叁茶陸飯

营业中

休息中

呢間叁茶陸飯係八咪半都開左一段時間😊星期六日晚曾經試過都要等位既，而我地今次就星期一晚去，冇咩人唔洗排隊，可以直接入去！裡面既格調幾好，好舒服既感覺😌我地兩個人分別叫左一人一碗台灣肉燥飯，滷水拼盤(小)，經典三杯雞同埋一杯海鹽芝士奶蓋茉香綠茶。先講呢個滷水拼盤(小)，裏面分別有金錢肚、豆腐、滷水蛋同埋雞翼。豆腐係比較硬身個種，有少少似豆腐干😂整體黎講我覺得就比較一般～呢個三杯雞好濃味，有啲似平時食雞煲個啲雞咁～而入面都有好多件雞，兩個人食都唔係好食得哂😂台灣肉燥飯黎講算幾好！平時自己都比較鐘意食台灣料理！而最常食既都係肉燥飯🤔呢個肉燥飯裡面係有半肥瘦既肉，第一啖食落去係好明顯食到啲肥肉，個感覺係超正的，好好味👍🏼同埋呢個份量都幾多！會好飽的！最後不得不介紹呢個海鹽芝士奶蓋茉香綠茶！真係好好飲～佢上面個層海鹽芝士奶蓋好滑，配合埋個茶底，係每次必點的👍🏼

婆仔家陣都幾得 free 去邊樹教班就順個便周圍遊下... 咁岩見到呢間個名咁搞鬼就八下啦... 原來係婆仔最愛既寶島美食呀~~~~~婆仔只係揀左 1 款下午茶餐另跟餐配一份台灣香腸... 份量都唔細... 估唔到我夜晚教完班都唔餓...台灣肉燥飯 南投四季春青茶(熱飲) 另跟餐配一份台灣香腸 (3條)SET 有跟兩款前菜架... 有花生同埋帶少少少少辣既青瓜粒... 食左開胃前菜就開動啦~ 仲以為下午茶個肉燥飯會好細碗... 好在無再點其他小食... 唔係實要外賣拎走都似... 初頭幾啖就係食飯面既肉燥加啖飯都唔錯又唔乾... 加埋蔥花更香... 點知原來個飯既中間係有好多既肉燥同汁... 撈埋一齊變曬金黃色... 令個賣相更吸引... 咁大個飯... 婆仔係清曬架 XD 飯面跟個半隻鹵蛋... 好入味唔硬...婆仔好鐘意食香腸... 仲要係台灣既香腸... 隻碟都唔會有香腸既油... 加埋蒜片食... 香腸唔乾配埋個飯食岩岩好~原先怕食個肉燥飯同台灣香腸會成口油... 所以特登點左杯熱茶... 諗住可以去下D油膩感... 點知完全唔需要... 呢杯茶有淡淡既好清香茶味但唔會有草青味

荃灣不嬲多好西🤪今日見到哩間台灣餐廳格局幾靚，又有打卡位，於是同朋友去試試佢🤩餐廳好大好寬敞，而且燈光設計等等都幾有style，啱曬港女過黎影打卡相！食台灣野當然要試瀂肉飯！佢哩度嘅瀂肉飯肉醬好多，好滿，超足料，味道亦好咸香，啱曬送飯！另外試咗佢哩度推薦嘅醉雞，雞件超入味，入味得黎仲保持到肉質鮮嫩多汁，幾岀色。另外我仲叫咗一個細嘅滷水拼盤，但上到黎都好多款幾大份㗎。入面有曬滷蛋、豬肚、雞翼等等，樣樣都索曬味好正，包食唔停口。仲有塔香炒海瓜子，其實即係類似香港嘅豉椒炒蜆，每一個蜆殻都有肉㗎，又係好足料！仲要好香口，又一樣送飯必叫之選！值得再試！平時諗唔到食咩試下哩間都不錯！❣

放假來到荃灣，發現行去愉景之間還有一個商場，從來都未行過這個中染新城。一直走到最入才看到叁茶陸飯，台式食品最少差極有限，就決定試一試。門面的裝潢都不錯，望下去都很精神，簡約之餘又不失特色，裡面座位都很寬闊，好處是不會太逼，亦不會太嘈吵。先說食物吧，先來一客台南鳳梨蝦球，以菠蘿片墊底，上面一層是炸蝦，蝦的上面滿佈沙律醬，左右交錯，更有趣是有彩虹朱古力碎，想不到平時加在雪糕上的碎，會被用來做小菜的配料。炸蝦不會太肥膩，比較乾身，用油應該都算新鮮，驟眼看表面亦不會太黑，整個搭配起來蠻醒神開胃，配飯都一流。另一道是香酥雞排蛋炒飯，先要說貼心的服務員，起初想著兩個人只有兩道菜，就再要一碗白飯吧。落單後，服務員走過來提醒我們這個飯都很大，怕我們吃不了那麼多，就沒有幫我們下白飯，雖然最終我覺得這個炒飯也不算大得太誇張，但我還是要稱讚他們的熱心服務。雞排算是很大份，兩個女孩的份量應該吃不完，幸好有位男仕。其實這個飯也挺好的，因為飯很黃，應該用了很多蛋，也證明用料充足，雞排不是太鹹，皮也炸得很脆，雖然沒有炸雞店的炸雞好吃，但以餐廳的水準來說，也是合格有餘。飯菜差不多食畢，上了一杯奶蓋四季春。奶蓋湊到嘴邊

