博多拉麵別天神 (已結業)

已經第二次黎食別天神喇，諗住一個人黎食應該唔駛點等，點知都要等十分鐘。冇計啦，舖仔細細，一眼望晒得十幾個位，不過食拉麵就好在快黎快去。終於等到位，喺正門口同廚房出入口之間，係就係有啲唔方便，不過都係果句，食個拉麵都係十幾分鐘啫，又唔駛坐到咁舒服嘅！向來鍾情味噌拉麵嘅我，今次反而揀左豚骨拉麵，貪佢個豬骨湯香滑得黎又唔覺漏！究竟呢個聲稱只係用豬骨黎淆嘅湯點解可以咁香奶味呢？呢個就係別天神最引人入神之處。麵質亦都非常彈牙，只可惜我都係比較喜歡食軟麵，唯有下次記得同師傅講啲麵要軟啲啦！三戰別天神，應該仲有可能。

拉麵熱潮底下再嘗新店這間望海的小店, 稍微遠離繁囂既區域店內只有bar檯, 大概坐得了10人晚上有時會見門外有人排隊, 不至"一蘭"的規模, 但已夠令我有一試的衝動此店的食品選擇極少, 又可說是"精"拉麵只有兩款:豚骨拉麵及蝦味噌拉麵好, 保守的人可選豚骨, 而我這種貪新鮮的人可選蝦味噌沒令我失望, 迷你蝦乾確有為湯底帶來不少鮮味, 令原本只期望有味噌味的我有驚喜溏心蛋的蛋黃亦有流心奶黃既感覺小食也只有兩款:餃子及小龍蝦蟹子沙律我試了小龍蝦蟹子沙律, 小龍蝦又chunky, 沙律醬混入了Wasabi, 更提起了小龍蝦的甜味!整體來說, 好!雖滿足不了香港人要variety的心態, 但絕對滿足了我要質素的心情!

已經第二次食別天神依間拉麫，兩款拉麫美道都不錯，本人比較喜歡蝦味依款拉麫，湯味都好濃！約2-4點時間黎食，一般唔洗等位！晚上時間就要等一陣，因為座位得12個！對住海邊，風比較大，冬天等食都有D辛苦咖！如果排不超過30分鐘，都好直得一試！

今晚是在下於2月份休養後既第一碗拉麵，前言上一站於豚王（銅鑼灣）嘗過後發病的關係⋯今晚到步時間為晚上22：30，能看見這裡位置很偏，主要留熟客，這麼晚這麼冷的晚上（今晚6～9℃）還是全院滿座，非常多棒場客！這裡別天神在下略有所聞他們的得意之作，就是湯底！在下今次也是專程過來見識一下他們的馳名不含奶成份的奶白湯底！先入場了解了解，這裡選擇不多，只有兩種，一種是豚骨，一種是蝦味噌豚骨，付合專心做麵的原則，值得支持！在下點選了$100的豚骨套餐（即別天神套餐原價$120），內附追加半熟蛋，餃子（可選擇小龍蝦沙律），汽水，這個組合很不錯的，在下因為看見廚房內設有煎餃子機，所以無需考慮一定是要來一客餃子！能嘗得到這餃子餃身沒油份，可惜是超市貨色⋯但還是值得一點！拉麵來了～先來嚐嚐豚骨湯底，湯底淡香呈奶白色，味似魚湯/忌廉磨菇湯，色似牛奶海鮮湯，上佳的湯底，但只因太淡薄的關係，在下已預想得到之後的過程都會很淡薄⋯在下必須強調一點“博多風”是以濃厚見稱的，過於淡薄的湯底不像博多系⋯麵質為幼身直麵，硬度適中嚼勁，唯掛湯力弱，加上豚骨湯淡顯得麵上佔不到湯的味道⋯叉燒肉質差劣鞋口難咬開，像吃刷子膠般，大打

別天神，意指第二個天神，跟店長聊天之後，才知原來小店跟博多天神的關係，如果想知，大家下次黎到都可以同店長傾下計。店長親力親為店只賣兩種麵，一是豚骨湯麵，一是季節限定的味噌豚骨。別天神是博多系拉麵，博多拉麵以豬骨湯及細麵為原料的日本拉麵，特徵是乳白色豚骨白湯，跟本常比較會淺色一點，少油脂一點。但淺色並不代表無味，它有著好重的豬骨味，有著天神博多的影子。麵是較一般軟，如果喜歡硬質，緊記及早揚聲。幸好我已經告知店長要硬一點，麵質對我來說剛好。叉燒薄薄，也沒有甚麼特別可提的。別天神沒有華裝，也選擇不多，賣的只是用心的湯底，如果你重視拉麵湯底可一試，不會令你失望。

