協奏坊西餐廳

营业中

休息中

今晚約左姐姐姐夫去香港珀麗酒店協奏坊食晚餐， 見呢度晚餐又唔算貴，一於一行四大一小嚟食啦，酒店環境寬敞舒適。晚餐套餐咁啱有4款主菜，就每樣叫一款啦。套餐有沙律、餐湯、主菜、甜品拼盤同餐飲。大蝦凱撒沙律， 沙律菜新鮮，大蝦鮮甜，醬汁足夠，整個配搭很好。呢個番茄餐湯好creamy, 小朋友都好鐘意，一個人飲曬成碗。到主菜啦，4款主菜有北海道長腳蟹鍋、瑤柱海鮮炒飯、安格斯肉眼扒配牛肝菌汁同香煎三文魚柳配檸檬牛油汁。我覺得肉眼扒同香煎三文魚最吸引。肉眼扒7成熟，啱啱好，牛味十足，牛肝菌汁濃。三文魚肉嫩，檸檬牛油汁提升左魚既鮮味。呢兩個主菜都有配菜，薯仔，菌類，西蘭花，蘆筍，同樣好食到唔停。仲有甜品拼盤，拼盤賣相精美，有桂花糕，木糠布甸同芝士蛋糕，小朋友一口氣清哂一盤，仲係甘刮，碟面裝飾既白朱古力添。🤣

酒店fine dining間中都想食得好啲，用餐環境舒服啲，所以今晚同咗屋企人去銅鑼灣嘅香港珀麗酒店協奏坊西餐廳食餐好。 set dinner有凱撒沙律，是日餐湯，主菜四選一 ，甜品拼盤，及咖啡或茶。凱撒沙律嘅羅馬生菜超級爽脆，好新鮮。是日餐湯係蕃茄湯，蕃茄味濃郁，裏面有好多番茄粒粒，增加口感。我哋一行四人，所以四個主菜各一，可以試曬唔同款。 安格斯肉眼扒牛肉味香濃，非常juicy，墊底嘅薯菜係焗薯粒，烤蕃茄，露筍同烤菇。北海道長腳蟹煲裏的長腳蟹都不少，長腳蟹肉好鮮甜，煲裏有好多蔬菜，感覺清新健康。 香煎三文魚配檸檬醬汁，三文魚外皮香脆，內裏嫩滑。最後一道主菜係瑤柱炒飯，炒飯夾雜唔少海鮮，例如蝦同青口等，炒飯粒粒分明。最後每人都有一道甜品拼盤，分別有芝士蛋糕，木糠布甸同杞子桂花糕，啱曬鍾意食甜品嘅我哋。

同閨蜜去咗柏麗酒店協奏坊西餐廳🍴食dinner，佢地出左個唔錯的dinner set $238 包前菜、主菜、甜品、飲品❤️主菜可選安格斯肉眼扒、北海道長腳蟹鍋、香煎三文魚 ❤️❤️❤️🥗前菜熱辣辣的餐前包 尤其係個麥包 同粟米湯 都好出色❤️🐮安格斯肉眼扒配牛肝菌汁牛扒的火喉控制得啱啱好，肉質一流❤️唔會覺得太柴或者太老🍰甜品拼盤甜品拼盤幾有驚喜 芝士蛋糕、桂花糕同芒果mousse 個芝士蛋糕好好味❤️❤️overal 餐廳環境同食物都唔錯，cp 值都幾高，下次可以再試埋其他

是日晚上沒有 buffet供應，只有set dinner供應，睇一睇 menu都覺得幾好。所以就order了麵包微熱軟綿！唔錯大蝦凱撒沙律，羅馬生菜新鮮，清爽脆身有麵包粒，芝士碎，煙肉碎伴碟，更有層次感！大蝦都幾爽彈，整體係一個幾好食既沙律。忌廉磨菇湯，幾香濃入味！菇粒打成碎粒帶點咬口，更有層次！熱辣辣好飲呀！北海道長腳蟹鍋，有高湯浸住栗米，香菇，長葱，菜，粉絲，豆腐，當然還有主角就是長腳蟹剪開殼後，取出蟹肉，食出鮮甜感覺！再浸一浸高湯，更有鮮味呢。份量一大鍋！！夠哂飽。還有甜品，模仿植物 盆栽既甜品，幾正唔太甜！又桂花糕，芝士雞糕仔，整體好食好豐富。不錯！銅鑼灣地段這個價錢也可接受！

