博多拉麵別天神 (已結業)

最近別天神拉麵好受歡迎喔，門口都有一條長長的人龍，但都要支持光顧👍🏻我與朋友各點了兩個套餐，試匀店內的食物🥰-豚骨湯麵奶白色的湯底好濃豬骨味但又不會過鹹，溏心蛋流心超好食😋-櫻花蝦豚骨湯麵呢個味道比豚骨湯更有層次，個人較喜歡這個。好大碗，大碗到食唔哂😖-餃子新鮮即點即煎，超多汁，拉麵店黎講好高質-小龍蝦蟹子沙律小龍蝦沙律夾在脆脆的紫子一口過很滿足-值得一讚是女店員很有熱誠的款待☺️每一道菜都有介紹

蝦味噌豚骨湯拉麵 8⃣ 💰85小編已經食咗呢間第三次，不過咧就唔同分店嚟嘅。好濃郁豚骨湯真係highly recommended到不得之大了，櫻花蝦呢款拉麵真係可以話小編最愛，超級惹味正到不得之大了。豚骨拉麵 8⃣ 💰75同上面果款拉麵係同一個湯底，有叉燒肉同埋流心蛋，大家真係可以去試試佢，大家記得加埋佢哋嘅辣芽菜同埋芝麻，味道一定升幾個grade。小編朋友每次去都勁食呢個，佢話唔洗試都可以揮低一蘭。-龍蝦沙津 7⃣💰35完美嘅鹹香組合，每一啖都食到彈牙又鮮甜小龍蝦肉嘅組合。大家記得配埋脆卜卜紫菜一齊食，口感真係特別之餘又有驚喜。-
餃子 7⃣ 💰35小編勁推薦呢個for想食日式餃子嘅朋友仔，餃子外層煎到脆口，但內裏又勁多肉汁，都係果句真係可以啪10碟。

夜晚約左朋友出銅鑼灣, 喺呢個近乎戒嚴嘅晚上要搵食唔容易, 仲有開嘅鋪頭都大排長龍去到世貿附近見到呢間拉麵店都決定入去果腹。原來鋪頭係先用售票機買票, 再等位入內我點左個豚肉拉麵配煎餃子, 等左15分鐘左右就有位了拉麵美味, 湯底濃郁, 朋友叫嘅蝦拉麵更係香氣撲鼻不久, 店外開始排長龍了, 大部份食客食完不久都離席, 好讓店外等候嘅人可以盡快一嘗美味嘅拉麵

是日約了在附近看醫生，就在這帶的餐廳食店快快醫肚。之前吃過別的分店，拉麵是高質素的快餐選擇，在自助的餐券販賣機下單、買餐券以及付款。坐在吧枱前，看著店員開始烹煮麵條、準備材料、翻滾著湯底等，熱呼呼的拉麵很快便送到面前。另外跟套餐的話，還有一碟四隻餃子，煎得金黃脆口的餃子，一咬入面的肉汁仍然很juicy，很香口。蝦味噌豚骨湯麵：總是常常吃豚骨湯，這次點味噌湯吧。滿滿的櫻花蝦，有些沉在底，先呷一口湯，味噌湯底，不過味噌不濃，淋上一層拉麵香油在面。配菜挺豐富的，有日式叉燒、半熟蛋、日本葱花、粟米粒、紫菜。幾片薄薄的叉燒肉叉燒燒過。我喜歡加點紅生薑、辣芽菜及白芝麻。而博多拉麵主要用細麵，幼幼的麵條煙韌，口感卻很扎實。叉燒邊緣位都燻黑，微微燒過的焦香，本身我比較喜歡瘦叉燒，幸好這碗叉燒夠瘦，雖然粗糙，但很容易撕開肉質部份，脂肪不多。

成日經過呢個店都好多人，想試好耐，今晚終於有時間食。我嗌咗個別天神套餐，份量好足，啲麵好Q彈，啲叉燒唔硬，唔油膩同埋我本身食拉麵都唔飲啲湯，但呢間嘅湯底真材實料完全冇味精，所以最後飲到一滴不剩。每一枱都有一罐辣芽菜可以夾黎食，好好食，唔算太辣，同辣得黎係香辣，同我之前係日本某間拉麵店食嘅樣咁好食！呢個餐仲有埋餃子，啲餃子煎得幾香脆，皮唔厚同唔會好多油，啱啱好！整體CP值好高，係銅鑼灣105hkd有咁多嘢食到，重點係好食！遲啲一定會再黎食！

