去滾 (裝修中)

同朋友黎咗呢間樓上港式火鍋店，餐廳入面用咗充滿香港特色嘅霓虹燈做裝飾，而且仲有露台雅座，可以睇住個靚景吹吓風。芫荽皮蛋滑豆腐湯 $138揀咗呢款皮蛋豆腐湯，清熱下火，做打邊爐湯底就岩哂。入面有大量芫荽可以當菜食，加埋皮蛋同嫩滑豆腐，味道清甜。美國手切牛頸脊 (M) $228牛頸脊只係叫咗中size，但都唔細碟，夠兩個人食。牛肉腍嫩，輕輕淥吓就食得，唔會好肥膩，而且肉味香濃。順德脆肉鯇魚片 $78另外叫咗鯇魚片，肉質爽脆，味道鮮甜而且冇泥味。哈波子手打蝦丸(4隻) $48蝦丸有乒乓波咁大粒，食落爽口彈牙。沙嗲牛肉洋蔥餃 (4隻) $68至於呢款牛肉洋蔥餃就非常有特色，薄薄嘅餃皮包住香濃沙嗲牛肉同清甜洋蔥蓉，濃郁惹味。繽紛鮮果涼粉鍋 $108最後仲叫咗個鮮果涼粉做甜品，餐廳用小鍋裝住涼粉再加上乾冰煙霧離漫嘅效果，吸睛度十足。冰凍涼粉加上西瓜、哈密瓜、芒果、椰絲同紅豆等配料一齊食，甜蜜透心涼。。。去滾 (銅鑼灣)銅鑼灣登龍街1-29號金朝陽中心二期 - Midtown 27樓。。

收工之後同同事一齊食飯，去咗金朝陽嘅其中一間火鍋店。地理位置好容易搵，而且環境超級開揚望到海景好靚。而且佢入邊有好多款湯底揀，仲食咗我人生第一次食到嘅冰菜，大家一定要試。

撞著微涼天氣，火鍋活動又點可以比佢停呢，今次去咗銅鑼灣「去滾」打邊爐🍲環境非常特別，以懷舊主題同3D霓虹燈裝潢作為主題，完美還原舊香港嘅街景！佢哋仲有個露台，有梳化位置可以望到靚靚夜景，未食前就已經影咗很多相喇🤭芫茜皮蛋豆腐湯佢哋個menu都別有用心，菜式名稱好有玩味‼️見有好多特色鍋底可以揀，揀咗個清清哋嘅湯底，就係清熱又下火嘅芫茜皮蛋豆腐湯，上枱時芫茜味濃郁，飲落都幾清，而且鮮味得嚟唔會過鹹，鍋內有豆腐、皮蛋、大量芫茜及菇菌類，愈滾愈香😉五花腩肉片厚薄及油脂分佈均勻容易灼，一塊有齊五花腩嘅肉層同半肥瘦嘅口感，輕輕灼幾灼轉色就食得，肉質爽口，沾上醬汁食十分惹味🤟金甲脆魚皮擺盤好盞鬼，有好多辣椒做背景🌶️係相機食先嘅必叫item👀 每塊魚皮彼上一身金黃戰衣，鹹蛋黃味好突出，香脆嘅鹹蛋黃魚皮輕輕沾上火鍋湯底，落鍋後馬上撈起就保持到魚皮自有嘅脆度同時擁有湯底嘅鮮香；如果魚皮喺火鍋中度過超過十秒嘅時間，魚皮會吸收更多湯汁，魚皮變得Q彈有嚼勁，甚至係就咁當食小食都係一流😚蟶子皇呢款蟶子皇真係好犀利，好長好大隻，肉質爽口煮熟後亦唔會過份縮水，建議同烏冬或麵類一齊煮，鮮甜味走曬出嚟，鮮上加鮮😚鮮肉韭菜

