去滾

营业中

休息中

一間位於銅鑼灣登龍街嘅火鍋專門店「去滾」。搭電梯上到去門口已經感覺到裝修非常特別，店舖燈光較暗，有一種令人放鬆嘅感覺。同幾個朋友放工之後就去打個邊爐輕鬆下。嘢食有：一個海鮮火鍋、牛肉餃子、豆腐、雜菜拼盤、豬頸肉、肥牛、北菇雞煲仔飯。海鮮火鍋入邊嘅配料有：龍蝦、蟹、魷魚、蜆等等。一開始仲有店員幫你用牛油炒香左個鑊然後先再放其他海鮮，令成個海鮮煲更加濃味。龍蝦肉爽口鮮甜，蜆同蟹嘅肉質亦都唔錯。配埋個海鮮濃湯底味道一流。牛肉餃子爽口彈牙。豆腐皮脆，外面仲有啲香料嘅粉非常之野味。肥牛嘅花紋分布平均，食落口感唔錯。豬頸肉肉質亦都爽口，好適合打邊爐。食到咁上下食埋個煲仔飯，就夠晒飽。臘腸同雞仲有北菇嘅味入晒啲飯，非常好味。除咗食物方面，餐廳仲有一個室外嘅休憩場所除咗裝修得靚之外風景亦都非常之優美。食完飯想同朋友傾吓計出邊絕對係一個適合嘅地方。鍾意打邊爐嘅朋友，去開銅鑼灣推介試一下。