去滾

营业中

休息中

銅鑼灣原來有一間隱世火鍋店，位於金朝陽嘅高層位置，面向維景呢個咁美麗嘅景色，喺海景下打邊爐真係好舒服！食火鍋最重要就係湯底，所以我哋叫咗個龍蝦花甲海鮮湯，食要食盡佢，而呢一個海鮮湯會有店員係你面前將海鮮放入鍋，然後點火先進行火焰嘅過程，再加入海鮮湯，然後職員會提示先吃海鮮，所以我哋個個都食到舔舔脷食完海鮮之後我哋叫咗濟州黑豚肉，呢個黑臀肉已經預先切成條，而且唔會太油膩，因為油脂分布非常平衡，食落仲有新鮮嘅味道，放落海鮮湯令到豚肉味道更加出之後我哋叫咗個響鈴，食海鮮湯點可以唔叫響鈴，響鈴吸盡湯底嘅精華，非常鮮甜然後仲叫咗四隻餃子，餃子🥟皮薄料多，食餃子最唔好就係皮厚，四隻真係唔夠要再encore另外小食方面我哋叫咗個椒鹽豆腐，要來做送酒嘅小食！同事不知食得幾開心呢間野絕對有下次

今日我哋去咗一間面向海景嘅去滾火鍋專門店，呢一間火鍋店裝修非常別致，好有怡紅院嘅風格，而且仲有室外同室內嘅位置比客人選擇呢度嘅湯底都選擇好多，但係我哋今日決定食好啲，叫咗個原隻龍蝦花甲海鮮湯，呢個海鮮湯真係好特別，職員會喺我哋面前點火，做出火焰嘅效果，而且龍蝦非常之新鮮生猛，成個湯都好有海鮮嘅鮮味然後我哋即日手切陀地靚肥牛，肥牛油脂分布平衡，而且帶有好重嘅牛味然後我哋叫咗一個蔬菜拼盤，有多種蔬菜組成，每樣都有啲！最後叫左個臘腸花菇雞煲仔飯，煲仔飯非常足料，而且花菇雞非常嫩滑，仲帶一點飯焦，好有煲仔飯嘅風味

係cwb 時代廣場出 之後再行去登龍街果到 果座大廈先去 唔好去錯！！！環境好特別！ 有種去左唱k架感覺！ 裝潢都好凸出！好新奇！！出面仲有個露天地方 可以睇到維港！！仲花左d心思係到 可以比人打卡！！！食物名稱都改得好抵死！！係香港好少有圍巾！好得意！張濕纸巾 個設計都好鬼抵死！！！d打邊工具都好齊！！！佢d醬自己出去混 我最欣賞係有炸蒜片！！我地叫左個餐！湯底簡左皮蛋芫茜豆腐！e個有驚喜！！好濃！唔似出面水咁！頭盤係芥辣沙律醬 炸龍虾丸！個醬好正！唔太沖頭！！開胃！魚皮餃同蟹柳 正常野！雜菜盤 係個炸芋件！ 夠粉！海鮮盤 黎到果時好浮誇 有d干冰係到 d貝就夠鮮 夠甜 夠大 正到爆！之後唔係好夠喉 點左 個牛舌心 同牛胸爽 都係d出面比較少見到 牛舌心 好淋！正！最最最正係個牛胸爽 ！6佢幾秒即食！正爆！不過今餐係我比錢 之後又可以食反男朋友十餐八餐啦！！嘿嘿

