千葉鳥

营业中

休息中

大大粒雜錦魚生野菜沙律🥗魚生的而且確係大大粒，幾乎係同啲沙律菜一樣咁多，魚生有三文魚、吞拿魚、希靈魚等，種類也頗多，用咗沙律醋調味，食落非常開胃～串燒免治雞肉🐔入面有啲爽脆嘅粒粒應該係雞軟骨，咬落多幾份口感👌吉列牛肉薯餅🥢鹽燒三文魚頭、鹽燒三文魚鮫🐟我哋都好喜歡食燒魚，所以叫咗兩樣鹽燒三文魚，三文魚頭燒得啱啱好，少少焦香唔會過燶，食到富骨膠原嘅魚皮同埋軟骨，三文魚鮫就會多啲魚肉，依個部位比較多油脂，魚肉亦都好滑，我哋揀咗一個係定食跟白飯、麵豉湯🍚豬軟骨手打烏冬🍜烏冬口感彈牙，就算浸咗一陣湯都唔會變到好腍，豬軟骨煮得入味依度樣樣食物嘅價錢都算親民，叫完主食再加幾款小食嘅人均消費都唔會好貴，樣樣試到少少都幾開心～

餐廳環境好好今日坐卡位好舒服，一坐低就有熱茶送上☺️☺️自助QR CODE落單好方便吉列日本廣島生蠔（5只）$55炸得好香脆好好味😋點他他醬一流，味道好夾❤️三文魚軟殼蟹反卷$48三文魚同軟殼蟹都大大嚿，好夾，超滿足❤️吉列廣島蠔卷(6件）$68吉列廣島蠔炸到脆卜卜好味🤤❤️雙重芝士海鮮大蝦反卷$48四件芝士好正🤤🤤🤤❤️吉列炸蝦手卷$13大大條吉列炸蝦抵食😋❤️黃金蟹膏手卷$33大大啖蟹膏好滿足❤️火灸三文魚腩壽司$29好香！❤️秘製豬軟骨手打烏冬$68最後要叫啲飽肚嘅暖胃嘢豬軟骨半肥瘦好有咬口

周末沒有安排什麼節目，下午便在附近的屋村商場隨便找間日式餐廳。差不多3點已經到了下午茶時段，價錢更加相宜，隨主食外，還配有小食及飲品，而外賣更可以超優惠價選配更多小食🥢 櫻 角切什錦魚生飯（$56 / 下午茶）三文魚、希靈魚、魷魚、甜蛋、青瓜全都切成粒，還有蟹籽，最特別的是有冬菇🥚小食選配了焦糖玉子燒，還有熱柚子蜜，這個價錢相對抵食 🥢 楠 胡麻櫻蝦冷讚岐烏冬配煙鴨胸（$46）烏冬彈牙，青瓜絲、蟹柳、蛋絲，配胡麻醬清爽消暑，而煙鴨胸則是厚切帶黑椒味，小食選了辣吞拿魚&北寄貝沙律手卷(2件）😳手卷是普通的味道但分量正常（這個價格超抵）也是選了熱柚子蜜 🥢 吉列廣島生蠔定食 配白飯及麵豉湯（$62）這個不是下午茶餐，而是單點定食，吉列蠔值得一讚👍🏻外脆而內鮮嫩，可沾上酸瓜沙律醬 🥢 燒極上味淋雞泡魚干（$46）單點燒物🐡雞泡魚干甜甜的不錯 🥢 三文魚軟殼蟹反卷（$48 / 4件）這家的炸物真的不錯，軟殼蟹包在飯卷內都還是脆脆的🚩 想睇多啲好玩好食推介，即刻follow我既ig page 🔗 soyum_sogood

天水圍日本居酒屋同朋友和家人都食了幾次餐廳的卡位十分舒適，可以近距離欣賞到牆上的日系海報。✨️千葉鳥丼以餐廳名命名的食物都一定是招牌菜。愛食魚生人士一定要叫。哈哈，我要幫佢改叫做《大滿足丼》。內面有雜錦魚生、三文魚籽、海膽和拖羅蓉。雖然雜錦魚生都好大件，絕對唔係一粒粒🤞👀，係一舊舊三文魚、呑拿魚、墨魚、油甘魚、八爪魚、希靈魚等。旁邊的是芥辣八爪魚碎。材料如此豐富，吃完能不滿足嗎？可惜今次沒有鵪鶉蛋😭，問了職員。佢地話鵪鶉蛋唔當造。✨️吞拿魚七色丼每件魚生厚切，有吞拿魚，海膽，油甘魚， 大甜蝦，三文魚，鮮帶子。碎蔥拖羅新鮮美味。魚生飯不是普通白飯。餐廳有將白飯調過味和魚生好配。串燒甜蕃薯 (兩串)甜薯微熱，軟硬剛好，但我私心喜歡脆皮。🙈✨️串燒走地雞胸三角軟骨(兩串)❤️推介一串有四舊雞三角軟骨，軟骨和軟骨之間有雞肉。我好喜歡食軟骨。大大塊的三角軟骨不但香脆，而且不膩，值得大家一試。✨️日本A4神户火炙和牛壽司是期間限定。和牛火炙後滲出來的油香十分濃味，正。

