影片
更多
2022-08-14
155 浏览
今個禮拜去咗銅鑼灣柏麗酒店嘅協奏坊食半自助午餐，之前變咗隔離酒店有一排無嚟過，嗰日上網睇居然已經重新營業，仲要有優惠，4人同行或者用消費卷仲會有七折優惠，當然要去試下！平日食$168，星期六日公眾假期就$188，包一款主菜同任食沙律吧、甜品吧。每個禮拜嘅主菜都唔同，今次就揀咗燒豬柳配蜜糖芥末汁、煎青衣柳 配 香草薯仔 乾蔥牛油汁。燒豬柳肉味濃郁多汁，青衣柳魚肉就好firm好鮮，同個牛油汁好夾！沙律吧有幾款mixed salad、沙律菜同cold cut，旁邊會有餐包同湯，南瓜忌廉湯比較甜，餐包香軟，如果可以烘熱就更加正啦！甜品方面，有多款蛋糕同甜品杯會不斷refill，仲有朱古力噴泉、新鮮水果同雪糕，個人超鍾意迷你果撻同panna cotta，果撻餅底超鬆化，panna cotta好滑牛奶味濃！疫情開始咗以黎，超耐無見過朱古力噴泉，可以配士多啤梨同棉花糖，好玩又好食！飲品都係自助形式，有咖啡、奶茶、檸茶、檸水，其中咖啡都幾香！另外仲會不定時推出燒牛肉同火腿，客人就可以排隊拎。今次大概十二點半到，基本上係九成半滿，想食記得要訂位！
平日食$168，星期六日公眾假期就$188，包一款主菜同任食沙律吧、甜品吧。每個禮拜嘅主菜都唔同，今次就揀咗燒豬柳配蜜糖芥末汁、煎青衣柳 配 香草薯仔 乾蔥牛油汁。燒豬柳肉味濃郁多汁，青衣柳魚肉就好firm好鮮，同個牛油汁好夾！
沙律吧有幾款mixed salad、沙律菜同cold cut，旁邊會有餐包同湯，南瓜忌廉湯比較甜，餐包香軟，如果可以烘熱就更加正啦！
甜品方面，有多款蛋糕同甜品杯會不斷refill，仲有朱古力噴泉、新鮮水果同雪糕，個人超鍾意迷你果撻同panna cotta，果撻餅底超鬆化，panna cotta好滑牛奶味濃！疫情開始咗以黎，超耐無見過朱古力噴泉，可以配士多啤梨同棉花糖，好玩又好食！
飲品都係自助形式，有咖啡、奶茶、檸茶、檸水，其中咖啡都幾香！
另外仲會不定時推出燒牛肉同火腿，客人就可以排隊拎。今次大概十二點半到，基本上係九成半滿，想食記得要訂位！
张贴
