博多拉麵別天神 (已結業)

今晚好夜覺去到銅鑼灣攪晚餐，因為已經晚上9點幾，可以選擇已經唔多（好多食店都收10點半）醒起呢間拉麵店開得夜啲，又未試過，所以就同肥髀來，去到爆場（因為只有大約10多個吧枱位，全面向師傅）要企在門口等，裝修係好日式麵店格局，好在好快有人走，等時已經睇咗餐牌，食物款式好簡單，只係叫餐定唔叫餐！三個師傅其中一個識廣東話，落好單比八達通比錢！可以平兩蚊！（因為三個人已經分身乏術）食物好快到！別天神拉麵：奶白色湯底聲稱煲了十多個鐘，濃味但唔油膩，幼拉麵索晒湯，不過幼身麵有樣唔好，唔夠咬口，木耳爽口，雞蛋非常滑，包括蛋黃及蛋白，好滑溜！青蔥增加香味！紫菜索埋湯好香！好味道！跟餐餃子：四隻餃子好易分開，個底煎得香脆，皮薄中間有肉汁！點埋醋唔油膩好味！蘋果汁：罐裝飲品，味道唔假幾清新！替玉：唔記得叫即上！食到一半叫上，只有蔥花同麵，落埋落湯，因為湯已經唔夠熱，香味略減，所以我加啲芝麻碎提味（又可以比肥髀玩下個磨芝麻機）麵質淋身，索湯食一樣好味！要用嘅調味全放在手邊，吧枱上有兩個水壺，一個冰茶，一個清水，杯都放在一齊，自己湛，我飲了麥茶！好濃麥味！又夠冰凍，食完濃湯拉麵飲剛好！食完嘅碗放櫃枱佢哋會收，

拉麵別天神，是我經常來的好地方，是一蘭，豚王以外的最好選擇。店子不大，只有十個座位左右，非常擠迫；不過吃完拉麵就走，也就不會太計較了。店員都是日本人，夠地道。我要了一個蝦味拉麵，感覺很像喇沙，我很喜歡。整碗拉麵完全對板，湯夠濃，麵質恰到好處，拉麵是幼麵，用八達通付款還有兩元優惠。這裏選擇甚多，不過我只鐘情於蝦味拉麵。六時半前來比較穏陣，六時半後有時候要排隊。

其實這不是我第一次去吃，而是第3，4次去的。 這家拉麵店細細間， 大概只有10個位， 挺像日本的拉麵專門店。這家標榜的是無味精，無牛奶的豬骨湯（奶白色）的博多拉麵。麵條的軟硬度可以由客人選擇。 他們招牌的豬骨拉麵和限定的蝦拉麵我也吃過。蝦味的湯比較香濃。本人覺得這家拉麵十分不錯。因為他們的湯，你喝上去真的是沒有味精味，湯喝完也不口乾。麵條可以選擇軟硬度。 十分體貼。 價錢方面：＄85～＄100 本人覺得是值得一試的。

小鬼無野叻，最叻就係食；日本未去過，但就知博多拉麵好食，終於今晚我就有幸係香港食到啦～呢間別天神，睇落店面好細，但坐落唔覺迫。一入去係要叫完order就俾錢，此方式對店舖同顧客都十分保障是也~店員有日本服務精神，見你生口面都好照顧你，所以你唔駛擔心會遇到服務問題~小鬼order左個豚肉拉麵~眾所周知湯頭超濃（小鬼係大鄉里），飲落好潤好飽肚，麵條較幼身，但小鬼對日本麵感覺一般，只能說軟硬適中就是了……呢個時候小鬼對拉麵ge評價仲係「好食以上，美味未滿」，直到靚仔師傅向我介紹佢地個樽辣芽菜~即係咁，我覺得佢地樽辣芽菜真係實力ge表現，唔係點食辣ge我亦拎啲試試，個種辣度其實好輕微，超級醒胃！此時小鬼終於認真睇下店內告示，然後就跟指示加左辣芽菜同店內第二樣驚喜：蒜蓉！真係超黃金ge蒜蓉！啲蒜蓉碎到好似變左蒜蓉醬一樣！\(￣∇￣)/你問我加完呢兩樣ge感受係點？我答你……係成碗拉麵味道提升左去另一個層次！個湯更香，麵條又爽口好多！讓我大叫：蒜蓉萬歲！\(￣▽￣)/最後我食左成碗拉麵，但啲湯太濃未係好受到（胃弱呀），就無飲哂，好可惜啊~