🤟🏻平時最鍾意去一D玩味，有特色嘅餐廳打卡，呢間火鍋店以港式懷舊風做主題，有好多唔同嘅霓虹燈牌，裝修有趣吸引，食物質素都好ok，而且餐廳既露台位勁靚，可以欣賞維港夜景，啱晒一班朋友去滾！🐔🥥原隻椰子雞湯（$268）用左新鮮嘅椰子水同椰子肉，湯底清甜滋潤，帶有椰香嘅味道，雞肉份量都唔少，仲加左馬蹄同竹笙，味道更加豐富好飲！🐮頂級靚肥牛（$198）色澤粉嫩，油花分布平均，入口鮮嫩多汁，肉味濃郁！✨珊瑚蚌（$138）爽口彈牙，輕輕淥30秒就食得！✨沙嗲牛肉洋蔥餃（$68）濃郁嘅沙嗲味，牛肉同洋蔥勁夾，口感豐富好味！🌟繽紛鮮果涼粉鍋（$108）打完邊爐再食甜品係最爽嘅，一上枱仙氣飄飄，面頭鋪滿大量雜果，新鮮爽甜，加上花奶涼粉真係好好味呀！

I recently had the opportunity to try the Hong Kong style hotpot with a unique soup base of pepper chicken and pig stomach in Causeway Bay. The restaurant was decorated with year 90s neon light, which bring you a strong Hong Kong accents in the 90s.Soup Base:The highlight of this hotpot was undoubtedly the flavorful soup base. The combination of pepper, chicken and pig stomach created a rich and aromatic broth with spicy tasteIngredients:The hotpot offered a wide selection of ingredients to cook

位於銅鑼灣「去滾」，呢度嘅裝修好特別，好有懷舊香港感覺,好鐘意佢地既霓虹燈設計,簡直係八九十年代在香港特色! 部分座位更可以看到海景；員工都十分親切有善蕃茄薯仔豬骨鍋蕃茄薯仔鍋內還有粟米 味道非常鮮甜金甲脆魚皮，我覺得呢個係必點嘅小食，佢嘅口感酥脆，搭配上特製嘅鹹蛋黃，搞到我忍唔住不停咁食頂級靚肥牛肥牛新鮮，品質有保證，條紋清晰可見，肉質香濃食落都係肉質鮮嫩咖手打系列哈波子 手打蝦丸新鮮製作蝦丸爽口彈牙食落鮮甜口感豐富手打牛丸一粒粒手打牛丸，擺盤精緻，牛丸用料充足，食落感覺好新鮮又彈牙啖啖香濃牛香黑松露餃新鮮餃子，餃子皮仲好軟身每啖都可以吃到香濃的黑松露味道，超讚！沙嗲牛肉洋蔥餃惹味可口的沙牛餃子🥟滋補鮮雞子同脆鯇新鮮爽脆又大件繽紛鮮果涼粉鍋出場仙氣飄飄品台用咗新鮮芒果🥭、西瓜🍉、火龍果，簡單幾種水果，加涼粉同花奶，但意外地夾回紅豆🫘同椰絲等配料亦令口感提升公特別鍾意椰絲，有驚喜

