叁茶陸飯

营业中

休息中

自從中染大厦裝修後多了很多食店，巴士站在門口落車，肚仔餓，一於過來試試台式下午茶，一行入來，看見食店嘅招牌公仔頭，大大個燈光牌字寫著”今天好嗎” 之後叫了餐⋯⋯送來的熱飲，和牆上的裝飾公仔一模一樣，看得出老闆在細節上花了一點心思。下午茶有很多選擇，有鹽酥雞小食拼盤、肉燥飯、拌麵、炸雞、牛肉麵、魚等⋯⋯由$48-$78送南投紅茶或青茶，我選了熱青茶，原來南投的青茶是有糖的，如果在餐牌上註明會比較好，因為我以爲是無糖的。套餐可加推小食，由$6-28不等。我選擇了台式肉燥乾拼麵，上枱時候發現分量很足個人覺得拌麵味道比較清淡，最後我要問店員加豆瓣醬才調教個味道，但整體來說，$45這個下午茶相當抵食。

響網上被「今天好嗎?」個閃閃既牌吸引咗, 就約朋友黎食個晚餐喇!餐廳座落既商場比人感覺好有空間感, 好舒適~平日大約7點去到, WALK-IN都仲有好多位, 但到7點半就開始滿座喇, 好彩早D到!塔香鹽酥綜合併盤 ($88) 依個併盤我真係樣樣都幾滿意, 特別係個鹽酥雞同埋台灣香腸!醉雞 ($72) 酒味好夠, 較大眾化既涼菜!蚵仔煎 ($88) 依個我就覺得偏貴, 但味道還可以!全晚最唔滿意既一碟, 個蛋炒飯雖然有色, 但完全無味, 有點失望啊台灣肉燥飯 ($38) 當然SIZE比台灣度食既肉燥飯大碗啦, 但味道就一般般~ 有D太乾!海鹽芝士奶蓋四季春青茶 ($28)平時鐘意飲台式飲品既我梗係唔會放過依個機會啦! 叫左一杯黎試下, 個奶蓋都唔差, 茶底好清香整體環境舒適, 價錢偏中上。響依度樣樣野都想試, 今次太飽試唔到甜品, 希望下次有機會試啦!

中染呢頭 唔再頹食IKEA 比小編揾到高CP 既餐廳😝滷肉飯d 滷肉都幾多下 但就嫌冇乜肥肉😅差咁d奶蓋烏龍茶 奶蓋面頭鹹香可惜未夠厚 不過小編認為這好比歇腳亭既好 但就冇喜茶咁出色 過下口癮都唔錯喎✨鹽酥雞就唔多ok 食落太乾 硬崩崩 大概係因為炸粉太少以致外皮唔酥脆😅大家一定要留肚食甜品芋圓超煙韌之餘仲有紫米 粒粒都好淋😬

夜晚和家人來附近,見到間台式食店好似唔錯咁,就攞票等位試試,等嘅時候外面螢幕播了幾款新品芒果飲料,因為未有新餐牌,於是問店員,叫了杯芒果珍珠茉莉奶茶,誰知來的時候個樣似普通珍珠奶茶,從顏色上及味道上都感覺不到芒果味,以為來錯於是問店員,佢話係用芒果汁就是這樣,我當堂O咀,都費事再同佢argue😒另外叫左個 *鹽酥雞排蛋炒飯 (不知是否因為雞損太鹹,所以個蛋炒飯完全無味,樣子和我屋企炒無大分別,總之個炒飯浪費左我個胃嘅空間,失望), *芝士磨菇釀雞翅也是令我感失望之一); *反而碗肉燥飯算是正常發揮之作;*最後來個草莓黑糖麻糬餅,味道一般。而且想試嘅牛肉麵無得叫下次來附近會試其他店😏

今天跟媽媽慶生，晚上帶她來了吃台灣菜。來到的時候看到門口大排長龍，真的嚇了一跳。幸好早一點訂了位食店裝修挺精緻，坐得舒服。由於繁忙時間，用餐只有九十分鐘。我們點了水煮魚、鹽酥菇、菜脯炒蛋和黑糖珍珠炭燒奶茶。菜脯炒蛋賣相不錯，可是味道偏鹹，送飯吃才沒那麼鹹。水煮魚是挺有驚喜的。份量挺多，辣度剛剛好。裡面的人鱸魚片沒什麼魚骨，魚肉鮮嫩。配上芽菜，非常開胃。鹽酥菇是我比較喜歡的台灣菜。這裡的鹽酥菇味道淡淡，但保存了菇的香汁，不錯不錯。最喜歡是奶茶，黑糖珍珠比較細小，奶茶有炭燒的味道，個人非常喜歡💕