放課後時間尷尬，吃拉麵似乎已經成為常態，早前在社交網站看到朋友吃過別天神後擊節讚賞，一於今天放學後就去試試吧！店子位處告士打道，平日甚少行經這裡，加上店面不大，縱然經過也未必留意得到！雖然只有兩個人客在排隊，但還是花了差不多半小時少能入內。這裡沒有「剔紙仔」，即點即付鈔，餐牌已在店外看過夠了，其實就只有兩款拉麵，一款是普通豚骨，另一款則是蝦味噌豚骨，最後要了蝦味噌拉麵套餐，包括拉麵，半熟蛋一只，沙律 / 煎餃子及一罐汽水。蝦味噌豚骨拉麵拉麵賣相不俗，湯底看得出很濃郁，很有膠質，半熟蛋蛋黃外層似乎有點過熟，但內裡仍舊維持半熟狀態。忍不住先喝口湯，其實匙子靠近時已到嗅到濃濃的豚肉味，喝起來，近乎汁一樣的濃郁甜味，膠質豐盈得有點糊口，真的很久沒遇到過這種級別的湯底了！拉麵是幼細的一款，按理說是我有太大好感的類型，而且硬度也不十分足夠，不過麵條掛湯能力強勁，加上出色的湯底，而且麵條本身亦頗有蛋香，配合起來，麵條也變得份外好吃。叉燒則流於平凡，切得較薄，但不算鬆化腍軟，肉味尚可；至於半熟蛋，蛋黃外圍已呈過熟的跡象，整體來說還算半熟，蛋白尚算細嫩，可惜做得不太入味，食味較為平淡。不過單計拉麵及湯底

呢間拉麵店以壓力煲黎整豬骨湯底跟在日本的 博多天神 一樣湯底特別奶白可惜水準跟日本 我比大約4成左右..叫左個BASIC豬骨湯拉麵 - 65$拉麵最講究係個湯底聞方面真係無咩香味望落就好濃之後一試同預期中有出入豬骨味真係無咩...就係得個湯底質感濃而無咩味咁..叉燒 好普通2塊...紫菜 又係好普通 無咩味...麵身唔錯 幾掛汁 軟硬度幾好問左個師傅 覺實係同日本 博多天神 係有關係雖然明白好難同日本比較但一定可以做到更好可能65$ 香港拉麵價錢黎講係比較平但係質素太差 真係寧願加少少價食材用返好少少好過做碗平平無奇既拉麵

聽友人說呢間拉麵平時好多人排隊，今日閒日所以過黎望下，好彩有位姐間野只有兩款拉麵，豬骨湯同埋限定既蝦湯，同友人一人一款加多個餃子，豬骨湯同蝦湯既湯底好濃好好味，仲有侵溫泉蛋好滑！碗麵既份量好大，飽足成個下晏。整體味道都唔錯，但位置坐得唔係好舒服，太窄

同朋友行行下肚餓，朋友介紹不如去別天神食拉麵。本身幾中意食拉麵，所以決定試下。兩個人叫左一個蝦味噌拉麵套餐同蝦味噌拉麵。套餐配餃子，味道普通但皮好薄。蝦味噌湯底對我嚟講太濃，拉麵份量好多。本身算食得多，但都食唔哂成個麵。拉麵係幼身白麵，未必迎合各人喜好。而半熟蛋的確不錯。總括而言，味道不錯，一試無妨！

So I actually just got drawn in from the outside since it looked relatively authentic on the outside. After I got in, I was a little disappointed by the fact they did not have any English, making it tough to order. The staff was way too busy to bother with my questions. I ordered the regular one, nothing special since the waitress was not very helpful. The ramen bowl I got had some good meat, but it lacked vegetables. The meat was a thick piece, but not too thick so that it was uncomfortable to

拉麵之旅第二站, 別天神, 經常行過都見這小店繁忙時間都要等好耐, 今晚幸運地來到是不用等, 全店只有約10個位, 全BAR檯, 但真的很迫.原來全店只有兩款拉麵, 是因為地方太細還是他們的傳統, 真的不知. 最後選了別天神套餐, 只差$20, 但有小食, 有汽水, 所以點了套餐.小食可選龍蝦仔沙律或餃子, 今次選了沙律, 真的不錯, 味道清新, 配了幾塊脆脆紫菜, 很讚!但主角的拉麵, 真的有點失色, 湯底本身是超濃白湯, 純豬骨, 但感覺始終覺得有點太濃還是有加入其他, 多喝兩口已不想再喝再來拉麵, 口感不錯, 算是彈牙但那兩片叉燒便有點可惜, 太乾身, 太硬, 雖然本身不喜愛太肥的肉, 但這兩片未免太硬至於味玉, 沒有什麼味道, 但總算有流心.