Nicely surprised by the ramen of this small ramen shop in CWB. Only 2 homemade Tonkotsu flavours are avilable, respectively straight pork bone and one with shrimp & miso added, but suffice to keep the diners queue going.I had the shrimp miso Tonkotsu that comes with toppings including Roast pork slices, sweet corn, spring onions and dried shrimps. I also asked for a medium cooked egg to be added.Soup base creamy with distinctive taste of shrimps. Noodles are the straight and white kind. While I

識飲識食的友人很喜歡吃別天神的拉麵，宵夜時間我們專程從灣仔走過來吃。蝦味味噌豬骨湯拉麵套餐，$110。豬骨湯濃厚，蝦仔勁多，已經煮得非常淋。湯底帶微橙紅色非常漂亮。由於湯底顏色很白而且帶鹹的味道像牛奶，所以店家有一個牌，寫明湯底的白是因為高濃度豬骨淆製和沒有牛奶。最滿意那糖心蛋，流心度和顏色均美麗，就是蛋味不太濃。跟餐的小龍蝦蟹子沙律，龍蝦肉煙煙靱靱，蟹子的脆口也能吃到，味道非常好。波形的沙律份量比外面的多。友人的豬骨湯麵套餐，$100。豬骨湯更白，比起其他的麵店，此湯底更像湯而不獻汁，喝得很舒服。跟餐的餃子略嫌皮不夠脆。付款有八達通和現金選擇。我上星期曾經提議和友人去日本玩玩，友人今天邊吃拉麵邊跟我說，已經決定了去日本的日子了。就是二月底，佢和朋友去日本滑雪。聽到真的有點嬲，我說去日本，竟然立即自己同朋友去！全程都是面左左地吃麵！

先前幾回路過看見好多人排隊,一路都好想試,今晚大掃除完要特意來食番個靚麵犒賞下自己先.鋪頭不是太大,只有吧位的十張不到的椅子,而我們排到第六個左右,心想也可以接受就等下來了,大概等了半個小時左右便有位了.由於店舖提供的選擇並不多,在等候時已決定好了,因套餐的麵都有全隻糖心蛋,不想吃太多的雞蛋所以叫了一個蝦味麵噌豬骨湯麵套餐伴有小龍蝦蟹子沙律110元.和單點了豬骨湯麵70元及餃子六隻35元加麵底都是10元而已很便宜,職員會叫客人們吃剩三分二的湯底就可以加了. 這裡是下單後就要先付款的和日本的一般麵店都有提供清水,但這裡的沒有加氷的感覺不夠泠. 而可給客人自由加添的有辛辣粉,芝麻,蒜容,紅薑絲, 還有我很喜愛的辣芽菜,不好意地太好吃了,給我下了半盎了^^y.蝦味麵噌豬骨湯麵,湯底濃厚豬骨味再加入香味小蝦干在面,兩塊义燒不是很肥美的,但也入味,糖心雞蛋太滑了吸一口已溶入口中白和黄混合,荵絲外湯底還有很多粟米粒.可惜沒有穿洞的湯匙.總是撈不完的.麵條是很幼身的口感像上海的担担幼差不多, 份量也夠多如像我們有叫餃子和沙律的話,應該不用再加麵也夠飽, 湯底很濃有點膩因此也沒有把湯也喝乾小龍蝦蟹子沙

