南大門

营业中

休息中

老婆生日飯， 買料入去"南大門" 食晚餐，行到最尾果間，雖然有D遠，不過個景已經讚。師傅廚功一流，樓面又有禮貌，個個笑容滿面.價錢實惠，每位計包一個海鮮，另外加海鮮，每款都係加百幾蚊煮功,，最緊要係廚師好細心，唔會一次過上菜，會分先後次序上菜。冷盤會上先，跟住炒野，小菜，最後先係魚, 粥, 甜品咁樣.   最值得欣賞, 係龍蝦剌身切功, 好似調花咁,  讚 下次會再黎.

在香港食海鮮，可選的地點實在不少。。。西貢、香港仔、三聖。。今次選了被忽略了的鯉魚門。。交通算方便，地鐵油塘站行十五分鐘左右，作為飯前運動也不錯呀！或者扶老攜幼或不想行的搭的士也不截！在牌坊落車，漫步岸邊，寫意！走入不同食肆前，必經不同的海鮮檔。。當然是先選了再入食肆由他們加工！早前也是光顧「海龍海鮮」(當日是因為這檔有約一斤重的’黑瓜子’)，鮮。甜！報上人數，檔員便會提議份量及食法、真好！今次買了兩隻奄仔蟹、斤幾的紅瓜子、16隻花螺、四隻花竹蝦、兩隻瀨尿蝦，一如既往，奉送生果(按人頭計)及豆腐蜆魚湯(不要小看煲湯的魚，從池中撈出，生猛非常)。。檔員還會幫忙拿著已選購的海鮮，帶領至我們已預訂的食肆！(題外話：即時付，只收現金；可在食肆一併買單，只是食肆加一呢….)食肆訂了南大門！上次光顧只是慕名，今次再訂位，說明希望盡量安排窗口位，也知有難度。。。畢竟人多訂位，窗口位檯數不多，入坐時又未必有’吉檯’….今趟走運，又有好天氣！加上我們早到了。。。看著夕陽慢慢落下。。。花竹蝦兩食:刺身+豉油皇蝦頭，油鹽奄仔蟹、清蒸紅瓜子、辣油煮花螺、椒鹽瀨尿蝦、豆腐蜆仔魚湯！料正，也要好廚藝！在南大門加工

今年第二次來鯉魚門南大門，看日落是今年第一次，早一個星期先致電老闆羅太訂下一個窗邊位,   全海景正中位置是IFC,看海景時先來椒鹽鮮魷，鮮魷肉如果太熟會硬身,這碟鮮魷剛剛熟有口感但肉不硬,連同椒鹽,配以白酒十分匹配。第二道菜是澳洲生蠔,餐廳很細手,每隻生蠔旁都配有片檸檬, 亦有cocktail   sauce  ,   蠔也很肥美,值得一提是上碟，碟上放上碎冰粒後上面才放蠔 和檸檬,碟上還有用紅籮蔔做的玫瑰花配沙拉菜,很細心. 蠔配  Chardonnay 也是絕配。第三道菜是上湯澳洲龍蝦米粉底, 龍蝦肉爽味很多師傅都做得到,但配上薄薄一片的乾煎米粉,米粉煎至乾身有米香,上面放上上湯龍蝦,米粉沾上了龍蝦汁,真是美味絕倫, 清枱就是最佳的讚賞。第四道菜是椒鹽賴尿蝦,賴尿蝦肉身爽甜肉嫩,十分嘢味.第五道菜是油鹽焗奄仔蟹,因為太多菜,所以每人分配半隻, 先吃蟹膏, 蟹膏嫩滑綿口,有蟹膏香,好似食大閘蟹膏,而蟹肉比較結實有油鹽香和蟹味，十分可口。第六道菜是海班兩味第一碟是西蘭花炒花尾躉斑球，斑球肉爽甜，而花尾躉的魚味也很鮮, 雖然魚檔說是養斑，但也是十分美味第二碟是炆斑頭腩，但炆得很乾身,