今晚突然有空，和友人聯絡，他們都有興趣一起吃飯，所以便來到了銅鑼灣這間特色的火鍋店。這裏的裝修，懷舊中帶點格調，調皮又可愛。椒鹽豆腐，以猴子🐵模型製做的乾冰效果，很有仙氣，這個擺盤的心思別出心裁，值得一讚。椒鹽豆腐外脆內軟，如果淡一點，味道更好。原隻龍蝦花甲海鮮湯，侍應首先將洋蔥和薑，在鍋上炒香，再將龍蝦、海蝦、蜆和蟹放在煲內，加上燒酒點火，讓燒酒的熱度，帶出海鮮的鮮味，再將龍蝦湯倒入鍋中，待滾熱後，便可以享用。龍蝦湯吸收了海鮮的鮮味，味道比純龍蝦湯更鮮甜，多了一種層次感，所以不知不覺之間，每人喝了兩碗龍蝦湯，才開始火鍋。即日手切陀地靚肥牛，廚師用巧妙的刀法🔪，將牛肉切成薄薄的一片，讓牛肉只需在鍋內滾幾秒鐘，便可以進食。牛肉味道香甜，不需要加上任何醬汁，便可以享用。濟州黑豚腩肉，肉味鮮甜，脂肪甘香可口，第一次吃來自濟州的黑豚肉，印象深刻。八秒卜卜趣響鈴，自家製的響鈴，放在湯內只需八秒，就吸收了湯底的鮮味後，香脆中帶點龍蝦湯的味道，是火鍋配料中，必選之一。手剁牛肉餃，餡料內牛肉，有點像山竹牛肉球的味道，用來作為火鍋配料，創新又滋味。蔬菜拼盤，份量不少，吃火鍋就一定要有蔬菜，這樣才算健康。

最愛打邊爐，越無得滾，越想去滾，今晚就去滾一滾喇！Midtown大堂入口有專人為每位入大廈嘅客人檢測體溫，心理上都安心咗啲啲～ 一出𨋢就見到 霓虹燈牌，成間舖以老香港夜場為主題作陳設呢度設有貴賓房之餘，另外有個靚景露台位，望到個維港，仲可以戶外圍爐添呀～ 被安排入坐卡位，牆身有兩位懷舊旗袍女士陪食調味醬料係自助式，共有十二款調味料可選擇“請勿衝洞(動)，滾前請用”，注重衞生係安全啲嘅！抹乾淨雙手就開餐喇🥢~大海無量~ 芫荽皮蛋滑豆腐湯酥炸龍蝦球海鮮拼盤 (游水海蝦丶象拔蚌BB丶生猛元貝丶貴妃蚌丶花甲) 飛魚子蟹柳魚皮餃粟米丶炸芋頭丶唐生菜海鮮拼盤由乾冰拌著出場，見到都開心；游水海蝦好生猛，啲腳仔仲郁郁吓(I’m Sorry🦐)，象拔蚌丶元貝丶貴花蚌，全部都好新鮮丶鮮甜！！花甲就海水味重丶略嫌偏䶢，身為海產愛嗜者，表示滿意！

**去滾**上次經朋友介紹 得知有間可以露天打邊爐既餐廳今日就無懼 '打邊爐家族' 既效應同老公去滾一出LIFT 店員幫我地量左體溫先,然後消毒雙手安排左我地坐卡位,呢度地方好大,仲見到有包廂同露天既位MENU上既食物名好有味道,好搞笑我地嘅湯底揀咗椰子雞煲，店員會拎個新鮮椰青嚟倒椰子水落雞煲。另外叫左牛肉餃、墨魚🦑丸、蔬菜拼盤同埋牛頸脊，呢度仲有甜品我哋就揀咗椰香脆麻花。大贊嘅係牛頸脊好有肉味，墨魚滑打得好彈牙！而且服務都好好。只係可惜定價有啲貴...都係一個高消費嘅一餐

每逢收工都唔知食乜好🤔，見天氣涼涼地都會諗起打邊爐，近期打邊爐都特別注重湯底，有養生功效之餘，當然環境都好重要啦😊！韓國人蔘山藥烏雞湯店員提議打邊爐前先來喝一碗補身湯，以人蔘、山藥和烏雞等藥材熬製而成，入口已感到濃郁又滋潤👍🏻👍🏻！金甲脆魚皮🐟鮮炸魚皮已經好香口好爽脆，再加上蛋黃味道，更加惹味，食唔停口😅！澳洲和牛肋眼上蓋🐂大大片，色澤紅潤新鮮，輕輕滾一滾已經食得，牛肉味濃，肉質嫩滑。手打墨魚丸不是冷藏丸，是全部人手打出來的，非常新鮮彈牙，咬落食到一粒粒的墨魚粒，口感不錯！日本廣島蠔大大隻又飽滿，鮮甜又惹味亦帶點爽口！長生不老😅😅是雜菌拼盤！家鄉番薯糖水薑味濃，有番薯之餘重有兩粒湯圓，果然足料！餐廳重有個戶外場，可以吸啖新鮮空氣之餘，仲可以望吓個靚景😃！

