博多拉麵別天神 (已結業)

好好好掛住博多拉麵，真的又去返別天神食，  去到機買飛，之後等一陣就食得， 博多拉麵別天神的博多拉麵主打只是用 100%豚骨湯+水，  無任何味精， 呢度只有兩款拉麵，套餐或者單點 豚骨湯麵 ，蝦味噌豚骨湯麵 豚骨湯麵 ，  木耳、溏心蛋水準都唔錯，湯底濃豬骨味，唔會口喝。叉燒夠腍；麵條比較幼身，日本食嘅拉麵的口感。 蝦味噌豚骨湯麵 蝦味噌豚骨湯麵 - 蝦味好正，蝦湯底好鮮。好多櫻花蝦乾在面上，其他配搭配料同豚骨湯麵係一樣，  湯底 同樣好味， 另外在食的同時， 面前有嘅罐罐有紅薑、蒜蓉、芝麻、七味粉，茶... 拉麵我最愛都是博天神!!

琴晚去左銅鑼灣試yoga堂 落堂比個fd帶左我黎排隊...你認真？好肚餓啊我😩好彩都唔算耐 等左幾個字就有位喇呢間拉麵店幾特別有啲似日本啲小店咁先起門口攞飛再入座令我諗起之前去日本因爲溝通唔到所以好鍾意有呢啲點餐機既餐廳唔使同店員雞同鴨講🤣望到個menu先覺得熟口熟面別天神...原來係上星期起太古食果間店面比較細 一條長長既吧枱坐下後走廊剛好夠一個人的身位坐直身子剛好窺探到拉麵師傅在忙碌的工作小小的廚房只有一位服務員和拉麵師傅眼見他們忙個不停但仍然很耐心的應對客人朋友見到師傅先將碟和拉麵碗預熱咁樣食物就唔會因為餐具的溫差而冷卻餃子餡料滿滿的餃子皮薄 係典型既日式餃子沙律既小龍蝦肉爽口 唯獨沙律份量如果多啲就更好了🤣日本有唔同既縣 拉麵都分成不同派別博多拉麵既精隨在於乳白濃稠的湯底配以極幼身既拉麵相對其他地方的拉麵 味道比較清甜當然如果你係重口味既話可以先試湯底再根據口味去mix一個隱藏版口味味付玉子係我既至愛今次我果隻蛋略為熟左啲啲但仍然見到溏心蛋黃creamy之餘醬漬得剛好的味道絕對為拉麵加分日式叉燒嘅部份餐廳選用較瘦的肉食起嚟唔覺油膩亦唔會鞋口不過我個人更愛用肥一點的五花腩做成既日

今晚冇人陪食飯，一個人行去巴士站搭車歸家嘅時間，路過銅鑼灣呢間別天神。。。平時都多人排隊，但今次剛剛6點開舖，唔駛排隊，即刻繼上星期的尖沙咀店後，再戰銅鑼灣店。門口放了一部自助售票機，最啱我今晚扮宅男。出品和尖沙咀店真不相伯仲。沙拉還是像雪糕球般，充滿彈牙的小龍蝦肉和蟹籽，不過今次甜甜地，用紫菜包著吃，正!不枉我短時間再幫襯，還是超多的蔥花和木耳，腍滑的叉燒，開邊的流心溫泉蛋，白色的香濃的豬骨湯，軟硬適中的拉麵，還可加很香芝麻碎和醃薑，配合度還是超高，真是冇得輸。不知是否冷氣壞了，食到差啲出汗。但錯有錯著，倒了杯凍茶降溫，發現這免費的茶也意外的清香回甘，故自斟自飲了2杯。就這樣只花20分鐘就完成了晚餐歸家，哈哈。

今天與姐姐吃飯，來到這間近海邊的拉麵店☺️幸好我們7時來到不用排隊。這間拉麵店的點餐是我們先要到自動販賣機購票。餐牌上的只有兩款拉麵及餃子沙律等小食。我們二話不說一人點了一款拉麵套餐。豚骨湯麵豚骨湯十分濃味，絕無味精，令人一喝再喝！配料嘅木耳、溏心蛋水準都唔錯，叉燒夠腍，肥瘦適中，而麵條嘅軟硬度鹹適中，有咀嚼感！蝦味噌豚骨湯麵值得一讚嘅係外賣十分吸引，而且係堅足料！櫻花蝦的份量是超多的，湯底有驚喜，味噌及豚骨的味道中和得十分好，我還試了隱藏口味：拉都汁+蒜蓉+辣芽菜，調製了特濃口味小龍蝦蟹子沙律這個有驚喜！每一口都能咀嚼到小龍蝦，十分彈牙、再配上紫菜這個配搭口感及味道昇華！餃子這個是即叫即煎的，皮薄外脆，肉的份量比菜多，不錯！整體來說，這間餐廳的食物質素不錯，而且店員十分有親和力，會再次光臨！

