協奏坊西餐廳

营业中

休息中

網上看見珀麗酒店做緊半自助午餐優惠$168再八折，仲要四人同行七折，於是即刻訂枱；其實現在吃普通的午市西餐最平都要百幾蚊，這個還可以有沙律菜甜品湯咖啡茶任飲任食，仲酒店級，認真超值來到都幾爆場,先看看主食，有三款；不過優惠期間冇得升級扒類沙律蔬菜類別大約十多款，有粟米青瓜車厘茄火箭菜生菜青瓜及辣肉腸等，不少得有新鮮麵包及湯甜品corner 有生果，菠蘿西瓜哈密瓜藍莓不斷refill ; 甜品有小蛋糕 ，朱古力味/鮮果味；還有杯仔啫喱；朱古力泡芙 ；最興奮莫過於有朱古力噴泉，沾上士多啤梨及棉花糖…仲有不同味雪糕；飲品有自制檸茶奶茶 ， 咖啡機即磨咖啡等…主菜🐟煎三文魚/大蝦配又有檸檬汁賣相精美，三文魚大塊厚度十足，新鮮沒有腥味，配少量牛油檸檬汁顯得清新🔸西班牙辣肉腸海鮮通粉海鮮配茄汁，酸酸地開胃醒神，不太飽滯，加上辣肉腸惹味

好耐都無食過HIGH TEA SET啦👯‍♀️今次約埋好姐妹去銅鑼灣食～人均唔洗$200嘅酒店TEA SET🥰食完之後真係要Post上黎同大家分享下😇呢個TEA SET價錢唔貴，食物質素好，環境舒適，又可以打卡，CP價真係超高✨落Order後店員先上兩壺滾水，枱上有幾包TWININGS嘅茶包可以自己揀🤓飲左一陣茶，一個圓形嘅三層TEA SET就上枱啦🤩SMOKE SALMON WITH CUCUMBER CREAM CHEESE ROULADE煙三文魚好厚肉，忌廉芝士都比左好多，配埋青瓜食一啲都唔滯，口感非常滿足PARMA HAM MELON蜜瓜好甜，同咸咸地嘅意大利風乾火腿真係好夾FOIE GRAS MOUSSE WITH CUCUMBER鵝肝慕絲好幼滑，個餅底幾脆，食得好過癮！SPICY BUFFALO WINGS呢隻水牛雞翼唔算太辣！佢炸到好脆架，好食到想食多幾隻呀！DEEP FRIED CHEESE薄薄嘅炸粉包住芝士條，仲做到拉絲架！BAKED SCONE WITH CLOTTED CREAM呢度嘅英式鬆餅焗得偏脆身，中間仲有好多提子乾，配埋果醬&忌廉一齊食好正呀！PASSION

協奏坊西餐廳 (銅鑼灣)銅鑼灣信德街8號香港珀麗酒店2樓喺銅鑼灣整完靚靚嘅眉毛，咁就搵嘢食，去咗柏麗酒店，平日168加一就可以食到semi-buffet，選擇主菜一款，然後就可以喺度坐咗幾個鐘，吹水好地方。燒春雞配掃迷迭香汁真係成隻雞㗎！雞肉好嫩滑軟熟，雞皮燒得極香脆，有雞油香但一啲都唔膩，配菜吸咗雞油特別香口。煎辣三文魚🍣大蝦🍤配送檸檬牛油汁三文魚皮脆肉厚身，魚質鮮嫩，大蝦超爽脆入味，檸檬牛油汁倒喺上面配搭得宜，非常健康。薯蓉湯足料自助沙律吧真係好健康，鍾意點食就點食。自助甜品，試晒佢啲甜品，朱古力特別唔錯，水果點朱古力醬一流。