天水圍地區排名第一，又講到CP值好高，但我覺得名過於實，餐牌食物價錢偏貴，食物質素OK，不過不失，唔係文字描述得咁好食，但唔係CP值極高囉！可以有下次，但一定唔會極級推薦！

初八去到天水圍拜年，響天澤商場揀左間日本野，估唔到又幾OK喎。 午飯時間點了個牛油果軟殼蟹沙律，上枱時軟殼蟹還是微溫的，牛油果熟得剛剛好，切割相當完整，沙律盤的份量夠晒兩人食了。食日本野又點可以唔點壽司呢，同伴不食生野，為了能令大家都可以享受美食，就點了一份兩件的蒲燒鰻魚壽司及火炙特選蟹柳壽司，on top加了沙律醬，還是覺得這個配搭最好味。另又叫了碟4件雙重芝士海鮮大蝦反卷，微溫芝士，外脆內軟的大蝦，味道香濃，值得再encore。除此之外，同伴又點了個讚岐手打烏冬配九洲叉燒套餐，跟小食一款—日式炸雞同餐款，這才$51，幾抵食！食咗咁多野，埋單才每人百兩蚊，而且質素又唔差，幾有驚喜。

👦🏻👧🏻嚟到天水圍探完親友，順便係天澤商場食埋晚飯。見到呢間餐廳門面同裏面都掛咗好多日式燈籠，牆上有日本掛畫，仲用咗清酒空樽做擺設，超有去咗日本既感覺！座位闊落，坐得好舒服～牛肉火鍋 壽喜燒湯底 $105性價比高既牛肉火鍋！🍲 壽喜燒湯底甜甜地，入面配料有羽衣甘藍、粉絲、秋葵、娃娃菜、豆腐、菇同洋蔥，全部都係吸湯既蔬菜好好食！火鍋配有一份牛肉，有三大塊，2個人分都好夠食，肉味濃郁，脂肪比例平均，同壽喜燒湯底好夾！🥰串燒鹿兒島和牛粒 $68牛肉味濃郁，肉質滑嫩多汁，油脂豐富🤤 跟住個芥末醬沾嚟食，但我地鍾意食原汁原味多啲❤️加拿大海膽配紫菜及酢飯 $198海膽新鮮鮮甜，紫菜脆身，紫菜包住一啖酢飯一啖海膽一齊食，超滿足！吉列生蠔 五隻 $55大大隻炸蠔，炸粉薄身脆口，食落鮮甜多汁，唔會覺膩。怕膩可以沾他他醬食～📍 千葉鳥 (天水圍)天水圍天瑞路71-77號天澤商場1樓113E號舖

餐廳位處天水圍天澤商場 睇openrice 已經見到頗高評價未到餐廳已經見到門口有長長人龍餐廳裝修充滿和風style 既掛畫同牌匾店中間仲放滿哂日本酒 好有日本風味🇯🇵睇埋個menu 真係好豐富好多野食有串燒，刺身，小食，壽司，燒物，鍋物，拉麵 etc. 睇到眼花撩亂 仲要全部好吸引同好抵食😍最推介真係要講d 串燒🍢平時出去港島食 無三四十蚊都食唔到一串呢度廿幾蚊就食到兩串 仲要好惹味！▶️串燒雞皮 （2串）💸$28熱辣辣 碳燒味燒得好脆口好香 一啲都唔油膩▶️串燒雞心 (2串）💸$29爽脆好好味 兩串都唔夠喉▶️鹽燒厚切牛舌心 2串💸$58特別推介 !牛舌好厚身食落好爽 加埋黑椒同椒鹽好香▶️串燒七味雞髀肉串(2串）💸$29啖啖肉▶️串燒麻辣魷魚(2串）💸$42又咸又辣食到鼻水都流埋 但魷魚有鮮味都好有咬口▶️原味燒日本廣島生蠔 兩隻💸＄47生蠔夠大隻 燒過既生蠔食落都仲保留海水鮮味 🦪▶️極上壽司盛合💸$158(季節壽司9件，卷物3件，厚燒玉子1件)好抵食既壽司盛合🍣有齊海膽 吞拿魚蓉炸蝦卷 三文魚子軍艦  三文魚卷等等12件壽司同朋友諗唔到食咩壽司 叫呢個set就岩岩好壽司刺身全部好新鮮▶️外賣

