博多拉麵 (已結業)

唔係話特別好食~ 但個價可以話係貴囉以佢咁既質素~ 40蚊一個set就差唔多~佢d麵麻麻~ 餃子又麻麻問個侍應個set有咩唔同: 咪又係一樣~哇~ 多謝你解答喎~有禮貌到呢~~~~~~我成日去沙田, 以後都唔會再去呢間咁既拉麵店~如果大家諗住一試既話, 就唔需要等咁耐囉~ 因為唔值~仲有而家裝修完後, 成間舖好open, 好多烏蠅...

新城市新開的博多打正旗號日本拉麵館滿懷期望去試一試首先座位格局似food court衛生麻麻, 因有烏蠅飛來飛去服務一般跟餐的餃子味道尚可但拉麵真係比公仔麵的拉麵還差麵質不彈牙湯底淡而無味天婦羅冷麵竟將天婦羅放在有湯的冷麵上冷麵味道亦是一般!這樣的價錢, 這樣的質素我不會再去食了!

環境: 好有街邊feel食物質素: 大排檔服務態度: 茶餐廳價錢: 高檔呀

一家出左沙田行街, Tea time走左去下面新開果層搵野食~行左一個圈最後都係決定試下博多~拎左飛仔帶左陣就有位....都唔係想像中咁耐..入到去完來都幾大...幾開揚..但我一d都唔覺得似food count ~望出去個景都幾靚丫~同老公叫左一個牛肉鍋烏冬配sushi...d 烏冬唔錯~~幾彈牙~不過等左15分鐘~同埋一個博多叉燒拉麵配餃子....叉燒麵係招牌....ok...餃子一般la....tea Set 算ok la~~值得一提o既係.......待應服務態度並不是大家講得咁差.....我的小女兒...不小心打跌了杯子...兩個待應反應比我還要快....怕小朋友會弄傷...立刻打掃...並給多一杯凍檬茶....有點不好意思!!!!最討厭係聽到鄰座的高談闊論...又話要投訴....講真我聽到佢d咁o既態度~~係人都會發火la....~待應都係人姐!!真係好想多事講句....做客人都要留意下自己既態度...真係登個待應唔抵....

好後悔去食之前無上黎openrice睇下大家既意見，後悔莫及........叫左一客叉燒拉面定食(一碗加兩隻炸生蠔)、一碗泡菜叉燒拉面、一客餃子，兩碗拉面既賣相好差，同門口show既完全係兩回事，d面軟lum lum，一d都唔彈牙，自己煮既公仔面好食過佢，湯底又淡，連粟米都唔多粒，話晒都幾十蚊一碗，唔知點解要咁節儉? 叉燒算ok，但係切得好厚，又碎到一舊舊，毫無賣相可言....個泡菜拉面仲離譜，根本就唔係用真既泡菜，一食落去就發現其實係"自家製既辣椒炒新鮮紹菜"，簡直欺騙食客!!!!兩隻炸生蠔，炸得算ok，但係味道就有d似蠔豉，跟住返到屋企仲有少少肚痛...........最好食算係鐵板餃子，如果非要黎呢間野試下既話，可以考慮下餃子既....環境唔算擠迫，但係就唔夠企理，好似bar"木台"位咁，個廚房居然迫到將所有野放在人客面前，包括微波爐、杯、碟、烹調材料，感覺好差....服務人員不足，等碗面等左成幾個字，又無人加茶，食完小食又唔收碟，最好笑係趕住收工，一見差唔多時間，又截人龍，唔比人入黎幫襯(咁好景唔憂做???)，又周圍大呼小叫話last order，唔比人再落單，好多客都未食完，

