協奏坊西餐廳

营业中

休息中

又搵到一間抵食嘅自助餐喇，經Openrice早十五日訂枱可享有優惠淨價每位$288，睇過食評，都唔錯。我哋揀咗平日去，客人都唔算少，差唔多滿，不過枱唔太密。價錢平，雖然食物選擇唔多，亦唔係有驚喜，但整體係唔錯嘅，職員有禮貌，服務又唔錯，如果飲品唔係淨係得茶同咖啡水就更好。海鮮吧好壞參半，麵包蟹同蜆無味，蝦就一般。龍蝦仔同青口都幾新鮮，蟹腳唔錯，大隻又多肉，鹹鮮味適中。刺身一般。鹹豬手個皮係硬嘅，近皮嘅肉太乾，腸就唔錯。天婦羅除蝦外都可以，而且有少有嘅軟殼蟹。蝦餃唔錯，鹵水拼盤都幾入味。幾鐘意呢度嘅焗蠔，唔會焗到縮晒水，無晒蠔味。除咗炒飯，主食仲有即煮天使麵。湯都唔錯，南瓜忌廉湯Creamy得嚟唔會滯，中式湯見到有蟲草花猴頭菇豬骨，飲落好夠火喉。甜品質素都可以，特別係蒲撻，芝士蛋糕亦唔錯，好軟身。呢間餐廳亦有響鐘排隊嘅特別食物，就係火焰雪山，唔鐘意排隊嘅我喺所有人排完拎晒後先去拎。自助班戟機，班戟都幾鬆軟。Movenpick雪糕只有瑞士朱古力一種味，雪糕裏面有薄脆，好味。另外有阿波羅嘅脆皮雪糕，雪糕三文治，唧唧冰。

有好多唔同海鮮選擇~蝦蟹青口魚生都好新鮮！不過蟹略嫌咸左少少！魚生刺身都好新鮮, 唔會有雪味~熟食就算中上, 有德國咸豬手食都幾surprise.最期待嘅其實係甜品，有超級多款式選擇，仲有每晚限量供應嘅火焰雪山🏔️，即場整俾大家，食落酒味幾濃，但配合埋朱古力雪糕就好好食！/ 另外仲有movenpick雪糕任食，綠茶大福，焦糖布丁🍮等等！鐘意食甜品嘅人一定要去試試！提早15日約最低每人$288就食到海鮮大餐!!真係好抵

聽朋友介紹過珀麗酒店入面既Buffer好抵食，上網搵下價錢都係$300幾左右，所以同屋企人夾好日子就去試一試佢既 Dinner buffet！當日係平日，收工大約8點左右就去，銅鑼灣地鐵站E出口唔洗行十分鐘，相當方便！老人家行都唔算辛苦。入到去唔算話好多人，位置相當闊落，最重要坐得舒服，空間闊落，燈光又光猛！上 Openrice 睇下D食評，之前睇到每人有一隻冰鎮鮑魚，我去到我諗已經完左 心情即刻Down左一下我都係主攻食下蟹先！推介凍長腳蟹！！！蟹腳好容易就起肉，肉內蟹肉超甜，我都唔知食左幾多隻，十分抵讚。海鮮區重有麵包蟹、藍青口、大蝦、小龍蝦等刺身區，有三文魚、希靈魚、北寄貝等，質素都幾好～仲有好多壽司同八爪魚、螺肉等～熟食區我地都係重點食蟹～咖喱蟹味道不錯～不太辣而且好入味仲有日式蟹蒸蛋～清清地又幾好味！最緊要食多D菜～有老火湯同粟米湯食完冷盤熱盤，當然到甜品時間啦～最期待係 Movenpick！仲有懷舊系列：阿波羅～綠茶奶凍～都幾好食！8點仲有火焰雪山～有得睇有得食～芒果布甸啫喱～幾好食～～～總括海鮮區、刺身區同甜品區都非常高質，性價比都高～