塔香鹽酥雞 切成粒粒狀的塔香鹽酥雞超級鬆香脆口，惹味非常。 滷味拼盤 滷味拼盤有：金錢肚、鹵水蛋、鹵水豆腐、鹵水雞翼，等等。 金錢肚十分之腍滑入味。 香酥炸雞排 別看一塊普普通通的炸雞排，真是菜如其名，炸得超級， 酥香脆口，入口鬆化。 台灣肉燥飯 台灣肉燥飯的肉燥使用了半肥瘦的粒粒裝豬肉做成，十分可口。 如果肉燥飯的醬汁可以再多一些就更完美了。海鹽芝士奶蓋茉香綠茶 我大愛的飲品！ 海鹽的味道很搶！ 芝士奶蓋夠晒厚度。 濃郁絨滑的芝士奶蓋，再配上海鹽，再加埋清香的綠茶，令人一試難忘。 黑糖芋圓仙草糖二號（紫米、綠豆、珍珠） 這個甜品我也很喜歡吃哦！ 黑糖夠甜，芋圓夠腍、夠煙韌，仙草夠冰涼， 還有紫米、綠豆、珍珠，眾多配料令到這款甜品的口感豐富，一試回味無窮。 餐廳的裝修很有台灣特色。加上，每一道的食物我都很喜歡吃，性價比高，是我會再來光顧的餐廳之一。

近日不知怎的好想吃芋圓，甚至有衝動想來個快閃台灣之旅吃個夠。想起好友之前在附近嚐過不錯的台式甜品，晚飯後提議過來一趟。 由地鐵站沿著有蓋天橋走，大約七分鐘左右便到達。店家樓底高，裝潢明亮又帶點小清新，牆上有個特大的霓虹燈寫著「今天好嗎？」，玩味甚濃。晚上九時來到不用等位，設人均最低消費$40。 仙草凍二號 $43目標早已鎖定，甜品以甘涼的仙草墊底，舖上配料再淋上花奶，份量極多，難怪周遭的都是二人共享。最期待的芋圓質地煙韌，地瓜、紫薯和芋頭味皆重，算是水準之作；而紫米、綠豆和黑糖珍珠都煮得太甜膩，邊吃邊喝水，最後超級飽足。 臨尾結帳時發生一件小插曲：我們客氣的問店員能否替我們打散一張紙幣，店員一臉不屑加語氣極嫌地問要來幹麼，其實可以是一句不可以也是一句，何必用這種面口語氣？

今日經過荃灣，又係要覓食的時候。今日又係台灣思鄉病發作，所以就要試呢間之前已經bookmark的餐廳。叫了2份午餐：1.糖醋魚柳飯+招牌黑糖珍珠炭燒烏龍奶茶2.紅燒牛肉麵+海鹽芝士奶蓋炭燒烏龍+通茶。每份餐都有2碟小配菜，失望，青瓜唔夠味，酸唔夠。花生個樣似係冧的，但唔夠冧。牛肉麵：麵條一pat pat，分唔開，牛肉正常，湯底唔太濃。糖醋魚柳飯：忘記影相，魚柳酥脆，個汁開胃，不錯。招牌黑糖珍珠炭燒烏龍奶茶：無炭燒味，一般般，稱不上招牌。海鹽芝士奶蓋炭燒烏龍：芝士奶蓋不錯，加埋海鹽無咁漏。味道：2/5抵食：2/5回頭率：1/5

今次介紹左個好朋友黎食，因為我實在太愛呢度既芝士蘑菇雞翼同埋 d 飲品。。。。今晚因為星期五，所以有 d 多人，等朋友既同時，我用 app 排左隊先，之後係周圍行下，咁岩到我時，個朋友都就到了，入座後，等朋友到埋，我就剔左雞翼同埋芋圓仙草燒。之後朋友話叫多個咸蛋炒苦瓜，要 $70 ... 我就 o 曬咀問佢唔係掛？！點知佢勁認真，話佢之前係台灣食過，白苦瓜同咸蛋完美癡埋一齊後好夾好正。跟住我就話儘管信你，試試佢。點知，一上碟。。。。。。就只係普通既綠色苦瓜，我呆左幾秒，朋友望住我爆笑我話咁樣要 $70... 我寧願叫多份雞翼仲開心跟住我地夾硬食曬佢，再慢慢享受好味的芝士雞翼同埋。。我最愛既芋圓仙草燒，不過今次 d 珍珠失曬準，硬左，同埋癡埋一舊，今次相對地失望左 d 得個芝士雞翼係維持到水準。。3樣就咁食左$185... 個苦瓜真係。。。。哈哈哈哈。。。埋完單就出面排隊買飲品，朋友點左芝士奶蓋炭燒烏龍，我飲左一啖。。。好好飲啊奶蓋既芝士味好香濃，而且係帶微甜，同貢茶唔同，我一開始以為會係芝士+咸味d 烏龍再加埋 d 混合左既奶蓋，真係認真一流，算係補償返岩岩堂食時既遺憾唔記得左影相，補

