影片
更多
2017-02-21
12623 浏览
自從上年同男朋友慶祝生日食過自助餐，之後都冇再食過喇。一來價錢貴，二本我地又唔係話食到好多野嘅人…次次食完都覺得回唔到本，好多五六百蚊水平嘅自助餐，係就係款式多，但味道、質素一般；講到好食可能又要七、八百蚊位，但又唔捨得。琴晚男朋友收早就試左呢間喺大角咀珀麗酒店嘅自助餐~原本buffet時間係6:30pm - 9:30pm，不過就番收工時間，所以我地7點半先到。因為喺附近番工，行過去都好方便。作為參考，佢地直至3月份都係做【和風韓流】嘅主題自助餐，之後會轉其他主題。喺openrice優惠欄目見到價錢真係幾吸引！5日前預訂，星期一至四 $238(加一)就食到晚市自助餐！由於見到咁平…我事前都有自行腦補，略略睇過下大部分食評~我覺得以呢個價錢，性價比十分之高。餐廳位置唔多，週一嘅晚上，客人都挺多，我都要等佢地離開左，先方便影張相。輕輕行左一圈，影下相，再決定食乜先。我覺得呢度嘅自助餐選擇唔係話好多，但樣樣野質素都唔錯，起碼全晚冇伏。（差唔多規模我諗起紅磡逸酒店，我中過伏）近門口位係冷盤，海鮮選擇都唔少，而且fill得夠快，起碼我每次行出去，都見到滿滿一盤。（最怕啲酒店好少家，成日都唔補添食
琴晚男朋友收早就試左呢間喺大角咀珀麗酒店嘅自助餐~
原本buffet時間係6:30pm - 9:30pm，不過就番收工時間，所以我地7點半先到。因為喺附近番工，行過去都好方便。
作為參考，佢地直至3月份都係做【和風韓流】嘅主題自助餐，之後會轉其他主題。
喺openrice優惠欄目見到價錢真係幾吸引！5日前預訂，星期一至四 $238(加一)就食到晚市自助餐！
由於見到咁平…我事前都有自行腦補，略略睇過下大部分食評~我覺得以呢個價錢，性價比十分之高。
餐廳位置唔多，週一嘅晚上，客人都挺多，我都要等佢地離開左，先方便影張相。
輕輕行左一圈，影下相，再決定食乜先。我覺得呢度嘅自助餐選擇唔係話好多，但樣樣野質素都唔錯，起碼全晚冇伏。（差唔多規模我諗起紅磡逸酒店，我中過伏）
近門口位係冷盤，海鮮選擇都唔少，而且fill得夠快，起碼我每次行出去，都見到滿滿一盤。（最怕啲酒店好少家，成日都唔補添食物。）
見到就有青口、魷魚圈、鱈埋蟹腳、麵包蟹、凍蝦。
我就主力食凍蝦同蟹腳！蟹腳唔會隔硬浸到鹹哂，而且都幾好肉。
韓式粉絲沙律用韓式辣醬調味，粉絲食落都爽口，配合椰菜、芽菜等等，都係唔錯嘅開胃菜。
沙律男朋友最鐘意食草，佢話沙律菜款式唔算多，但都幾新鮮。
風乾火腿配蜜瓜芝士幾滿意佢地將呢啲冷盤分左一小碟，感覺方便拎，又衛生啲。
不過我唔係好喜好芝士，所以只係食左一份。
當男朋友拎緊食物，侍應送上左龍蝦訂位嘅時候唔知道，原來每位客人都會奉送半隻燒龍蝦。燒龍蝦
以附送而言，質素算唔錯。size幾大隻，肉質都彈牙，而且膏多。
接住行落去就係熟食，我最鐘意食buffet時飲湯（因為我地係無飯家庭，平時冇啖湯水）老黃瓜豬骨湯
不俗不俗冇味精感，飲落唔鹹，又唔會溝水溝到淡茂茂，唔油淋淋。
我同男朋友飲左3碗，哈哈，冇住家湯飲嘅孩子係咁架喇，出街食飯我連例湯都唔放過。
相對而言，佢地嘅熟食選擇就唔係好多。不過我冇所謂，我食自助餐主力食冷盤、甜品。
粗略寫幾款，有鰻魚炒飯、燒羊肉、餃子、紅酒燴牛面肉、牛仔腸
香煎龍脷柳
因為係日韓主題，我都食左碗關東煮。另外仲有韓式炒年糕、日式咖喱雞千層麵~
仲有一個小小位置，有廚師即場煮拉麵。
韓式蒸海鮮鍋旁邊有個韓式蒸籠，每層都有唔同嘅海鮮，見到有麵包蟹、蝦、蟶子等等。
接著就係我主力食嘅甜品，甜品款式多，而且真係好好食！有四款蛋糕、泡芙、葡撻，呢幾款味道唔錯。
仲有水果、楊枝甘露。
焦糖燉蛋好食！糖皮脆口，雞蛋滑溜。芒果布丁唔會太甜。
抹茶慕絲一般，抹茶味唔夠，中間有舊蛋糕餡。
杏仁布丁(?)好香杏仁味，食落唔會好膠，連男朋友都鐘意。
桂花糕就遜色少少，甜度唔高，桂花味唔突出。
最正都係雪糕，三百蚊唔洗嘅buffet都提供movenpick雪糕，而且有四種味道，有埋雪糕筒。包括：焦糖燉蛋、椰子瑞士朱古力、士多啤梨、雲呢拿
雪糕質地正常，別會雪到完全「筆」唔到，又唔會溶到核核突突！
自助吧最遠處就係壽司、刺身位。平時我完全唔會食自助餐嘅壽司，估唔到我琴日都食左咁多件
首先，壽司嘅賣相真係食過比較靚，好多buffet嘅壽司都好核突。
款式好多，有三文魚、甜蝦、魷魚、燒牛肉、芥辣八爪魚、火炙三文魚、玉子、卷物。
全部食落都新鮮，特別係火炙三文魚。唯獨係舊壽司飯較大，屬頂肚之選。但我唔係食左好多熟食，所以我食得落飯
迷你海膽三文魚子丼
靚靚仔仔，三文魚子鮮味講唔上，海膽細細一督，係北海道、加拿大海膽，整體唔錯。
不過碗飯都多架，記得唔好浪費。
刺身就以三文魚比較新鮮，另外仲有吞拿魚、希靈魚。
好好笑，食食下野，經理拎部機仔過黎話有抽獎。我地係抽中左半自助午餐券喎！
八掛問左聲，好似話裡面仲有house wine、晚市自助餐券~
整體黎講，真係比我想像中好（可能我睇左啲食評自行腦補）食物添補得快，出到去都keep住有野食。
冷盤、壽司、甜品最值得食，但如果你平時鐘意食熟食，可能覺得唔夠。
我就覺得，加埋一都係二百六十零蚊，都算性價比高！
另外，我地都滿意佢地嘅服務呢，侍應唔多，但都留意到客人需要，快手收拾執碟、又主動幫客人影相，印象幾深刻！
张贴
