叁茶陸飯

营业中

休息中

今晚去到荃灣去台灣菜，整個風格都是深圳喜茶的裝修，都是白色的簡單美，重點是有一些圖案也好像喜茶的LOGO，哈哈! 這店也很大，有好多位置可以坐，我點了塔香鹽酥雞綜合拼盤、唐山排骨炒飯、海鹽芝士奶蓋茱香綠茶、黑糖艼圓仙草凍2號(紫米、綠豆、珍珠) ，這些菜都來了，份量都好大，賣相也好吸引! 塔香鹽酥雞綜合拼盤很吸晴，什麼款式都有一點，有台灣白腸，又有鹽酥雞，又有炸弄干等等，全部都很新鮮和騰熱，這個,一定要襯熱食! 唐山排骨炒飯份量好多，是炸排骨來的，海鹽芝士奶蓋茱香綠茶很好，真的好像內地的奶蓋，味道很好! 賣相也不錯! 糖艼圓仙草凍2號(紫米、綠豆、珍珠)這個用料很多，全部都是滿滿的紫米、綠豆、珍珠，食了超飽肚，綠豆、珍珠都是大顆的，口感特別好!

自從有左小朋友，愉景新城成為我常去的地方。相連的中染新城亦成為我開飯之選。每一間餐廳都食過了。要數我最鐘意就係叁茶陸飯~落地大玻璃，引入大量自然光~然後空間感都算大，台與台之間唔算逼~就算只係2位大人，但每次帶住BB都會分配到大圓台~唔駛又逼又趕咁食飯，真係人生小確幸。每次都會點上香酥雞扒飯~即點即炸，入口香脆~ 台式鹽酥雞的味道~ 就係濃口味吧~不過真正令我回頭的，其實係飲品。第一次誤打誤撞飲左- 海鹽芝士奶蓋四季春茶~濃厚帶咸的芝士奶蓋，十分邪惡~馬上又被回甘的清茶混和~兩者味道又出奇咁夾~街外的芝士奶蓋飲品，對我而言都過甜~但叁茶陸飯正正係清清地，吸引我飲完再飲~

位於荃灣嘅叄茶陸飯，聽個名真係唔知食啲咩菜式，上網搵咗一搵先知原來係台灣菜。諗起台灣嘢相信香港人都會諗起牛肉麵，肉燥飯，鹽酥雞呢啲標準台灣菜。今日同朋友黎到就當然要食曬咁多款喇！喺門口嘅係一個外賣櫃位，專賣台式飲品，配合番時下台式飲品熱潮！店舖環境好現代，而且因為樓底高同地方大嘅關係，唔會有侷促嘅感覺，坐得好舒服。餐廳以填紙仔方式落單，圖文兼備，可以好快選擇到心水嘅食物。不過食物種類真係太多有啲花多眼亂嘅感覺。今次我哋揀咗兩個主食同埋兩個小食，再加多一杯飲品。首先嚟到嘅係滷味拼盤，分別有雞翼，牛肚，滷蛋，豆腐乾同埋花生。睇圖估唔到分量有咁多，細食啲都好易做大嘥鬼。滷水唔算十分咸，牛肚爽口，雞翼比較普通但整體來講值得推薦。肉燥飯嘅肉燥份量都唔少，足夠撈晒成碗飯，付加半隻滷蛋。不過我都係比較鍾意食滷肉飯多啲，貪佢有啖啖肉嘅感覺。服務員推介五香牛肉麵，話係新出品原本只係紅燒牛肉麵。牛肉份量超級多而且非常冧身，肉味濃。麵質彈牙有咬口，湯亦唔會死咸有香味，係一碗高質牛肉麵！塔香鹽酥雞係即炸起，熱辣辣。外皮粉漿好脆口，入面雞肉冧滑有汁，唔會好似坊間有啲炸雞店咁將啲雞肉炸到乾爭爭。非常好味，食唔停呀

