南大門

营业中

休息中

已經來過這裡兩次了環境是非常好的大的落地玻璃維港的海景並不是很多餐廳可以有如此美景當時我們都要先在沿路(很多不同的海鮮檔)買海鮮然後拿到餐廳加工 (注意餐廳是有加工費的)第一次來的時候是聖誕節是一位高高瘦瘦, 短髮戴眼鏡的姐姐服務我們,當時第一次並沒有很了解這種海鮮吃法畢竟這做法在本地餐廳很少見加工後吃海鮮也非常美味和新鮮我覺得一生人真的要來試一次我們並沒有食完所有美食, 可能有瀨尿蝦, 龍蝦之後第二次,25年的新年時期又來了一次, 都是同一位姐姐服務,有暗示我們要給貼士, 可能我沒聽懂,大概是服務會好一點我們坐包廂所以沒有見到其他食客, 有機會要坐樓下看看同樣地我們打包回到家後, 卻發現只剩下頭頭尾尾其實之前一次都是這樣, 只是覺得是湊巧, 就沒有多理會沒料到這一次都是這樣我們兩次都是坐在樓上的包廂的其實我們並沒有說真的要拿些甚麼回家再吃只是到打開外賣盒, 看到這個情況實在令人很意外整體環境食物衛生都很好, 期待這部份的服務有所改善不發照片和寫太多了, 用餐日子已大概在文章中寫了, 並不是確切日期, 會很容易認出我們的

在街市自購海鮮後直入鯉魚門交由大廚處理既能確保海鮮的新鮮又能享用美味佳餚若果未有在外的街市選購也可到鯉魚門裡的海鮮檔買雖然海鮮都很大隻 新鮮但價錢當然也不便宜是次自選海鮮加工有瀨尿蝦 花竹蝦 花蟹及蟶子皇 而烹煮方式也是自選的😋椒鹽瀨尿蝦 相當惹味 瀨尿蝦非常鮮甜 把蝦殼炸得透使蝦肉輕易剝離😋豉椒炒蟶子皇掌握炒蟶子皇的時間剛剛好蟶子口感爽脆 醬汁亦不會蓋過主角的鮮甜味😋豉油皇花竹蝦醬汁包勻蝦碌 蝦殼炸透易分離 蝦膏滿滿😋薑蔥炒蟹惹味的菜式在家中難以烹調如酒樓的效果 所以相當大滿足

餸菜整體都好味，環境一流💕推薦龍蝦伊面大份，新鮮鮮甜！私隱度高。服務細心賓至如歸。份量充足而且價格合理。總的來說，食物味道很好，黎到鯉魚門一定要黎依間👍🏻👍🏻👍🏻👍🏻

公道D講，餐廳食物冇咩特別，不過不失，但收費離譜：1- 買左左蟶子加工，冇上到，照收錢同加工費。2- 街外海鮮檔買海鮮的4490，餐廳亦計算加一服務費。事後打去反應情況，態度差，話有寫清楚，係我自己冇問，當晚唔睇清楚帳單。我有部份責任，飲左兩杯，即場冇為意加一計算方法有問題，亦之後先記起蟶子冇上。但7人消費9035，人均1300，街外買海鮮收加一，價錢離譜，頂級米芝蓮3星價錢，大排檔服務及態度。唔怪得當日公眾假期，全場吉枱一大半，原來靠一兩張大檯胡亂收費生存，去唔去大家自行判斷。Blacklisted！

