叁茶陸飯

营业中

休息中

星期五晚放工後去到荃灣嘅叄茶陸飯門外等候人數不少 但好彩10分鐘內都有位了餐廳內環境舒適走小清新路線而整間餐廳的樓底都好高感覺會好舒服菜單是一張紙前面是彩色後面是飲料正路的台灣菜選擇亦有 選擇包羅萬有點菜後再留意一下店內的環境上菜速度10分快5分鐘內已經上好第一碟菜—蒜泥白肉這碟菜跟譚仔米線的白肉完全不同肉上沒有什麼蒜頭紅油 只有醬汁同薑絲這種可能是台灣的傳統做法吧 入口有一陣甜甜的醬油味道 有趣有趣另一道菜肉燥拌麵肉燥份量不少可惜口味偏淡或者叫問店員拎豉油菜夠味鹽酥拼盤這個鹽酥拼盤內包括鹽酥雞，台灣腸，花枝丸及魚味年糕蒼蠅頭蒼蠅頭應該是韭菜粒炒肉碎帶一點辣雖然在外面沒有看過這個菜色但是我們也感覺比較普通最後也加點了一杯芝士奶蓋炭燒烏龍茶雖然芝士味沒有喜茶的咁濃郁但以20多元來講絕對抵飲！

荃灣果然有好多好西食 其實之前都試過呢間野 不過真係太吸引了 結果叫左朋友陪我試多次 依然冇令我失望 很喜歡這間台灣店 因為佢除了有主食外 亦都有台灣特色飲品簡 仲有仲有最重要既就係有埋甜品食 真係一切過滿足曬女人既三個願望 所以一於放開肚皮食~食~食~ 四個人叫左勁多野食台灣肉燥乾伴麵$48 味道還好 不過份量不算多金瓜炒米粉$65 顏色就鮮艷 不過食落冇咩味 自己平時都食得較濃味 所以呢個有點失望台灣肉燥飯$38 味道同肉燥乾伴麵差唔多 都係不過不失另外叫左一些小食 台式花枝丸$32 好好食 本身自己都非常鍾意食花枝丸 佢炸完之後就更加好味 值得一試塔香鹽酥綜合拼盤$88 自己食台灣野必叫拼盤 貪佢樣樣都有 可以一切過食曬 最鍾意佢既台灣腸 加蒜頭食值得係一種享受 朋友另外又叫左滷味拼盤$58 幾好味皮蛋豆腐$48 好鍾意食呢個 次之黎都會食呢個 都知皮蛋同豆腐係非常吸味既食物 加上秘製既醫汁 真是一大享受最後當然叫左甜品啦其實我再食呢間野既一個最大原因係因為呢豌蜂蜜檸檬蘆薈愛玉$38本身自己真係十分十分十分鍾意食酸既野所以呢個真係岩曬我既口味愛玉同蘆薈吸曬檸檬既味 簡直係天上的美

今日到荃灣愉景新城及染廠大廈行商埸，見到叄茶陸飯食台灣菜，我和太太都想試嚇。台灣菜有肉燥飯、台灣牛肉麵及鹽酥雞...等，都很多菜式，飲品也有多款，還提供外賣手搖飲品，如珍珠奶茶，抹茶拿鐵 ...,等飲品，平時經過都有購買飲品 ，覺得質量及味道都不錯，尤其是抹茶拿鐵甜得黎帶著濃厚茶香。 𥚃面環境裝修都比較有特色，一幅高大的落地玻璃可看到街景，樓底很高。蔥爆牛肉$83。蔥爆牛肉上枱還冒著少少熱氣，飄過來一陣香味，有青紅椒，大蒜葉...等，綠色的大蒜葉配上十分夠色調的啡色適中濃汁，挂著大蒜葉及牛肉，非常夠鑊氣，大蒜及牛肉都非常入味，香口，超贊的小炒。台式五香牛肉麵$73。食台式菜離不了牛肉麵，平時都有食，不過叄茶陸飯的牛肉麵的牛肉比起之前食過的夠厚及大件及夠入味，湯㡳顔色深啡夠濃厚，麵帶煙靭，少少爽口。塔香鹽酥雞$45食台式菜更要試台灣的鹽酥雞，不是很大件，一口一件，入口香中帶酥脆，又入味，十分有口感。最後，以這個帶㸃酸酸甜甜清清涼涼的雙莓芝士奶蓋$48，𤔡今餐美味的台式菜更添美味。