Badboy好耐無入天水圍咁入地方食嘢，今次約埋住附近嘅朋友嚟食，好耐之前幫襯過，係呢個屋邨商場我最想去嘅餐廳🤭幾鍾意佢嘅日式裝橫，七彩繽紛。座位嘅間隔都好有特式，環境好有歡樂氣氛，食都食得開心啲。🥚黑松露油甘魚玉子飯$92Badboy鍾意食甜嘅玉子。玉子好大舊好工整，口感滑身。油甘魚無腥味，魚味幾出無俾黑松露蓋過，幾好食。🍣9件壽司盛合配手打烏冬$94朋友話湯底好味，烏冬好滑好彈牙。9款唔同類別嘅壽司，啱晒貪心乜都想食嘅朋友，唔洗15、16左揀右揀。🐂串燒鹿兒島和牛粒$68幾唔錯，燒得惹味多汁，肉質軟彈，油脂豐富。👅鹽燒厚切牛舌心$58大塊啲嘅有兩塊，細塊啲嘅有三塊，大塊啲嘅比較軟，細塊嘅比較爽口。🥒串燒秋葵$19燒得幾好，保存到秋葵嘅水份，燒得腍腍哋好味😋分量比想像中多🤭🍍串燒菠蘿$22酸酸甜甜多汁無加糖水，朋友話食落似鳳梨。

住天水圍既朋友介紹呢間千葉鳥日本野，我就拉埋我朋友去，我地兩個人叫左千葉鳥特選大大粒魚生飯，鹽燒厚切牛舌心（2串)，吉列日本廣島生蠔（5隻），三文魚花之戀壽司，極上壽司盛合。 千葉鳥特選大大粒魚生飯有墨魚，泰式生蝦，三文魚籽，馬糞海膽，芥辣八爪魚，蔥碎拖羅，三文魚，希靈魚等，但當日店員話無海膽改成三文魚籽，姐係有兩份三文魚籽，我發現魚生每款都切得好大粒，好抵食，個飯都同平時餐廳唔同，是有經過調味，唔係壽司白飯黎。 鹽燒厚切牛舌心（2串)好好食，比得好大塊，燒得啱啱好，入口即化推薦。 吉列日本廣島生蠔（5隻）每隻蠔都好肥，好大隻，炸粉唔太厚，夠薄，咬落好脆，好香口，仲有蠔汁，配左個特別既沙拉醬，份量都真係多。 三文魚花之戀我最中意花之戀壽司，蟹子比得好足，三文魚都好靚。極上壽司盛合有油甘魚，泰式生蝦，熟蝦，三文魚籽，三文魚，吞拿魚，蟹膏壽司，帶子壽司，花之戀，拖羅卷同玉子，壽司飯都係經過特別處理，不是白飯。玉子夠甜。 

唔食唔知，原來天水圍呢個商場有日式居酒屋😳裝修設計充滿日式風情，有好多寫滿日文既爐籠、酒樽、招紙同布簾，室內仲有好多卡壁畫，配以木系暖色系燈光，用餐氣氛熱鬧溫馨，而且私隱度頗高，坐得幾舒服。⭐️千葉鳥御前定食 $118刺身幾算新鮮，特別三文魚夠肥美、帶子、甜蝦，味道鮮甜爽口😋八爪魚手卷咸咸地幾彈牙。手打烏冬滑溜有彈性，牛肉食落估唔到有驚喜😳，牛肉岩岩熟，口感柔嫩，食落唔錯，湯底清甜，仲有少少粟米同昆布增加口感😊🐷吉列豬扒定食（配白飯及面豉湯）$57豬排大大塊，份量十足，有燒汁同沙律醬一次過滿足兩隻味道😉🍣火灸三文魚腩壽司(鹽燒) $32三文魚腩大大塊肥美新鮮，經火灸後油脂滿溢，甘香鮮甜😋🦀 松葉蟹肉壽司 $42好多蟹肉😍爽彈鮮味🍍串燒菠蘿 $22菠蘿一咬就爆汁🤤好Juicy ，鮮甜無渣😋🍤蝦春卷及吉列蝦 $59蝦春卷脆卜卜，入面包住蔬菜，口感清爽唔膩。吉列蝦好大隻，仲長過我手指，外層酥脆，蝦肉爽口岩岩熟，點埋酸甜沙律醬食唔錯😋🐔串燒七味雞牌肉串 $29加左七味粉燒既雞肉，食落啖啖肉更香口😋價錢大眾化，食物質素又唔錯，CP值算高，環境幾適合一班朋友/家人聚會😊