食海鮮一定要嚟鯉魚門南大門度試下，佢哋嘅味道，服務態度非常之好，賓至如歸，所以我哋一個月內都已綠嚟兩次😋新嘅一年由一個美好的海鮮盛宴開始！最好食係龍蝦伊麵，佢啲龍蝦既芝士汁最好食架，另外呢嗰班頭腩先勁揪，亦係全香港最好食！我地十四人食咗芝士焗龍蝦，重有得多汁。豉椒炒蟶子，要煎粒粉底。炆石斑頭腩，重要有豆腐魚湯剛剛好。酥炸蠔，喼汁要double up,。蒜蓉粉絲蒸貴妃蚌。油泡鮑魚夠爽脆。元貝爬豆苗，夠時令美味。前菜係皮蛋酸薑，結尾重有南瓜薏米糖水，芒果木瓜水果盛。開心幸福的一餐🥰

今次專登入南大門食海鮮，去到坐9號枱有位英姐話今晚我負責招呼你哋。因為自己拎咗兩支酒。一支係香檳，另一支係紅酒。英姐好快就準備好decanter。招呼非常好。一行四人，食咗加拿大象拔蚌刺身、阿拉斯加長腳蟹(兩食蟹身蟹蓋芝士焗伊麵底、蟹腳清蒸)、椒鹽瀨尿蝦、豉椒炒蟶子，再加個椒鹽鮮魷。飲飽食醉回味無窮。啲海鮮全部都做得好好，絕對冇投訴。現場環境舒適，海景也相當靚，值得一再光臨的餐廳。整個用餐體驗也相當好。

為慶祝結婚週年，一於去食餐勁嘅😋喺openrice見南大門有幾高評價，就決定黎試一試.之前去美和揀海鮮，老闆娘張太為我哋推介今日又靚又抵食嘅海鮮.揀定海鮮就可以入坐，一邊飲啤酒食花生，一邊期待著美味海鮮上枱.1. 象拔蚌刺身 - 加拿大的，非常鮮甜.2. 豉椒炒蟶子皇2隻+煎米粉底+$50 - 同出面啲煎米粉不同，呢度比較似炸米通😅3. 鹽焗奄仔蟹2隻 - 大約1斤半，好味又多膏.4. 菲律賓龍蝦 - 用上湯焗再加炒飯底 +$50 - 兩斤幾，非常大隻😱買海鮮用咗$1750，因為自己太貪心，最後當然食唔曬. 唯有打包聽日做晚餐😋😋😋

第一次黎鯉魚門食海鮮聽朋友介紹話南大門烹調得好食所以就預約黎食係附近既海鮮檔美和叫了幾款海鮮，奄仔蟹、龍蝦、瀨尿蝦、蟶子、貴妃蚌煮法如圖😆真係好好食啊蟶子好厚肉炒米粉底又夠脆龍蝦炒飯底第一次食 覺得好食過用伊麵底椒鹽瀨尿蝦同蒜蓉粉絲蒸貴妃蚌都係水準之作油鹽焗奄仔蟹都唔錯估唔到食完仲有糖水同水果送同出面既唔同係南瓜西米露、木瓜、芒果🥭加工都係$150款真係好滿足仲有店員既服務都好好而且今晚都多人食真係冇介紹錯啊

因為要幫公司客人book餐廳，所以打電話去問菜單，聽電話個男人都已惡劣的態度 唔好老脾好態度問佢「想幾月幾日食晚飯,幾多位,想拎菜單」佢問我預幾錢 我講左5-600佢話做唔到要至少800 ok fine無問題之後佢問我想坐兩張枱定三張枱我答咗佢坐鬆啲三張枱佢就再答我講其實兩張枱都坐得落咁ok la 2張枱吧佢就再講可間房，我唔清楚間房會唔會價錢會貴左..當然要問清楚，問佢「有房同冇房有咩分別？」佢答我「有房同冇房嘅分別🙄」之後佢叫我留資料 都明呢個都正常但寫菜單果日又無返我都已講無問題 第二日比我都得但我講話想睇左菜單先留房之後佢其差既態度回覆：「要留房先 無菜單寫到比你 唔係咁樣做 唔係即時寫到菜單比你 」打電話問佢拎菜單 都可以咁差態度既時候，點解仲要比錢買難受？個個北上消費是有原因