知道呢個酒店嘅西餐廳最近翻新咗所以一於嚟試吓😋一個Set $168（平日）Or $188 (六、日、公眾假期）包咗👉🏻自助沙律吧、餐湯、主菜、自助甜品、餐飲—🖤燒春雞配迷迭香汁隻雞燒得啱啱好 入面仲好juicy而且調味都幾好 食得出香料味道配菜有蕃茄仔、薯角、迷你菠菜🤍西班牙辣肉腸海鮮通粉呢個都非常唔錯蕃茄味唔酸通粉煮得啱啱好 仲係彈牙 唔會過硬過淋辣肉腸嘅調味都幾好 唔會過鹹鹹辣🖤自助沙律Bar佢哋嘅芥末+沙律醬薯仔好好食😋我忍唔住食咗好多另外仲有一啲沙律🥗、面包、餐湯🤍自助甜品維記雪糕🍦我去嗰日有4隻味（綠茶🍵、巧克力🍫、雲尼拿、芒果🥭）另外仲有泡芙、蛋糕🍰、朱古力噴泉、水果款式其實都幾多食完主菜再食甜品就滿足曬—整體嚟講幾抵食主菜比我想像中高質 似出面西餐嘅水平而且服務員整體都好友善仲有經理會問下意見睇得出有心機做好

今日去中央圖書館查資料，中午lunch我們就去附近珀麗酒店2樓，協奏坊西餐廳正在做半自助午餐優惠。氣氛熱鬧，食物種類繁多，有餐湯、蔬菜沙律、火腿、麵包、蛋糕、甜品、水果、朱古水噴泉和冰淇淋等都是自助無限量供應。主菜有客人自由選擇，我們選擇了+$78升級主菜，燒美國牛柳配燒汁和燒羊鞍配紅酒汁。燒美國牛柳肉質嫩腍，牛肉味濃郁，口感豐富。我致愛的燒羊鞍配紅酒擺盤精美買相十足，燒五層熟的羊鞍切開肉質呈鮮紅色，口感一流。餐後甜品蛋糕都很精緻好味逐一品嘗。聽說這里的晚餐座無虛席，性價比超高，記得要早點定位。

位於中央圖書館附近既珀麗酒店入面，都有個3層下午茶架，CP值好高！！有大約10樣野食，就講下其中幾款啦~ 👧🏻煙三文魚卷青瓜忌廉芝士第一樣野就試左佢，好清新，一d都唔覺得油膩~ 👧🏻意大利風乾火腿蜜瓜火腿既鹹配上蜜瓜既甜，好好味！而且蜜瓜都爽脆~ 👧🏻英式鬆餅配奶油忌廉本身已經切開左2邊，好貼心，附上cream同士多啤梨醬~ 👧🏻特濃朱古力慕絲蛋糕有朱古力慕絲，同蛋糕，個蛋糕唔會太硬，仍然好鬆軟，唔會超甜，係岩岩好。 👧🏻意式奶凍配士多啤梨汁好幼滑，唔會有過多魚膠粉，所以係入口即溶既感覺，仲有d酸莓醬係面，更加開胃！ 👧🏻忌廉泡芙一切開，入面爆餡 飲品方便有4款茶同咖啡，亦提供奶等你自己調配，只限星期六、日，3:00pm - 5:00pm，每人只係$180加一！想食既你快D打去book位啦~

今個禮拜去咗銅鑼灣柏麗酒店嘅協奏坊食半自助午餐，之前變咗隔離酒店有一排無嚟過，嗰日上網睇居然已經重新營業，仲要有優惠，4人同行或者用消費卷仲會有七折優惠，當然要去試下！平日食$168，星期六日公眾假期就$188，包一款主菜同任食沙律吧、甜品吧。每個禮拜嘅主菜都唔同，今次就揀咗燒豬柳配蜜糖芥末汁、煎青衣柳 配 香草薯仔 乾蔥牛油汁。燒豬柳肉味濃郁多汁，青衣柳魚肉就好firm好鮮，同個牛油汁好夾！沙律吧有幾款mixed salad、沙律菜同cold cut，旁邊會有餐包同湯，南瓜忌廉湯比較甜，餐包香軟，如果可以烘熱就更加正啦！甜品方面，有多款蛋糕同甜品杯會不斷refill，仲有朱古力噴泉、新鮮水果同雪糕，個人超鍾意迷你果撻同panna cotta，果撻餅底超鬆化，panna cotta好滑牛奶味濃！疫情開始咗以黎，超耐無見過朱古力噴泉，可以配士多啤梨同棉花糖，好玩又好食！飲品都係自助形式，有咖啡、奶茶、檸茶、檸水，其中咖啡都幾香！另外仲會不定時推出燒牛肉同火腿，客人就可以排隊拎。今次大概十二點半到，基本上係九成半滿，想食記得要訂位！