香港最特別原因皆既因四面環海琳瑯滿目!荃灣街頭新興潮流總是滿滿特色食物更不需親身遠地飛去2處地方尋覓捉以品嘗得到，如:小吃/滷肉飯/珍珠奶茶應有盡有, 各有各的風味讓香港美食之都受歡迎之餘受歡迎程度指數在排行磅數一數二令香港許多人愛不釋手不再見到美食再陌生叁茶陸這名字別具小創意特別選用台式風格增添口腹之外的小食趣以這所餐廳手搖飲料飲品款式頗多出俗，令我不禁忍不住趕快去雖然開業不久迅速掘起，難怪晚市大一批人潮出轟動，選擇招牌菜式推介或地道港人較熟悉嘅口味熬製完全係兩者融合得剛剛好啖啖足料之餘令人額外驚喜滷味拼盤(小)蚵仔煎排骨蛋炒飯 黑糖珍珠奶茶店內装潢寓意盎然富文青派路線能帶進舒服溫暖感覺，寬敞不擁擠格價與份量上絕對能讓顧客們飽餐一頓

新開的好有興趣試下之後我們的一班朋友聚會就決定黎呢度試下啦首先唔洗排隊裡面空間好大而且位置坐得好舒服 很寬敞上菜的速度很快距個拉麵好好味道呀很彈牙很入味然後炸雞好脆好夠味距個調味一流年糕好好味呀好彈牙而且好夠火候後來我地有加野飲可以食完正餐之後慢慢飲下嘢 傾下嘢！環境很舒服坐得舒服食飯果陣見到距請左黎拍廣告個男主角好靚仔下次去完IKEA就可以落黎食嘢方便又就腳而且價錢很合理味道不錯是一個好選擇！！！！

台灣菜應該是很多香港人也喜歡吃的菜式之一，大概是較適合我們的合味吧！間中吃也不覺得厭。荃灣這個翻新過後的新商場，進註宜家傢俬之後人流多了，食肆選擇都多點。是晚來到這間叁茶陸飯，地方幾大，晚飯時段由不太多人漸漸坐到客滿了。兩面的餐牌選擇都不少, 讓人懷念在台灣吃過的好東西~滷味拼盤 (小) ($88)點了個小的拼盤但份量都不算少喎,有滷蛋, 雞翼, 牛肚, 牛腩同豆腐乾,好入味亦都較重口味~經典三杯雞 ($88)雞件好像全部都是雞翼件來的,也好的, 至少沒有我不喜歡的雞胸肉見到顏色深深的就知不會吃落淡而無味啦...還是幾濃味添~送飯一流!台式蝦仁蛋炒飯 ($78)飯炒得夠乾身, 金黃色的賣相不俗!有人說要減肥不吃飯, 但最後卻吃了很多~XD而蝦仁都幾大隻爽口同有調味~蜜香芭樂烏龍茶 $38台式飲品方面都有好多款, 這杯果茶幾大杯, 清清地不會太甜同解到喝~(我到台灣都好喜歡吃那裡的紅肉芭樂呀! 好清甜的~)紅豆紫米糖水加芋圓 ($38)最後吃埋甜品就好滿足喇...上枱時見到成碗水水的, 怎知用匙一"筆"底下有很多材料喎,紅豆, 紫米同芋圓都是很配的組合, 口感十足!芋圓份量不少呀, 令我