🍲芫茜皮蛋滑豆腐湯 $138唔想咁熱氣清清地揀咗芫茜湯底，嚟到個煲估唔到咁足料😳平時出面嗰啲可能得嗰幾條芫茜，呢個煲啲芫茜多到一抽抽可以當菜食，對芫茜控嘅我嚟講實在滿足🤭 滑豆腐同皮蛋同樣都好豐富👍🏻 淨係湯底都好好飲🐷五花腩肉片 $98五花腩油花好靚，半肥瘦，淥兩淥已經食得，豚脂味濃郁，洽耐咗都一樣冇鞋口🍤蝦膠釀油炸鬼 $98即炸上台好新鮮，唔會有油益味，蝦膠肉多，試過就咁食同淥一淥食都一樣咁正🐟金甲脆魚皮 $98必點推薦呢個咸蛋黃魚皮，個擺盤會忍唔住相機食先📸 一兜份量好多，其實$98真係好合理，咸蛋黃厚厚咁沾滿每一塊魚皮，咸香味十足，仲要辣辣地🌶新鮮炸上台，好惹味🤤🍡哈波子手打蝦丸（4粒） $68手打嘅蝦丸好彈牙，蝦肉打到起晒膠，每粒都清楚見到新鮮嘅蝦肉🥟黑松露餃（4隻） $68除左豬肉餡入面都係有包原隻蝦，黑松露味好重，咬開會見到真係落左好多🤭🦐鮮蝦餛飩（4隻） $58皮薄肉滿，蝦肉鮮味，粒粒都爽滑Q彈🥬冰菜 $58打邊爐真係最鍾意食冰菜，仲要唔係間間都會有，一見到呢到有即刻唔洗諗，冰菜新鮮，芫茜湯底淥過清清地特別鮮甜多汁🫖中國茗茶（香片）每壺 $38餐廳會供應清水，其他飲品就

亞女話今晚帶我去滾，以為佢講笑，點知真喺帶我嚟呢間位於銅鑼灣登龍街金朝陽中心二期的主打港式火鍋店打邊爐 店內裝修以港式懷舊風作主題，從壁畫到別具特色的霓虹裝潢都玩味十足，充滿港式味道 原個椰子雞湯(半隻)入秋時分梗喺揀返個滋潤的湯底啦，原本湯底已經用上新鮮椰肉、馬蹄及竹笙熬煮而成，上枱後店員會喺你面前將整個椰青水倒入湯內，再將裡面的椰青肉也刮起加入湯內，然後加入雞件，待湯滾起後先嚐一碗，味道清甜又滋補 金甲脆魚皮魚皮炸得金黃酥脆，外面裹滿金黃的鹹蛋黃醬汁，入口鹹香惹味又帶些微辣，超級邪惡 美國手切牛頸脊(M)手切牛頸脊厚薄適中，油花細緻，肉質鮮嫩腍滑，肉味濃 新鮮牛脷芯薄切牛脷芯是牛脷最軟腍部位，口感鮮甜爽脆，牛味濃郁 沙嗲牛肉洋蔥餃好特別未試過好港式的口味，餃子漲卜卜好飽滿，充滿沙嗲香味好惹味 鮮嫩正菜蔬菜拼盤有八款蔬菜可以選擇，連比較貴價的豆苗及冰菜都有，款款新鮮翠嫩，拼盤可以自選三款配搭 繽紛鮮果涼粉鍋鮮果有火龍果、西瓜及芒果配搭冰凍涼粉、紅豆蜜及椰絲，以火鍋形式加上乾冰營造出煙霧效果非常吸睛

去滾位於銅鑼灣登龍街金朝陽中心二期廿七樓主打港式火鍋去滾主題圍繞老香港以及夜生活設計採用大量霓虹燈牌以及玩味字句裝飾原個椰子雞湯湯底加入原個椰子以及半隻雞件清甜滋潤同時配搭竹笙吸收湯汁精華個人真心推薦金甲脆魚皮魚皮經過油炸酥脆鬆化配搭鹹蛋黃醬油潤甘香可以直接當成小食或者作為火鍋配料同樣惹味美國手切牛頸脊(M)美國牛頸脊手切厚薄均勻適中同時肉質緊緻柔軟而且脂肪豐腴油花細密中碼份量基本足夠二至三人分享新鮮牛脷芯牛脷精選舌芯部份薄切口感脆嫩同時肉味濃郁稍微淥灼已經可以沙嗲牛肉洋蔥餃水餃麵皮透薄同時餡料飽滿而且沙嗲牛肉洋蔥口味獨特近似咖喱角值得嘗試鮮嫩正菜蔬菜拼盤提供豆苗、芥蘭苗、冰菜、油麥菜、唐生菜、娃娃菜、皇帝菜以及西洋菜八款蔬菜可以自由選擇三款配搭繽紛鮮果涼粉鍋齊集西瓜以及芒果同埋火龍果三款鮮果配搭涼粉清新輕盈同時創新甜品火鍋加埋乾冰煙霧效果啱哂打卡

