去滾

营业中

休息中

一間位於銅鑼灣登龍街嘅火鍋專門店「去滾」。搭電梯上到去門口已經感覺到裝修非常特別，店舖燈光較暗，有一種令人放鬆嘅感覺。同幾個朋友放工之後就去打個邊爐輕鬆下。嘢食有：一個海鮮火鍋、牛肉餃子、豆腐、雜菜拼盤、豬頸肉、肥牛、北菇雞煲仔飯。海鮮火鍋入邊嘅配料有：龍蝦、蟹、魷魚、蜆等等。一開始仲有店員幫你用牛油炒香左個鑊然後先再放其他海鮮，令成個海鮮煲更加濃味。龍蝦肉爽口鮮甜，蜆同蟹嘅肉質亦都唔錯。配埋個海鮮濃湯底味道一流。牛肉餃子爽口彈牙。豆腐皮脆，外面仲有啲香料嘅粉非常之野味。肥牛嘅花紋分布平均，食落口感唔錯。豬頸肉肉質亦都爽口，好適合打邊爐。食到咁上下食埋個煲仔飯，就夠晒飽。臘腸同雞仲有北菇嘅味入晒啲飯，非常好味。除咗食物方面，餐廳仲有一個室外嘅休憩場所除咗裝修得靚之外風景亦都非常之優美。食完飯想同朋友傾吓計出邊絕對係一個適合嘅地方。鍾意打邊爐嘅朋友，去開銅鑼灣推介試一下。

呢日約左舊同事去行維園順便食埋飯，佢就話食過呢間邊爐都ok 架，所以佢就訂左枱。8點半上到尼，唔知係咪臨年尾，真係幾多人食，好在事先訂左姐。餐廳安排左outdoor 位比我地，望出去就見到高樓大廈既夜景，幾好feel。餐牌設計都有諗過度過架，d 菜名非常啜核，鞭鞭有力湯，菜灼鹽搞唔餃，嫩滑台妹鴨血等等，淨係落單都笑餐死。醬料區感覺企理，醬料都係一般港式邊爐見到既。湯底終於尼到，話明席前就梗係即席煮啦，同爆炒海鮮一樣，首先落左洋蔥辣椒，兜一陣先落海鮮冇記錯佢係落左酒，所以出到呢個效果落水後冚蓋焗到佢水滾開蓋就變左勁香既龍蝦湯喇！佢建議我地飲左碗湯先，於是幫我地不左一碗，嘩呢碗湯真係不 得 了，同平時食平民西餐飲果D用粉開水沖出尼係兩樣野尼，個湯冇果D咁杰，但龍蝦味更濃，飲完係唔會口渴架。如果鍾意飲龍蝦湯，真係值得試吓！！另外，如果著淺色衫尼食既唔洗驚整烏糟喇，呢度係有肚兜提供架等緊湯底滾既時候，我地就食左椒鹽炸豆腐，送啤酒一流手切肥牛，肥瘦均勻，牛味濃，最緊要係厚薄適中，比機切既有口感。響鈴，唔洗講都知係自己炸，吸晒龍蝦湯正呀。牛肉餃，中間有馬蹄，似食緊牛肉球咁爽脆。大合照飲品方面，啤酒

今日同成班朋友打邊爐我哋就叫咗呢一個海鮮龍蝦湯鍋店員首先會幫我地炒下啲海鮮之後就再落龍蝦湯店員建議我哋飲下啲龍蝦湯之後等啲海鮮熟咗就盡快食因為費事煮得太熟入面勁多料 有龍蝦有蝦同埋蜆同埋蟹之後我哋就叫咗個肥牛都有好多塊 而且入口即溶好好食然之後我哋仲叫咗個黑豚肉薄薄地好快熟之後我哋就叫咗個餃子 都好好食呢度除咗打邊爐之外仲有啲熟食叫我哋就叫咗個炸豆腐佢炸得好好唔會好油膩但係個外皮好趣入面好滑呢度最特別係仲有煲仔飯個煲仔飯都好好食 飯粒分明食完呢個飯真係好滿足

新年之後一直都冇出街食飯，朋友始終都係要見所以就約咗去打邊爐，朋友揀咗金朝陽二期既「去滾」呢排出街星期六都唔使book位鋪內裝修非常有特色，值得一讚朋友點左情侶套餐另外再散叫，海鮮鍋，裏面有龍蝦，蟹同蝦同酒鍋一樣店員都會點火俾你影相但係湯底非常一般完全食唔到海鮮味配菜非常一般我地黎左兩個牛肉，普普通通呢碟牛已經係成餐飯最好食嘅一樣野鴨血同麻神比係爭好遠朋友每次打邊爐必點煎午餐肉，午餐肉當然唔會難食另外我哋散叫咗鹹蛋黃炸豆腐，味道偏鹹最後套餐包左甜品應該係蛋散加糖漿再加啲椰絲喺面頭，嚟嘅時候都係熱辣辣，係幾好食不過就偏油三個人食成為每位$700呢個價錢完全唔值

