博多拉麵別天神 (已結業)

湯底標榜100%豚骨同純水用壓力煲煮成，不含其他味精同奶類製品。湯底的確有啲奶味，純豚骨製成，的確係幾正嘅！日本半熟蛋需加十蚊，唔算貴，蛋有醬油香，又夠滑，好味。相反，义燒就平平無奇，唔可以話難食，但唔算好食。而別天神嘅拉麵幼細偏扁，口感當然不及粗麵，不太啱Ss口味，所以Ss試過就算喇…雖然唔啱Ss口味，但Ss都建議大家去試嘅！

已經數唔清第幾次嚟別天神喇！每次到銅鑼灣想食拉麵都會諗起佢，呢日偷得半日閒，當然又要拜訪下啦！今次過嚟已經2點，佢哋3點落場，所以我都快快手落單。其實每次嚟都係食一樣嘅嘢，所以都唔使諗叫咗蝦味噌套餐，次次明知自己未必食得哂都會叫呢個餐，因為佢嘅龍蝦沙律太太太好味喇！其實可以單點，不過叫餐當然抵食啲啦！呢個蝦味噌拉麵太好味，次次都想飲哂啲湯！好多櫻花蝦，好香，湯底絕對濃郁，半熟蛋味道剛剛好，加埋任加嘅芝蔴，人間美食啊～～～好嘅餐廳唔一定要有好多選擇，做好幾款拿手嘅菜式就已經足夠！我一定會繼續支持

呢間係我經常去嘅拉麵店店面不大，裝修完全係日本拉麵店風格，加上日本藉嘅拉麵師傅～真係好似喺日本食拉麵咁😂拉麵只有兩款～我比效喜歡原味，湯底係豬骨味～濃郁而又唔油膩，麵係幼麵～十分可口！叉燒同半熟蛋都係水平之上，加上價錢合理，值得一去👍👍

每次去銅鑼灣都會經過呢間拉麵店，總是覺得這個裝潢的日式店很有特色，水準應該不錯！會有想去試的感覺⋯⋯終於今天試到啦！晚上做完野，去睇下要不要等位先。丫～太好了！星期六都唔使等位，仲有幾個吉位添！我坐在近外面的位置(背着馬路)，因背包太大，不入去了。。入到去，無人知我入左黎～😆😆睇餐牌先，有兩種拉麵選擇，一是豚肉拉麵、二是「期間限定」的蝦味噌豚肉拉麵；仲有兩個套餐。因為之前食過好岀名既拉麵店，都唔好食。所以今次保守D，叫左個豚骨拉麵。😁😁落單先付款後上菜，這個模式很好，喜歡這些小店！等了一會，有野食啦！當然第一時間飲左個湯先啦～嘩！正到無朋友呀～濃得黎又唔太咸，味道剛剛好。吃麵了⋯我覺得硬了少許，可能不太合我口味，因我喜歡比較軟身的。吃吃下，看到周圍的招紙，原來可以選麵質既軟硬度😑😑不過還可以接受的。還有，標榜沒有味精、同用純水熬製的，可以盡情地喝～😋😋吃到一半更感覺到骨膠原上身😂😂😂配料方面：肉軟身、味道不像外邊吃的咸，但又夠入味，剛剛好；木耳和青葱都很配合整個拉麵！吃到一半，試下佢周邊額外的配料，自製蒜蓉、辣芽菜、紅薑絲、拉麵汁，都不錯！當然不加會原汁原味D啦！😊最後，我食哂成碗連湯