今晚同男朋友打算食拉麵, 7點幾去沙田新城巿博多拉麵攞飛, 見仲有幾十個no.先到就上樓上逛陣先, 大約20分鐘左右落番去睇睇, 依然係成村人圍住個counter, 好辛苦先迫到埋去問個女侍應(名叫Angela)叫到幾多號, 點知佢睬都唔睬, 走開左招呼兩名外籍女子入座. 等佢返轉頭再問多1次, 都係唔睬人!! 男友已經火起, 忍唔住鬧佢幾句後決定走人唔食! 咁不知所謂既服務態度, 簡直唔配做日本餐廳既侍應!! 有機會見到呢間餐廳既老細, 一定要反映一下, 點解會請呢d咁無禮貌既員工, 係咪趕住開店就求求其其?! 一間餐廳唔止要注重食物既質素, 侍應應有既服務態度都要非常講究!!一個字-----劣

哇，甘多喊既呢度。同事生日前夕，一行三人試食呢度拉麵，因為生日個位係"拉麵之人"食物黑椒豚肉拉麵-豚肉軟硬適中，食到好輕微既黑椒味，唔辣。湯底唔錯，岩岩好，唔喊唔淡。個麵唔係好好食，但係一定唔係難得囉！豬軟骨拉麵-朋友話豬軟骨好稔好入味。不過得個兩粒少左囉。湯底都覺得ok幾好。照燒雞扒拉麵-拉麵人話雞扒ok,D雞幾稔。湯底都幾好，有味囉，唔係太濃，岩口味。Sushi - 套餐有sushi,分別有一粒蝦suhui+三粒maki一致裁定：唔係好食，賣相0分，苦命蝦sushui綠茶-幾好呀，好香玄米味。凍檸茶-唔好味服務-唔係彬彬有禮，但係唔係黑口黑面。應該唔夠人做到踢洒腳先得黎甘慢囉。D麵都等得幾耐下咖，好彩唔使打卡，如果唔係一個鐘邊得夠時間呀！環境-起甘open既地方食野預左無私隱。Reception同座位係近左D囉。當起food court食就會舒服D咖啦！有人serve 既food court囉四十幾一個套餐，有餐飲有麵有sushi.ok啦，算係甘啦。city super仲貴啦，四十幾無野飲咖！

很久也沒有這裡寫post．．．今天去過這間博多食下午茶set，只因為見佢同八番、味千類同，心想食拉麵咪去左呢間。等左一陣位，已經打算知道食乜。但想問跟餐有什麼野飲時，個侍應樣子好像咀藐藐咁想講句"咪又係奶茶咖啡果嘀"。不過，佢最終都沒有咁做，只係帶有少少悔氣既說話說奶茶檸茶咖啡橙汁。女朋友叫了Ａ餐博多拉麵，我叫了Ｌ餐的海鮮烏冬(真正的名記不起)。我們兩個都配了壽司。正當等緊食物仔時，我成杯麥茶飲完哂都久久無人來加水；最後都係自己來之餘，侍應完全沒有理會我到到野食上來時，吃了一舊細細的所謂既壽司，發現當中壽司米居然有硬生米係入面。而至於拉麵及鳥冬則沒有問題，算是不過不失。唯一要彈的就是湯底有點淡。到最後我們叫埋單，都等了十分鐘；期間甚至有另外的侍應問我們找了錢未。我諗去完呢一次都唔會再來，而且還不會推薦別人會來。因為作為一間日本食店，侍應服務理應有所水準；然而卻連基本的侍應禮拜也沒有。PS: 食後我聽我女友講，佢聽到有睇緊拉麵擺設的老人家問侍應幾多錢，見到個侍應俾面色佢睇，重話叫佢睇POSTER有價錢睇．．．

以D個價錢, 食唔到應有的質數.拉麵湯底淡而無味.服務差, 茶都唔加下.凍飲仲要加五蚊.

8月12日晚餐1.服務我一家人6口諗住試下新野,所以去試下博多拉麵,星期日都諗住多人,六點到去等位,等左20分鐘就有位,但入到去冇人招呼,枱又未清理,舉手D樓面又唔想招呼你咁.黑口黑面,不如改名叫黑口黑面都好.2.食物和價錢我叫左個朱扒拉麵跟壽C,朱扒又淋又唔熱,壽C細得可鄰,不如唔好比啦.爸爸叫左個曼魚反加埋一都要75元,黎到原來係百佳都買到既急涷貨(20元就買到),咁我駛乜用75元係到食吖,笨笨笨媽媽叫門口個廚師推介,朱軟骨拉麵,中招,D朱軟骨冇味又硬,下次要帶埋把鋸黎先食到,其實D麵都一般,又冇湯底揀,得一款,太少.3.我入到去望下D員工,先知博多係雪國既後代,咁我覺得雪國底D啦,起碼多元化,價錢又唔貴,不過都冇下次啦.

