協奏坊西餐廳 (已結業)

因為見到open rice 其他食評見幾抵食，所以今晚就嚟左協奏坊食自助晚餐！六點多到達，服務員先安排坐位，等到六點半才正識開始，佢係一間開了不太久的精品酒店，雖然餐廳地方比較細，但裝修都幾精緻，食物方面海鮮長腳蟹腳，有點水份不會太乾，肉質也不錯！麵包蟹，好多膏啖啖肉新鮮好食！其實淨係食蟹都值回票價！其他仲有凍蝦、青口、魷魚等等！生蠔係即開嘅，大細同味道都中規中舉，開蠔的服務員由頭不停手咁開蠔，但態度給客人感覺也不錯，因為就算有時大酒店都好，做依個位嘅人好多時都口黑面黑啲水就整到周圍係，佢由頭到尾都好耐心，值得一讚！三文魚係一碟碟切好曬，個様睇落去好一般但食落又幾新鮮好食！另外有一款火炙三文魚壽司都幾好味！另外仲有希靈魚和油金魚等等！熱食方面有泰式沙嗲串燒、菠蘿炒飯、燒雞翼、炸餃子、炸春卷、紅酒燴牛腩肉質非常淋同入味、煎黑色大磨姑肉厚多汁、燒菠蘿非常鮮甜、即煮喇沙湯米夠濃同辣！甜品方面，主角肯定係佢個 Movenpick雪榚，雖然只有三種味道，我最愛楓糖合桃雪榚質感非常幼滑，再配埋佢個 waffle雪糕筒我兩個人共食左六球！正！還有榴槤班戟、班蘭蛋糕、芒果拿破倫等等！最後仲有咖啡機比你

不止一次聽食友說力讚這裡的自助晚餐抵食，上週終於抽空前往一試，果然超值得過份：低至 $278.8 的價位就可享即開生蠔、麵包蟹等海鮮，還有 Movenpick 雪糕，海鮮及buffet迷必試！協奏坊現有兩間分店，這晚我們去的是歷史較久的九龍珀麗酒店的分店。由奧海坊地鐵前往酒店約需 5-8 分鐘，大家千萬別走錯去絲麗酒店哦（因為當晚真的有食友擺了這烏龍）～餐廳座位只有120個，當晚所見都幾爆，訂位是必須的；現 4-6月推廣是「亞洲海鮮三重奏自助晚餐」，週一至四成人收費 $328，小童 $208，週末分別貴 $40 / $30，另設折扣十分抵食！這裡的 buffet line 不算長，不過海鮮類的選擇卻相當豐富，應有盡有，海鮮迷來到要回本一點不難！首先入口位擺滿不同的海鮮盤：青口、翡翠螺、蟹腳、熟蝦、熟帆立貝等，很豐富～另外也有魷魚圈，味道不錯，以及非常搶手的麵包蟹，超多膏的！最難得是這裡 re-fill 挺快，麵包蟹給搶光後又有後補，蟹迷絕對不會空手而回。而另一邊還有即開生蠔，令人興奮～之後是不同的沙律配料，以及接下來的沙律菜、沙律杯及前菜小碟。其中最前方就是甜魔媽媽愛吃的大蝦凱撒沙律杯

天氣開始轉熱了, 連我也不再穿大褸的時候, 其實夏季真的快來了. 那大家是否覺得無乜胃口呢? 不如吃得刺激一點, 讓胃口再開吧. 協奏坊西餐廳在四至六月推出的亞洲三重奏海鮮自助晚餐, 以新加坡, 馬來西亞以及泰國三地的菜式作主題, 就很適合這個季節了.協奏坊西餐廳位處九龍珀麗酒店, 其實往那邊也相當便利, 從太子地鐵站走來不用十分鐘 (哈哈, 我的步速), 又或者從奧運站來也不是太遠. 另外, 旺角東亦有小巴直達. 星期二晚來到, 全場爆滿, 相當熱鬧, 原來這裡是相當旺場的地方呢.頭盤: 8分, 由頭盤開始吃起吧, 沙律的選擇不少, 沙律菜夠新鮮, 我就盛了一大碟慢慢吃.杯上的柚子鮮蝦沙律, 鮮蝦質感爽口, 柚子味道酸酸甜甜的, 特別之處是加入了魚露及醬汁, 一切來得更加清新呢.雜肉拚盤選擇也不少, 好此道者應該滿意.南瓜湯帶濃郁的南瓜味道, 配上旁邊的麵包同吃就最適合.海鮮: 8.5分, 海鮮是不少朋友吃自助餐的回本位, 協奏坊這裡自然有不少海鮮供應, 海鮮冷盤的選擇包括有大蝦, 翡翠螺, 長腳蟹, 青口以及麵包蟹等等, 全部都是相當新鮮的貨色, 天氣炎熱, 吃多點海鮮冷盤, 不過