幾年黎呢度食，又有蠔又有大大芝士磚撈意粉，而家無晒。一開始感覺少左好多野食，但食落好彩味道不錯。刺身唔多得四款，但算新鮮。冷盤得一個conrner位，每樣都叫有d，但唔係多。熱盤少得可憐。甜品正常，同味道真心不錯，仲有movenpick同㩒制pancake幾好。總括，咩都叫有d，橙汁都要加錢叫，不過論價錢真心係咁上下，15日前訂位，今日賣單270左右一個人晚餐buffet，真心算咁上下:0)不過d凳真心煩，一拉就勁刺耳，d桌就起晒角，小朋友同老人家要注意下啦。不過侍應收野超快，完。:0)

最近因社會出現的狀況，外出吃飯的意慾確是有影響，相信該有的博客和司儀活動也是呢，幸好早前跟T到了協奏坊西餐廳吃了一頓頗豐富而有驚喜的自助晚餐，好好聚聚之餘，CP值是高得令人難忘呢！老實說，自助餐食物款式可能未是最多的，是甚有麻雀雖小，五臟俱全之感～貫切iki寫自助餐的風格（是的，這一陣子就是寫了很多有關自助餐的 哈），特意介紹十大自助餐的必食項目吧！麵包蟹 作為一名懶鬼，選了不用剝殼的麵包蟹蟹蓋，蟹膏甘香而不苦，有比想像中的要好，特別一提的是魷魚也是做得不錯呢。 冬瓜盅 外表是一個霸氣的金色盅(有點重量的），內面有蝦似廿，也可挖出可又一口的冬瓜肉呢～入口是陣陣清香感～ 皇帝蟹腳蒸蛋白 目測看是普通的蒸蛋白，可是經T推薦後便知道是好東西，走的是和風路線，看上去多白很滑，驚喜的內面是皇帝蟹腳而不是蟹柳，確是有吃得出來分別，是令整體的鮮甜度倍添呢～ 法式紅酒燴牛面頰 看上去牛面頰已是相當對辦，肉質是比想像中還要腍身～ 日式芝麻雞翼 滿佈芝麻的雞翼，是相當的脆身香口～炸薯絲蝦 跟其他炸物擺放在一起的，外表就是捲了一絲絲炸得香脆的薯絲，吃時這層口感也分外突出。 櫻花蝦炒野菜 吃了那麼多

其實而家比較少食自助餐…一來貴…二來會食到好飽(師佬心態...)…不過朋友話去而朋友之前試過話唔錯又價錢合理…咁就呢間啦…去到見到都full house...咁起碼野食會夠新鮮…立下眼…場面當然唔會好華麗啦…不過都企企理理…食物區唔算大…行左個圈有海鮮…沙律…熟食…刺身同甜品區…不過叫做要有既都有…去攞野食先…先拎少少沙律菜…呢度就少菜選擇…醬汁都唔多…不過d菜都叫新鮮…唔會碎濕濕咁之後就試海鮮…我拎左魷魚…蟹腳…凍蝦…魷魚味道唔錯…同唔會韌…凍蝦夠大隻同好爽口…出面好多蝦肉會比較削…蟹腳味道夠鮮…唔會太鹹…蟹腳同蝦都攞左兩轉之後就到刺身…雖然選擇唔多…我就叫左三文魚…八爪魚同北寄貝…三樣都好新鮮…味道鮮甜…而且每次都切4件…一d都唔會孤寒…總共攞左3轉之後見到有蓮藕湯…食完凍野暖下個胃先食熱野…呢個湯好夠味…夠哂火喉之後就去攞d熟食…見到有個位放左鹽板話喜瑪拉亞山鹽…有豬肉同西冷…當然唔執輸…豬就正常啦…個牛就真係幾好味…牛肉味濃又夠腍…其實好味既牛加d鹽調下味就夠見到有鵝肝多士…雖然細細件…鵝肝味濃多士夠脆…其實細件仲好…食太多會漏之後就攞左芝麻雞翼…長通粉同鰻魚炒飯…呢兩個主食都