我好肯定以後唔會再去食...味道差!!!(真係不知所謂! 啲湯底淡到...又難食....)服務差!!!(咁少人,食物都可以好耐先比到你, 野飲都係咁)價錢貴!!!(以咁的食物,同服務...收六十幾七十幾一個晚餐...離譜!!! 仲要叫凍飲+5蚊)一句講晒, 大離譜了, 大家千祈唔好去!!!

沙田新開張很多新的食肆，諗住去試下。剛好只有博多不用等位，選擇了這一家。老公叫了一碗叉燒拉麵,我叫了天婦羅冷赤面。拉麵普通質素，中規中舉。天婦羅只有蝦一隻，份量極小。老公的拉麵吃完了，我的天婦羅冷赤面還沒到。：（可能是新開張，服務有點亂。一流收費，九流服務/食物，有待改進。

係上星期3同媽媽去幫人拿信,之後去左LEE度食原來雪國拉麵同博多拉麵同一間來的!剛剛裝修完,變左開放式,好快就有位不過DEE位幾逼下果時有下午茶餐,叫左個炸物天婦羅+炸雞拉麵配SUSHI等左好耐。份量都幾大,試下DEE炸雞,淋淋GE,唔脆,又細件,肯定擺左好耐炸物天婦羅其實係炸獅子狗,又係淋淋GE,唔脆拉麵同湯底OKSUSHI係兩件蛋小卷+鮑片SUSHI,冇特別其實份量OK,不過食物質素就要改下,如果唔係想人食都難!

除了完全同意點仙的食評外還要再補充1) 食物:拉麵只像普通foodcourt質素連味千拉麵也比她更好那所謂壽司的東西負分!!!!!!!根本就像百佳超市的貨品!!!還要是不知放置了多久!!!2) 環境:坐位與輪候的人太接近甚至多次被輪候的人踫觸到椅子....3) 服務:當我舉手叫服務時有一個待應(額頭有兩粒野,仲要苦口苦面既大嬸) 明明與我面對面(有眼神接觸)卻視而不見到另一同伴叫服務時情況一模一樣!!! (同樣係呢個阿嬸!)什麼服務態度!!??!???一間收取加一服務費的餐廳竟然有如此低質素的員工簡直不可思議總結:不知所謂高質素收費低質素服務/食物笨一次就足夠了沒有下一次!不能給負分已而, 否則全是負分!!!!後註:因為看了報章讚賞的介紹才嘗試,現在很想知道那報章是以什麼準則去讚賞不負責任的報導令食客們失望而回更令報章本身失去公信力以後不會再相信那報章了

今日同個FD去睇戲~見仲有小小時間咪諗住搵啲野食下~咁岩見到博多唔洗等位咪試下囉~果時9點25分到~我一行入去既時候有個幾高既女侍應就黑口黑面再加上語氣唔多好咁同我講拾緊枱你等陣先~好~我忍~之後未坐底佢就話十點LAST ORDER(好衰既態度)但佢地間野係收十一點~唉~都算啦~跟住啲野食~唉~又小~又唔好食~我叫左個晚餐豬扒拉麵~得四舊超細舊既豬扒~仲要係淋晒~另外有兩舊餃子~咁就要六十幾~仲要加一~佢好食都話呀~又唔好食又貴服務態度又超差~個個都黑口黑面~又冇禮貌~特別係個妝好濃又高果位女侍應~最後埋單既時候就咁放底張單咩都冇講囉~我覺得最小都講句多謝晒呀~全程冇乜人理~你叫人既時候個個都好似唔想做咁~服務態度真係差差差呀~