千葉鳥

营业中

休息中

呢家餐廳慢慢變左我地一家人既飯堂，天水圍黎講呢間日本餐廳算高質素，價錢唔算貴，野食好味，性價比好高。今日又係6點過黎，阿仔如常叫佢個兒童餐，又有壽司、飯同烏冬，點會唔飽呀！老婆叫左個炸蠔定食，得4粒，有小小失望，我就食拉麵，佢個流心蛋一向都keep到水準，而且係有一隻，好多鋪頭都係得半隻架ja，仲有其他配料都好多，最重要食完唔會太口渴，即係唔重味精，之前食過黑蒜油都唔口渴，真係好難得。我地仲有一樣必食既就係枝豆，$30唔使大大碟，出面起碼要$50~$60都冇咁既份量啦。食到7點左右走，餐廳外面已經勁多人等位，証明餐廳係有質素既。

已經同朋友第n咁多次嚟呢間餐廳呢間餐廳喺天水圍同元朗黎講我都覺得非常之高質素 而且價錢非常之實惠 完全係cp值超高今日我哋食咗以下食物:吞拿魚七色丼($102)裏面有碎蔥拖羅 吞拿魚 油甘魚 大甜蝦 三文魚 鮮帶子本身仲有海膽不過佢冇曬貨所以轉咗三文魚仔畀我跟餐仲可以配有小食或飲品 我就揀咗兩個手卷-芥辣八爪魚同埋蟹籽 大大件絕非一口吉列豬扒拉麵($65)以為佢啲拉麵係普通拉麵畀兩塊紫菜你再跟幾舊吉烈豬扒係湯入面就算 唔同少少係可以揀豚骨魚介湯底或者麻辣湯底 點知嚟到大大塊吉列豬扒分開上 仲要個拉麵一啲都唔馬虎 材料同份量十足 有溏心蛋 筍 芽菜 而且個拉麵煮得啱啱好 唔會太淋口感一流 湯底辣辣地夠惹味朋友小食方面就揀咗三件壽司有希靈魚 三文魚 醋靖魚小丸子($32)好食過出面唔少街鋪 出面都賣$2x仲可能係凍 佢有晒木魚絲 熱辣辣 有得坐都係$32 我一向都好鍾意食小丸子 之前幾次無見到 今次食過愛上左元朗好多間壽司店 質素以呢個價錢都唔能夠同佢比較 仲要呢間店鋪係街坊商場入面都次次坐滿人 就知係好野 一定要大力推介

今日同男朋友經過天水圍，喺天澤商場見到呢間日本餐廳門面裝飾得幾靚就入去試吓。入邊都裝飾得好日本風好有feel我哋嗌左自選二人極上套餐($405)炸雞件野菜沙律🥗，好大碟都有成六七舊雞，好fresh，仲有啲麻醬，男朋友好鍾意食刺身六品盛，最鍾意係三文魚同埋海赤蝦，啲三文魚係厚切架同埋隻蝦都好大條，所有刺身都好新鮮，又夠凍原味燒日本廣島蠔，全部都好滑！一啲渣都冇！好鮮甜喜出望外啊真係！燒沙白大蜆，啲蜆全部都好足料冇空殼，海鮮嘅味依然保留着自選壽司🍣叫咗三文魚北寄貝會同埋蟹籽，最滿意就係佢啲飯夠細，啲刺身又大嚿～蟹籽疊到好高，推介蟹籽壽司牛肉壽喜燒火鍋🍲，估唔到佢咁大煲，好足料，好多牛肉佈滿成個面，個煲仲有娃娃菜冬菇粉絲烏冬，湯底好濃好好味，啲牛肉都好入味，100分！叫咗可樂同荔枝梳打特飲，甜品就係綠茶蕨餅🥧，上面鋪左啲朱古力醬令到陣味冇咁單調～埋單加一446，兩個人食到好飽真心推介！唯一建議係個火鍋可以遲少少先上，可能店員想我哋一路食壽司一路等啲牛肉煮熟所以有咁嘅安排，不過我就想食晒啲生冷野先開始慢慢食熟嘢～

獨自食午餐，又來到天水圍呢一個商場想食日本野，所以揀咗千葉鳥🇯🇵😁呢度嘅午餐極多選擇，刺身、拉麵、烏冬、定食都大把你揀，揀左十分鐘🤣🤣🤣想食熱野又想食牛肉，所以最後揀咗和風牛肉飯。估唔到佢嘅牛肉質素咁好，醬汁調製得甜甜地，仲有配菜冬菇，整碟都做得好好，岩哂送飯！見到有串燒又叫左兩串😚😚😚燒雞皮 略嫌唔夠脆，都唔錯架獨自食雞皮真係好爽皮👻仲有翠玉瓜 勁juicy!!🤨🤨一個人lunch都很滿足～