一向很喜歡到鯉魚門食海鮮，一來地方夠近市區，不用舟車勞頓，二來很有漁村風情，有一種渡假的感覺；三來當然是因為海鮮爭鮮好吃。每次來到這條鯉魚門海鮮街，都會受到所有魚檔真相歡迎，自我感覺良好🤣。選擇好海鮮後就來到第一次嘗試的南大門，因為網上評價說不錯，老實說，我試過幾間鯉魚門餐廳，師傅的烹調功力都不相上下，只是南大門的環境更美麗，因為有落地玻璃望海，而且裝修及枱櫈好像更新淨。唯一的不好之處是冷氣太凍，明明外面熱得不得了，吃完之後覺得自己都好像在冰箱中逗留一段時間，要在外面站一會解一解凍才回家。冷氣太凍的話所有食物都凍得很快，要很快吃，不知道是否是店家的策略，客人早點走，又可以做多一轉，不過現在很多高級餐廳都會把溫度調得剛好，這樣的話客人可以更享受食物，希望他們會改善。回說食物，要了很多款食物：- 豉椒炒蟶子皇- 粉絲蒸扇貝- 清蒸蘇鼠斑- 鹽焗奄仔蟹- 魚湯浸菜芯- 黑椒牛仔骨- 生果：西瓜及芒果豉椒炒蟶子皇選完海鮮後大概5分鐘不到，就已經上枱的一碟餸，速度快得嚇死人。我經常覺得很神奇，自己如果買蟶子皇回家，就算洗也要洗一段時間，而且未必洗得乾淨，但這裏的店家一般就很快可以上枱，而且乾淨得

每次公司半年或全年結算後, 也喜歡在鯉魚門吃海鮮作慶祝, 除了這些場合外, 就算它在我家對面也比較少吃, 因為我倆吃不到太多類型的海鮮, 而且女朋友對蟹也有些敏感. 這次又是來到南大門, 坐在落地玻璃隔離的座位, 景觀當然更好, 但每個人的油料費就被坐在一般座位的貴二十元, 抵不抵就見仁見智, 不過今次餐廳門外就沒有海鮮店家的代表”攔截”我們, 所以能到同事相熟的海鮮店選購. 六道海鮮菜式加上咕嚕肉及海鮮湯, 不算便宜, 但品質相對比上次吃的好. 瀬尿蝦今次不再是太多膏的那一種, 啖啖肉就是原本要有的感覺. 星斑兩味的斑球肉質肥美, 外皮口感Q彈, 簡單油泡只要表面不太多油浸着就已經合格. 另外的頭腩無論在哪一間海鮮餐廳吃, 也會留下大量可作打包肉, 除了因為骨比較多要花時間處理, 芡汁也下得太重手, 口感太漿, 味道太濃, 這裏也不例外. 蒜蓉粉絲蒸珍珠蚌味道本應沒太問題, 但去沙未完, 所以無論蚌肉本身還是粉絲, 也吃到令人討厭的硬顆粒口感.奄仔蟹蟹膏相當澎湃, 簡單直接的鮮味; 辣酒煮花螺的辣香和酒香嗅下去已經先聲奪人, 處理上相當可喜. 半好半差, 景觀開揚而價錢就是貴, 很想

我食過呢間超過5年……食過無數次 食物質素都滿意但最近訂位 同個肥仔男經理講 因上次訂左位都坐廁所隔離 今次同佢講唔坐廁所附近 佢話唔得 仲串我個個揀位唔使做生意 服務態度差 極度失望 係時候轉第二間

海景係靚，3個人要成千元埋單（另外海鮮要自己出店外自己買，另計千五蚊），覺得貴左d,可能係父親節關係。相比疫情以前，唔算旺場。點了龍蝦、瀨尿蝦、聖子、蟹同扇貝，煮法例牌做法，海鮮新鮮所以味道都唔錯。為左個景，下次唔會再去，朋友話西貢食海鮮平d,好耐無去了。