琴晚港鐵提早收皮搞大龍鳳，我就孖住男朋友去揾好嘢食。不過要係銅記要揾間黃店就唔易，加上今日咁嘅境況，於是提早打去拉麵店問佢地仲開唔開，答：開！開到十點！入座後，鋪頭位置唔多，但足夠騰出整整大半塊牆做連儂牆。立即令小店變得份外温馨。拉麵嚟講，呢個質素對得起呢個價錢有突！湯底香濃，豚肉又淋又入味。我到而家都唔明點解今時今日都有人排隊食一蘭。（明明隔果一兩條街...）最意想不到嘅係，老闆(定還是店員哥哥)突然拎住兩大疊防RFID 卡套問我哋要唔要，我喜出望外地問要錢嗎？哥哥話免費送我哋一人一個！禮物從來都唔係價值，係講心意，仲有自製logo好靚！多謝晒！

和朋友來到銅鑼灣世貿附近的博多拉麵小店，位置偏離旺區一點，人流偏少，但晚飯時間小店都坐滿客人。我和友人各點了一個套餐。別天神套餐：豚骨拉麵拼煎餃子。配料有味付溏心蛋、叉燒、木耳絲、紫菜，好豐富吸引！無味精的豚骨湯很濃很好喝！幼身拉麵掛湯力高，啖啖沾滿惹味豚骨湯。另外煎餃子有四隻，好滿足！蝦味噌套餐：蝦味噌豚骨拉麵拼小龍蝦蟹籽沙律。除了木耳絲換成粟米粒外，拉麵配料和豚骨拉麵一樣，但蝦味噌湯就相較濃味一點，再加上櫻花蝦，整碗拉麵充滿蝦之味！前菜小龍蝦沙律也相當不錯，好食👍辣芽菜任添，又多一種口味。最後，不得不讚店員態度有禮，牆上更貼滿「香港加油！」顧客留言字條，小店人情味滿滿

今晚想食拉麵，同屋企人去別天神。我地一個月都去食1-2次。前面有一group5人既食客排緊隊，佢地好好叫我地先坐，因為有2個吉位。推讓左一輪，盛情難卻，我地就照買飛入去坐。豚骨湯一如既往地好味，鍾意佢夠濃味。豚肉又夠冧，流心蛋都好出色，小龍蝦沙律都好好味。另外，牆上寫左蛋係用日本蛋，食得安心d.

唔想食飯嘅晚餐就來食拉麵啦。點咗一個豚骨拉麵，裡邊有木耳，豚肉，同埋一個溫泉蛋。湯底好似牛奶一樣嘅顏色就知好香濃啦，飲一啖落去，鹹度適中又唔會油膩。拉麵食感都幾好，唔會太軟ｏｒ太硬。溫泉蛋煮得好靚，裡面嘅蛋黃可以流出來，好香濃，加埋豚骨湯Ｌ加埋拉麵仲有一片豚肉一大啖食落去，好滿足啊！

博多拉麵別天神係香港有好多間分店, 上次食左旺角分店後今次係CWB見到又再食~~~~水準一樣係咁高一樣先係門口自助點餐機比錢落單, 可用8達通/信用卡仲要有勁多調味料, 有蒜有芝麻等等仲可以自行調製隱藏口味既湯底.....好有趣套餐跟小食, 有小龍蝦蟹籽沙律/煎餃子沙律有勁多小龍蝦肉 份量都不少餃子有4隻, 足料, 皮煎得好脆蝦味噌套餐有叉燒, 半熟蛋, 粟米, 蔥花, 櫻花蝦湯底有濃濃的櫻花蝦味叉燒兩大塊肥瘦適中拉麵麵質不會太腍別天神套餐豚骨湯麵有叉燒, 半熟蛋, 蔥花, 木耳絲豚骨湯底味道都不錯, 較櫻花蝦湯底淡一點點~~叉燒兩大塊都係肥瘦適中~