如果你想「懲罰」同路嘅良心小店，推介你哋去食銅鑼灣嘅博多拉麵別天神啦。其實，我同M佬啱啱認識嘅時候，我哋已經成日嚟食架喇（竟然帶我食拉麵，而唔係浪漫燭光晚餐囉），因為佢嘅豬骨湯底真係超濃厚，但最重要都係嗰份人情味。入去食嘢前記住先用門外部自助售票機買飛，呢度嘅選擇貴精不貴多，小食2款，湯麵2款，或者組合成套餐。買好嘢食就將購買券交俾店員，好有日本feel呀。小龍蝦蟹子沙律將紫菜包住小龍蝦沙律，再一啖食落口，紫菜香脆，小龍蝦份量多又彈牙，配埋蟹子，口感豐富！而每次食親呢個小龍蝦蟹子沙律，M佬都會細心幫我包好，好sweet架。餃子餃子雖然唔係自家製，但火候控制得好，皮煎得微燶，裡面仲keep到肉汁，唔錯。豚骨湯麵呢到嘅拉麵選擇貴精不貴多，分別係豚骨湯麵同埋加入咗櫻花蝦嘅蝦味噌豚骨湯麵。豚骨拉麵有溏心蛋、2塊叉燒、木耳絲、紫菜，當然唔少得拉麵啦。記住加埋放喺枱上嘅辣芽菜呀！辣芽菜香口彈牙，加埋落碗麵度食，味道大大提升。蝦味噌豚骨湯麵另一款就係蝦味噌豚骨湯麵，除咗有重點嘅拉麵，仲有溏心蛋、2塊叉燒、木耳絲、紫菜、粟米同大量櫻花蝦。加入咗蝦嘅豚骨湯，湯底味道大大提升，好濃郁好有層次。

嚟到呢間銅鑼灣嘅分店雖然位置都係細左啲 但都好多人排隊餐廳係用機嚟落單 最好就準備用子貨幣啦 如果無 要用現金 就要同老細講一講啦🤪小龍蝦蟹子沙律作為前菜 食落好香蟹子同龍蝦味一開始都無咩期望 但估唔到都好出色食落好開胃 係要用紫菜包住餃子通常一般日式拉麵店麵會有餃子食😽呢個就不過不失 可以試下 不過如果二揀一緊係要試下蟹子沙律啦🤪蝦味噌豚骨湯麵拉麵嘅配料豐富 唔單止有一大把香脆的櫻花蝦 兩半溏心蛋 兩片叉燒 粟米 木耳絲 香蔥 紫菜 而且湯底都好濃郁 拉麵都夠索味 而且硬度適中 口感軟爽 加上櫻花蝦令湯底味道比一般更鮮味濃郁 如果唔想再試豚骨拉麵嘅可以再試吓呢個

門口order先入座，有得電子支付，都幾方便！小龍蝦蟹子沙律食落口感豐富，好多蟹肉喺入面，沙律醬唔會好濃味，襯托到蟹肉嘅鮮味。用紫菜包住食好夾豚骨拉麵 睇餐廳內嘅餐牌，話個湯係用100%嘅豬骨煲成，同一般嘅拉麵湯唔同，一般嘅多數話加左牛奶，其實即係冇咁真材實料。不過個湯底對於我來講就有啲淡，枱面有一啲辣芽菜同埋蒜泥，適合重口味嘅人！加咗即刻係另一個層次！由鮮甜味變到香辣惹味！叉燒方面份量好足，唔會好鞋口而且燒得好香，配埋半生熟嘅蛋👍🏻👍🏻蝦味噌豚骨拉麵 加左一堆櫻花蝦的確香好多！雖然呢度麵質就冇得揀軟硬，但對我來講呢度嘅拉麵口感剛好，唔會太林又唔會太硬！煎餃子熱辣辣脆卜卜上碟，點埋醋中和油膩感！