每次黎鯉魚門都直接揀南大門琵琶蝦上湯煎米粉底： 每次必點，每次都無失望，米粉底煎得脆，上湯煮法最好蟶子扇貝火候控制得剛剛好蝴蝶蚌簡簡單單白灼加辣椒豉油食倒食材本身鮮味，超級甜

在南大門海鮮餐廳享用了難忘的海鮮大餐，真是一次味蕾的盛宴！貼心服務，多謝英姐貼身照顧！首先，菲律賓龍蝦的鮮嫩肉質讓我驚艷，搭配特製薑炒飯，香氣撲鼻，口感滑順，令人難以忘懷。接下來是聖子，這道菜的口感非常獨特，外脆內嫩，搭配清新的豉椒汁，讓人感受到海洋的清新。野生星班的肉質更是鮮美，經過簡單的清蒸，保留了魚的原汁原味。油泡奄仔更是讓我愛不釋口，讓人一試成主顧。整體來說，這家餐廳不僅食材新鮮，服務也非常周到，讓我期待下次再來品嚐。強烈推薦給所有海鮮愛好者，這裡絕對值得一試！

重陽節長週末假期沒有外遊，留港消費。昨天傍晚和太太到鯉魚門散步，欣賞日落海景。跟著一如以往到美和選購海鮮並在南大門加工，南大門安排我們二人坐在靠近窗邊位置，可以一邊近距離欣賞無敵海景一邊品嘗美味的海鮮。南大門清潔優雅的環境，色香味形俱佳的海鮮烹調，員工細心親切的服務及明碼實價合理的收費，多年來不論只是自己和太太二人到訪鯉魚門，一班好友聚餐或招待由遠方到香港的朋友，南大門從來沒有令我們失望，亦是我們首選用膳的地點之一。我和太太昨晚都享受了一餐開心滿足美味的晚飯。

第十次黎南大門食晚飯今次坐9號枱英姐真係好貼心介紹海鮮點樣加工最好，同埋最平晚食法一定係係出面買海鮮入黎，鯉魚門啲海鮮比較貴，但質素一定好👍🏻個人覺得，豉椒炒蟶子再加米底 屈哂機蒜蓉粉絲蒸貴妃蚌，火候控制得啱啱好元貝都好鮮甜酥炸桶蠔😋最愛茄汁炒大蝦我覺得豉油王更加好味椒鹽鮑魚😋要煮到啲鮑魚啱啱好真係好講師傅功力最後壓軸出場，黃皮老虎值得下次再黎

昨晚我們到此鯉魚門南大門海鮮酒家吃飯，食物沒有問題，主要問題是侍應的服務：她在我正在咬著食物（椒鹽瀨尿蝦）進食時替我換新碟，沒有問過我便把我的舊碟連一些未吃完的椒鹽瀨尿蝦很快取走及扔掉在收集盤內，我即時叫她拿回來但已經來不及，更差的是她連一句道歉的說話都沒有，好像我的食物被拿掉是我的錯似的而不是她的錯！後來更沒有問過我便把我的兩對筷子都取走使我沒有筷子用。我沒有發脾氣，只是覺得很委屈。我在這𥚃只想說出我的感受，及覺得這樣的服務使我覺得很失望，我不是第一次在這間酒家吃晚飯，但這次的負面經驗令我很不開心，令我不想再去幫襯這間食肆。

海鮮加工最驚被「搵笨」，呢間算係明碼實價，按人頭收費😉海鮮烹調方法自己決定，唔識嘅話員工都會比啲意見，水準都唔錯😜仲可以對住海景食飯(靠窗位置人頭費貴$20)，坐得舒服，唔會好似街市樓上咁嘈雜又唔企理🤓想食得精明啲仲可以自己買埋海鮮，當日就去咗大成街街市買，聽聞係海鮮集中地價錢又合理，都係一個唔錯嘅活動😂