行完ikea餓餓地就落咗去下面既一間食台灣既餐廳醫肚啦 門口比起其他既特別，令人眼前一亮內部裝修都係行簡約風咁我同友人就一人嗌咗一個lunch set首先係經典三杯雞$75講下d小食先 青瓜爽口辣辣地 唔錯花生大大粒 唔係揸流攤主菜，三杯雞幾夠味 姜片薑味十足 雞肉鬆軟細膩，醬汁氣味撲鼻肉燥乾拌麵$63當然要試下台灣菜必點的肉燥啦，今次點左肉燥乾拌麵套餐，份量多，除左主角肉燥麵外還附送小食，台灣滷花生和冷醃青瓜，十分開胃！期待已久的主角肉燥麵果然無令人失望啊，滿滿都是台灣風味，肉燥多過麵，兩者混合實屬完美配搭，肉燥入味，麵條質感軟硬適中，而且配上小棠菜和滷蛋，滿足感大增！餐飲-茉香珍珠綠茶（冰)隨餐附送的飲品，加$5就有珍珠了，茉香綠茶茶味甚濃，配上粒粒煙硬珍珠，微甜茶香！南投小島紅茶 (熱)唔會話好甜,入口岩岩好 正

我經常喺荃灣出沒，因為呢間店名特別，所以非常有印象，一直想試。近日荃灣朋友約食生日飯，我哋都愛食台式料理，所以我就提議左呢間，果然一試難忘。一大樽水俾我地自己斟，唔洗等超正！推介103 南投炭燒烏龍茶 $20本來諗住叫杯自己飲，點知咁大杯，兩份飲都夠！1001 塔香鹽酥雞 $45份量超大，唔會好油，仲好脆，食極都仲有，抵又好味！星星1012 鹽酥雞肶菇(素食) $42份量都大，鎖住左菇汁喺裏面，極驚喜，極力推薦！！！星星2002 蒜泥白肉 $48唔係好辣，食唔到辣都會鍾意，仲要切到好薄片，唔錯。9003 台式五香牛肉麵 $73麵都大大碗，真係估佢唔到，牛肉份量十足，煮得啱啱好，絕對唔老。總結係。。。最好一大班人黎食，開心share，開心gathering，食多d唔同款，菇一定一定一定要食XD

我都幾中意食台灣野，今次黎試下依間，環境超大 坐得幾舒服嘅。我地嗌既係tea set，幾平。基本上所有野都好普通😐普通到唔想詳細描述。除左個香辣鹽酥雞好食之外，其他都不過不失～不過最失望係個 黑糖芋圓仙草凍，啲芋圓淋到成pat屎咁，唔知點解加埋花奶令個糖水好吉好lim🤢睇落足料好豐富但好難食😭

荃灣行街街，諗住去愉景新城點知途中多咗個商場 - 染廠大廈中染新城，睇黎我真係好耐無黎過荃灣，呢邊多咗好多野食。行行下就見到呢間好有文青feel 的餐廳，係台灣菜。餐廳環境好舒服，樓底勁高，我地lunch time時間過黎，太陽光照住整間餐廳，人都醒神啲！仲有喎，間餐廳也有不少打卡位～　係個幾唔錯的環境。而野食方面，都唔弱。星期日過黎都仲有午市套餐，正呀！我同朋友一人叫咗一個set，分別係招牌排骨飯套餐同香酥雞排飯套餐，加５蚊可以有肉燥。另外仲叫咗個小食蒜泥白肉。排骨飯果然係招牌蔡，排骨唔會好似外面啲餐廳咁，將啲肉“嗱”到勁淋無哂咬口。香酥雞排飯就都oｋ，份量相當足夠，而且跟餐又有前菜，望落已經好吸引。雞排炸得香口，又唔會炸粉同肉分離。好味！！　而加的肉燥都夠兩個人share！正～另外就有蒜泥白肉，同平時食開ge唔同，份量都不少，不過如果鐘意食啲好簿的白肉，呢個就未必會岩喇了。整體呢間餐廳都可以再來，價錢平宜抵食～

