協奏坊西餐廳 (已結業)

今年父親節一家四口去左食buffet!Search左一輪,最後決定去呢間大角咀珀麗酒店入面既協奏坊西餐廳試下怕父親節正日會好多人,所以提早左成個禮拜book位自己本身對自助餐不嬲都唔會抱好大期望,最緊要就係食得舒服同埋野食種類要多選擇!Haha一入酒店,我就覺得夠哂時尚摩登,可惜今次唔係要住酒店講返自助餐先,餐廳環境干淨企理,十分舒服!野食種類比我想像中多,尤其是甜品(成家人都中意食甜野)冷盤有長腳蟹、凍蟹、扇貝、蝦、生蠔、沙律等等, 個人覺得冷盤都好鮮味,而且d汁同沙律醬好開胃, 唔覺唔覺都食左幾多數隻長腳蟹同扇貝!淨係冷盤都已經算幾多選擇下!除此之外,仲有大量壽司同刺身供應!唔係講笑,d刺身都幾肥美,最愛既三文魚都好鮮甜,仲擺得勁靚勁整齊,個wasabi仲成個花形咁,好有心機!主菜方面都有好多選擇, 我地最中意就係呢味三文魚,煙得岩岩好,好入味,最加分就係個醬汁,酸酸甜甜,好好味!!之後就到我地最期待既甜品啦!!不得不提,呢到既甜品真係好有水準!!而且好多選擇,真係花多眼亂,咩都想試下果撻賣相好靚,有士多啤梨同藍莓揀,當然為食既我地兩隻都試左啦!!個外皮鬆脆之餘,入面d吉士真係好滑

上兩個禮拜老婆生日,我哋一家大細諗住食番餐自助餐豪一豪佢!!上網search咗一輪,見到大角咀lee間酒店嘅食評都唔錯,咁就book咗試啦!適逢假日都幾多人下,之前完全唔知原來大角咀都有自助餐食,仲要都幾抵!! 一去到覺得環境唔錯,d waiter服務態度都幾好..酒店當晚做緊好吸引嘅海鮮自助晚餐, 嘢食種類都唔少,冷盤有長腳蟹、凍蟹、蠔、青口、三文魚等等都有,主菜都正正常常,有菜有肉有飯有麵,味道都幾好,有酒店水準!反而老婆最中意食嘅係果到d甜品,選擇唔多但樣樣都好好味..我自己就最中意d冷盤,d生蠔夠鮮甜,但一d都唔腥!!(掛住食,影左好少相)整體上都算唔錯嘅,不過地址有d難搵,可能自己平時少去大角咀啦..

比較遲開始搵地方, 好多都已經滿. 看到 openrice 的優惠, 決定試試. 酒店地點不是太明顯, 餐廳也不是很大的一間. 6點半開始安排入座, 在入口就係海鮮檔. 長腳蟹, OK喔 蝦, 可以 小龍蝦, 無乜味道 凍蟹, 蟹箝比蟹身好 魷魚圈, OK啦凍扇貝, 無乜味道 想不到會有生蠔供應, 算新鮮熟食總類不是很多 最後是水果, 甜品. 當晚我最捧場就係 ... 芒果拿破崙 

好耐之前已經想黎呢度食自助餐，因為見openrice d comments 唔錯又近公司，所以趁今次慶祝同事生日就提議黎呢度喇!餐廳係喺酒店既二樓，非常光猛，因為係半自助午餐，一坐低就有得揀主菜，是日有香煎鱸魚柳配燒香草番茄汁、香煎烤雞胸配香芒汁、燴小牛面頰配紅酒汁、意大利麵配鮮蜆及黑松露菌汁。經理極力推介燴小牛面頰配紅酒汁，佢話出面好少會有得食牛面頰喎~所以我地幾個就叫揀哂呢個喇~ 喺等緊上主菜之際可以出去攞野食~有兩款湯 (一中湯一西湯)，中湯唔記得係咩黎，而西式係我既至愛 -忌廉雜箘湯，試過好多餐廳既雜箘湯，大多數都好稀，好小蘑菇粒，不過呢度既雜箘湯係我飲過最好味架! 味道好濃郁，啖啖都有蘑菇粒，非常足料! 唔覺意飲左兩碗~  而buffet line 有多款沙律、麵包、熱盤、刺身，食左牛角包，唔知係咪酒店廚房整架呢? 好鬆軟，仲有好香既牛油味! 而三文魚刺身亦好肥美! 飲完湯，食完沙律、牛角包同三文魚，時間剛剛好就上主菜~牛面頰好稔好嫩滑，一d都唔覺得韌，而味道亦唔會太濃，恰到好處! 最欣賞係薯蓉，好滑， 好有牛油香!  係時候要食甜品lu，種類唔算好多，食左焦糖燉蛋，焦糖