 港式火鍋專門店又多一間選擇啦銅鑼灣登龍街樓上鋪新火鍋店店內裝潢特意整得有點懷舊風格亦設有戶外區,睇到風景兩人套餐,包括海鮮拼盤一客,小吃湯底元茜皮蛋滑豆腐湯蔬菜盤等等價錢上一定係中上,但質素真係唔錯海蝦上菜仍然是活的,食起來特別鮮味 先到醬料吧自助混醬,辣椒蔥麻醬薑齊全~ 無味精真濃郁湯底先喝一碗靚湯,先再落料打邊爐超多料,大量皮蛋,起碼有2隻,豆腐嫩滑另有大量元茜!!湯鮮甜,香氣足 海鮮拼盤一客鮮鮑魚切片上,元貝2隻,活蝦等時令水產 以鮮為主打,食材極為高質素喜歡食海鮮一定滿意 喝完濃湯,食完海鮮最後可以落埋丸,餃,蔬菜等等~ 新鮮既海產遇上鮮味既湯底兩者配搭上來味道更見突出有2間VIP獨立房附唱K設備牆上有唔同性感美女嘅畫像

食火鍋無分季節，但在天氣凍更加想圍住火爐食打邊爐，跟朋友「去滾」，更加正！呢晚約咗朋友聚舊順便食火鍋，相約去銅鑼灣呢間「去滾」，位置方便，而餐廳名字夠哂港式地道，而餐廳主打80 90年代設計，霓紅光管招牌，夠親切又有特色gimme. 每個位置放有一卷東西，原來係可作圍裙用，好細心呢！食物方面，先講最緊要既湯底。點左個胡椒豬肚雞鍋，天氣凍飲完即刻暖身，胡椒味濃郁，豬肚爽脆不會有腥味，加埋新鮮雞，雞肉嫩滑，整個湯香醇可口，非常暖胃。至尊天狗牛腩頭：上碟好靚，有個牌寫住淥的時間，避免過熟。用左較罕有的牛品種，牛腩頭部位肉味香濃，色澤均勻分明，肉脂比例分怖完美，焯熟後，肉質嫩滑，肉絕不韌。分量足料，必點的牛肉之選！原隻貴妃蚌： 新鮮貴妃蚌，冰鮮送上 晶凝通透，蚌肉好爽脆，味道鮮甜，極之鮮味，回味無窮！菜灼鹽攪唔餃（菜肉餃）：連菜名都咁有諗頭，睇就知唔係普通菜肉餃咁簡單，餡料豐富，肉味鮮味，手工皮薄餡靚，不簡單！牛b子（手打牛丸）：手打牛丸好實淨，真材實料，手工製作別具心思及風味, 味道肉味香濃，手打特色夠彈牙。百花齊放蔬菜拼菜：連蔬菜盆都講究，有我最愛的豆苗，極翠綠香甜；還有生菜，油麥菜，各