加班加到9點幾，收工經過呢度正好冇人排隊，平時呢度都會有條小人龍，今晚正好趁機一試。店子細細，店內只有十餘個座位，所有座位都係吧枱位置。廚房亦係開放式，可以清楚烹調過程，充滿日式風格。吧枱頂部有Tempo紙巾提供，服務貼心。但對於我呢啲唔太高嘅人嚟講就高咗啲。店內有介紹湯底秘密，表明湯底以豬骨及純水經長時間熬製而成，並無用味精及奶類製品，強調真材實料。亦有師傅推介食法給食客參考，食客可好好運用枱上嘅調味品。拉麵只有兩款湯底選擇，豬骨同期間限定嘅蝦味噌豚骨湯；另有餃子及蝦沙律作小食。大部份食客都order麵配小食及汽水嘅set。Order後，好快有得食。師傅會將食物放喺吧枱上讓食客自取。拉麵賣相十分吸引，淡橙紅色嘅湯底上佈滿櫻花蝦，第一次見咁嘅配搭，感覺新鮮。另有叉燒、溏心蛋、粟米、蔥及紫菜作配料。湯底濃郁惹味，充滿陣陣蝦嘅鮮味，唔知係咪因為太肚餓，覺得個湯非常美味，真係想飲哂啲湯。叉燒有兩塊，較薄身，冇特別調味，可以食到肉本身嘅味道。溏心蛋亦出色，蛋黃半凝固且慢慢流出，微微嘅咸味中帶點甜。粟米清甜，雖然浸喺湯一段時間，依然爽脆。麵係我最鍾意嘅直身幼麵，正可以沾住較多湯汁，美中不足係麵偏

久聞此店盛名, 因此小人特於一個休假的工作天造訪。小小的店子很和風, 只有約10個吧枱位, 可能是空間問題吧, 店子是沒有門的, 卻對著馬路, 感覺衛生一般。小人要了櫻花蝦味噌湯拉麵+小龍蝦沙律套餐。這兒是先付款的, 豈料當小人給了現金後才發現以八達通給錢是可以少$2的, 唉…… >_<店子雖小, 店方卻巧妙地分別以兩層提供各式調味佐料, 讓客人隨意加入拉麵。拉麵來了, 大量櫻花蝦的蝦味夾雜在極為濃郁的味噌豚骨湯裡, 使得湯本身已非常夠味, 但又不會過咸, 正!! 再加入店方提議的蒜蓉、七味粉等更為惹味~~~ ^_^拉麵不用選擇普通或硬麵等, 然而本身已極彈牙。配料有紫菜、粟米、溏心蛋、青蔥及兩片义燒, 很豐富。只是义燒較小塊, 若多些肥位則更為完美呢~~~至於小龍蝦沙律則頗有驚喜, 以紫菜包著帶微微芥末味的沙律, 一點不膩, 滋味得很,越吃越想吃!! ￣∇￣食味甚有水準, 果然沒有來錯!!

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去?近年喺香港, 都試過廿零三十間打正旗號 sell 日本拉麵既食店, 因為呢幾年無寫 "好唔好食? 又睇落去?", 所以都無影食物相, 不過好味同唔好味既拉麵大致上都記得。黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係...好唔好食?又睇落去? 第333回 香港日本拉麵道場小戰爭(2) : 銅鑼灣博多拉麵別天神拉麵有星變星!地址: 銅鑼灣告士打道277號地下3A號舖閒日食晏時去銅鑼灣呢間 "別天神" 食拉麵, 呢間係博多風味, 店舖開放式, 無大門同玻璃隔住街同店鋪, 結果出事喇! 點出事? 睇落去?

星期日女友話想去食拉麵可惜本來嘅目標星期日休息, 為咗唔好令女友失望(同自己有好日子過(誇張))決定將我今個星期日嘅命運交比別天神(銅鑼灣告士打道277號地下3A號舖).店内可以坐15個，有啲逼, 出入唔方便. 但係勝在唔洗排長龍等位(我好好彩等都唔洗等), 食飯時間外面都係得幾個人等位.小龍蝦蟹子沙律, 用料好足每一啖都食到蟹子同龍蝦仔再加少少Wasabi 嘅微辣. 好味!!!餃子, 煎得幾脆可惜個皮太軟餡料普通.蝦味噌拉麵，師父將拉麵放係面前已經聞到好香嘅櫻花蝦味, 食落除咗櫻花蝦味外仲有啲蝦膏味. 麵同個湯底好夾但係對我來講有少少太濃味. (女友之選)豚骨湯麵, 好清甜嘅豬骨湯, 温泉蛋好好食, 好香蛋味同埋煮得啱啱好!!! 其他配料亦唔錯但唔係特出。總結: 鍾意食拉麵嘅朋友真係要試下呀, 好食得來又唔使排個幾兩個鐘(對唔住我確實係討厭排隊).