今日起銅鑼灣行完街，諗極都諗唔到想食啲乜嘢女人就係一種善變，又麻煩嘅動物終於畀我搵到呢間椰子雞火鍋原個椰子雞湯 ，個湯底簡直係冇得頂， 香噴噴椰子味道同埋仲擔擔椰子肉雞仲好滑highly recommend 至尊天九牛腩頭 + 貴妃蚌+ 椰香脆麻花未開始食已經飲左半盤雞湯入口即溶 (至尊天九牛腩頭)一碟2個人食，其實真係好飽 碟牛應該足夠3至4個人就岩岩好超級新鮮 貴妃蚌 好爽口，冇沙粒 甜品一樣令我感到喜出望外，好味好味

非常時期如期去滾，到埗後馬上先被量體溫也可以理解，大家小心安上，吃得安心，基本上我們六點半咁早到，尚未有其他客人，所以坐大廰亦唔擔心，火鍋店有幾間私人房，自己人一間房內食亦是安排的，服務員非常熱誠介紹，兼備的露台，景緻唔差。不停播放着我的時代的音樂，十分悦耳，忍不住哼兩句！今晚大家點了以下：金甲脆魚皮韓國人蔘山藥烏雞湯澳洲和牛肋眼上蓋日本廣島蠔手打墨魚丸長生不老雜菌拼盤家鄉番薯糖水先來的金甲脆魚皮，賣相好，即炸夠熱亦夠脆，咸蛋黃份剛足夠，無過多，開始了停不了！女伴要求韓國人蔘山藥烏雞湯，看來是為了養生滋補，兩個人每人有一隻雞髀，已泡過湯肉不算嫩。先喝兩碗湯，味道可口。澳洲和牛肋眼上蓋雖然是冰凍貨，灼熟同樣嫩滑，不及本地手打有口感，但整體仍然可以。手打墨魚丸是手打的，有些力。日本廣島蠔肥厚，冰鮮。長生不老雜菌拼盤新鮮貨，與湯窩夾。最後來一碗家鄉番薯糖水，平衡剛才黃金炸魚片的熟，這個時期喉嚨絕不可以出事，內有湯丸，薑湯底，合胃口。

同朋友去食飯，見到呢間鋪頭嘅名好得意，就試吓book枱。去到見到好多特色嘅裝修。見到都心情好。好有懷舊氣氛！我哋叫咗麻辣湯底同埋蕃茄牛腩湯底。麻辣幾刺激，又唔會太油膩。蕃茄湯底好鮮甜！兩款都值得推薦！呢一款黃金炸魚皮係我食過最好食嘅！上枱嘅時候仲熱辣辣！一塊一塊接着放入口！勁鬆脆，蛋黃勁香！另外叫咗和牛拼盤。肥瘦適中，入口即溶。有肩後肉柳，牛肩肉同埋牛腰脊。牛味濃郁！呢一個鬼馬油炸鬼亦都好香脆，蝦膠又甜好彈牙！我哋仲叫咗聽定梳打一jar！夠4個人飲！不錯！和牛丸好彈牙！好香！爽口牛味又重！

無論天氣係點樣，凍抑或係熱都好，其實都好啱打邊爐，呢排就去咗間係銅鑼灣比較高質嘅邊爐店。無論係環境定係食物都非常之高質素，係一個令人非常回味嘅晚餐。間餐廳裝修得非常之有格調，完全冇平時啲火鍋店感覺嘅侷促感覺。先來個湯底，揀咗你個大魚頭做湯底，魚湯非常之入味，未食送之前飲翻個湯非常開胃。呢個鹹蛋魚皮做得非常出色，就咁食夠脆，擺落湯到3秒亦都非常入味。打邊爐當然要食丸，呢間啲手打院非常彈牙。啲菇都非常大隻。叫咗兩碟牛，兩個唔同部位同埋國家嘅牛肉，兩份都非常彈牙，係今晚最大嘅驚喜。當然要食返啲菜清下腸胃啦。非常推薦大家嚟呢間餐廳食飯。