為咗同姑仔慶祝生日，上網search咗好耐搵野食，無意中發現呢間酒店，見食評不錯，所以試下！打電話訂枱時，有職員話生日當日壽星全免包括加一！嘩！即刻訂枱試！食飯當晚，一去到已覺得環境不錯，好舒服，可能酒店位置不方便，所以座位只滿大概九成，而且亦唔見有任何地方既遊客。食物不算太多，但我地覺得足夠同滿意！冷盤：凍蟹都有三款，肉質鮮甜，唔覺有雪味！仲有蠔、青口、蝦、龍蝦仔、翡翠螺。湯類：有西洋菜湯、周打湯，不過自己鍾意西洋菜。熱盤都唔錯，有好幾款菜有魚有肉...仲有炒意粉、意大利飯同糯米飯。刺身就少D，只有三文魚、呑拿魚同北寄貝，不過就好新鮮。有檔芝士同德國腸，不過我一向唔好，所以冇試，但屋企人話好食！甜品唔多，不過算好食，尤其是蛋白杏仁茶，好香但味道不太濃，好滑，又有蛋白，我平時唔食架，但我都忍唔住飲咗2碗！呢度真係唔錯！D職員有禮貌，食物refill得快而且味道唔錯，又唔洗搶野食，我會再黎！

今日惰人節，周圍的自助餐價錢都很貴，有些更要分時段食，很不划算。之前我生日，男朋友在這裡30樓的餐廳為我慶祝，食物質素很好。今次就試試2樓的自助餐吧！這裡七百幾兩個人，由6點半到9點半。在今天這個日字，真的是抵食之選!到達後，安排入座，環境雖不是富麗堂皇，但絕對是乾淨舒適，今天每一桌上都有一枝紅玫瑰及每人一份小禮物（Homemake 馬卡龍）開始選擇食物，第一樣當然是我最愛的生蠔Size俾想像中大隻，但唔知係咩國家的蠔，我試過其中兩輪，第一輪的味道很淡，較為大隻。第二輪，細隻小小，但海水味較重。魚生種類只有3款 : 三文魚，北寄貝，吞拿魚，味道新鮮。沙律有幾款，我選了最愛的凱撒沙律，另加上煙三文魚。正! 碟上還看到有個小圓杯是（牛油焗田螺），好味!我男朋友亦不甘示弱，選了他最愛的海鮮因我敏感，唔食得!但佢話好新鮮，好好味!跟住呢個真係一試難忙，做得俾好多西餐廳好味，又足料。全場最愛 （忌廉雜菌湯）以下就係我男朋友最愛，即溶芝士，佢食咗幾轉都話好正呀！另外，牛仔扒都很出色其實現場仲有好多嘢食，但真係食唔到咁多，有好多嘢都無試過但甜品就麻麻啦！試咗2件就無食但每人會有一個（心太軟）由專人送