今日放工凍凍地餓餓地咪諗住去揾間正啲嘅餐廳打邊爐，竟然俾我發現新大陸。餐廳內裡充滿懷舊風味的裝修, 環境新凈又企理, 感覺上有啲似回到民初時期, 令我即時諗起tvb啲劇。 依度特別之處係有個露台，可以坐出去一邊睇下港島嘅靚景，一邊打邊爐。一開始叫左個皮蛋芫茜雜菌湯底，食得出俾左好多心機去煲，好濃嘅皮蛋芫茜味。首先叫乜到都有，有齊唔同海鮮，食得出好有鮮味，隻蝦臨落之前仲郁緊。配上依度自己整嘅醬汁，好好食。之後有個酥炸龍蝦球，好好食，好脆，再配芥辣，簡直一流。之後叫左個蟹柳同牛肉餃，係真蟹，唔係出面啲麵粉，好好食。最後叫左啲玉米，生菜，都好有鮮味，好明顯係靚菜。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概$500。以咁高質素嘅食物黎講算係物超所值。所以整體黎講我對今餐嘅評分係9分！

前排因有打邊爐的人感染肺炎，令人人心惶惶，唔敢打邊爐。但政府同衛生署都講到明完全唔關打邊爐事，作為邊爐迷仲唔即刻去止癢「去滾」聽咩都估到係間火鍋店，坐落銅鑼灣登龍街，地點十分就腳餐廳裝修十分有心思，所有裝飾擺設就連點餐紙同埋餐牌都完全配合「滾」的主題，勁多打咭位，好啱成班老友一齊黎滾一滾食物方面，我地因為得兩個人，叫咗個二人餐，包括：1. 原隻椰子雞湯（半隻）：侍應會即場倒入成個椰青水，仲會刮埋入面啲椰青肉入去滾，跟手放埋雞件，個湯十分清甜，湯底仲放咗竹苼、馬蹄同少量薑片，冬天飲，正雞肉都ok嫩，不過要快啲食，滾得耐就無咁好食2. 至尊天九牛腩頭：侍應建議食完雞之後食牛，因為個湯底可以吸埋牛的牛油。牛肉十分有油香，咬落有口感，肉味鮮甜3. 牛肉餃同手打蝦丸：力推手打蝦丸，味道鮮甜，十分彈牙，仲食到啖啖蝦肉4.原隻貴妃蚌：新鮮，食落無沙鮮甜5. 椰香脆麻花：呢個甜品好有驚喜，即叫即炸的麻花，好香脆，而個麻花本身好簿身，咬落唔會好硬又唔會好油膩，麻花面頭仲淋咗啲蜜糖定唔知麥芽糖，加上啲椰絲，甜甜地又有椰子的未香味，食完一舊又一舊，停不下來的感覺值得一提的係餐廳有個露天花園仔，可以喺度飲下野

拖左朋友好久的火鍋，系肺炎既時間約成。今晚兩男士相約去滾。來到餐廳, 趣味十足，裝飾標語如吾滾吾知身體好等標語甚好笑。我地點了套餐B,一會兒，先來了金甲脆🐟皮。我同朋友都盛讚。脆而不亁，黃金蛋味香濃。個人選擇偏愛直接品嘗.人參烏雞湯到，滾後來品一口，好純正的人參味，好喝，要多喝可補氣喔。試下澳洲和牛，份量好足，肉質嫩鮮而帶口感，碌十秒好食啦。朋友叫我食墨魚丸滑，感覺良好,鮮和爽，感覺食材夠靚，🈚咩膠既感覺 有肉當然有菜啦，套餐包括長命百歲雜菌。雜菌好配合人參烏雞湯。食完正野，同朋友上左餐廳外面欣賞夜景，香港真的璀璨美麗，如果可以回复以前的少爭鬥無病疫的多麼美好，祝福這個家！祝福餐飲業！

同朋友嚟到銅鑼灣嘅火鍋打邊爐，呢間餐廳嘅主題特色係「去滾」以青樓霓虹燈為主嘅火鍋店。餐牌上嘅食物名十分之有噱頭，已舊式報紙作招徠。湯底分別係鴛鴦，一邊麻辣一邊清湯。嫲嫲今日又唔會太過適合我同朋友唔係幾食得辣嘅人！黃金魚皮，真係幾有特色。冇諗過可以要來作為打邊爐嘅配料。香脆而又淡淡鹹蛋黃嘅香味。鬼馬油炸鬼，係近年打邊爐必備嘅食物。用墨魚滑壤入油炸鬼之中。再配上打邊爐嘅醬汁，實在10分美味安格斯牛肉同埋牛脷都係打邊爐必點食物！十分之有肉味，而且10分新鮮雲吞皮薄喊靚，對於餃子愛好者絕對係不能錯過！重頭戲絕對係飛羊腩煲莫屬！從來都冇諗過打邊爐同羊腩煲係可以相提並論！原來都幾有風味！同朋友一定會再嚟聚會