之前係佢地到試過飲黑糖珍珠烏龍奶茶，覺得味道不錯，所以再試下。點知遇到態度勁差嘅中年短金頭髮女收銀員，我問佢黑糖珍珠係咪本身都有甜度，佢話佢唔知因爲佢本身唔飲呢杯。okay fine! 跟住我話想要微甜，但我睇張單打左少糖，我問番佢，佢就好串咁同整飲品同事話：佢話要微甜喎！Okay fine! 我其實係要熱嘅野飲，原來佢打左凍，其實佢全程都唔知有無聽人講野🤷🏻‍♀️🤷🏻‍♀️其實佢公司會唔會有服務改進課程可以考慮俾呢位同事上一上？

荃灣抵食台灣菜估唔到荃灣食到款式多都幾抵食嘅台灣菜！八咪半有很多特色餐廳，早前品嚐過商場內的一間中國菜，經過這間餐廳，便一心想來試一試。今天晚上，終於和友人來到了這間台灣菜館。餐廳嘅裝修好光猛，而且帶點年青時尚嘅感覺，座位都幾寬敞，一入門口嘅右邊有幾張卡位，仲有好多梳化座位。天花板上的吊燈約什有特色。最鍾意餐廳有一排落地玻璃，感覺好開陽，而且牆壁上也裝了很多玻璃鏡，令餐廳的空間感十足。餐牌的選擇真的很多，對於我這個選擇困難的人來說，是一件10分煩惱的事，每一樣食物也不算太貴，花多眼亂。餐牌上以食物的類型來分類，小食、肉類、海鮮、主菜、飲品、甜品……也有很多的選擇呢。海鹽芝士奶蓋抹香綠茶$26奶蓋：帶微微鹹香，上面仲灑上抹茶🍵粉。 奶蓋質感較為輕盈，都幾綿密，飲完唔會太飽膩的感覺。茶底：茶味幾清香，唔會太甜。近日大熱黑糖珍珠奶茶，最愛都係奶蓋系列。以外賣嘅價錢，能夠舒舒服服坐低飲杯奶蓋真係唔錯。塔香鹽酥雞$45個份量都比想像中多，炸得金黃色。雞肉唔會乾身。最怕粉漿比雞肉還要多。呢間真係啖啖肉。值得一讚係碟底都唔會太過油膩。台灣肉燥乾拌面$48麵質好彈牙，有點像日式沾面粗度。每一條麵都沾上

今日要到荃灣開會，由同事帶路黎到中染新城。一樓係餐廳的集中地，台灣菜、越南菜、中菜應有盡有。最後揀左台灣菜，餐廳裝潢十分簡潔，空間感唔錯。午市套餐由40多元起~小弟點左鹽穌雞扒餐~雞扒即點即炸，炸漿夠薄！食落香脆亦唔會過油。隨餐送上3樣前菜，開胃的青瓜最討好~餐飲加錢轉成海鹽芝士奶蓋紅茶~入口順口的奶茶，再配上芝士奶蓋~淡淡的芝士香，的確比一般手搖飲品優勝！平日午市上菜速度快，亦係其中一個加分位。

今日和朋友去了台灣餐廳吃午餐。裝修不錯，很新很光猛。台式五香牛肉麵:這一款牛肉麵不會很重藥膳味，是傳統的滷水汁的味道，麵幾彈口，而且牛肉是厚切的，份量很多很大塊，非常抵食!滷味拼盤（小）:雖然只是點了小的，但份量已經好多，兩個人一定夠吃。有滷水雞翼，滷水蛋，滷水牛肚，滷水豆腐，非常豐富，滷水味十足。祕制糖醋魚柳套餐:好有驚喜!沒想到去台灣餐廳吃飯最好吃的是這味糖醋魚，牠的皮炸得很脆，而裡面的肉質則非常鮮嫩，完全不會韌。而糖醋汁酸酸甜甜，連同菠蘿一起吃，非常惹味!真的很好吃。黑糖珍珠奶茶:幾大杯，奶茶不會太甜，味道剛剛好，不錯。埋單2個人食這麼多才大約$250，價錢合理，這間餐廳d菜式普遍都不會太濃味，對我來說就剛剛好，挺好吃。