今日同老公叫左1)令和怪物生蠔(一隻）$88生蠔果然大大隻，含有海水味，肉質爽脆清甜。2)牛肉火鍋(壽喜燒湯底)$105天氣凍凍地，叫個火鍋暖暖先除咗牛肉，入面還有:豆腐、菇類、粉絲、娃娃菜、羽衣甘藍、秋葵。鍋中材料份量適中，兩個食就啱啱好。3)千葉鳥特選大大粒魚生$138（雜錦魚生、三文魚籽、馬糞海膽，碎葱拖羅）真係大大粒魚生，魚生肉質新鮮彈牙，有我至愛嘅三文魚籽同海膽。滿足我口福嘅願望。4)牛油果炸軟殼蟹沙律$86炸軟殼蟹好好食，炸得好脆口，牛油果同沙律菜的配搭係我愛食。5) 北海道津別牛乳蟹肉忌廉薯餅(2件）炸物咁錯，呢個牛乳蟹肉忌廉薯餅，外脆內軟。

見到好多朋友最近都去旅遊，真係好羨慕佢地，我就好想一有假期就去日本，為左治癒未能旅遊的心願，今次就來到天水圍的千葉鳥食日本菜。大大粒雜錦魚生飯 $86——魚生種類份量都多，可以一次過試曬好多款魚生。串燒免治雞肉 $29/ 2 串———爽口彈牙又燒得夠香。原味燒日本廣島生蠔🦪 $47/2 隻———呢個價錢已經好抵，生蠔夠大隻同新鮮。牛肉壽喜燒 $105———平時都鍾意食，呢間份量足也夠味，不錯不錯。九州叉燒拉麵 $71——彈牙的拉麵，喜歡他的湯底好入味。綠茶厥餅 $26———8 件咁多，彈牙又QQ, 抹茶粉又香，不錯的飯後甜品。

千葉鳥係天水圍區內比較高質嘅日本嘢，今日又過嚟開餐喇🥳🥳🥳🍲牛肉火鍋(壽喜燒湯底) 天氣凍特別想食日式火鍋，食完個身都暖笠笠！壽喜燒嘅靈魂角色包括牛肉、洋蔥、蔬菜、豆腐都有齊晒，而壽喜燒湯底甜甜哋，食得到醬油、味醂嘅味道，幾款蔬菜索晒湯汁好入味👍🏻👍🏻火鍋套餐會跟一碟肥牛！串燒鮮雞腎、串燒甜蕃薯然後就叫咗幾款唔同嘅串燒，首先有我最愛嘅燒雞腎、日式甜蕃薯。雞腎爽口，甜蕃薯味道香甜，入口即溶😬😬😬串燒拖羅雞肉、串燒菠蘿跟住就到燒雞肉、菠蘿！燒得好乾身，外脆內軟🤪章魚小丸子好懷念嘅一款小食，以前中學時代放學成日同埋同學仔去食😬😬🐟鹽燒鯖魚燒得好靚嘅鯖魚！🥧紫心薯餅外脆內軟嘅薯餅，係我最鍾意嘅日式餐廳炸物之一😊😊😊

呢度環境好闊落， 環境有氣氛，同朋友來或者拍拖食飯都很合適。 蛋蛋的份量好足夠， 除左有蛋味 仲係甜甜地， 口感都好好 不粗糙。 👍開頭以為兩個人食會唔夠， 原來入邊有粉， 其實不用加烏冬都會足夠～ 薄切嘅牛好容易入口， 有牛味 其他配料都好美味同埋好豐富 燒物有溫度 談度也剛剛好， 食得出食材好新鮮☺️☺️☺️ 秋葵仲配埋泡菜添😬👍 有驚喜， 一點都不腥 算是很新鮮， 食完想再食蛋件添😅前菜甜甜沙律粟米 😋🌽 個人最喜歡食佢既紫菜🫶🏻 總括來說都好滿意～