博多拉麵以乳白湯底配上極幼麵條己聞名。今晚去了銅鑼灣一間小小拉麵店，一排坐位，細細間，好似去了新宿橫行內的拉麵店一樣。不用寫單，門口位置有部機可自由點選食物，非常方便。蝦味噌拉麵配餃子套餐 $115湯底加入了味噌色澤依然乳白，味道不是太濃太鹹，恰到好處。櫻花蝦乾另湯底更香。麵條是幼身，爽口彈牙，掛湯力不錯。义燒肉質軟腍，肉味十足。流心蛋效果出眾，我喜歡喔！餃子皮薄，餡料不少，每啖都充滿肉香，蔥香。👍

很久沒來這家拉麵店了，這天剛巧帶朋友去怡和炮台看風景，經過門外的時候尚未營業，見捲閘上的噴畫很特別。回程時見店子剛剛開門，便決定和朋友在這兒吃拉麵作晚餐。店門外增設了自助售票機，就像在日本一樣，在螢幕上點選食物，付款後，食劵便會列印出來，然後把食劵拿進店交給店員，便可找個位子坐下來等吃了。餐點十分簡單，只有2款湯麵、數款小食和汽水，客人可以單點湯麵或點配有小食的套餐。 付款方式亦有多款選擇，很方便 。日本風店面窄窄長長，只有約十個吧枱位，應有的物品：紙巾 (在頭頂)，白開水、杯子、調味料都一應俱全。枱面雖窄，調味料卻很齊全，有拉麵汁、七味粉、辣芽菜、蒜蓉、芝麻、紅薑絲等，還有說明教客人如何自行調製隱藏口味，值得一讚。當食物準備好，店員會從裡面把食物遞放到客人前面的擱板上，客人自行取下享用。 吃完又可以把碗放上去，讓店員收拾。我點的是蝦味噌套餐配小龍蝦蟹子沙律。小龍蝦沙律像個雪糕球同時伴有數片紫菜，爽口鮮美的小龍蝦肉數量不少，混合脆卜卜的蟹子很好吃，以紫菜包著吃，添了香味更豐富了口感。蝦味噌豚骨湯麵配料豐富，一大把香脆的櫻花蝦、兩半溏心蛋、兩片叉燒、粟米、木耳絲、香蔥和紫菜。拉麵口感軟爽

**博多拉麵別天神**接完老公收工,佢話想食拉麵,就即刻諗起別天神以前收工成日過黎宵夜,呢晚8點鐘黎到,坐滿哂,門口亦有人排隊我地等左大約5分鐘就有位可能天氣太熱,店內都有D焗.所以食飽都拿拿聲食我今次食原味豬骨湯麵,叫左SET 配左小龍蝦沙律  HKD105老公就要 櫻花蝦味噌豬骨湯麵SET 要餃子 HKD115我地都一致認為銅鑼灣店最好味.下次天氣涼啲嘅時候會再嚟👍🏻不得不提佢哋提供嘅凍茶都好好飲 好解渴 平時唔多鍾意飲茶嘅我都想飲幾杯

成日行銅鑼灣都會經過呢間拉麵店見佢門口細細咁以為無乜特別， 所以一直無去試上FB見佢原來立場分明所以決定give it a try同朋友各分別叫咗別天神套餐 ＄105 同埋蝦味噌套餐 ＄115睇落去好似有D貴不過除咗本身嘅拉麵之外， 仲包埋個＄35嘅小食小龍蝦蟹籽沙律 睇落去平平無奇， 但食得出啖啖龍蝦肉呢個我係有被驚喜到嘅反而餃子有點失色個底煎得唔夠脆， 同埋唔係好夠熱別天神拉麵朋友一食就係咁讚， 話好食過豚X料又多， 湯底又好飲我自己嘅蝦味噌拉麵都好好味呀櫻花蝦超多！！溫泉蛋流心煮得剛剛好叉燒勁厚身好足料！拉麵軟硬適中湯底濃味得嚟唔會死鹹味道好夾， 好啱我口味環境無咩特別可能心機都放晒係食物上面了～

豚骨拉麵&蝦味噌豚骨拉麵-豚骨湯味道濃厚，麵質彈牙。滑喉可口。叉燒味道香口。流心雞蛋重質重量。入口美味甜美。另一碗蝦味噌豚骨拉麵添加了蝦米乾。使到成碗豚骨拉麵更添精彩。完全同原味豚骨拉麵好誓言不同。入口香口。令湯味更濃。更加有搶喉刺激感。