很喜歡別天神這一類小店，地方雖然窄，但就是這種環境，總覺得好像在日本街頭吃拉麵，也特別喜歡這裡有善的拉麵師傅，從落單，到煮麵，又會提醒你枱下面有掛勾可掛袋，很人性化，這種親切感是外面感受不到的。今日好凍，一放工就好想食碗熱辣辣的拉麵，叫咗個別天神拉麵+餃子餐（$100）拉麵可選軟硬度，豬骨湯底很濃很creamy，奶白色，不太咸，而且沒有味精，食完唔會咸到想死，配糖心蛋好好味，仲有大量木耳。如果覺得唔夠味，可自行加配料及醬汁，個人認為可加少少辣芽菜超正。 碗麵好味，但餃子更好味！皮薄，煎得剛剛好，食完四隻仲想再食，不過個肚full晒。

琴日同一班隊友過銅纙灣打比賽，心大心細選去邊到食野好，見到別天神近近地就拉隊去食。門面細細間，入邊的座位L型大約可以坐到十幾人到，我個人很喜歡呢種格局，全自助沒有人招呼，地方細麻，但我就係喜歡咁睇住師父的全程製作麵的選項不多，無得比你話濃定淡之類 店內的指示清楚明白，所以唔洗人介紹，叫餐後用八達通比錢可以平兩蚊 台上有很多調味料，跟著指示去做調出自己喜歡的口味叫了個蝦味噌湯拉麵，有粟米粒、䓤。細麵條，湯顏色啡乳白，豬骨同味噌互相平衡，湯底濃稠美味，櫻花蝦的顏色奪目，叉燒不是很大片味道一般，如果是食量比較大的朋友可能份量會少D ，但湯好味道飲清光了

抖了一陣子無食拉命(轉投車仔命既懷抱~~)復出之作去左食博多拉麵別天神坐位很日本風，用的筷子是黑黑的開頭以為是膠筷子，但原來是沒經過漂白的木筷感覺上好像沒那麼化學到下單了!店中只有兩種口味選擇:豚骨跟蝦味噌豚骨如果跟餐可以選小龍蝦沙律或餃子Juncudo就選了蝦味噌豚骨再加上小龍蝦沙律注意是下單後先付款的，之後就在等食囉~~先來的是小龍蝦沙律通常的沙律都是菜加上生果or薯仔當jucundo滿以為是小龍蝦加上薯仔時，就得出大驚喜了!這個沙律是由小龍蝦及魚子組合而成，所以十分清新爽脆小龍蝦的分量好多，差不多每一口都有蝦肉實在太好食啦.....不過相比沙律，麵就變得沒甚麼特別湯底比較稠身，會有膠口的感覺，但味道不是很濃郁我只能自我安慰在吸收骨膠原呀~肉比較"鞋"，不是好嫩嫩的蛋雖然是溏心，但也沒甚麼味道麵質剛好這間小鋪沙律比麵好食，有空可以一試膠口的湯不過暫時未能躍升到我的拉命排行榜上呢

八月大熱天時，整拉麵排行榜係攞苦嚟辛。因已差多試勻有名氣店舖，名單上只有有限選擇，呢間已係當時區內唯一一間未去。身水身汗行到去，仲要店內冇冷氣已覺得好難受。要咗別天神豚骨拉麵套餐跟溏心蛋、龍蝦沙律。湯底係典型博多拉麵豬骨湯奶白色豬骨味略淡，非我最愛濃稠膠口類。叉燒唔係肉味濃香軟淋或半肥入口即溶鬆軟，稍嚡身。溏心蛋略熟但調味鹹味適中。坦白講一路食一路滴汗真的影響了胃口同味覺。反而配角凍冰冰小龍蝦沙律粒粒肉混了日式芥末，再以香脆紫菜包著同吃，感覺仲正！

真係幾唔好食...第一次去，睇完d review 有d期望，但係...星期六去到，蝦味噌賣晒，唔緊要，叫左個豚骨湯拉麵+餃子，$100。好快有得食。一上黎，份量唔算少，賣相ok!飲下個湯....嘩，乜無味既 /. \ 又話用豬骨，淡到不得了，鹽都慳番！雖然麵質ok, 但幾經辛苦先食完...唔知係咪今次失手，好彩唔駛排隊，下次剩番豚骨湯拉麵唔會再食，可以俾多次機會個蝦味噌