係銅鑼灣行行下想打邊爐, 朋友SUGGEST 不如去”去滾”, 之前食過都OK. 咁我地一行4人就上左去”去滾”. 上到去都吾多FULL HOUSE. 而且D 裝修同一般既火鍋店吾同, 而且坐窗邊位可以直望銅鑼灣街中心, 感覺開揚.我地4個人叫左兩個湯底, 兩份牛, 一份餃子, 一碟丸, 當然吾少得金甲脆魚皮. 呢到服務都好貼心. 一開始都有圍裙比我地, D 牛肉好新鮮同好薄, 放入湯底幾下就食得~ 另外, 雖然我地只係叫得一份餃, 其實係餐牌上面, 有幾種餃可以選擇, D 名又特別, 呢到有牛肉餃, 平時係其他火鍋店都吾會有~ 中意食牛既朋友不妨一試~最令我地驚喜既係金甲脆魚皮, 其實一碟都好多下, 同埋真係好脆,因為通常係火鍋店食個D 都吾會好脆, 而且每一塊都沾滿蛋黃. 呢間去滾除左室內既位之外, 其實佢仲有OUTDOOR SEAT, 但就吾可以打邊爐, 不過可以食食下行去外面飲下野都幾CHILL. 我們雖然叫得吾算多野, 但份量都算大碟, 都食到好飽先走

很喜歡去一些玩味十足的餐廳，裝修有特色之餘還有一點笑位，「去滾」除可解作打邊爐之外，還包含了一些有味的意思，他的裝修和設計亦毫不保留地表達這個有味意思， 簡直令人會心微笑。看得出餐廳用很多心思去設計和表達主題， 有自己特色的咕臣和圍裙， 餐牌亦有很多誘人的美女圖案。這裏的食物質素亦都比得上他的裝修， 原個椰子雞湯($268)，真的毫不吝嗇用整個椰子， 店員不但會把整個椰子水倒進湯內，還會細心地刮起椰子肉然後都一併放進，加上半隻鮮雞，十分鮮甜的椰子雞湯，簡直即使不作火鍋湯底，當湯已經十分夠味道。至尊天九牛腩頭($378)，光是這個名字已經很架勢堂，這些牛肉刁鑽部位真的很少吃， 又多油花，又滑身。哈波子=手打蝦丸 ($68) 我個人最喜歡的菜式， 超級爽口彈牙的蝦丸， 偶然還可以吃到完整的蝦身， 口感十足。火雞姐搞唔餃= 手剁牛肉餃($58) 坊間很少見， 一般餃子多數都是用豬肉製成，偶然會有羊肉， 牛肉餃真的很少吃， 這個火雞姐搞唔餃，牛肉質感紮實， 有點像牛丸， 當中還混入馬蹄， 增加口感。原隻貴妃蚌($58x2) 新鮮彈牙講到signature，除了牛肉，海鮮，湯底之外， 這裏自家製

（按：立場有爭議之商家，自己衡量🙈）如果可以俾爆分，我真係會俾爆分呢間《去滾》火鍋店💯 首先上到去𨋢門一打開，就見到好多字體好秀麗嘅牌，轉入去就見到裝修好靚，佈滿霓虹光管，寫晒粵語歇後語；餐廳成晚嘅playlist都係八九十年代嘅廣東歌；菜式名統統都係取粵語phrases。好同聲同氣嘅感覺，所謂捍衛本土文化就係呢啲👏店內好多房間，而且仲有可以唱K嘅房，一班人嚟聚聚真係一流🤪侍應帶咗我哋去室外座位，少人啲清靜啲，俯視住香港景色打邊爐，確有一番風味。值得一讚嘅係侍應嘅服務，雖然我哋坐外面，但都招呼周到，唔會忽視咗室外嘅客人；而且每樣request都好快做到；態度仲好好添👍價錢同出面走中高級路線嘅火鍋店差唔多，嘢食賣相好睇，亦都好好食。韓國人蔘山藥烏雞湯 ($328)湯底叫咗呢個烏雞湯，好足料，有成隻烏雞、整條人蔘，湯亦都唔重味精味。營養豐富，感覺好補🤤金甲脆魚皮 ($88)呢個上碟個樣真係好鬼過癮🤣 18禁呀🔞🤭🤭脆魚皮面頭鋪上鹹蛋黃，就咁食同浸完湯食都好正！濟州黑豚腩肉 ($168)本身book咗二月尾去韓國，仲諗住可以食濟州最出名嘅黑豚豬⋯🥺行程因為武漢肺炎取消咗好可惜，不過嚟呢到都有