都唔知幾耐冇同過老公兩個人去食自助餐，對上嗰次應該係兩年前嘅結婚週年紀念日。因為見到珀麗酒店個海鮮自助晚餐勁抵食， 而家至11月30號，只要提早15日前book枱，星期一至四成人只係需要$288/位，重點係免加一，個價真係抵到呢～無15日都唔緊要，10日前book枱，星期一至日成人都係$308/位；5日前book枱就$328/位；如果5日內的話，都有8折優惠。冷盤以除咗有沙律之外，仲有北海道雪場蟹腳、麵包蟹、龍蝦仔、青口、大蝦同蜆。北海道鱈場蟹腳，好鮮甜又厚肉。大蝦彈牙，蜆略嫌無咩味。蟹蓋幾多膏，正呀~沙律菜新鮮，唔錯。當然唔少得刺身啦~ 有三文魚、八爪魚、吞拿魚、北寄貝同希靈魚。拎左三文魚、八爪魚、呑拿魚。待應好好，一人份量，都比咁多，仲要件件都係厚切。餐廳會提供蘋果汁/橙汁，一人一杯。熱食方面，都好多選擇呀~有天婦羅拼盤、鹵水拼盤、冬蔭公烏頭魚麻辣水煮牛肉、泰式椰子雞煲、法式蟹肉薯餅、韓式豆腐豚肉鍋天婦羅拼盤有: 軟殼蟹、日本南瓜、番薯、茄子、日本香菇仲有炸蝦，好多選擇~最正全部都係熱辣辣，咬落脆卜卜。我最愛嘅德國香腸，出面食都幾貴下，呢度竟然有，梗係要食多幾條。德國咸豬手拼盤有香

一入到用餐地方目測食物款式不是太多，坐下先選松葉蟹腳及牛沙果芒果沙律，蟹腳有點咸冇鮮味，牛油果芒果沙律如果唔加青瓜應該味道會好一點，因為加左青瓜味道唔係好夾，之後試左咸豬手片(乾)配酸菜絲(Ok)、腸仔(差)、軟殼蟹天婦羅(硬)、蝦餃(散)、咖哩蟹(咸)，當中我覺得最好食係酸菜絲其中有一個角落在做即煮天使麵~蟹粉鮑魚天使麵，心想咁香應該會幾好食，點左一份食落冇乜特別，超迷你鮑魚仔食落仲腥腥地，還有蒜蓉焗蠔焗得唔係好熟都係腥腥地，跟住試左海鹽焦糖忌廉蛋糕，蛋糕味道一般，但焦糖粒粒有驚喜，脆脆地焦糖味好濃好味，生果粒有三款，其他食物不多，因為不感興趣所以冇試，整體而言非常一般甚至可以評為唔會有下次。

自從幾年前喺日本食過蟹本家之後原本唔多食蟹嘅我就變得為蟹瘋狂 聽朋友介紹喺銅鑼灣嘅香港珀麗酒店而家做緊個蟹buffet 真係開心到要即刻搵埋屋企人一齊嚟食 上網睇下原來早半個月會平啲嘅 只需要$288就可以食到蟹宴呀 不過我真係急不及待啦所以貴少少唔緊要啦 用餐地方唔算好大不過勝在坐得舒適、冷氣溫度適中而且張枱都好大張，啱曬我哋食buffet嘅時候放到成枱面嘢都係嘢食呀！一嚟唔使講我就食呢個雪場蟹腳啦 我見到隔離外籍嘅遊客食到幾左幾碟高嘅蟹腳殼 咁就知道呢個蟹個真係好抵食 除咗雪場蟹腳仲有麵包蟹同石蟹 蟹膏都幾多 而且會不停refill咁梗係最開心啦仲有每日都空運到港嘅藍青口大蝦同小龍蝦 淨係食呢個冷盤冰鎮海鮮都已經值回票價啦 此外餐廳職員見我地人多係我攞完第一round蟹腳時已經為我地安排左一盤刺身～有北寄貝、三文魚、魷魚、希靈魚等等款款都好新鮮喜出望外！自己種好推介呢個咖哩炒蟹 咖哩炒蟹係泰國菜裏面好出名嘅菜式 咖哩唔算太辣但係濃郁嘅香氣入咗面入咗蟹之後就變得錦上添花咖哩嘅香氣真係令人齒頰留香 而屋企人就大讚呢個燕窩蟹粥好好味 粥底鮮甜再加上蟹味特出真係令人食完又想再食 熱盤仲有德

在銅鑼灣想找間酒店吃自助餐，閒閒地也要$500+。最近留意到位於維園對面的協秦坊，只要十天前訂位，晚市自助餐每位只需$288，咁抵食又就腳，就約埋老友今晚一齊去試協秦坊位於銅鑼灣柏麗酒店2樓，一入餐廳便被萬聖節甜點吸引🎃海鮮方面，今期自助餐的主題是蟹，所以有數款不同的凍蟹和料理長腳蟹非常新鮮，吃下蟹肉還有海水咸味，是必食之選魚生分別有三文魚，赤身，希靈魚，北寄貝和八爪魚因為是即叫即切，所以都要排一陣隊剌身枱上放了數款前菜和壽司，岩晒d唔想排隊等剌身既朋友雜錦天婦羅，內裡有軟殻蟹、南瓜、蕃薯等等，個人認為味道不錯旁邊還有日式豬軟骨和泰式烏頭，各國美食應有盡有即焗的蒜蓉焗蠔，香氣撲鼻，弄得四圍也香噴噴葡撻是剛焗起的，行過也會被它的外相吸引而停下來雪糕有著名的瑞士品牌Movenpick, 每天也有兩款口味。另外還有雪條牛油窩夫，識食一定係加雪糕、朱古力醤和生果口渴的話，酒店會有飲品bar給客人自行沖泡飲品，最基本的咖啡或茶都會有女仔當然最喜歡吃甜品，所以我主力也是甜點