星期五放工同朋友去左銅鑼灣食拉麵，呢間拉麵店細細間，座位係半圓形咁圍住廚房，好似去左日本既拉麵店咁啊。呢度係自助點餐既，食之前先喺門外面既點餐機揀好要食既野，才用電子既方式比錢，有位就可以入去架啦，星期五晚都幾多人過黎幫襯，有一條小小既人龍。我地分別叫左蝦味增豚骨湯麵同埋別天神套餐。別天神套餐係包括豚骨湯麵、餃子同埋小龍蝦蟹子沙律。豚骨拉麵好濃郁，麵既質感亦都好好，仲有溏心蛋啊！熱辣辣既餃子。至於蝦味增湯麵，湯底就會更鮮甜一啲，因為佢吸收左蝦既鮮味。店入面仲有貼滿支持香港人memo既牆啊，大家都要多多支持呢間拉麵店啊！

一間位於銅鑼灣的人氣良心拉麵💛🍜 ，人氣十分高，到了19:00左右已經大排長龍，所以建議大家要吃的話，就早一點去排隊。這是一間良心餐廳喔🍴，大家要多多支持呀！.🍴蝦味噌套餐（$115）Prawn Miso Ramen Set餐廳內是有兩款口味的拉麵可供選擇，所以草根妹妹選擇了看似口味覺較濃郁的。店員把蝦味噌拉麵奉上時，一股濃郁的蝦味香氣四溢，令人食指大動。拉麵內有糖心蛋、叉燒、粟米、紫菜等等，配菜種類還算多，薄薄的一片叉燒不會太肥，剛好能夠滿足口腹之欲，也不會太多，對香港人來說應該是最好不過的。對女生來說，拉麵的份量十足，拉麵的質感有彈性。 .餃子煎至脆底🥟，不錯。.

小朋友喺銅鑼灣學完野，佢不嬲都好鍾意食拉麵，行行吓見到呢間拉麵竟然有咁多人排隊，睇吓入邊嘅格局、同以前我喺日本食嘅拉麵風格好類似，所以雖然要排隊我同小朋友都決定試一試餐廳係自助形式先係出邊點餐，入面店舖唔係好大，我諗最多都只可以坐到10個人左右，不過我喺牆上面就見到一啲好溫馨嘅字句，忽然間覺得就算等耐少少都應該要支持幫襯下小店我叫咗一個套餐另外再加碗拉麵，套餐有前菜龍蝦沙律同埋餃子，份量唔多，但好好味，小朋友好鍾意將啲沙律放入紫菜一齊食，又真係幾夾喎豬骨湯底拉麵，有好濃郁嘅豬骨味，湯底奶白色，麵質唔會太硬，好啱小朋友食，食完仲完全冇口渴的問題，溫泉蛋係流心嘅，好精彩。豚肉我見到師傅即刻燒，所以表皮做到有少少香脆，成碗面都好好味，就算小朋友一個人都可以食到三份二碗。我另外自己再叫咗個蝦拉麵，喺網上見到有好多人推薦，師傅送俾我嘅時候我都覺得好精彩，因為有超級多櫻花蝦，連埋粟米同埋䓤一齊食，好有口感，而且蝦湯底冇咁油膩食完唔會有好溜的感覺走嘅時候小朋友忽然見到餐廳原來有超人限定禮品，不過因為已經埋咗單，佢話下次要再嚟食拎走禮品

喺餐廳門口先買食物，後入餐廳餐廳，以L型 座位座， 可以容納 十個人左右 ，位於銅鑼灣鬧市地區， 麻雀雖小，五臟俱全， 餐廳一共有兩個員工 ，工作起來，非常有默契，有系統， 那位 男員工喺烹調過程 ，即興唱歌， 似乎享受緊煮食樂趣。別天神套餐小龍蝦蟹子沙律 105hkd先來上菜的是小龍蝦蟹子沙律， 有啲似龍蝦丸 的味道， 蟹子爽爽的咬落去有口感， 係一碟冷盤， 坐到熱嘅時候可以去飲下冰冷清水或清茶，水壺設計有特色， 水壺與外殼之間有空氣阻隔，減慢冰水溶解速度， tempo紙巾就倒吊在頭頂上 ，容易索取 ， 3片厚身豚肉 ，額外有木耳， 流心蛋做配菜， 湯底100%用豬骨 拗出， 湯底可以飲曬，拉麵彈牙。蝦味噌套餐配餃子4隻 115hkd日本進口餃子開包裝即煎，仲用埋計時器煎煮，煎得剛剛好，餐廳都有幾個人加配餃子。 櫻花蝦 好少喺餐廳可以食到， 額外有粟米粒， 流心蛋做配菜， 湯底100%用豬骨 拗出， 湯底可以飲曬，拉麵彈牙。長龍不斷， 食完美味拉麵 就走了。