超級好好好好好好食啊！ 已經係第三四次食呢間，因為真係會食過翻尋味。我地照舊叫左個二人餐，因為佢d二人餐會經常轉餐牌。今次係韓國人參烏雞湯底！ 好啱呢排增強抵抗力啊！ 而且你係見得到成條人嵾係度！唔係幼到阿媽都唔認得果d. 個湯🥣好好飲！我地每人飲左兩碗先開始打邊爐🍲第一樣講下 皇牌金甲脆魚皮先！ 依然依然好鬼多鹹蛋醬！ 好脆！ 又有小小辣！ 超級無敵野味！而且你會食到停唔到！ 第二樣係澳洲肋眼上蓋！媽啊！好諗！好重牛味！ 唔好睇距以為好薄！其實好大件！廚師毫不手軟啊下！ 之後到墨魚🦑丸！新鮮自家製你真係食得出的！好彈牙！ 仲有雜菌盤 同生蠔🦪，望落好少，食到我差d食唔落番薯🍠糖水！你知啦！番薯🍠糖水距仲加兩粒湯圓！ 成餐飯係食過翻尋味！ 好！下次幾時食好呢！

去滾金甲脆魚皮韓國人參山藥烏雞湯澳洲肋眼上蓋日本廣島蠔手打墨魚丸長生不老(雜菌拚盤)家鄉番薯糖水係鬧市的樓上, 裝修設計都幾特別, 一入餐廳就聞到邊爐子味, 座無虛設好熱鬧, 環境燈光較暗令人放鬆.新鮮炸起魚片配上金黃流沙汁 (咸蛋黃醬汁), 簡直不能與任何出面的相比. 尤其因為是新鮮即做, 口感及味道是第一次嘗到, 令人驚艷. 熱騰騰的湯端上, 好香的人參味, 一整個烏雞在內, 湯味濃郁, 我地在開始打邊爐之前, 都先品嚐湯, 結果一碗接一碗的幾乎喝光. . 多款小菜也很不錯, 廣島蠔新鮮嫩滑, 肥美飽滿. 手打墨魚好彈牙, 大小適中, 一D都唔會鯹.牛肉略嫌太冰, 或者最遲下鍋會好一點. 我們急著走, 都忘了吃番薯糖水, 就叫餐廳幫忙取消了. 

終於收爐喇！梗係同同事擦返餐勁！同事話見到呢間火鍋店既裝修同menu 都好搞鬼，想黎試下！好開心呀佢地安排我地坐outdoors，有境睇下之餘，重有棵大既假桃花樹係中間😂講笑叫同事行返一個圈😂😂打開menu我同事第一眼就俾金甲脆魚皮吸引左！立即點左呢個小食醫住肚先🤤🤤嘩！好鬼正，啲魚皮唔單至好香口重夠薄脆，好似食薯片咁！平日我唔好鹹蛋黃既野食，食過新加坡炸魚皮隻零食，對呢樣野食無興趣，但呢度讓我愛上左！沾滿熱辣辣既鹹蛋黃，竟然一啲都唔覺好膩！太神奇！令我地食唔停口！佢重帶少少辣味，更加惹味！重有叫左另一小食～蝦膠釀油炸鬼，油炸鬼入面釀左啲彈牙蝦膠，點埋泰式辣醬減低油膩感更開胃！打邊爐梗係要揀個正湯底啦！貪心既我地叫左個鴛鴦湯底，芫茜皮蛋滑豆腐湯同埋海鮮麻辣湯。打邊爐都怕會太熱食，所以揀芫茜皮蛋豆腐湯底清下熱平衡下，湯底好清，海量芫茜，多到當菜食都得😂🤣豆腐超級滑，不過如果多啲豆腐就更正喇！唔夠喉！海鮮麻辣湯底麻得黎幾香，唔係死麻個種。湯底有花甲同蝦，花甲鮮甜無沙👍🏻👍🏻👍🏻打邊爐點少得叫牛呢！揀左A5野崎牛肩肉同新鮮牛脷芯，一睇擺盤就知係靚野！啲牛肩肉油脂分佈好靚，薄切既關係淥幾淥就熟

今晚同外國朋友食飯，上網搵到呢間裝修好特別嘅火鍋，好似新開，決定試吓一到去果然冇令人失望，裝修好靚，餐牌好有心思，好有香港特色，連播啲歌都係廣東話歌👍👍叫咗個椰子雞湯底，雞嘅份量都幾多，湯底清甜食物質素都好好，特別係牛肉，打邊爐最緊要就係牛肉，呢個係至尊天九牛腩頭，食落口好新鮮，唔會太肥，又有肉味，又唔會有根👍👍😋叫咗個貴妃蚌，佢上菜嘅時候好特別，好靚，有乾冰，不過掛住望，去到最尾先記得影相😂食落去味道鮮甜牛肉餃同埋手打蝦丸，朋友好鍾意食個蝦丸，食落口個感覺好似有成隻蝦喺度咁🦐蔬菜拼盤甜品叫咗個係傳統酒樓先有嘅脆麻花，炸得幾鬆脆，好味😋