鯉魚門的海鮮, 也許應該說是香港吃海鮮也說是海鮮價, 除了是以菜式數目直接計價的套餐外, 我也不知道定價, 定重以及海鮮餐廳及海鮮店的安排和關係, 不過如果真的要在那裡選擇一間餐廳, 南大門會是我在那裡的首選, 其一是因為它比其他乾淨企理, 二是望海的景觀最為開揚. 至於海鮮的處理方面, 和其他餐廳分別不大, 像是果皮蒸鮑魚以及芝士焗龍蝦味道和水準沒有驚喜也沒有問題. 至於椒鹽瀬尿蝦, 我們選擇的是蝦膏比較多的那一種, 咬下去的確爆膏但多油多膏的情況下, 感覺有點膩. 反而生炒骨口感和味道比不少粵式餐廳好, 粉薄肉腍, 醬汁甜酸度平衡也好. 老實說, 這裡説海鮮可以隨便買, 但一出餐廳門口準備選擇海鮮店的時候, 又已經有專人帶你去到他的店, 所以還是說自由選擇嗎? 哈哈!

今日一行八人去到鯉魚門南大門，顛覆咗我喺鯉魚門海鮮店嘅裝修，一入到去240度海景，望住日落真係好陶醉，去到門口已經有幾位侍應招呼，貌似有個經理嘅走埋嚟，問我哋啲海鮮點整，大部份都係佢介紹，椒鹽鮑魚炸得剛剛好，可以做到外脆內嫩，豉椒蟶子加咗米粉底，米粉吸咗啲汁，好好味😋花雕蛋白蒸蟹，花雕味唔太重，好啱我，白灼日本角螺，呢個普普通通，象拔蚌刺身，冇咩擺盆，但都好新鮮😊不得不讚，跟我哋間房嘅女樓面姐姐，全程招呼周到，禮貌十足，笑容滿分💯我特登影咗佢名牌，今時今日好少有咁滿意嘅樓面，加油💪最尾仲送上南瓜西米露，呢個甜品好得🎖

今天兄弟在家竹戰後，準備出外食餐好的，我提議去我上次与朋友去過的鯉魚門南大門食海鮮，大家一致讚成，一行五人開車到村口牌坊盡頭，這裏有間多層公眾停車場，泊車收費平得驚奇，星期日晚$26兩小時，日間最平只$12兩小時，抵泊。一位兄弟近村口有熟識海鮮檔，選了幾樣海鮮叫送去酒家。不知是否母親節大節過后影響，路旁的酒家客人比較疏落。但到了南大門，因沒訂座，到達時大堂五坐位“有隔板孖枱”竟已坐滿，好彩經理認得我非常好招呼，有一間向大堂玻璃房空置，馬上特別處理“upgrade”到此貴賓房不過照大堂收費，皆大歡喜！今晚海鮮有白灼蟶子，蟶子肉質鮮甜，白灼才能食到真正鮮味，加上夠份量銀牙蔥絲伴食，最佳配搭。紅燒鮑魚，鮑魚紅燒火候剛好，食落煙韌有口感，汁醬夠濃味。上湯龍蝦煎米粉底，這是我的“favorite”菜式，必食，上湯汁調得夠味，落足料，肉身炒得鮮嫩，要強調那脆脆米粉底，入囗“卜卜聲”伴上龍蝦上湯汁，連食幾塊。椒鹽瀨尿蝦，仍是香口肉嫩，但今次油量稍多了一點。油焗奄仔，充滿橙黃蚧膏，膏香滑漏，咸度適中。豉椒炒蜆，豉椒汁調得夠香，但有點“削”。最后送上芒果木瓜水果。非常滿足的一餐！兄弟們都説環境舒適，招呼