今日約埋同事收工嚟試下新嘢，係屋企人介紹架，我睇到折實左280一位，嘩！！心諗，得唔得架。。。睇完食家嘅相片，真係唔理咁多，試左先算啦一入到珀麗，係有驚喜嘅，首先！佢安排左我地坐圓枱，好舒適然後到食物！300蚊唔洗有即開生蠔凍海鮮有麵包蟹，長腳蟹藍青口熟帶子甜品精緻，款式唔小我地7位女士都讚口不絕👍👍👍我覺得好滿意，係有一樣美中不足，就係雪糕唔夠分，希望下次雪糕能夠補充多點

5/3係我一位認識了20年的老友生日,佢係我同車爸爸嘅紅娘因為佢我先識到車爸爸須然有一段長時間冇見面但喺大家心中是一生的best friend 6/3喺佢生日便早一天跟她慶祝生日吧!祝妳永遠快樂,身體健康~ 想慢慢坐食Buffet係最好嘅選擇啦我揀咗抵食嘅協奏坊跟她祝壽~喜歡吃蟹膏的朋友發達了看幾多糕~即開生蠔一貫新鮮好吃~魚生新鮮但不算太標青~這個帶子可以不吃~有我超愛吃嘅Ham味道也不錯略嫌乾了點但配上菠蘿食已足令我升仙,蟹腳又係超水準鮮味又好肉地,西班牙凍湯又幾OK飲喎,前方你黑松露酥盒發放著幽幽嘅松露香氣好吃~是晚西班牙之夜有乳豬食小小的一口乳豬皮都脆口但我更愛墊底的飯充滿邪惡澱粉質呀!沙律菜好新鮮吃了兩回才肯罷休,風乾火腿更加唔使講吃了超多轉~食咗咁多凍嘢係時候飲碗熱湯是日西湯~周打蜆湯我忍不住飲了兩碗呀真係好味到不得了haha~P牌雪糕得三隻味雲尼拿,朱古力同柚子雪葩三隻都好吃喔!!甜品每樣取了一件,順時鐘方向介紹焦糖燉蛋香滑有蛋香,藍莓芝士餅軟硬適中芝士味也足夠,Tiramisu濕度剛好又係好得,芒果酥就淋咗麻麻哋了,奶凍奶味不太濃但質地好幼滑,朱古力蛋糕口感硬實no g

星期日外家冬節暨補祝父親節飯聚(因為車公公六個月前種咗牙食唔到嘢)家人見我去協奏坊好食又抵食所以約好一家人去食Buffet回心想想一家人食Buffet都係第一次真係好開心呀^0^車公公幾Sweet餵車婆婆食甜品啊~ 可愛嘅琳琳豬~ 靚仔同靚女友,我和車婆婆似樣嗎?美味生蠔好新鮮又好味 吃了二轉的新鮮沙律菜 熱葷都好正尤其那個鰻魚炒飯good壽司也唔錯架車爸爸話羊肶肉嫩口好味~ 蟹腳超好味車爸爸吃了勁多(當然係我去殼啦)小葡撻勁好味還有上方那百香菓凍開胃又醒神~ 我嘅甜品拼盤左面嘅什莓酥做得鬆化,朱古力蛋糕有著濃厚嘅可可味估不到的可口,藍莓芝士蛋糕又係小準之作不過最正係右上方那芒果慕士蛋糕清香輕盈車爸爸不嗜甜也吃了人家四份一個cake haha~