大年初一新正頭, 同老婆book左呢間自助餐黎嘆下本來貪佢有優惠, 點知年初一無, 仲要加收, 真係好唔開心首先呢間野位置好吊腳, 我地由太子出, 著住GPS行左成廿分鐘至到上到間酒店, 都幾新淨, 環境衛生唔錯, 入面燈光火猛, 有D大眾食堂feel先行一圈, 頭盤凍食有薄切生文魚, 翡翠螺, 蟹腳, 凍蝦, 龍蝦仔, 扇貝仔廣告上面印有面包蟹, 但現場無, 等成晚都無蟹腳, 凍蝦, 龍蝦仔, 扇貝仔無乜味道, 生文魚同翡翠螺就ok生蠔響壽司bar度排隊攞, 每人限一碟, 每碟有三隻生蠔係新鮮o既, 無砂, 不過好醎下, size唔大, 搵水沖下都ok啦, 食左半打食完凍就輪到熱, 佢地有兩款湯, 一款係雞絲炖翅, 另一款係意大利蕃茄湯先試左炖翅, 成碗野除左無翅之外其實幾足料, 木耳雞絲肉絲好多意大利蕃茄湯本來就無乜興趣, 但試左半碗發現原來係好野黎, 我從未飲過咁milkly o既蕃茄湯認真, 呢煲湯真係一流, 唔會比大餐廳貴價湯遜色, 第一次自助餐返飲兩碗湯嘆完湯就到熱食, 有燒豬頸肉, 煙鴨胸, 咖哩牛腩, 籠仔蝦, 越南春卷, 釀蟹蓋, 中式燒鴨, 蒸豬手西餐方面係排隊切肉

聖誕新年之後, 自助餐價錢未見回落至節日前, 想慶祝紀念日但又不希望洗費太多 (需知道月尾又是農曆新年), 唯有做點功課 ...直至找到一系列心水再逐一打電話問詳細, 第一間 --- 猛打電話都無職員接聽, 第二間 --- 優惠已完結, 第三間 --- 沒有提供心水美食, 第四間 (協奏坊西餐廳) --- Bingo!主題是「味遊歐陸海鮮自助晚餐」星期一至星期四每位成人  HK$298 (另加一), Openrice也設有8折優惠劵, 從價錢上來看已是便宜!始終要親身食過睇過才能真正衡量是否抵價 (我只是在1年半前開業時食過2次, 單憑舊評難以服我自己, 事前都有幾分擔心過自己的決定會否破壞我們的紀念日)那晚走上酒店二樓, 升降機門打開後再轉左便到達接待處, 我見餐廳的裝修、擺設、擺盤是幾近沒有改變, 仍然是走簡潔明亮的裝飾路線。  當侍應生帶我們入座後, 很快便為我們倒入暖水......餐廳主打海鮮, 有北海道毛蟹(原來蟹毛毛是多麼的柔軟, 蟹肉飽滿, 清甜, 味濃)、加拿大石蟹(沒有蟹膏, 味甜但是蟹肉較瘦)、英國麵包蟹(當然是蟹膏滿瀉)、加拿大翡翠螺、澳洲青口、澳洲小龍蝦(小龍蝦

之前個星期六放假無野做，阿媽突然話去食lunch buffet，仲話去大角咀食，話買左COUPON就到期，咁無辦法就陪下佢老人家由新界走出去啦。講真地點真係唔多就腳，對我黎講好日都唔到，更唔知有呢間酒店．．．點都好，講返野食啦。我地個LUNCH係SEMI-BUFFET，沙律、甜品、魚生、湯同麵包任食。另每人有一份主菜。．先試個沙律，菜款都唔少，而且亦算新鮮，係配料就少一d，如果有埋提子乾、菠蘿粒之類就好啦．湯方面，一般一般，唔係好好飲，亦唔係難飲．．．無特別．魚生，無咩選擇，得兩三款，滿足下食刺生的慾望，ok．主菜方面，原來想食魚，但阿媽話試下個羊架啦。ok，五成熟，比想像中好，抵讚。阿媽就叫左個咩意粉，佢話唔錯，我就無食了。．至於甜品都算係咁，6款左右，味道就合格啦，總比一般CAFE好值得一提杯即磨咖啡都唔錯，算一個圓滿結束。 

