡，又有吊燈又有霓虹光管，仲有兩隻公仔，店舖環境乾淨、坐得又舒適，確實第一印象不錯。不過講到食物方面就真係麻麻地，我哋兩個人分別點咗 肉燥飯 ($58) 同埋 肉燥乾拌麵 ($60)，見呢兩個套餐咁 dry 就另點一客鹽酥雞小食。兩個肉燥套餐都有巨量肉燥，不過肥豬肉就較少，而且肉燥不沾麵條，基本上全程麵肉分開，食到最後淨超多肉粒，齋食又唔過癮，唯有放棄。另一半食完肉燥飯話個肉燥味道同一般食開嘅有些少不同。飲品就無咩特別，兩杯綠茶，一杯加咗細珍珠，都幾有咬口，見同場好多人加錢飲珍珠奶茶。最令我失望一定，係一定係個鹽酥雞。肉質嚡口不在話下，鹽酥味道近乎 0，炸粉完全遮晒成嚿雞嘅味，乾爭爭超難入口。只有分量超多呢點係有令我驚艷，最少有 30 塊雞粒，最後食淨 10 幾粒就走，實在太唔好食，希望佢將來

6點幾拎飛3-4位，前面只有4張等緊，等到7點15分都未入得，呢段時間入面已經前前後後幾個家庭出來埋單，然後1-2人就不停入，問個所謂既經理個答案係未有人交枱，都已經奇怪係唔係得咁少4人位，7點15分3-4人既已經排緊20張枱，仲要呢段時間都淨係入得3張，而1-2人既係由十零二十張變到即場拎飛即刻有得入，到終於入到先真心唔明，張枱唔係固定左，大部份仲要係4人枱來，我明順得哥情失嫂意，但係會唔會係咁分配？到食果d又係得個死咸，菜莆蛋唔知佢菜莆係無浸過水定狂落鹽，4個人食左兩件食唔落，肉燥飯隻鹵蛋又係咸到痴肺，本身都傷風感冒無乜味覺，食一半都覺得咸，正常味覺既趙左兩野都吐左出來，排骨蛋炒飯仲正，由排骨到個飯都係甜既，特別個飯係甜到我以為趙緊砂糖，問左侍應又話係咁，咁當我少食唔識野啦，不過水果茶同拼盤幾好食，正常口味，總之無下次

去完行傢俬店已經好累，好想即刻立即馬上搵位坐低休息食野飲野補充能量。見到有台灣野，當正台灣係家鄉嘅我即刻拉男友入去坐低。因為唔想食咁飽，決定叫小食補充一下。 哩個小食塔香鹽酥綜合拼盤好好味，食台灣腸果刻好似喺台灣夜市咁！ 好好食招牌黑糖珍珠炭燒烏龍奶茶好香炭燒味，不過飲開少甜嘅我覺得太甜，男友覺得好好飲，佢好滿意黑糖芋圓仙草凍1號係我叫嘅實在係好豐富嘅材料，每樣我都好鍾意，所以加埋我好滿意！我下次都一定會再食

自從荃灣中染大廈重新裝修之後，改了個新名字 - 中染新城，並引入許多食肆，之前同朋友去過一間台灣菜食肆 - 叄茶陸飯，感覺都不錯，坐得很舒服，帶小朋友去都不覺麻煩。今次同朋友再去光顧，點了塔香鹽酥綜合拼盤，有4種食物選擇，鹽酥雞很香很脆，墨魚丸有些類似海鮮味，香腸同台灣口感一樣，值得介紹系甜不辣，甜甜有咬口，似系糯米做的。至於川椒回鍋肉，眼見好似有許多辣椒，但不是太辣，反而炒得比較咸。另外還點一款叫五更腸旺，初時不知道是什麼食材，侍應介紹有豬大腸，豬潤，豬紅，若喜歡吃豬大腸的人，可以叫這個，因沒有豬大腸的騷味。最後櫻花蝦高麗菜，炒得不錯，有些甜甜的高麗菜味，櫻花蝦很香，食的時候要小心，免得被刺到。食飽左之後還叫了杯飲品，蜜香芭樂烏龍茶，淡淡番石榴味。

再次去荃灣中染新城1樓 - 叄茶陸飯，之前食過，感覺良好，心思思想試下其他食物。今次我們下午4點30左右先到，我以為有下午茶食，原來沒有的，只有 LUNCH SET 提供。那麼我們叫了兩個套餐，份量超多超大，真的吃得很飽。香酥雞排飯套餐，雞排好大塊，沒有偷工減料，肉質香脆得來好多汁好軟滑，真系食不定，想來多一塊。紅燒牛肉麵套餐，牛肉食落都不會太淋，有咬口，值得一提系湯底，飲落有中藥味道，同平時牛肉麵不同，多口問下侍應，她說是的，有加了些中藥配料來製作湯底。好獨特製法，如此就做出與眾不同了。套餐附送花生木耳，味道也不錯，花生大大粒，很鬆化，雖然系附送，但也不失禮。燙青菜系幼身通菜，有肉燥放面，充滿台式風格。招牌黑糖珍珠炭燒烏龍奶茶，好香烏龍茶味，不太甜。南投炭燒烏龍茶，飲落好香茶味，有齒夾留香的感覺，20元一杯飲品，能有如此質素，老闆真有誠意。