今次結婚周年，同太太揀咗呢間自助餐，價錢屬於中等，諗住都冇乜驚喜，估唔到又令佢好豐意喎。地點在銅鑼灣與天后之間，要經過維園，大約10分鐘先行到，其實坐叮叮會方便啲。食物種類算係幾多，一開始侍應仲送一個好特別嘅刺身拼盤俾我哋，裏面有兩種好特別嘅魚，一種叫劍魚，有啲似食肉，鮮嫩好味，另一種叫欺凌魚，個名好搞笑，有啲黃色肉，類似纖維感覺，口感好特別。雖然冇生蠔，但係有大隻焗蠔，仲有大量長腳蟹，龍蝦仔，睡蟹，一應俱全，淨係食海鮮都飽咗一半。其他包括中湯，西湯，鍾意食辣嘅有冬陰公烏頭魚，咖喱蟹，麻辣水煮牛肉，韓式豆腐豚肉鍋，尤其是水煮牛肉，真係辣到我哋出煙。各地菜式都有，德國豬手雜腸，日式豬軟骨，中式蝦餃，軟殼蟹天婦羅，最驚喜有一個滷水拼盤，竟然有滷水鴨舌，我太太話成世人第一次喺自助餐見到，我哋都非常鍾意食鴨舌，滷水汁亦都好入味。甜品方面非常出色，有成差唔多20款，最欣賞沖繩岩鹽忌廉蛋糕，有少少鹹鹹地嘅感覺，但係入邊係甜嘅，之前都未食過，仲有桂花糕，有金箔喺裏面，賣相高貴，容易入口唔係太甜。雪糕方面竟然有節節冰，同埋懷舊孖條，同太太一人一半，又講起好多樂事。最後廚師推出一個火焰雪山，裏面係雪糕同

平時唔係成日去銅鑼灣,一去親好多時都係要去IKEA買野,今日買完野超肚餓,好想食放題之類既野,上網SEARCH到一家平平地既酒店自助餐,唔貴又試下lor!拎野食分幾個不同的區域,第一個見到既係即煮區香蒜焗蠔., 鮑魚仔迷迭香 Angel hair...異國風味區水煮辣牛肉煲 . 蟹肉薄撐泡菜雜菇豬肉煲香茅青咖哩雞煲甜品區芒果大福.各種新鮮水果朱古力慕絲,各款蛋糕 ..日式區4款刺身,8-10款不同口味的壽司...凍盤區蝦 ,龍蝦仔 ,蟹腳白雲鳳爪 .魷魚圈,沙律燒牛肉芝士卷 ...睇左甘耐, 拎野食留埋位先!又時候係食下d回本野先，好少自助餐有鴨舌架！出食D食店當小食叫的$68大約12-14條上下到啦,我夾完又夾, 食左3-4轉, 起碼食左30條有多,D鴨舌勁入味, 又爽滑多肉! 好好味!至重要佢唔跑肚唔會食到佢就食唔到其他野!日式八爪魚super big! 一隻已經夠晒喉!三文魚都幾新鮮肥美。香蒜焗蠔 , 熱辣辣架,蠔唔鯹, 都OK新鮮, D蠔布大有細,識食既當然夾隻脹卜卜存啦!放左好多好多蒜蓉, 正!德國腸/ 豬手 , 豬手D皮仲脆架! 天婦羅--- 炸粉合格, 唔會太厚成件油O甘

聽聞呢到係一間抵食buffet🍽所以同一班朋友仔黎食👫👭👬環境不是走高檔路線😊但食物種類都算多😉小妹最喜愛海鮮區🦑有青口、蟹、小龍蝦、等等...🐙🐠🐟🦐重點有小妹最愛吃嘅長腳蟹🦀鮮甜度高每一位都會送上鮑魚一隻🤗都幾大隻架😙而且好夠味仲有多款熟食架😌最印象深刻係滷水食物🤩超讚最後當然唔少得女生最愛嘅甜品啦🍮有多款阿波羅雪糕🍦仲有一部自製pancake機🥞發揮小妹嘅創作精神🤪哈哈但個pancake係幾重牛油香且幾鬆軟😚