一家大細9個人中秋食個dinner buffet,正!對好多人黎講地點係好唔方便,因為唔近港鐵,我地?車有得free parking ,6:30準時到達餐廳好細,拎野食幾迫,不過光猛新淨,員工好有炒散feel十問9唔知,收碟ok快食物方面: 冷盤好多種類長腳蟹小小咸,肉質係新鮮但未算厚肉小龍蝦肉質新鮮,good麵包蟹勁多膏,好好味日本毛蟹唔係度度有,好好味,d肉一絲絲ga,不過出得好小之後未見再出重有翡翠螺,青口,凍蝦 新鮮肉實但冇蝦咩味總結冷盤係好滿意的即開生蠔每人每次只可以拎2隻,因為餐廳好細排隊拎蠔都係10幾人者,可以食幾轉,一晚有3-4輪每輪唔同款有第一輪澳洲,勁咸,但肉質新鮮大隻又脆口,同我係蠔吧食幾十蚊隻既有得比第二輪美國,細隻d我幾鍾意,不過又係咸,自己用水再洗洗會好d,第三輪澳洲既第二種冇試三文魚幾肥友人食左6,7碟(1碟4件)話好正喎其實重點就係晒海鮮度,因為沙律唔新鮮,有d菜黃既,粟米粒硬既,平時食2輪沙律既我第一碟食左一鍵半已經放棄熱葷選擇非常有限,5種左右有個蜆幾好,個汁好似泰式好"野"味青咖哩雞,迷你海膽蒸旦,炒菜.....即煮啦沙 自己揀"食送" 同金邊粉/

如果熟悉油尖旺區都知道大角咀都算半個舊區，但呢幾年真系變左好多，印象最深刻就系市政大廈既落成，然後附近又起左兩棟酒店。今次我就去左位於大角咀新起冇耐既九龍珀麗酒店，因為友人有優惠券，加上價錢又唔貴，一時無妨！晚上自助餐系六點半開始，一般都需要預約！餐廳位於酒店2樓，以白色為主，望落好新凈，好舒服！ 好快有人帶你埋位，就可以出去搏殺了！ 好好彩，呢排佢地有即開生蠔啊！有澳洲蠔同法國蠔揀！一次最多每樣兩隻。其實好易分，大隻的就系澳洲蠔，細的就系法國蠔！而澳洲蠔就鮮甜易入口同爽口的，正啊！法國蠔就海水味重的，會咸的！好快就食左成打落肚！  另外仲有刺身食，雖然間間都差唔多，但三文魚刺身切到好厚，肥美又新鮮，必食啊！我們又夾左的蟹腳食，中規中矩，仲意海鮮又唔怕食到成手殼既要試下！佢地亦有好大舊燒牛肉，你要佢會切比你，然後加pat芥末系隔離 同淋燒汁系上面。講真味道都ok，一的都唔un，雖然的肉系粉紅色，但系熟架啦！食到呢度都飽飽地啦，就出去望下有咩食.....其實仲有好多野食，如沙律，炒飯，魚，天婦羅，意粉等等對於一個女仔來講，甜品系生命中最重要既野食之一，所以最後就留番個肚食甜品啦！以

已經是第二次來這裡, 貪這裡是一家無須$300元都有供應生蠔的自助餐廳所以這次來的目的主要有兩個: 生蠔及長腳蟹是日兩款生蠔都是來自澳洲的.剛去到時長腳蟹已被人拿清光, 只剩下那些短腳的, 瘦腳的等了15分鐘才等到職員添加, 拿了心頭好, 立即回座位品嘗長長的蟹腳, 肉鮮味甜.其餘的熱盤, 真的只是拿過幾條時菜吃吃罷了真的沒什麼菜式吸引到我, 因為每次出去看到的都是一樣沒看到其他人提及的熱盤是不斷出不同款式的, 這令我有點失望反而甜品有很多款, 朱古力慕絲蛋糕, 焦糖燉蛋, 士多啤梨蛋糕, 提拉米蘇, 都足夠填飽那個裝甜品的胃無奈的是朱古力味雪糕眼見清空了之後就沒有再refill, 一款味道的雪糕是不是一晚只供應一合?