適逢今晚天氣轉涼，所以約左朋友去左銅鑼灣一間餐廳打邊爐！餐廳裝修很特別，懷舊得黎帶點摩登，播放譚校長的歌曲，真係好似時光倒流咁，仿似番左去70年代咁！我地安排左坐卡位，位置十分寬敞，坐得好舒服！仲提供好靚既圍裙比客人穿，免得食野時彈到落件衫到，十分窩心！醬料就係自助式，最吸引係有蒜片，超脆口！原個椰子🥥雞湯（半隻）$268: 店員即場半隻雞肉、椰青肉刮起及椰子水落雞湯底內，咁正既靚湯底更係飲番啖靚湯先，湯底十分濃郁充滿椰子香雞味，雞肉十分嫩滑，椰青肉好鮮甜滑口，仲有竹笙吸晒雞湯更滋味！至尊天九牛腩頭$378:擺盤相當有霸氣，中間插了棵梅花，牛肉同脂肪既比例平均，雪花紋較清晰，滾5-10秒就食得，肉質鬆軟，牛肉味濃！果然係至尊既級數！👍貴妃蚌（2隻）:$58@ 2隻大大隻鮮味貴妃蚌放在冰上，焯一焯就食得，超爽脆鮮甜！火雞姐搞唔餃（4隻）$58 +哈波子（4粒）$68:火雞姐搞唔餃其實是手剁牛肉餃，食落很實肉，牛味濃郁有咬勁；而哈波子就係手打蝦丸，鮮味爽口彈牙，仲有蟹籽係面食落口更加脆卜卜！百花齊放蔬菜🥬拼盤$88: 新鮮時令蔬菜包括有皇帝菜、娃娃菜及生菜，滾完吸晒椰子🥥雞湯味更好味！食得

呢排天氣又凍返 着多幾件衫之餘都想食啲熱野一凍就好想打邊爐 之前已經聽朋友介紹過呢間都幾有gimmick嘅火鍋店 今日終於可以試吓 睇吓有幾玩味喺金朝陽中心27樓 望出去其實都幾有feel個裝修好古色古香 仲有個露台俾人影相絕對照顧到想喺IG打卡嘅人 佢另外仲有房 適合一大班人一齊玩 又唔會嘈到人露台望出去個景真係好靚㗎個menu好得意 啲用語好貼地又搞笑 男女都可以一齊滾啦睇得出落咗好多心機設計 未滾過嘅人都可以知道滾係咩感覺 哈哈我哋要左一個椰子雞湯底 有半隻雞㗎侍應服務態度好好 幫我地處理好晒啲嘢 未食得嘅時候已經聞到椰子好香 好期待啊椰子好食 啲雞又唔會好老 仲有啲其他料係入邊用嚟滾其他嘢真係好好味至尊天九牛腩頭 啲牛肉一上嚟都知道好靚油脂分布好 仲有個牌仔提醒我哋整10秒就食得貴妃蚌 好大隻好新鮮 係啲椰子湯入邊滾兩滾就食得好煙韌 好有口感另外仲有呢個火雞姐搞唔餃 其實就係牛肉餃子個皮都幾薄 入邊啲餡好足 仲食到陣陣牛肉味添蝦波子 手打蝦丸我真係好鍾意食呢個 咬落去啖啖蝦肉 好正又好彈牙 食幾多粒都唔夠呀炸芋頭 其實就咁食都已經好好食個皮炸得好鬆脆 就咁係個湯度碌一碌就可以食