位於銅鑼灣熱鬧市的港式火鍋店，走進餐廳，立刻感受到港式裝修，有大量霓虹燈裝修，好有懷舊氣氛。餐廳內裝簡潔時尚，桌椅整潔舒適，提供了寬敞用餐空間，好岩一大班人打邊爐。胡椒豬肚雞鍋湯底極具特色的湯底，湯底濃郁，帶有不少胡椒和薑的香氣，豬肚和雞肉的滋味完美地融合在一起。湯底的口感光滑，令人回味無窮。美國手切牛頸脊質量上乘，重牛味，輕輕灼灼已熟透。頂級靚肥牛頂級靚肥牛切得薄而均勻，質地鮮嫩，帶有油花。鹹蛋脆魚皮鹹蛋的香氣和脆魚皮的酥脆口感完美結合，輕輕灼灼沾滿胡椒味，加上鹹蛋香好正。手打墨魚滑墨魚滑質地彈牙，口感滑嫩。冰菜相當清爽的蔬菜，又無渣，非常適合火鍋。它的脆口和清甜的味道能夠平衡湯底的濃郁口感。繽紛鮮果涼粉作為火鍋後的甜點選擇，繽紛鮮果涼粉絕對不容錯過。這道甜品以豐富的水果和涼粉為基礎，口感爽滑，加上花奶更可口。它的色彩繽紛，讓人一口接一口。

今晚帶大家「去滾」🥰以香港黃色事業最流行的「塘西風月」時期裝潢設計的餐廳，設有室外室內坐位，入到去仲聽到熟悉經典的廣東歌，真係好想唱K呀!!唔係講笑，原來呢度仲設有K房架😆🎙️ 打開個menu都笑左，玩味十足得黎又搞鬼!首先揀左鴛鴦戲水鍋底 $328 ，分別選了麻辣鴨血鍋拼蕃茄薯仔豬骨鍋。要讚的是個鴨血鍋內的鴨血真係好嫩滑好新鮮，湯頭夠曬麻夠曬香辣，十分過癮。而湯底偏甜的蕃茄薯仔鍋除左有大大舊的豬骨，仲有甜甜的粟米而且非常滋補。職員期間會不停幫我地加湯，服務非常好👍🏻 叫左個黑毛豬豚肉$198 ，大理石紋般的油花,咬下有獨橡果香味，濃郁且鮮嫩，但份量只有十多片，唔太夠喉。 再叫左4大隻素菜餃 $58，餡料有冬菇、粟米粒、韭菜等等，口感豐富又夠味。而鮮茶樹菇$58，滾落湯底真係又香又鮮甜呀! 最後點少得甜品，我地就叫左充滿仙氣的繽紛鮮果涼粉鍋 $108，真係好igable，鍋內放滿新鮮又清甜的芒果、涼粉、同西瓜粒，鍾意食甜野的我即將紅豆蓉同椰子絲倒曬落去，好滿足!

去滾收工約埋朋友出黎銅鑼灣 想打邊爐食高質素火鍋 又想慢慢住坐傾下計 去滾 就一定岩曬 餐廳裝修得好有舊香港感覺 有唔同霓虹燈牌比大家打卡 重有好多同‘去滾’相關既霓虹字牌遍佈餐廳四周 除左室內空間之外 呢到重有露台位置比大家係出面chill 下金甲脆魚皮 🐟$98鍾意食鹹蛋黃嘅大家 呢個黃金脆魚皮一定唔可以錯過 每塊魚皮都有厚厚嘅鹹蛋黃醬 而且帶有微辛 係味蕾上嘅衝擊 好食到停唔到口原個椰子雞湯 🥥🐔$268店員會係你面前將原個新鮮椰子打開倒椰子水入湯 重會將啲椰子肉加入去個湯底到 呢個湯底超開胃同好香椰子味 雞件新鮮 就算煮耐左都唔會老 安格斯肥牛🐮120g $168肥牛脂肪分布平均 呢個份量夠晒兩個人食有多 淥落個椰子湯底度 令到個肉味更加突出 重帶有啲甜味鮮嫩正菜蔬菜拼盤🥬(自選三款) $98有莧菜 芥蘭苗 菠菜苗 油麥菜 唐生菜 娃娃菜 皇帝菜 鶴斗白菜仔稻庭烏冬🍜 $38繽紛鮮果涼粉鍋🍧 $108