今日考完試終於可以同男朋友去街食飯慶祝下，去左荃灣行IKEA，IKEA 個商場原來都有好幾間餐廳，見到呢間主打台灣菜的餐廳竟然有芝士奶蓋茶飲，見其他野食都幾吸引，一於入去試試。門口可以外賣飲品餐廳行簡潔風格都幾多人食餐牌選擇都算多，款式都幾特別。落單同上菜速度都好快，值得一讚。台灣肉燥飯 ($38)，唔算太大碗，但個肉燥都幾入味。塔香炒海瓜子($98)，男朋友點的，原來海瓜子即係蜆，呢個海瓜子好惹味，蜆肉好大粒，唔會炒到跌哂出來。五更腸旺($88)，材料好豐富，有豬紅，大腸，豬潤。d腸無臭味，豬紅好滑，配上酸菜好送飯雙莓海鹽芝士奶蓋 ($48)，最期待的芝士草莓🍓，好大杯呀，兩個人share 都夠飲，上面層芝士咸咸的好濃郁，下面的士多啤梨沙冰好足料，咬到一粒粒果肉。堂食來講$48甘大杯足料的飲品都唔算貴。餐廳仲有甜品供應，有麻糬鬆餅同仙草凍等等，不過我地已經飽的關係，所以唯有下次再試！

台式食店開得「成行成市」，勢頭跟韓式料理一樣銳不可當。中染新城翻新後，食店林立，其中這間讓人眼前一亮。總希望在有時間就去台灣走走，滷味是其中一款很受歡迎的夜市美食，當然來一道，望梅止渴了。賣相不錯，色也足，金錢肚也爽而不韌，就是有點咸，配個白飯比較好。這𥚃的肉燥飯跟牛肉麫也不錯。甜品是亮點！這waffle不得了，黏韌軟糯，香味十足！我們還encore了！

近期台式飲品興起，接連開完一間又一間，連中染大廈都開左，次次經過都大排長龍，呢日經過見無咩人又有少少肚餓就入去試下。餐廳走小清新風格，主色係我最中意既淺藍同白色，一入眼感覺好舒服～Lunch set 都係經典既台式飯菜，例如三杯雞、肉燥飯、香酥雞排等，五十幾至八十幾蚊不等，包紅茶/綠茶。因為唔算太肚餓既關係，同朋友嗌左個三杯雞套餐share食，另外嗌左碗糖水同芝士奶蓋～上菜速度非常快，落單後十分鐘內就上齊哂套餐非常豐富，三杯雞大大碟之餘，旁邊仲有三款配菜，包括手拍黃瓜、花生同蔬菜，好好送飯。三杯雞份量好多，都幾厚肉唔會得骨，加左好多薑、九層塔同蒜頭，微辣而香口惹味。跟餐既茉莉綠茶加仙草椰果，椰果好有咬口，綠茶唔會太甜。 奶蓋較稀薄，有芝士味，但飲唔出有海鹽，個茶底反而唔錯，四季春入口滑而清香。珍珠有咬口，幾好食，芋圓尚算煙韌，但份量唔算好多，大部份都係涼粉。糖水既甜味主要源自紅豆同綠豆，溫馨提示撈勻會好食啲～

Personally, Taiwanese food is my favourite food. This restaurant really suit my taste. The beef noodle here is very tasty. The staff here are very nice too. I really like the decoration here. It is very modern and eye-catching. However the food here is a but expensive. I would recommend my friends to come here.

今日約左朋友去荃灣行Ikea傢私, 去到先知原來果度都有幾多餐廳進駐左係度, 見shopping 完都差唔多時候醫肚, 所以就揀左間裝修幾靚嘅台灣嘢試試。餐廳行簡約風, 加上樓底都幾高吓, 係度坐吓食吓hea吓都幾舒服架。望吓餐牌, 選擇都幾多吓, 我同朋友就點左四樣嘢一齊食。先黎係滷水拼盤, 個size兩個人食都算大份,  有滷蛋, 雞翼, 牛肚同豆腐。牛肚絕對係有驚喜嘅好食, 夠哂入味, 雞翼都唔錯吓。之後黎嘅係肉燥飯同肉燥拌麵 , 食台灣嘢嘛, 冇可能冇肉燥掛? 其實兩個餸嘅料係一樣嘅, 只不過係我同朋友一個係冇飯不歡, 一個係冇麵不歡, 所以索性叫哂兩樣主食黎食。肉燥同期望一樣, 係咪濃果隻,肉唔肥, 食落有口感, 唔似出面好水好水果種, 屬水準之作。至於全餐最欣賞嘅係依個三杯雞, 用熱鍋上嘅, 熱辣辣, 夠鑊氣, 濃味控人士不容錯過, 提議用黎送飯麵, 一流!整體黎講, 服務同食物質素都好! 下次有機會會再黎幫襯!