其實之前荃灣新開嘅依個商場我都有留意過依間餐廳，不過一直都冇時間去試。今日放假經過冇乜人嘅時候入去試吓，點知發現入面嘅裝修同埋環境都好舒服同埋好特別。餐廳主要係食台灣嘅食物，款式都幾多下同埋價錢都唔算太貴。有好多唔同嘅台灣小食，仲有其他主菜同埋甜品仲有飲品添。首先我同朋友叫咗一個滷水拼盤仲有一個鹽酥雞小食。依兩樣小食味道都唔錯，而且份量都幾大分，鹽酥雞嘅份量好多，新鮮炸起都幾好食。然後就叫咗一碗我最鍾意食台灣嘅滷肉飯，份量都幾大份吓而且肉燥唔會太肥用嚟送飯就啱啱好啱晒香港人嘅口味。然後朋友就叫咗一碗牛肉麵，湯底都幾香而且牛肉係好多同埋味道都好入味，因為價錢都幾合理所以就算叫得咁多款式嘅食物都唔會太貴。最後我同朋友仲叫咗一杯珍珠奶茶飲，呢度都好正宗而且夠晒大杯,兩個人飲都夠,圓滿地結束依餐飯其實依間餐廳嘅座位都幾多而且好多staff所以應該都唔使點等位同埋感覺上坐得好舒服仲有環境係用粉色系佈置成個感覺都非常之少女。約埋成班女仔朋友過來聽嘅飲嘢就啱晒。

朋友最好為新居添傢私，去咗荃灣陪佢！行之前諗住醫飽個肚先，附近有間食台灣嘢嘅叫叁茶陸飯，見個名又幾得意，加上我哋都鍾意食台灣嘢，咁就決定入去試試先！餐牌上都幾多選擇，有前菜、小食、小菜、麵類、飯類、飲品同甜品！先來一碗魯肉飯，佢哋用咗珍珠米，食落好軟熟，魯肉味道正宗好香，唔會特別咸同油膩！而且細細碗，同朋友分享之餘，仲可以試其他嘢！紅燒牛肉麵上枱時好熱，先飲一啖湯，味道好濃，加埋酸菜簡直一流！牛肉炆得好淋身好入味，有種花椒八角味道！而麵質亦好爽口彈牙！我哋好多小食都想試，所以叫咗呢個塔香鹽酥綜合併盆，就係貪佢裡面咩都有！包括花枝丸、甜不辣、鹽酥雞、台式香腸，當中最好食係甜不辣同鹽酥雞，甜不辣好彈口，都唔係度度有得食！鹽酥雞即炸熱辣辣好脆口上枱，真係啱晒鍾意食脆口嘢嘅我哋！最近興起一般奶蓋熱潮，所以我哋叫咗杯雙莓芝士奶蓋，暖暖滑滑嘅芝士配上酸酸甜甜嘅雙莓真係好適合，味道好適中唔會太甜，簡直大愛！順帶一提，門口有外賣位置，下次行街口渴都可以買杯再嘆過！

宜家 終於再喺荃灣開店，方便咗新界九龍區居民，平日下午到店閒逛，人流明顯比他區店小，非常好行，行完到樓下覓食，見店名叁茶陸飯很有趣，店門有台式飲料，及一些小吃，相片幾吸引，因時間尚早，不需要排隊便決定一試。入內環境寬敞光猛，座下不久，員工便將餐牌送上，菜單有多樣化餐點可選，由鹵水小吃，涼菜，湯品，蔬菜肉類，麵食，飯類至甜品，茶飲，應有盡有！餐紙上解釋名稱比喻招待客人非常周全。三茶可以視為早午晚茶，陸飯為豐盛多餐之意。周全於這店包括了服務，裝修，味道及健康。似乎好有Heart!來到台式料理店，紅燒牛肉麵是必點菜色,粗麵，比較硬，牛肉份量多而大件，經長時間烹煮，入口鬆軟，湯頭帶甜。友人想食飯，叫了唐山排骨炒飯，台式排骨指有骨豬排，份量也很大，多汁香軟，但炒飯偏向乾身。見每枱都有碟鹵水，我地都唔執輸，因為點菜時估唔飯麵之配菜肉類有如此多，固點了大份的鹵水拼盤，雞翼，牛肚，豆乾，鹵蛋，花生，滿滿的一盤。鹵水時間長，首選推介牛肚雞翼入味軟嫰。我地低估了佢嘅份量，今次太飽食唔到佢D甜品，下次要再來，鄰桌的甜品似乎好好味呢！