相隔了個多月,今晚又同家人来了南大門食晚飯,自来了蟶子,龍蝦,海蝦,濑尿蝦,龍躉肉及骨腩,肉蟹,鲍魚给酒家加工,我地被安排坐地下大堂的1号枱.酒家的連主任負責招侍我地及安排海鮮的上菜事宜,他處理得有條不紊,细心週到,值得一讚!另外,厨師們的烹調海鲜技巧非常好,保持到水準!👍👍今晚的炇龍𧄌骨腩,沾了薄薄的粉漿,食落去脆而鬆化,又能留住豐盈的肉汁,好好味!另外蒜蓉粉絲蒸蟶子,厨師控制火喉適中,令肉質軟滑,正呀!不过,若咕嚕肉的汁醬酸D會重好!食埋酒家敬送的精美南瓜露後,就劃上完美的句號了!若来光顧,建議早幾日致電酒家訂位會好D!

今次已經是第三次幫襯南大門了,選擇南大門除咗因佢地好味之外,另一個原因就是240%無敵海景之前兩次都好好彩可以座到窗邊檯,可能今天佛誕假期,所以2:00來到時以經有九成客,窗邊檯早已全滿了,好彩有訂位,被安排座第二行的檯,原本座唔到窗門檯,是有點唔開心的,但座落的感覺都OK,一樣是無敵大海景,今日點了上湯焗龍蝦煎米粉底,豉椒炒勝子皇,蒸紅瓜子班,油鹽焗奄仔蟹,腐乳炒通菜等,食品依然保持一貫水準我們四個人都食得好滿足,到埋時發現原來座第二行檯比窗邊檯每人平$20蚊,計一計我們四個人連加一平咗$88蚊,都差不多可以夠比碟菜的價錢!哈哈又幾好呀!所次下次訂位都唔駛只定要窗門了!

對一間食肆來說，能夠保持食物及服務水準是很重要，南大門可算是其中之一。今天已是2个月來第三次光顧，除了有無敵大海景，可以欣賞夕陽下山，廚師的烹調，都掌控十分好外，部長連先生的熱情招待及安排，令各人都有賓至如歸，每次都食得很開心。是晚4人海鮮計有：清蒸海東星，椒鹽瀨尿蝦，蒜泥開邊蒸海虾，薑葱肉蟹。最驚喜還有椒絲腐乳通菜，餐後還送甜品，大滿足。

疫情期間, 假期找點不遠的郊野散散心, 想起從西灣河, 乘懷舊街渡到東龍島, 回程到鯉魚門食海鮮, 下午晏出門, 往東龍島的船, 祇有五個乘客, 原來是尾班船。到了島上,離回程祇有一個鍾頭的時間, 為了看摩崖石刻, 得急步跑上跑落長長的石級, 很久沒有這麼索氣了, 慶幸身體還好。 晚上到了南大門海鮮酒家, 原來滿座, 幸好提早訂座, 在浪濤聲中, 享受了一頓豐富的海鮮, 人生一樂也。

琴晚趁著5.1勞動節，同朋友再次係南大門聚餐🤤今次我地被安排係樓上細房，可以望著外面海景嘆靚靚海鮮🦞因為限聚，我地7個人用隔板分開，但仍然相談甚歡！今次係為了歡迎從日本回港的好友，所以特意點了一D有香港風味嘅菜式，包括生蝦刺身（我本身唔食生野，好彩D蝦頭用豉油王做法，非常好味），另外仲有瑤柱蛋白炒飯（真係好多瑤柱），啫啫芥蘭（呢個用煲仔上，好有大排檔風味，芥蘭唔會太淋，好啱我口味），薑蔥牛肉拌麵（我唔食牛，呢個係其中一位朋友指定+外賣菜式）等👍🏼 另外，餐廳經理同服務員都好殷勤，會主動推介時令菜式👍🏼食完呢餐，已經急不及待約左另一班朋友下禮拜再黎 🤤