荃灣岀名食物種類繁多，幾乎每個國家的食物都會林立在荃灣，今次我和朋友走進了宜家家私的大廈（中染新城）1樓中尋找晚餐，竟然給我找到一間台灣的餐廳。看見門面很光猛，座位也很舒適，所以便選擇了進去享用晚餐，在等待的過程中，原來店內都有擺放飲品外賣的位置，客人可以外賣台式飲品，店內出名的是珍珠奶茶☕️看見不少客人都會外賣享用！我和朋友選擇了台灣肉燥飯，家鄉特色炒飯，櫻花蝦高麗菜，鹽酥雞髀菇！肉燥飯的肉燥不會過鹹，而且沒有油膩感，滿滿鋪在飯面上，肉燥內也有冬菇才配菜，份量可以每一啖飯都吃到肉燥，就算把飯吃完都有多了的肉燥，真的令人回味。至於鹵水蛋，師傅是新鮮的雞蛋來烹調，並不是用隔夜蛋，但味道都十分入味。家鄉特色炒飯配上了櫻花蝦乾，雞蛋，椰菜，這個味道很特別，在其他店很少見，這個炒飯再配上櫻花蝦乾，味道很突出，整個炒飯都很有鑊氣，師傅不會用過多的油來烹調，食下去每一粒飯都很分明，而且師傅用了乾炒的，撇除了油膩的感覺！櫻花蝦高麗菜真的是第一次見的菜色，師傅把新鮮高麗菜炒得很多醬汁，不會把醬汁收乾，而沒有水份，醬汁滲透在菜中，令每一條菜都很有味道，而且再配上櫻花蝦，味道較為出眾！鹽酥雞髀菇炸得不會很乾

荃灣出名有間大商場行下企下又穩到間幾正既台灣菜地方乾淨企理碗碟全部都又新又乾淨擺放整齊間鋪頭都幾多客仔但地方大 等位唔洗好耐就有得坐地方寛落 唔洗同人爭位地方設計時尚令我好舒服 肉燥湯麵湯底有少少酒香味 而且湯座味道都足既而麵都飽肚有質感食落索索聲 屬於較紥實既麵肉燥俾左一大炸 有滿足感排骨係乾身既排骨呀 而且㽢得好夠味 台灣風味十足用來送肉燥麵 係爽係夾既仲有少少肥肉 有油香味海鹽芝士奶蓋桂花綠茶哇 層奶蓋厚過厚多士頭個幾啖都有好香濃既奶香味 而且飲到最後都有濃濃既奶蓋又有綠茶平和番個濟既感覺正既感覺呢個 雙莓芝士奶蓋都一定要讚入口完全冇化學香料味道而係天然既味呀好冰涼好清甜再加上濃濃既奶蓋 好正必點必點！肉燥飯瘦肉同肥肉既比例岩岩好而且佢既味道撈飯 惗起我媽媽既味道兒時既便當鹵味拼盤我(小）佢既牛肚要試 如果你中意鹵到超級冧既牛肚既話 咁我向你推介鹵蛋也值得一試

近排興台式野食，去開荃灣見到有間餐廳門口有飲品corner,入面有位坐可以叫餸食飯，裝修都幾別緻，於是決定係到食個dinner.餐牌上面嘅選擇唔算多，但係睇落款款都好吸引，不過礙於淨係得2人食，所以只係叫左大滷味拼盤+滷蛋，鹽酥雞排蛋炒飯同一個芋圓甜品。首先一讚佢哋上菜速度好快，而且食物都好夠熱，員工嘅態度亦好友善，會逐一同你核對下單食物，擔心漏單會耽誤我哋嘅時間。大滷水拼盤嘅分量真係相當多，有4隻雞翼，牛肚，豆乾同2隻滷蛋。雞翼嘅滷水汁好入味，size亦幾大隻，不過肉質就嫌唔夠嫩滑。而牛肚則係最出色嘅小食，肉質嫩淋得黎又幾有咬口，加上超級入味，正。豆乾質地方面比較硬質，不過味道尚算可以。至於滷蛋，可以見到滷汁已滲入蛋白，同樣入味。碟底有一些煮至淋身嘅花生，配上滷汁吃一流。而鹽酥雞扒蛋炒飯嘅雞扒外層炸得酥脆可口但內裡仍保持肉質鮮嫩多汁。飯底沒有港式酒樓嘅鑊氣，不過炒飯粒粒分明。食落除左蛋香仲多左股油香，但食後碟上都只有少量油，唔會感覺油膩。但係記得要快啲食，如果唔係雞皮就會淋曬架啦。呢餐我地用甜品黑糖芋圓仙草凍2號黎畫上句號。入面有紫米，綠豆，迷你黑糖珍珠，仙草同芋圓。加上少量鮮奶，配