今次第三次寫食評香港有好多食拉麵既鋪, 雖然我唔係間間都食過, 但都試唔小, 呢一間別天神真係食過翻尋味, 比起好多知名拉麵鋪多多聲, 雖然鋪位細, 地方淺窄, 坐得冇咁舒服, 但我都唔介意去完又去, 因為豬骨湯底好香好濃, 但食完一D都唔口渴, 只係有D漏, 麵既質地當然自己選擇, 我個人喜歡較硬身, 鐘意爽口D, 講真, 唔係好識寫食評, 只能夠話比大家知, 係好值得一試, 雖然食個lunch set成舊水, 但咁既質素我覺得抵食. 第一次寫依評時, 比人話我惡意中傷一間好有誠意既鋪頭, 但我想講, 其實每間食市都有好同唔好, 放得上嚟實會有比人評論既機會.   而家我就話比大家知別天神呢間就真係叫好有誠意既食店, 講真, 而家香港地周圍食嘢又貴又細碟, 做客仲要捱D服務差質素, 真係食得好唔開心, 幾好味都假啦....P.S 唔多選擇, 仲有八達通比錢仲有得減$2 (不過好似我呢D冇申請自動增值, 次次都用唔到XD)

聽哥哥推介 第一次去了別天神試食☺️入到去都幾自助式只有兩款麵揀🌝 豚骨湯底和蝦味豚骨湯底✌🏼️豚骨湯底真的十分濃厚 但對我而言有一點偏咸反而朋友試的蝦味豚骨湯底則有些驚喜感覺挺特別 真的有蝦味☺️而麵是偏幼身的而且 我倆都加了餃子但味道一般 有點失望(總結 若是比較喜歡濃味的人 應該會喜歡這拉麵 因為湯底十分濃郁 而且麵量正常 夠食夠飽 感覺幾抵☺️👍🏼

今日原本吾係食呢間不過排嗰間太多人轉戰呢間別天神餐廳內在好有日本感覺餐牌好簡單得兩款麵甘兩個人就試哂兩款豚骨拉麵豚骨味吾夠濃麵身叫左硬身～吾錯呢個加左蝦既味道濃d 香好多我會鐘意食呢個多過淨豚骨湯最緊要加啤酒味道較苦不過都幾好飲！

只有兩款湯面，豚骨湯底$70，蝦味豚骨湯底$80，另外有套餐簡，可以選擇配餃子或者龍蝦沙律，如果唔叫套餐，碗拉面係無流心蛋，佢地既湯底無加任何味精，係用真空煲整出黎，我簡既係蝦味湯底，超級濃郁，好重蝦味，就算飲晒都唔會好口渴，木快子係用炭纖整，無經漂白，所以食個陣特別放心係張檯仲有其他配料比你加，例如芽菜同蒜蓉，整體黎講哩間拉面鋪都好好，唯一一樣就係鋪頭好細，得十幾個位，但排隊都唔會排好耐，而且效率高，先付款方式，落完單好快有得食 

前幾日來到cwb 特登搵左呢度試試佢既拉麵，果然無令我失望蝦味拉麵，呢度既湯底號稱無味精，飲落果然香濃食到悶悶地，佢有instructions 比你另一種食法，加d spicy 芽菜同七味粉，香香辣辣，正麵幼身偏硬爽，我好喜歡咁既texture哎，可惜唔記得order 佢既流心蛋師傅係日本人，呢度係先比錢後煮，座位唔多，圍住廚房十幾個，有d 快餐店形式好彩早左到，如果再晚d 恐怕要排隊lu, 所以食完大家都係快快走

有一晚突然有個瘋狂念頭，就是從西環跑步去銅鑼灣，為了一試別天神的拉麵，又可當作運動一次。一直都知道別天神的元祖店在日本，香港店亦時刻有人龍在門外等候，今次也不例外，我們於晚上十時左右，還要等了約十五分鐘左右才可入座。我們點了豬骨湯和蝦湯，湯底喝上去有甜甜豬肉味，蝦湯則有少許蝦膏味，不算太濃，整體她們的湯底都是偏淡的，自行加入蒜蓉和辣芽菜會較美味。雖然整體不過不失，但我想不會主動要求再回來吃多一次了。

就如我標題所寫 呢間湯底只用左豬骨連味精同其他料都無好多人都一定會以為一定會好稀個湯底飲得出好純 好豬 同其他好濃好杰tat tat無話邊type正啲 因為兩種都各有千秋我就個得呢款好特別 無咩地方有同東京一間好出名嘅拉麵鋪"博多天神"幾類同櫻花蝦豬骨拉麵比原味咸啲 呢款係原味豬骨拉麵最正!佢啲拉麵都幾幼 無咩趙口塊叉燒都幾肥😋另外加左$10有隻唐心蛋蛋就間間都差唔多寫寫下食評又有啲心思思想去食添