先說環境，其實對我來說影響不大，始終都有一定歷史，不可以用新興酒店作比較。再來餐面服務，都沒有大問題而且有讚，收碟速度、細心、整理及照顧客人所需及反映係不錯，這是一個團體，帶領得好，員工都自然會自動自覺，將心比己。重點... 食物，有基本自助餐所供應的 : 壽司、冷盤、熱盤、甜品，開飯成員所提供之相片都沒有太大問題，但當親身感受時就截然不同。冷盤: 種類不多說了，相片有的，當晚都有提供。但我只吃蝦，何解? 因為長腳蟹供不應求壽司: 款式其實不少，但好多款都已預先整好然後放入雪櫃，當晚我食了好幾款，其中一款係帶子壽司，可能室温放置頗久/ 雪櫃不夠冷，味是有點變臭的...沒有壽司醋的味道。其餘壽司都是偏暖的。熱盤: 過於濃味及翻盤都與長腳蟹一樣，供不應求。款式量一般甜味: 有兩款雪糕，是否M字之品牌雪糕，一款呍呢嗱、一款咖啡。其中一款呍呢嗱係明顯地曾經溶過然後再雪，變回硬... 衞生情況.. 大家自行想想..

之前來到香港珀麗酒店協奏坊西餐廳細味戀上法日海鮮自助晚餐。餐廳環境寬敞，座位之間不會排得太擠，店員勤快收碟執拾，坐得舒服自在。冰鎮海鮮種類亦不少，有蟹腳、青口、小龍蝦、凍蝦等，想不到二字頭價位的buffet會有麵包蟹供應呢！蟹蓋儲滿豐富的蟹膏，甘香軟滑，不過每次refill蟹蓋時數量亦不多，想吃的話就要手快了。魚生刺身即叫即切，肉質油潤而軟滑，帶出鮮甜的魚味。最特別就是有即叫即燒的喜馬拉雅山鹽板燒牛脷及安格斯肉眼，我自己就尤其喜歡油脂分佈均勻細緻的安格斯肉眼，肉質鬆軟富油香，簡簡單單以鹽調味，更能突出濃郁的肉味，滿口瀰漫著牛脂香氣，卻又不會太肥膩，我也忍不住encore了好幾轉。法式田螺焗酥盒將焗烤田螺及黑松露薯茸釀入鬆化的酥皮，可說是經典的法式美食。香煎鴨肝油脂豐腴，軟綿順口，與脆卜卜的多士互相輝映。而且還有好幾款熱辣辣鍋物，材料以海鮮為主，包括日式清酒煮蜆、法式海龍皇煲和三文魚頭麵豉鍋。和風炸物有炸天婦羅、日式芝麻雞翼，炸得夠香口，沖繩苦瓜特色炒蛋吃起來苦味稍淡，是初接觸苦瓜的入門菜式，退火消暑。日式鰻魚炒飯有不少切粒鰻魚，真材實料，炒飯炒得夠乾身，粒粒分明。個人尤其推介照燒鯖魚柳