呢間協奏坊西餐廳岩岩完成翻新佢地新推出嘅Semi buffet Lunch幾抵食二百蚊都唔洗 就可以揀選一款主菜 同無限享用沙律 餐湯 甜品同餐飲主菜點咗兩款肉類 擺盤同味道都不錯燒豬柳配蜜糖芥未汁 豬柳保持濕潤感 肉質比較實但唔會鞋 配菜嘅串茄juicy爆汁燒美國牛柳配燒汁 嗌咗Medium冇overcook切開色澤唔錯 肉質細嫩亦都有牛肉香配菜有煎薯仔 西蘭花同粟米芯 幾colorful自助沙律吧 有幾款沙律菜 粟米 車厘茄仲有兩款cold cut 其中salami幾香 值得encore甘荀忌廉湯加咗啲薑 特別得黎我幾鍾意甜品區就有小朋友最愛嘅朱古力噴泉仲有幾款雪糕 蛋糕 奶涷 水果以呢個價錢黎講 佢地嘅選擇算係幾有誠意

［銅鑼灣區•酒店］🍽半自助餐🥳百零蚊🥳一位🍽早幾日同仔仔去完香港中央圖書館，隨便响附近行吓搵食，行經珀麗酒店見到酒店門口［協奏坊西餐廳］半自助午餐個價錢同Menu幾吸引。平日正價$168／假日$188，而家做緊開業8️⃣折優惠又或者用消費卷付款有7️⃣折，計落條數用消費券比錢只係$1️⃣3️⃣5️⃣一位😍咁抵即刻上去開餐🍽🍽當日主菜有3️⃣款選擇：🍴燒豬柳配蜜糖芥末汁🍴煎馬臉魚配香草薯仔乾蔥牛油汁🍴香煎大蝦意粉我哋點左🍴燒豬柳配蜜糖芥末汁🔸️賣相唔錯，兩塊燒豬柳切開熱辣辣配埋蜜糖芥末汁甜甜哋小朋友都啱食🍴香煎大蝦意粉🔸️兩隻開邊大蝦新鮮好味，意粉份量頗大碟，意粉略微有點辣。另外，仲有自助沙律吧🥗、一款西湯🥣、自助甜品區🍰🍨、朱古力噴泉、維記雪糕🍦任食及自助咖啡茶☕️。自助甜品區：🔸️當日兩款🍰芝士蛋糕同朱古力蛋糕，一口size味道唔錯，唔會太甜。🔸️朱古力噴泉配棉花糖同士多啤梨食啱晒小朋友。🔸️💓私心大推💓🍮奶凍，我食咗兩杯😋😋唔甜！唔甜！⭐️百零蚊响銅鑼灣食個西餐都唔止呢個價，仲要喺酒店食，包埋自助沙律同甜品🍴性價比好高！

今日lunchtime 為慶祝同事生日想食得特別啲，決定過嚟銅鑼灣珀麗酒店2樓的「協奏坊西餐廳🍴」呢間嘅Semi-Lunch buffet 平日每人只收$168一位除咗三選一主菜外，包括自助沙律吧，是日餐湯，自助甜品🍮咖啡/茶☕️，話晒係酒店食價錢一啲都唔貴😁😁餐廳🍴以黑白設計為主調，枱與枱之間有一定距離，顯得環境特別清靜，而酒店員工服務態度親切，坐喺度食個Lunch傾吓偈真係唔錯😌主菜🔸燒豬柳配蜜糖芥未汁燒豬柳肉味濃郁，口感嫩滑＞肉質保持粉嫩色，配菜加埋脆身嘅炸牛蒡絲，好味😋🔸香煎大蝦意粉🍝香噴噴煎大蝦，蝦肉鮮甜美味，意大利粉又彈牙又爽口👍👍自助沙律吧有多款新鮮沙律菜選擇，仲有cold cut😋😋自助甜品🍮雪糕雖然唔係咩名牌，但係都有四款口味，仲有朱古力噴泉，其他細細件嘅蛋捲及蛋糕🍰香滑奶凍，精選生果盤等😁😁