每次去搭港鐵都見到叄茶陸飯門口有人睇餐牌及入去食，都想試很久了，今日終於來到試嚇啦。我以𤔡是細細間的，行到入面見到原來很大間及很多座位，非常高的落地玻璃可以看到外面的街景，有卡位，環境舒適寬敞，裝修優雅明亮。三茶陸飯主打台灣菜及台灣飲品，有台灣肉燥飯、台灣牛肉麵，鹽酥雞及經典三杯雞等，也有手搖飲品，有珍珠奶茶及抹茶拿鐵等。午餐經典三杯雞套餐$68。三杯雞內有非常多的薑片，香葉，蒜子及有紅辣椒。配有熟花生，軟腍香口。酸辣青瓜件，帶少少辣夠爽脆。還配有椰菜及白飯，椰菜非常爽口清甜。雞肉切得大大件，深啡色的濃汁，沾在一件件的雞件面上，見到令人忍不位要試。濃汁沾著雞件，令雞肉非常入味。餐配南投小紅農茶。小紅農茶顏色帶深啡紅，入口茶味香濃帶甜味，原來茶帶甜也會這麼好味哦，未試過的真是值得要試下這個帶甜味的小紅農茶。

Lunch set 台灣肉燥乾拌麵套餐($60)肉燥味道唔錯肥豬肉較少 相對無咁油膩 雞蛋較為一般麵嘅份量都幾多 一個女仔未必食得晒整體黎講幾好食 如果可以多返少少肉燥汁會更好

今日喺荃灣行街，行行吓見到呢間餐廳，門口好多人買嘢飲，就一於入去試吓啦。呢度嘅裝修好靚，而且座位夠闊，嘢食都好抵食喎。呢個口水雞賣相夠晒靚，而且個辣味啱啱好，雞又夠滑夠嫩，真係好出色。呢個蔥爆牛肉一上枱已經聞到好香，試咗一舊果然係好夠鑊氣，而且啲蔥同牛肉好夾，送飯一流呀。食台式野梗係要嗌鹽酥雞啦，但係平時啲餐廳次次都細細份，估唔到呢度咁大碟喎。個雞炸得啱啱好，食落外脆內嫩，仲有少少辣辣地添。滷肉飯都係台式餐廳必叫既，呢度既滷肉飯唔會太肥太油，岩哂愛健康既香港人呀。近期好興芝士奶蓋既飲品，呢度都唔例外。呢杯芝士奶蓋綠茶既奶蓋飲落好滑好香，拍得住大陸成日大排長龍果間呀。呢間餐廳好味又平，性價比極高呀，難怪咁多人食啦。

今晚又約左好友相聚，荃灣食肆眾多，有時真係幾難揀，今次黎到位於8咪半嘅叁茶陸飯，我地大概7點9黎到，客人唔算好多，等左15分鐘就可以入座喇，餐廳裝潢幾特別，好光猛整潔，整體黎講好舒服，我地今次揀左：台灣肉燥飯同台灣食到嘅味道差唔多，飯底好多肉汁，撈埋一齊食好juicy，唔錯，同埋比我想像中大碗，有驚喜，滷味拼盤（大）味道偏鹹左啲，雞翼入面仲有啲紅色，蚵仔煎味道唔會太鹹，唔錯，汁醬亦好有台灣風味，塔香鹽酥雞鹽唔會落得太重，所以唔會太鹹，雞炸得好脆，肉質嫩滑，真正嘅外脆內軟，櫻花蝦炒絲瓜香口嘅櫻花蝦配合清淡嘅絲瓜，味道幾好，鹹淡度適宜，仲可以一解油膩感覺，五更腸旺望落以為好重口味，點知原來唔係架，仲有我至愛嘅豬潤，豬紅，豬腸餐廳仲供應一個小爐一路將鍋加熱，保持菜式熱辣辣，川味水煮牛唔知點解會有川菜食呢味菜食第一啖覺得好辣，但辣味好快就過，之後一路食都唔覺得辣了，牛肉份量好多，都幾抵食，仲可以辣下過下口癮，海鹽芝士奶蓋小農紅茶呢杯要大讚，淡淡嘅海鹽味，唔會搶左奶蓋味，濃香幼滑嘅芝士奶蓋，紅茶味好香，完美嘅配搭啊黑糖珍珠茉莉奶綠呢一杯就差少少，好期待嘅黑糖珍珠無黑糖味，甜味都無，但茉莉茶味幾突