協奏坊西餐廳在九龍珀麗酒店的2樓裝潢簡潔，雖然地方不大卻五臟俱全入座率也很高，到底有什麼令人著迷的地方呢？！ 我們來看看吧甜品款式不多，但通通都是我愛的你呢...有找到喜歡的嗎 ?!當中更有3款Encore了很多次，真的好喜歡！！老妹最期待的冷盤區，而我嘛就最愛另一端的現開生蠔啦～～現在已經很少Buffet有在提供生蠔的了，所以更珍惜一向對熱葷興趣缺缺，但也找到喜歡的～而且它們會轉換不同款式，讓你試到更多的可惜是搶到先贏嚕 喜歡它們還有現開生蠔，2款都是來自澳洲的蠔身飽滿肉厚，肉質爽口，不過有點鹹現切刺身都有 三文魚、吞拿魚、北寄貝，品質也挺不錯 冷盤來了～有爆膏的肉蟹，還有麵包蟹...真的很讚貝類的青口肉厚鮮甜，又不會過鹹 是滿滿的大海鮮味我跟Phyllis聊天的時候，老妹幫我拿的除了那個魚之外，其他的都很美味喔！！每樣份量都為你準備得剛好，連不起眼的雞軟骨都讓我們驚喜老妹的第一盤熱葷就是鮮甜美味的蟹黑椒吞拿魚配上特調的醬 開胃又清新再次Encore的雞軟骨 脆脆的不會過乾，香口惹味每人一盅肉骨茶 清香的藥材味湯頭清澈不油膩，味道香醇濃厚有點欲罷不能的感覺...我還想喝喔連燒牛肉都有

趁端午節假期，一家人先去食個午餐，之後才各自精彩。在公開飲食網站search吓自助餐，最終選來風評不錯，但大家又未探訪過的九龍珀麗酒店，希望唔會太差吧！實不相瞞，筆者真不知道原來中午是做半自助餐，走出去Buffet Counter巡個圈，真係打了個「突」，怎麼只有沙律、湯、三文魚刺身和甜品外，就什麼都沒有供應呢? 甚至連熱葷都冇。後來細問下才了解，原來這是semi buffet，價錢是$138 (部份主菜菜色需另加錢)，難怪難怪。既來之則安之，出去拿東西吃吧。沙律、刺身各取了一點，還好各款沙律總算新鮮，南瓜清甜。刺身只有三文魚，都幾多人排隊攞，我只淺嚐了一點，感覺普通，好像沒什麼味道。湯反而是兩款，有中也有西，我挑了西式的，周打魚湯，總算不會稀稀的，也吃到有不少材料在內，沒投訴了。不過，麵包就真係不吃沒損失，凍冰冰的，又硬，我只咬了幾啖。主菜方面，我們點了牛、魚和龍蝦天使麵，大家分吃。先切些牛柳來試試，肉味當然不很重，要了五成熟，火侯控制還算合格，起碼唔係太韌，中規中矩。至於煎魚，看色水更似樣，入口又的確的嫩滑，比牛柳要好。仲有要加$58的龍蝦天使麵，採用波士頓龍蝦，鉗頗大，是唯一賣點

大角咀與旺角相近，愈來愈多酒店坐落於那里，常在該區搵食的KsMeow，今次有幸跟早肥先生，於九龍珀麗酒店協奏坊西餐廳一嚐自助晚餐，還吃到即開生蠔...．．．協奏坊西餐廳位於九龍珀麗酒店2樓，裝潢具現代感，地方不算太大，但麻雀雖小卻五臟俱全，期間限定的海鮮自助晚餐，每晚6:30開始！KsMeow跟早肥先生約7時才到達，喜見「即開生蠔山」仍在，嚐了來自澳洲的Coffin Bay及法國的White Pearl！澳洲的Coffin Bay清甜易入口，蠔裙爽脆，舌頭被鮮度輕輕的黏著；另一款則蠔味豐富的白珍珠入口不會過鹹，肉質爽口，邊吃邊嚐到陣陣的甜味，新鮮非常！最滿意是開蠔師傅保留蠔內海水，吃時連海水吞下，令人感覺更接近海洋！讚！其他海鮮，還有法國凍蟹、長腳蟹、小龍蝦、鮮蝦、青口等供應，法國凍蟹蟹身夠厚而蟹肉夠多，蟹膏更是爆多，鮮甜美味！熱門即切刺身，如：三文魚、北寄貝、甜蝦... 供應源源不絕，不用擔心食物沽清！冷盤方面有凍火腿、沙律菜也有數款，小妹大愛蕃茄芝士，外表精緻，新鮮爽脆小蕃茄配上鹹香芝士，又不會太佔胃口！．．．熱食方面轉換頻繁，為食客帶來新鮮感！表面佈滿芝士的帶子，焗後芝味香濃，底