在這裡住了一晚，包左兩位早餐套餐。叫左 A 及B餐各一，A 餐有焗豆、豬肉腸、煙肉、炒旦/磨菇，B餐有麥皮、火腿、薯餅。份量不少，豬肉腸系脆皮腸，煙肉起碼不會炸到硬到食不到。配上多士及咖啡。餐廳環境清靜，食物不錯，員工相當有禮。住客加配 $40/份，非住客就 $50/份。

這間酒店想來很久了，位置也很方便，就在銅鑼灣，但是自助餐非常難定位，只有星期四至星期日夜晚供應，自助餐在一樓，雖然沒有窗外景觀，但是以200多元自助晚餐一位來說，食物質素非常高，今次吃是以中式食材，如海參，等做主題，當然一早俾人夾晒啦，但是有很好吃的麵包蟹，蟹膏非常多，刺身任攞，而且甜品質素婆高，朱古力杏仁非常好吃，還有抹茶糯米糍也很好吃，性價比甚高，怪不得全院滿座，很多都是一家大小一齊來吃。希望嚟緊有機會再食。

接近年尾好多大大少少的聚會，當然唔想成日都食成四、五百蚊啦！咁啱上OpenRice搜尋自助餐，我見呢間價錢好平民喎！膽粗粗就同啲朋友提議嚟呢間試吓，大家都一致讚成，到約定時間大家陸續入坐。一嚟到當然出去巡視一次睇吓有咩食見到佢哋地方唔係好大，但都有唔少食物，尤其是冷盤有長腳蟹、青口、沙白、蝦、魷魚、麵包蟹，雖然沒有蠔不過呢個價錢如果佢有蠔畀妳食妳都要諗諗啦！其次佢哋啲甜品都做得好精緻，特別要讚是雪糕，呢度啲雪糕食落口會食到有果肉，而熱葷鴨掌亦好入味，又有蝦餃燒賣，總之一定食得飽而且味道亦唔錯。p.s.全間餐廳的服務員工作態度都非常親切有禮，工作效率直頭好過好多間大酒店

有天碰巧在這邊，於是吃過早餐自助餐，看來款式不太少，但揀落又覺得不算太合心水。不過，此酒店又不算位處市中心，處於較邊皮的地方，飽覽維港及維園的綺麗風景。至少，因為你平日都不會買沙律菜葉回家吃，於是可以夾各式沙律菜葉，然之後加橄欖油或是其他千島汁，味道清新。炒蛋的質地也不錯，不算太老，即使看來有大大盤放着在上邊，還保留少許蛋汁，不會過熟。另外外邊還有乳酪，但是只是一杯一杯的乳酪，沒有配其他雜果或是燕麥等等配料，那個乳酪還要是原味的，因此吃上來比較寡。外邊可以看到有果汁又或是咖啡，果汁還算有誠意，因為在我的後面，的確看到果汁先生的大膠瓶；有西柚汁以及橙汁，另外旁邊有咖啡機，還算款式正常。

海鮮自助餐去邊好，朋友推薦我去銅鑼灣的香港珀麗酒店2樓協奏坊餐廳，原價428如提前10天預訂，可有優惠，特價後為288優惠已包括10%服務費，十分超值。海鮮自助餐食物款式多，有沙律、魚生、壽司、 海鮮、 蝦餃、 鮑汁花膠炆鴨掌、 四川酸菜煮魚、 燒味拼盤 及各種不同類型嘅甜品， 相當吸引。先來個沙律拼蝦，食料十分新鮮， 魚生刺身是自己夾的，想食多少份量由自己決定， 推薦牛扒、腸仔及薯仔，牛扒肉質不錯，味道十分惹味。 鮑汁花膠炆鴨掌，必食推介， 鴨掌炆得非常之腍， 芝麻雞翼都不能錯過。甜品有多款選擇，而且仲有懷舊兒時雪條， 唧唧冰及孖條，見到都開心。 豆腐花很滑， 綠茶布甸給盆栽蛋糕也值得一試。