今日係車爸爸生日喺道祝佢工作平安~身體健康我哋喺21/9就去咗協奏坊食buffet慶祝喇,呢間位於九龍珀麗酒店內嘅餐廳面積不太但以食物質素與$338呢個價位嚟講我覺得超值兼抵食呢(我用OP8折Coupon埋單$608咋),services更不錯員工每位都歡容滿面比起好多5星酒店更值得讚賞好睇下有咩好嘢食先啦^0^生蠔即開架沙薑豬手充滿美味嘅骨膠原泡菜蠔餅好掂 勁辣蝦餅好味多春魚太厚粉了生蠔好靚不知食了咗十幾隻了凍蟹超新鮮蟹腳更是鮮甜味美魚生也不錯呀勁濃羅宋湯可惜我飲不下(好重牛味)沙律菜夠新鮮煙三文好得粉嫩嘅燒牛肉車爸爸連吃兩件少有壽司面料新鮮飯太糊口了韓式粉絲yummy熱葷每樣都唔錯尤其個海鮮飯(多春魚除外)砌砌搭搭個生日甜品比老公Happy Birthday估唔到甜品都好OK架上面那個花旗參桂花糕好好好味呀

早於7月，老婆為祝賀朋友個仔完成文憑試，請佢嚟協奏坊食番次自助餐，請得人無理由唔請埋我架，掹住佢衫尾嘆番次自助晚餐，以三百鬆啲個價位，有海鮮，有生蠔，有魚生，有伯伯加奴雪糕，款式唔算好多好多，但有一定質素，覺得真喺幾抵食，所以，之後再約朋友嚟食過，一同味遊四方 。餐廳位處大角咀九龍珀麗酒店2/F，可能你會覺得位置有少少吊腳，不過識行由奧運站過嚟都只不過10分鐘左右。餐廳佔2/F全層，一室光猛潔白，裝修摩登，天花嘅葉形燈飾幾得意；雖然是晚喺閒日，都有八、九成滿，不過，可能樓底都夠高，枱椅都排得唔算好密，所以，整個場都唔覺好嘈炒，感覺唔錯，慢慢嘆食足3粒鐘。題外話，近入口位右邊有全場唯一一張圓枱，可坐8個人，仲設計成半開放式，雖然講唔上有咩私隱度，但多少有自成一角嘅感覺，修飾又再別緻啲，大吊燈令環境更高雅，更方便一家人或一班朋友共聚暢談，夠人多不妨要求預留依張枱 。協奏坊作為酒店嘅西餐廳，主要都喺供應不同時段嘅自助餐，相對好多尖沙咀、銅鑼灣四五星酒店，佢各項自助餐都定價非常吸引，但抵唔抵都仲要講質素，不過，見得小弟翻兜就知唔差得去邊。雖話佢個自助餐提供多國美食，但而最近依次去就做緊「瀛

今次真好彩,居然抽獎抽中我去食免費自助餐.地方雖小,食品都唔小.有:三文魚、鱆紅魚、希靈魚及八爪魚,帆立貝,煙三文魚,青口,醃魷魚,蟹蓋,酥片三文魚卷,生蠔,南瓜湯,吞拿魚蕃茄, 銀魚小食,翡翠螺,蟹腳,沙律,火腿,熱葷,菜乾湯,燒牛肉,韓式餃子,壽司,韓式豬骨麵豉湯煮韓國粉絲,春卷,魚餅,炸雞,炆豬肉,韓式蠔仔煎蛋,焦糖燉蛋、芒果布甸,芝麻布甸,蒸元貝,藍莓芝士餅,意大利芝士餅,朱古力蛋糕,蘋果金寶.三文魚:新鮮好有魚香及夠肥美.鱆紅魚:味太淡有根,一般.希靈魚:做法粗左D,味道過酸.八爪魚:太硬味又唔夠鮮.帆立貝:雖然細細粒,但好夠味,汁煮得唔錯,香甜味美.煙三文魚:鹹香味濃,幾好味.青口:好淡味唔新鮮.醃魷魚:好硬好難食.蟹蓋:膏唔多,但都鮮味,不過得好小.酥皮三文魚卷:出左一次就冇再出,本人覺得普通,可能涷左原因,個皮唔脆.三文魚味唔油香.生蠔:淡味唔太新鮮.南瓜湯:香滑南瓜味濃.吞拿魚蕃茄:普通.銀魚小食:太普通,都幾硬下.翡翠螺:有沙,但肉幾淋可以嘅.蟹腳:大大條,鮮香味美.沙律:菜新鮮,但選擇比較小.火腿:普通.熱葷:整體味道麻麻.菜乾湯:清甜潤喉.燒牛肉:好嚡,肉味太淡