男朋友誤打誤撞搵到的一間店，佢話同同事食過覺得我會鍾意，裝修簡簡單單，好光好舒服既。出面仲可以買手摇飲品拎走飲，不過我覺得價格就有點小貴啦。今次同男朋友一共叫左 4 樣野，芝士蘑菇雞翼 (x4) $55黑芝麻抹茶黑糖麻糬鬆餅 $78黑糖芋圓仙草凍2號 $43黑糖珍珠炭燒烏龍奶茶 $28另加一服務費。首先講雞翼，芝士味勁香濃，夾埋一齊勁好食！雖然價錢有 d 貴，不過好食搭救~再講鬆餅，我覺得如果入面無夾住黑糖漿就完美啦，因為黑糖漿令成個食落去太甜，over 左少少，但係抹茶 cream 同個雲尼拿雪糕都好食，我覺得好食過茶木既鬆餅。仙草凍完全係出色！仙草唔苦澀，芋圓好煙 un 好夠味，珍珠好滑好煙 un , 再夾埋紫米同綠豆，我食唔停口啊珍珠烏龍奶茶，我叫左熱的，好有奶味，烏龍味就唔太出，但珍珠真係好出色，我飲過好多間珍珠奶茶，如果本身唔抗拒細粒珍珠的話，佢真係100分，我好鍾意，入口好滑，好軟，好煙 un, 完美啊天啊。飲完之後個口成晚都係圍繞住個奶茶味。好滿足既一餐，對我黎講，唯一叫個缺點既就係雞翼有 d 貴 哈哈哈~~下次黎要試埋其他飲品，奶蓋都好想試下正啊，一定有下次

自從八咪半個商場開咗宜家傢俬之後，呢個商場的人流立即旺了不少，當然也吸引了不少食肆進駐啦！話說同一班好姐妹食飯，大家都喜歡吃台式食品，所以就相約了這間環境舒適的叁茶陸飯相聚呢！無論休閒小食, 飲品, 面食定係飯都可以坐下來, 慢慢食, 慢慢傾，感覺就好似響忙碌生活之中 take a break 平日夜晚都幾旺場，都要等下位先可以入座，早少少到就唔洗等平時一般吃到的肉燥飯很油很肥膩，伴飯的肉碎又會充滿肥膏，姊妹們都會怕怕...但在這裡吃到的就完全不一樣了！飯粒比較乾身，肉燥入口汁香而不油膩，汁的份量還要剛好，飯粒不過濕也不過咸，感覺滋味台灣食品點少得珍珠奶茶呢！茶係炭燒烏龍茶，所以茶味較香加上奶既香滑，黑糖珍珠的甜味，各種材料帶來的美好混合一起的美味，不用我多說.....就知道要到餐廳一嚐！台灣鳳梨炒蝦球彩色的朱古力粒加上沙律醬，感覺就好似色彩繽紛的圖畫一樣時令的鳳梨入口香甜，大大粒蝦球新鮮炸起，外層香脆，蝦肉彈牙，鳳梨清新香甜去除膩感加上沙律醬，令蝦球更多一重滋味芝士磨菇雞翼在雞中翼的位置放滿餡料，咬落去都充滿熱溶芝士，煎烤雞翼令雞翼香脆，入口芝士味香濃2種香味的配搭，點令人抵擋得到呢

轉眼又到星期三 又係周圍搵野食嘅日子近近地又走左去八度半 見到咁多人幫襯嘅叁茶陸飯 即刻攞位價錢好親民喎 店員服務又好 難怪咁多人我地㨂左主廚紅燒牛肉麵 上菜速度好快先講湯底 因為咸酸菜嘅關係 咸中帶少少酸但一啲都唔會令人抗拒嘅 重幾好飲牛肉麵麵質彈牙 而且牛腩數量都唔少 好食滷水拼盤 有我至愛嘅豆乾同牛肚 好有咬口雞翼同雞蛋滷得非常入味 重有惹味花生重有三杯雞 好惹味 雞肉嫩滑 送飯一流最後當然少不了台灣特飲 黑糖珍珠奶茶啦茶香 但唔會好甜 珍珠有咬口 好飲