次次o黎親荃灣八咪半商場搵食都總唔會令我失望，今次食呢間台灣o野，logo 好有爵爵o既畫風，女仔個頭係隻杯插住枝飲筒，男仔個頭則成個飯碗咁，配合番餐廳台式茶、飯o既主題。內裡非常闊落，樓底又夠晒高，坐得幾舒服。下午茶時段做緊一d 套餐優惠，我點o左個滷味拼盤(小)，平時單叫要$58 (未加一)，而家$48 only 仲連o野飲，好抵食呀！而且叫完一個餐仲可再加少少錢再加份台灣腸仔、貢丸湯等o既小食，我則簡單加o左個白飯(加$8)。上到o黎先知原來個餐仲另外送一d 青瓜同花生做前菜。個拼盤話就話係細份，但實際上都唔細。最好食係金錢肚，本身已經係幾濃郁o既味道，再索滿晒d 汁，一擺入口大滿足！滷蛋同雞中翼都滷得頗入味，豆腐則略嫌乾身同硬o左少少。碟底o既滷水汁係一d 都唔會o徙，倒埋落d 飯度，如此惹味，真係食多碗都仲得！不過留定個肚先，陣間再叫甜品。跟餐附送南投小農紅茶或者四季春青茶一杯，凍熱都得，試o左後者。最初頭我睇錯名，同侍應講話要「青春茶」，柒o左……anyway，實物賣相真係好似成杯啤酒咁，無加糖o既，茶味略帶茉莉花香，唔錯o既味道。餐廳門口幢o左塊大招牌sell 芋圓仙草凍

荃灣中染大廈自從翻新左之後都開咗好多唔同嘅食肆，今日同朋友經過見到一間裝修非常之精緻嘅餐廳，就同朋友坐低試一試，餐廳名叫做叄茶陸飯。餐廳嘅裝修風格偏向台灣文清格調，頭頂有好多燈膽，俾人一種環境好舒服嘅感覺，食物方面都係做緊台灣嘅小食同埋餐飲，因為我哋喜好嘅關係就叫咗炒四季豆，吉列雞扒蛋炒飯同蝦仁蛋炒飯。首先要講一講碟四季豆，一上菜的嘅時間已經感覺到熱辣辣，非常之有獲氣！火候方面都掌握得好好因爲走左油既四季豆外皮非常之鬆軟，食落去裏面就非常之有咬口，個感覺真係似係大排檔食嘅嗰種感覺，真係需要比高度評價。之後就到炸雞扒蛋炒飯，先唔好講個雞扒，個蛋炒飯真係非常之有驚喜！每一粒飯都炒到粒粒分明，因為用咗珍珠米嘅關係每一粒都好有口感！仲要粒粒都炒到乾爽仲有蛋包住！配合鬆軟嘅炸雞扒，食落口完全冇油膩嘅感覺。最後到蝦仁蛋炒飯，個炒飯底我就唔需要再講，特別要講講嘅就係佢哋嘅蝦仁，食得出真係有蝦味仲要每一粒蝦仁都非常之大粒！成個感覺覺得個炒飯係非常之有成本之餘亦都係好食嘅！其實近呢一兩年香港真係開咗好多唔同嘅台灣餐廳，基本上大多數都係冇得輸～因為香港人本身就好鍾意台灣嘅飲食文化，但老實講有啲真係越做越低

尋日係荃灣收工 同同事想食個飯傾下計先走行行下行到中染大廈 見到間食台灣野既餐廳最鐘意飲珍珠奶茶既我就同同事入去試環境好開揚 令人坐得好舒服睇餐單發現選擇好多 而且價錢亦都好親民我地叫左一個台式肉燥飯 仲有台式五香牛肉麵係台灣食品既代表作肉燥飯既肉燥好入味 每粒都係好濃味好欣賞員工見到我地碗飯既飯量好似唔夠竟然比多少少我地 好意外亦好開心服務態度真係好好呀而五香牛肉麵份量好多 牛肉好軟好甜你            最鐘意係麵條既軟硬度係岩岩好架配埋湯底真係好出色呀另外我地仲叫左個塔香鹽酥雞我係一個好鐘意食鹽酥雞既人餐廳既鹽酥雞好脆好香口亦好惹味真係食到停唔到口呀我地仲一人叫左一杯飲品我叫左杯黑糖珍珠奶茶最近黑糖大熱 餐廳既黑糖甜度恰到好處唔會太甜 配上奶茶岩岩好同事點左京都抹茶珍珠拿鐵佢話抹茶味香濃 珍珠亦好有咬口我同同事都好滿意今餐好似去左台灣食咁 相信會成為我地以後收工食飯既好地方