Overall吾明點解咁多review 可能普遍人care環境多於食材 覺得係打卡點掛？首先要食火鍋 香港港島區真係選擇少 尤其係對牛有執著既foodie我對哩間既牛肉好失望 新鮮？老又切得不均勻我本來叫左2碟large本地牛 之後改左一個large一個medium 點知改咗之後張單又唔update搞到比多左錢 ！？？？？？？？？？？由於張單係人哋埋 所以冇特別check單 點知反屋企先見到佢收左兩份large本地牛既價錢我打反去跟進 又要我反去 對方又住得遠已經不想再煩 對於這間火鍋店 我真的好無語🤦🏻‍♀️ 啲牛又唔係特別好食 超級唔新鮮 菜單字體又細好蝦人睇 你叫老人家點睇更改菜單又唔係即刻入返資料 我完全唔知點解會有咁多review

星期日朋友話帶我「去滾」諗諗搞邊科🤔️原來去食火鍋😂😂店舖以塘西風月老香港設計，仲有個好有玩味menu😄😄原個椰子雞湯（半隻）$268我哋今晚 order咗椰子雞鍋，店員上鍋後即場加入一個鮮椰青水入湯底，呢個湯底真係好甜㗎，仲有好多竹笙湯料。金甲脆魚皮$98邪惡小食，脆卜卜嘅魚皮，咸香十足，食唔定口。新鮮牛脷芯$88牛脷芯肉質柔軟爽滑，味道更有層次感。爽脆牛胸爽$138看似油膩，但入口出奇地爽口。順德脆肉鯇魚片$78口感爽脆，食落感覺好有肉汁。繽紛鮮果涼粉鍋$108呢個甜品🍮必選，打卡一流，仙氣十足，成個鍋放滿芒果、涼粉、火龍果、西瓜🍉色彩繽紛，旁邊仲有紅豆蓉，椰子絲，超好味😋

來到金朝陽中心二期，客服問我有咩幫到我，我竟然回答:去滾😂，客服秒答:27樓。四年前其實來過，舌尖挺回味，故再二次探味！選湯底先，服務員現場原個椰子和半隻雞親手落鍋。椰子雞湯充滿了濃郁的椰香味，加上嫩滑的雞肉，為火鍋增添了獨特的風味。這種湯底的熬煮過程相當講究，保留了椰子本身的鮮美，讓人垂涎欲滴。手打蝦滑一道必點的菜品，以新鮮的蝦肉為主，添加了一些秘密的調料和技巧，呈現出彈牙又滑嫩的口感。每一口都能感受到蝦肉的鮮甜，絕對讓人回味無窮。另外不得不提的是手打牛肉滑，以優質的牛肉為主，經過精心的切碎和調理，口感嫩滑多汁，絕對能滿足你肉食愛好者的味蕾！呢度有多款蔬菜，喜歡可以任選三樣菜，我地選了皇帝菜，菠菜苗和芥蘭苗。每次品火鍋都會食皇帝菜，其菜香比較香濃。菜苗蛟甚有驚喜，皮薄餡靚，比美外間餃子專門店，餡料優勝不油膩而香嫩。最後甜品方面，一道別出心裁的甜品─繽紛鮮果涼粉調。這道凍食以多種新鮮水果切成小丁，與細緻的涼粉結合，帶來了清爽又甜美的口感，大大滿足了火鍋晚餐。