我唔明openrice會點解會推介呢一間自助餐 ，連最基本嘅嘢都冇，例如果汁汽水任飲冇，食物數量少， 質量差 。 龍蝦仔冇味，麵包蟹蟹肉又實又唔新鮮， 長腳蟹太鹹， 白蜆又少肉又冇味。 熱盤得幾樣， 賣相差，見到個樣都已經唔想食。雪糕movenpick只得兩款唔受歡迎嘅味道， 仲要已經不到見底都冇人理， 豆腐花拿起就變水， 其他甜品 我亦都唔見好味，就連最普通嘅牛扒都冇得食。基本上如果你哋想以後唔再去食自助餐嘅你哋就去啦 。總括而言就係嘥錢，嘥時間，嘥quota。🤬🤬

諗住搵一間weekend不限時間的buffet。Search OpenRice時剛好看見很多好評，就不妨試試。時間由晚上6:30開始，慢食到大約7點（只有半個鐘時間）已無嘢好食😩，食物質數不是食評的說得咁好，長腳蟹亦一直沒有添加。冬陰公煮魚就只得一條，手快有手慢無！焗蠔要排隊要等（問題係佢無限一個人可以攞幾多隻！）其他食品真係🤦🏼‍♀️唯有甜品比較出色。我真係未試過食buffet要食埋飯先飽😭😭

一班朋友約會 又想食餐飽 又唔想等齊人先食最好食自助餐 先到先起筷最開心 餐廳今次做環球海鮮自助餐每人送一隻日本磯燒鮑魚 爽口彈牙廚師醃製得味道相當好 坐落見到我至愛蒜泥燒蠔 鮮味十足而且廚師會不停咁整出黎長腳蟹十分新鮮 有啖啖海水的鹹味比其他自助餐的更有水準 魚生亦唔少得 但我發覺鵝掌翼味道非常好 花生雞腳亦都十分好味 餐廳款式唔係特別多但係樣樣都出色 甜品簡直無得輸 勁多蛋糕仲有moverpack雪糕 三百幾蚊的自助餐簡直超值

月尾出左糧，一於好好對待自己。見到有早鳥優惠又未試過依間酒店自助餐，即管試下啦！地址都唔難搵，約左班朋友，大家都準時到達！一進場，侍應都好好服務帶位，個場都舒適，枱與枱之間都有空間，大家可以暢談；行左一個圈，最深刻印象嘅係長腳蟹，因為好受歡迎，個個都排隊拎蟹腳，餐廳都好快refill。咁我就順住自己拎食物次序影左啲相片、同埋寫左少少食評：首先，拎左沙律前菜，餐廳好細心，分別預備左撈左沙律醬同埋未撈沙律醬嘅沙律。咁當然試下撈左嘅味道先。「咦！調味唔錯喎！」因為沙律最忌太多醬，太濃味之餘，同埋係怕肥嘛！雖然選擇唔多，但配菜都新鮮！之後就拎冷盤，正如一進場留意到，蟹腳係最受注目！順便到試埋凍蝦、青口、同埋一個蟹蓋。當中以蟹腳最出色，肉厚又大件，入口仲有好多肉汁，難怪大家都食完又拎！鐘意食蟹腳嘅朋友，記得拎多啲啊！可能蟹腳太出色嘅緣故，其餘嘅冷盤就相對平凡返少少，相當平均，合格有餘。及後侍應就每人送左一隻鮑魚仔，屬於日式冷盤，口感鬆軟、新鮮，唔錯喎！之後到剌身、壽司，分別有三文魚、呑拿魚、八爪魚、希靈魚同北寄貝；壽司就揀左腐皮壽司。喺酒店食自助餐黎講，款式都算應有盡有，食感、新鮮度都ok！到左

長假期前夕嘅星期五 當然要食好啲開心下友人話不如嘆下buffet 又好 反正好耐無食佢㨂左柏麗酒店嘅協奏坊 當然無異議啦估唔到全場爆滿喎 好彩有預約到海鮮款式都唔錯 有長腳蟹 小龍蝦 蜆 大蝦 青口同埋毛至愛嘅 麵包蟹 店員重會不停refill 確保大家一定食到 長腳蟹都幾多肉喎而且唔會得個咸字 食得勁開心重有爆膏嘅麵包蟹 無論係蓋定腳 都好多膏重有一人一客鮑魚重有大量甜品 勁多蛋糕 每樣少少都覺得飽重有pancake機 即整嘅 加少少楓糖已經好好食