博多拉麵 (已結業)

今晚同男朋友打算食拉麵, 7點幾去沙田新城巿博多拉麵攞飛, 見仲有幾十個no.先到就上樓上逛陣先, 大約20分鐘左右落番去睇睇, 依然係成村人圍住個counter, 好辛苦先迫到埋去問個女侍應(名叫Angela)叫到幾多號, 點知佢睬都唔睬, 走開左招呼兩名外籍女子入座. 等佢返轉頭再問多1次, 都係唔睬人!! 男友已經火起, 忍唔住鬧佢幾句後決定走人唔食! 咁不知所謂既服務態度, 簡直唔配做日本餐廳既侍應!! 有機會見到呢間餐廳既老細, 一定要反映一下, 點解會請呢d咁無禮貌既員工, 係咪趕住開店就求求其其?! 一間餐廳唔止要注重食物既質素, 侍應應有既服務態度都要非常講究!!一個字-----劣