之前已經食過呢間酒店嘅自助餐, 由於有早鳥優惠, 提早訂位每人只需要二百幾蚊就落到樓, 無論價錢定食物質素, 都會令人一次又一次番兜｡ 冷盤區首先有兩大盤新鮮沙律菜, 另外配備 6 款醬汁: 凱撒沙律汁、千島汁、柚子汁、芝麻汁、黑醋、欖油尼歌斯吞拿魚沙律 (法國嘅傳統沙律, 以半生熟吞拿魚拌法蘭青豆、橄欖、薯仔、雞蛋、番茄)、無花果水牛芝士沙律 (非常開胃清爽)、龍蝦鮮果沙律 最後當然唔少得海鮮冷盤, 款式都幾多, 有成 7 款: 青口、凍蝦、白蜆、小龍蝦、魷魚圈、麵包蟹、長蟹腳｡ 長蟹腳好快被清空, 但職員好快就 refill 番｡刺身區有 6  款刺身: 三文魚 (夠肥美, 絕對係必食)、帶子 (肉厚味甜)、吞拿魚、八爪魚、希靈魚、北寄貝｡估唔到壽司都有成 10 款, 絕對唔可以睇少｡小食區日式芝麻雞翼 (雞皮炸到非常酥脆, 肉質仍好嫩滑, 香口惹味)、天婦羅吉烈炸蝦 (外脆內甜)、沖繩苦瓜炒蛋 (味道帶甘, 但一 D 都唔苦) 香煎鴨肝 (一口一啖, 啱啱好)、法式田螺焗酥盒 (田螺大大粒, 入口鬆化, 味道唔錯)、法式芝士蛋批 (法國經典小食, 外層酥脆, 入面蛋香味濃)熟食區

超狂抵食酒店自助餐😱 有冇諗過響酒店食自助餐都可以三舊水有找？最近發現openrice有搞超值優惠，本身閒日398，然後十日前訂位268，十五日前仲要258，分分鐘仲平過食放題😱當然二三百蚊唔會期待有生蠔任食啦，但係有蟹腳麵包蟹同刺身等基本嘢已經交足功課仲有幾欣賞鵝肝粒粒多士，將鵝肝切粒煎再放手指公咁大嘅迷你多士上，一啖一件食多少少都唔怕有乜罪惡感😗另外仲有個亮點係佢有個肉食位，係喜馬拉雅山鹽板燒，成堆西冷同牛脷疊滿哂響塊鹽板上面，味道肉質都高質✨仲要提一下各位唔好食得咁急，食到大約八點到八點半左右酒店會突然響鈴，然後搬咗兜成個洗臉盤咁巨型嘅梳乎厘好嚟，可以分到成廿份咁滯超誇張！雖然咁巨厘但依然做到面層微脆內裹鬆軟嘅感覺，而且蛋香味好重好鐘意😍

都有一排無食過任食既野，雖然話依家成日唔係食到好多野，但有陣時又幾enjoy任飲任食既感覺既。今晚放工同我媽黎左銅鑼灣既 香港珀麗酒店食自助餐，提前左book，所以有折扣! 好彩上個月呀媽醒目打左去book。黎到好快就有得入座，好興奮，而且帶位既職員超級有禮，笑容滿面，所以好快就留左個好好既印象。我地雖然得兩個人，但都有四人枱，可以比我地擺野，所以坐得好舒服。枱面一黎就放左啲鉗同鉸剪係度，做乜事?!  係比我地食蟹用架! 好貼心，一黎就已經有，好方便。首先唔可以錯過既梗係蟹腳啦! 啲蟹腳好大隻，係幾粗身，剪開見到一條條好粗好飽滿既鮮甜蟹肉，真係食多十條都唔夠啊! 好正啊! 基本上啲蟹肉同殼之間係無空隙的，啲肉係實的，所以你諗吓係勁新鮮!同場加映仲有面包蟹，好多肉好鮮甜，新鮮既海鮮就係咁就已經好好食，唔需要咩特別既煮法或者調味，咁先至原叶原味同食到海鮮本身原有既鮮甜吖嘛!今晚食呢個buffet除左海鮮仲有好多野推介，包括左有骨雞肉腸，好香好滑、照燒靖魚柳，煎烤得好香甜，好滑，唔會乾柴、面包布丁，唔會太甜，勁香，好好味、吉列炸蝦，好鬆脆，啲蝦勁彈牙超鮮甜，我無加調味! 仲有紅酒炆牛尾都炆到