最近有一間餐廳都幾出名，喺港九各地都有唔少分店，特別係喺啲旺區，不過一般店面都唔係幾大，今次嚟到銅鑼灣呢間，有少少感覺似居酒屋。門口有一個企喺度嘅餐牌，不過最主要都係隔離有一部自助售賣機，可以睇實有咩食同埋做埋俾錢嘅過程。坐低之後發現有好多配料，水或茶可以自助，頭頂都有紙巾可以自取。豚骨湯面$75湯底味道有充足香味而且口味比較淡，唔會太油膩，食落冇咁有罪惡感。兩面仲有木耳等材料，糖心蛋甜味十足，豚肉塊都好滑。蝦味增豚骨湯麵$85朋友叫嘅蝦味增本身我都唔太期望，因為一般拉麵店舖嘅蝦味增湯底都麻麻地，不過呢間都幾清新，加上表面有啲櫻花蝦乾提升口感層次，更有好多粟米提升甜度，整體配搭很不錯。加多四個餃子只係需要加$30口感都幾唔錯，煎咗嗰啲位比較香脆，有充足鹹香及配料十足。龍蝦蟹子沙律配搭紫菜呢個做前菜好唔錯，個調味好正，真心好食，仲可以配搭埋紫菜鹹鹹地，都幾新奇。

嗰日同朋友係銅鑼灣睇完戲所以就嚟試咗呢一間日式餐廳鋪頭細細但係好有日式feel值得一讚嘅係佢門口有個自助點餐機，用八達通或者微信支付都得。非常方便店員態度親切服務有禮嘢食好快都送到黎唔怪得知得唔駛等位啦Menu最主要有豚骨同蝦味拉麵 價錢來講係呢一個銅鑼灣Area啊來講算正常我哋揀咗個豚肉湯麵 值得一讚嘅係湯面嘅湯底都好濃郁好入味分量來講算幾多有一隻蛋肉片分量正常麵質唔算太硬 豚肉都幾入味 配埋塊紫菜食，層次豐富同埋最鍾意嘅小食莫過於呢一個小龍蝦蟹子沙律佢個味唔會腥 係開胃口嘅小食仲食到粒粒嘅蝦肉添Conclusion 佢上菜嘅速度真係好快差唔多20分鐘就可以入座都食完如果平時趕時間嘅朋友，經過呢間店都可以入去食

突然好想食拉麵，到銅鑼灣博多拉麵別天神門口， 竟然大排長龍，本身都唔想排隊， 但又諗唔到食乜好， 到最後排咗差不多半個鐘才入去食。 我本身都是博多拉麵的熟客仔， 因為這裏款式不多， 所以每次都是點兩個套餐別天神套餐$105 ( 豬骨湯麵+ 餃子四隻)，蝦味噌套餐$115 ( 蝦味噌豬骨湯麵+ 小龍蝦蟹子沙律)。 日式煎餃子～ 一碟有四隻， 一邊煎至金黃色， 餃子餡料肉汁豐富。小龍蝦蟹籽沙律～ 蟹籽沙律入面有豐富的小龍蝦肉， 配紫菜一起吃， yummy。 別天神套餐 (豬骨湯麵) 🍜～ 豬骨湯味白滑香濃，飲得出冇用味精， 因為食完唔口渴， 拉麵質地幼細而煙韌， 叉燒大塊厚度適中， 配菜有流心🥚，木耳，蔥粒和紫菜，整碗拉麵食材豐富，味道出色。蝦味噌套餐( 蝦味噌豬骨湯麵）🍜～ 蝦味噌豬骨湯鮮甜濃郁，蝦和豬骨的味道非常配合， 令整碗湯底添加多層次感， 配菜有大量櫻花蝦，粟米粒和蔥粒， 可以用色香味俱全來形容。我發覺博多拉麵別天神都有好多分店， 因為我都食過好幾間， 味道係唔錯的！

果然大家都狠狠地懲罰黃店💛，7:30到已見店外排有人龍，先到店外買餐卷，再入店內用餐。餐牌簡單，只有2款拉麵，2款小食。用紫菜包著龍蝦沙律🦞，一粒粒的龍蝦肉增加口感，十分好吃😋。豬骨湯底呈乳白色，厚身有膠質，但並非重口味，湯底沒有味精又不油膩，吃完輕鬆沒負擔。配料有2片豚肉🐖、溏心蛋🐣、木耳和香蔥，加上直身幼麵🍜，味道不錯。豚肉柔軟香口，溏心蛋入味蛋白嫰滑，媲美日本質素🇯🇵，麵量對一個女仕而言剛好。