吃過一次別天神, 記憶中是很捧的拉麵。到銅鑼灣找不著想找的東西, 反正已身在此處, 索性來碗拉麵吧。小小的店子約有十多個座位左右, 多數為吧枱位, 沒有椅背, 不會坐得很舒服, 是方便食客吃完便走。門口無遮無掩, 風塵很容易吹進店裡, 不過這也是充滿日式街邊小檔的風味。拉麵仍是豚骨湯及蝦味噌湯的選擇, 和上次光顧的一樣。小人點了套餐蝦味噌湯拉麵+小龍蝦沙律$110。小龍蝦沙律有粒粒蝦肉, 混入日式芥末的沙律醬, 並以脆卜卜的紫菜包著同吃, 口感一流!博多拉麵別天神, 賣的當然是博多拉麵。博多拉麵最大特式是顏色乳白,湯底濃稠和極細麵條。在別天神, 浮著滿滿櫻花蝦、溏心蛋、青蔥及粟米粒的蝦味噌湯拉麵, 飄揚著一陣陣的香氣, 單看賣相已經合格有餘!小人從沒有喝光湯的習慣, 但這口濃濃的蝦湯裡櫻花蝦的味道發揮得淋漓盡致, 比一般的豬骨湯更清更甜, 更有濃郁骨香, 令人愛不釋口, 不禁一飲而盡! ^O^纎幼的麵條不用多說, 做得超滑爽口, 一絕! 粟米粒襯在濃湯裡更見鮮甜。溏心蛋略嫌熟了些, 也是很入味和滑溜的。义燒嘛…脂位欠奉, 有點像嚼柴皮的感覺, 建議肥瘦均勻更佳。超正的湯底加麵, 一定再

平時都要等位，星期二晚七點唔洗等，餐牌得兩個拉面揀，豬骨湯同蝦湯，兩款都好濃味，食完想飲晒啲湯，一啲都唔會"確"喉!真材實料，但叉燒就普通左啲，鐘意瘦叉的，會好開心。

今日蘿拔仔同蘿拔妹都去左佔領中環集會 但集會前都要醫飽個肚先有力去撐架嘛~雖然目的地係金鐘但我地都黎左銅鑼灣試一下別天神既手勢！現時別天神只有兩款拉麵別天神豚骨拉麵同蝦味噌豚骨拉麵 當然就要試曬兩款囉 另外110蚊就可以跟餐附送糖心蛋及餃子或沙律 價錢也算是相宜喔！蘿拔仔吃的是蝦味噌豚骨拉麵， 略帶微橙紅的湯頭上面鋪著櫻花蝦乾，散發著微微的蝦味，只需呷一下湯頭便感覺到濃鬱的蝦香，超誠意超好喝的！再配一下冰茶更是有種獨特的滋味！糖心蛋亦十分夠水準，不單味道夠，而且一點過熟都沒有，蛋黃保持著半熟的啫哩狀而蛋白則是剛熟，滑溜溜的！反觀，拉麵面質較腍，掛湯程度算是一般，算不上上乘。但蘿拔仔是湯頭派的，這拉麵的湯很棒，很濃郁，在蘿拔仔的心目中也算有一席位了~我地又睇下蘿拔妹點評價佢既別天神豚骨拉麵啦！蘿拔妹慣常都會點原味的豚骨拉麵！拉麵一呈上眼見全是白色不透明的湯底！喝一口立即感受到濃濃的豬香和奶香呢。看看前面的餐牌，寫著湯底原來不含任何味精及奶，但這湯底怎可能盡是奶香呢？繼續喝下去就知道這股其實是濃濃的豬騷香，不喜歡騷味的你可能會避之則吉，但卻盡得蘿拔妹歡心呢XD可惜，蘿拔妹對麵的要求非常高，