告士打道大街上的一間迷你拉麵店， 即使坐滿都只能容納約十人。窄長店身，多幾寸肥肉都怕進出有困難。 細舖好處是師父煮食情況看得一清二楚。拉麵湯底標榜絕無味精。嘗過最最最好之豚骨拉麵湯底，至今唯一覺得能夠真正「喝」下去的湯底。許多名氣大的拉麵店，麵夠韌叉燒夠焾，湯底拌著麵吃也是一流。可是，大部份麵館的湯底，或多或少也下了味精，吃完麵後可以放心把湯也喝下的，又有多少？只要嘗過蝦味湯底，就無法回頭吃普通豚骨味了，多了一重鮮味，多付$10也值得！看那隻半熟蛋，半流質狀，食過返尋味！

收工搭車經過見到別天神個招牌，擇日不如撞日，就排隊一試。未食前已知小龍蝦沙律非常出名，於是叫豚骨拉麵套餐兼加麵，麵要硬麵。5分鐘唔夠麵已先上，喝一口試味，發現十分濃郁兼有少少黏唇，不過沒有甚麼鹹味，個人覺得沒有問題，以豚骨湯黎講算合格有餘。接著小龍蝦沙律送上，舀一小口嘗嘗，小龍蝦肉彈牙，帶有少少芥辣調味，恰到好處，值得推介。之後專心開始食麵，一夾上來發現原來是幼麵，個人還是喜好濃湯配粗麵。雖然叫的是硬麵，但還是覺得要叫超硬麵才夠，師傅會問你何時可以上加麵，所以不用急。但由於坐位實在十分擠迫，還是快食快閃為妙。最後呢餐唔使15分鐘食完，下次真的要試試他們的餃子及蝦味噌拉麵。

食一碗日本拉麵都唔平，一直唔明點解最少要七、八十蚊碗。試過幾間銅鑼灣拉麵店都覺得唔值，唯有別天神會去完又去。由2013年起去過不下十次，每次都滿意而回。2015年第一次去，感覺跟以前有唔同，略嫌退步了，麫的質感差了，湯底亦不及以前濃郁。我見師傅都轉了人，不知是否因此而令拉麵有所不同還是偶然失手，但這小店仍是值得支持，希望下次去能食回一慣水準。今次是由90分變成80分，還是值得大家一試!

啲人話呢間拉麵新開嘅時候食過，覺得唔好食，偏淡，又冇特色，唔會做等耐。不過，咁又過咗幾年，佢依然人頭湧湧，可能人哋宣傳足，又或者有改良呢，所以決定俾多次幾會佢。別天神地方淺窄反而別具風味，長長嘅吧枱，每晚都坐無虛席，吧枱調味,配料齊全，可惜當晚辣芽菜賣哂。豚骨湯拉麵 - 白白嘅湯頭，入口唔鹹，但係就飲到豬肉跟豬骨嘅層次，一啲都唔膩。店內有註明湯頭有大量豬骨用壓力鍋煮成，難怪味道濃郁。用料簡單，叉燒亦無咩特別，麵質正常，就咁一碗老實嘅拉麵，唯湯頭鹽少，跟麵食就偏淡。味噌海老拉麵 - 蝦味尚算香濃，唔會腥到甘，櫻蝦同蝦油令每一啖麵都有蝦香，夾埋粟米味道香甜。雖然唔算咩嘢極品，但總算俾到應有嘅味道。啲人話第一次試嘅味道麻麻，今次再試味道沒兩樣，不過感受唔同咗，欣賞角度亦有變。當初拉麵旋風襲港，人人都要豚骨濃湯，要濃味，要黏稠，要叉燒大大片，後來仲有二郎系俾大食積食個痛快。之不過到今日，拉麵沾麵成行成市，食過咁多重口味嘅，到而家食番樸素簡潔嘅一碗豚骨拉麵，似乎有另一番感想。