下晝去到荃灣唔知食乜好，竟然又搵到間隱世好野點解叫隱世，因為佢唔喺係綠楊坊，愉景新城呢d大商場，而係喺地鐵站出口向愉城中間一幢商業大廈。店面裝潢清新雅緻，行到有d攰就入左試下幸運地仲要趕得切lunch，好多選擇啊點左餐好快就到，位處商業大廈就係有效率d點左魯肉飯，雞翼，鹽酥雞扒飯同我最愛嘅仙草芋圓呀。魯肉飯煮得好入味，汁香濃而不油膩，仲要份量唔細架，拌飯食真係好滿足。最重要係個鹽酥雞扒，皮炸得香酥，雞肉嫩滑多汁，配上隔離醃黃瓜同青菜配搭一流。食埋個甜品芋圓真係畫上個完美句號。

喺荃灣返工咁耐，知道呢間餐廳開咗一段時間，今日終於有機會去試吓啦。入到去環境感覺好開陽，前面有塊好大嘅落地玻璃，透露出戀戀嘅陽光，望向左邊有個好大嘅打卡位（今天好嗎）。好啦開始食嘢啦，個香酥炸雞排賣相好吸引，超級大塊炸得超級香脆，雞排嘅皮薄肉質嫩滑，咬落好juicy，但入口亦唔會覺得油膩，配埋白飯剛剛好。照燒鰻魚飯套餐都黎埋，成隻手掌咁大嘅鰻魚，好吸睛，照燒汁嘅味道剛剛好，增加左鰻魚獨有嘅味道，一口鰻魚再配一啖飯，感覺好滿足。咁愛食芋圓嘅我就算好飽都要堅持叫多個黑糖芋圓仙草糖二號！哇！好大份分量十足，，芋圓夠曬煙韌，而且食到芋頭既味道，仙草夠曬冰涼，食幾多都唔覺得好膩 ，配上紫米、綠豆、珍珠口感豐富，感覺上又多咗碗飯🤭。係喎！仲有個水果茶不得不提，真係超級好飲，水果滿滿，茶既濃濃剛剛好，彷彿又帶出水果嘅新鮮。整體來說，餐廳裝修很有台灣特色，環境十分舒服，食物質素不錯，特別係最愛塊炸雞扒同黑糖芋圓仙草，性價比高，會再來喔。

唐山排骨蛋炒飯 排骨薄薄的一大塊，非常入味，外面是薄薄的脆漿，把排骨炸得香酥。蛋炒飯每粒都被蛋漿包著，金黃的，不錯👌海鹽芝士奶蓋四季春青茶，水準一般，我覺得奶蓋不夠厚，麻麻地。

想食就去食，我的蚵仔煎。我比較喜歡本地的蚵仔煎，比較爽身只加香蔥、雞蛋、薯粉及調味料而成。這台式餐廳沒有跟台灣的放好多醬汁在上面，只付上一小碟，這可按個人喜好放多少。這蠔煎蠔的份量也多，很鮮味。黑糖芋圓仙草凍，我選的是紫米、綠豆和珍珠，味道也不錯，QQ的，不太甜。

今日嚟開Ikea 行街順便食埋飯，冇嚟一排原來呢到開咗咁多間餐廳，行咗個圈，最後㨂咗呢間台灣嘢。我覺得個名幾得意，但好易叫錯做”粗茶淡飯”環境都幾舒服，寬敞食物方面都有唔少選擇我地叫咗個拼盆，滿足唒我乜都想食嘅慾望嚟到見到好開心，感覺好豐富。鹽酥雞好香脆，好新鮮，墨魚丸大大粒，好彈牙，正！仲有唔係到到食到嘅甜不辣，好滿意我地仲叫咗排骨肉燥湯麫，雖然唔係好特別，但味道ok仲有台式蝦仁炒飯，雖然唔知點解台式，但炒得唔錯，好乾身，D飯一粒粒唔怕痴埋一舊舊, 仲有好多隻蝦tim 其實仲有好多飲品同甜品，但實在太飽，下次再食過😬