對於大食一族來講，自助餐係好抵食，可以滿足到你嘅需要。今日嚟到位於天后銅鑼灣之間嘅協奏坊，雖然冇維港景色，但是坐得非常舒服，座位與座位空間大，很喜歡這兒清幽的環境。食開自助餐嘅通常都會睇場！刺身、前菜、壽司、麵包類、煮食、甜品都是一一劃分，還有師傅即場煮牛肉和整壽司🍣。刺身方面都幾新鮮，我哋都拎左唔少，特別係熟蝦同埋阿拉斯加長腳蟹，鍾意食海鮮嘅唔可以錯過。品質都唔錯，新鮮多肉，有蟹味。蜆肉都好好食，粒粒飽滿。估唔到龍蝦仔有幾新鮮喎，又可以任食。炒飯、天婦羅紫菜都好正！小食黎講算係做得唔錯，炸粉唔厚。鱈魚加上燒汁夠甜，厚肉，超正阿～～雞腳湯唔少得！任飲嘅部份包括有檸檬水、檸檬茶、咖啡等等。。而加$12可以飲到西柚汁、汽水等等 我地都加左💓另外，餐廳提供自製pancake! on top可以加上棉花糖、朱古力豆等等⋯好特別架

今日同朋友嚟咗銅鑼灣食自助餐！決定食好啲。而銅鑼灣嘅自助餐有好多選擇，我哋揀咗近天后嘅協奏坊。估唔到都幾多嘢食下！刺身方面有龍蝦、三文魚、大蝦等等。仲有唔少嘅壽司選擇，多款麵包，主食等等。。。好鍾意食呢度嘅蟹腳！估唔到自助餐有咁嘅質素，非常新鮮，肉質飽滿，蟹味十足，食到津津有味。而三文魚刺身都好新鮮肥美，肉質夠厚，都係刺身嘅首選！壽司方面都拎左唔少，非常之吸引呢。前菜方面，仲有車厘茄芝士串串，仲有大量沙律菜嘅選擇，鍾意健康嘅你唔可以錯過。都幾推介呢度嘅鵝肝多士，多士口感脆脆的，鵝肝煎得香脆有味，都係非常好食呢！呢度仲有忌廉湯同埋老火湯，老火湯都幾好飲，材料豐富，養顏滋補。有即場整嘅牛舌同埋牛肩肉，鐵板燒味十足，食落好正，牛肉帶有鮮味，非常好食呀。熱食方面拎咗芝麻雞翼、火腿、黑松露菇菌長通粉。。都幾唔錯。芝麻雞翼有芝麻味，雞肉滑，口感剛剛好。最後甜品拎咗movenpick雪糕，相對較容易不，唔會話好硬咁，雪糕口感軟滑，甜筒亦都好夠脆。雖然而家好多人食放題，但係我幾鍾意自助餐，因為環境唔會好逼，坐得好舒服，最啱一家大細嚟食。當然啦 預早定位會有折頭， walk in就會貴啲

日日番工，星期三總係最難捱既一日，如果有得揀，星期一至五中間放過星期三你話幾好搵左好耐終於搵到一間，可以容納到十幾廿個人既餐廳，仲確保有足夠私人空間俾我地傾計！而且銅鑼灣地段一向出名午飯時段又迫又多人，而酒店自助午餐既優勝之處就係又可以book位，用膳環境亦都有番質素保證，所有，我地今日一班同事係下晝開會前就相約去左協奏坊西餐廳食餐好既再打大佬！本來約好12:30餐廳等，但客人既電話總會係呢個時候出現，所以等到齊人之前唯有出去buffet line搵啲小食咬下～憑印象記得前菜熱食湯甜品都有好多款揀，可惜無影相，第一轉出去已經猶疑要食咩先好。。。前菜：沙律、配菜 (青口、火腿、雞蛋、車厘茄)、蕎麥麵、水果沙律湯：咸菜豬肚湯、忌廉粟米湯(隔離仲放左幾款麵包)甜品：麵包布甸、朱古力、台灣涼粉芋圓、八九款cake、生果、自製pancake、雪糕同同事每樣都拎左啲，main course未到已經食左6/7成飽，真係唔好睇少女仔既戰鬥力！Main course 揀左燒美國安格斯肉眼扒，要加HK$78，不過個人覺得fair，其他唔洗加錢既仲有清蒸三文魚柳、鹽酥雞、台式牛腱伴麵，都見有同事揀，賣相都幾