有一個晚上係荃灣行完宜家家私打算搵野食，一落樓下就見到呢間叄茶陸飯，門面裝修都好靚，出面有個位賣珍珠奶茶，原來呢間餐廳係台灣菜！我地兩個人叫左：一份三杯雞，魯肉拌麵，鹽酥拼盤，珍珠烏龍茶。三杯雞好惹味！係好正宗既台式三杯雞，而且仲大大份！抵食！魯肉拌麵四十幾蚊一碗，份量多到你唔信，麵已經好多，食晒成碗麵啲魯肉仲剩好多！份量好重手！！鹽酥拼盤有四款小食：花枝丸，鹽酥雞粒，台灣香腸，同埋有一款不知名的小食係一片片食落似魚蛋又好彈牙好QQ口感似煎堆。- 花枝丸好大粒，又足料，裡面又好多粒花枝肉，好有咬口！- 鹽酥雞粒份量好多，粒粒都好大粒，而且炸得好香口，但又唔重粉，正！- 台灣香腸切成一片片，比平時食既口感更好！- 不知名小食個味係有點魚蛋味又帶少少甜，好鍾意佢個口感QQ的，係一款好特別既小食！最後呢杯珍珠烏龍茶，甜度適中，岩晒我！叄茶陸飯呢間台灣菜又好食又抵食，一定會再去試埋其他菜式！

一向喜歡台式食品的我，今日終於有機會去到位於荃灣的叁茶陸飯一試。甫抵步，高大光潔的門面已令人眼前一亮。淺色為主的色調，再配以簡約高雅但又時尚的裝修，讓人感覺整潔舒服。座位中間天花的位置還特別安裝了一組吊燈，增添了些浪漫優雅的感覺。菜單上的食物五花八門，目不暇給，但我還是忍不住選擇了店家熱烈推介的幾款熱門菜式 ：塔香鹽酥綜合拼盤 、台式五香牛肉麵、招牌四季珍波椰、綜合黑豆茶，當然還有最重要的---台式甜品：黑糖芋圓仙草凍一號！鹽酥拼盤有鹽酥雞、台式古早香腸、花枝丸和花枝餅。台式五香牛肉麵， 用的是金錢腱，軟腍入味，肥瘦均等，半筋半肉，筋位有嚼勁，燜得亦夠入味，推薦！珍波椰由台灣茶葉沖泡，加入椰果珍珠等配料，原汁原味沒有加糖，更加突顯茶香清新馥郁，回味回甘！當中混搭椰果等有嚼勁之配料同吃，口感一流！另一焦點：黑糖芋圓仙草凍，也是令人眼前一亮~綿軟煙韌的芋圓，配搭煮透心的紅綠豆，還有爽滑的仙草，為這個午餐劃上完美句點。叁茶陸飯為香港喜歡台灣美食的人，提供一個正宗的台灣味道。

最怕等位, 寧願早啲食飯唔使同人迫, 星期六11點半到左餐廳, 只係坐咗一兩枱, 用餐環境舒適。有假日午餐Menu, 一個order左招牌排骨, 另一個係香酥雞扒, 大家share食, 兩個都加咗肉燥。自己覺得香酥雞扒好味啲, 而排骨食落有啲乾, 分量夠, 但我唔係太識欣賞d前菜覺得可有可無。碗碟精緻, 但食肉燥嘅話我prefer要一個大碗, 可以食得方便啲。 飲品叫咗冰紅茶同海鹽芝士奶蓋抹香綠茶, 芝士奶蓋有驚喜! 好creamy重芝士味, 配清清地嘅綠茶剛剛好! 下次未必會再入嚟食飯, 但可以encore芝士奶蓋綠茶!

講起食台灣野,第一時間梗係會諗到鹽酥雞,紅茶,三杯雞等等,真係一講就流晒口水，好懷念台北夜巿. 說到台灣菜,當然不能不點台灣的精髓~~~滷肉飯.滷肉飯唔會太咸,入面嘅滷肉肥瘦比例適中豬油碰上熱飯令我整個人也融化,份量略為小了些.香酥雞排很酥脆,不會炸的很乾,雞汁亦滿滿的充斥在你的口腔.有夠讚!!三杯雞更不用說,薑片也足料的放了數十片,香氣已經令我很想開動. 果然獲得不少的分數.雞肉彈牙,骨頭亦炒得好香.帶起整道菜也非常惹味. 加在白飯食認真一流.在香港想找一間好吃的台灣菜是相當有困難的,有的店好好吃,但完全不是台灣的味,當然有些餐廳更加不用提嚕!!這裡沒有在台灣食台灣菜這麼便宜,但在香港已經算是化算,而質素亦都不錯. 大大的推呀……