今日山長水遠番黎天水圍搵以前個中學同學去聚舊。因為隔太耐冇番去，好多地方都變左好多，但估唔到天澤商場裝潢得靚左好多，餐廳既選擇又多左，所以明顯見到比起以前人流係多左。然後我地行完街之後好攰又熱，想食d生冷野而且可以坐得舒服d既餐廳食野。咁岩行過見到唯一一間好想食既餐廳係可以食魚生飯既，所以就諗都唔諗就衝左入去。入到去個餐廳格局好有風格，完完全全有居酒屋既感覺，令人好似處身係日本咁。當時我地入去既時候已經係食lunch set既時間，叫一碗魚生飯可以送一款小食加凍飲都係7蚊左右。食物一到各種刺身鋪滿晒係飯上面，多到要夾晒出黎先食到入面既飯，而且每件刺身都係厚切，啖啖都食到。最後想講員工既素質好好。

星期六晚上去天水圍探朋友，又係時候試下有咩野食啦，睇下有d咩唔係連鎖大型既餐廳先。睇下睇下，不如食日本野啦，千葉鳥，上網見到menu ，好似好多款式喎！好就試佢啦。去到天澤商場，好易就揾到。不過....咁多人等位既，預計唔到呀(心諗，今次掂喇，應該好好味) 雖然都要等陣，不過二人位好快，所以都無餓好耐😂呢度個裝修幾有心思，唔似普通商場仔既餐廳喎，更加期待野食添。真係幾靚，唔係講笑我地今次無食刺身同壽司呀因為朋友唔食，有不過偷睇隔離幾枱都叫左好多，仲有生蠔，下次一定要去再試先得呀。串燒菠蘿燒得啱啱好，唔會太過火，苦左，少少酸又有燒過個陣香口。鹽燒厚切牛舌全晚最欣賞就係呢個喇，好怕會好難咬到，要用盡力先咬個d。呢個就唔同喇，一咬係d肉汁慢慢岀黎，好好香。芝士辣肉醬焗原條茄子真係原條燒架，辣辣地好惹味。吉列豬扒咖喱飯豬扒d肉係粉紅色架，唔會炸過龍。生牛肉手打烏冬其他食物太岀色，顯得呢個無太特別烏冬真係手打架，無斷架白桃梳打特飲食完燒野炸野，飲梳打係最正既

天水圍北都冇咩特別出色既食店，但係呢間千葉鳥雖然價錢貴少少，但性價比絕對唔低！呢到附近甚少日式餐廳，好彩呢間好食，街坊多個選擇！千葉鳥丼👍🏻👍🏻👍🏻👍🏻👍🏻💥💥💥呢個真係超抵食！$138有海膽、三文魚腩、三文魚籽、呑拿魚、帶子、好甜既甜蝦、北寄貝沙律、芥辣八爪魚、希靈魚、蟹籽，估唔到仲有冬菇、飯素同青瓜，令到個丼既味道再提升一點。全部刺身都係我既至愛，全部都好新鮮，份量又唔少，一定飽肚！呢個丼一次過滿足哂你十個願望，如果魚生愛好者獨食既話，佢一定係不二之選！炙燒左口魚背壽司👍🏻👍🏻👍🏻👍🏻👍🏻💥💥未食過既人一定要試下，左口魚背，有稱左口魚邊，燒完入口即溶，魚油帶出既魚香充滿成個口，正！醬油漬燒三文魚壽司👍🏻👍🏻👍🏻味道偏鹹，不過燒得剛好，入口即溶。鰻魚壽司👍🏻👍🏻👍🏻燒得香，肉地唔算薄，普通厚度，味道不錯。燒牛脷心👍🏻👍🏻👍🏻好香牛味，厚切，唔會燒過龍好un，不過唔係好淋個隻。燒秋葵👍🏻👍🏻👍🏻中意佢加鰹魚片，感覺冇咁滑潺潺，口感同味道都好好多。

餐牌選擇都算多另外仲有一份詳細有圖嘅餐牌同飲品menu醬油漬牛舌手打烏冬($62)值得一讚係個牛舌好入味，而且一啲都唔鞋又唔難咬，正😋而個烏冬係讚歧烏冬，唔會粉，夠彈牙😋如果食食下牛舌覺得太咸，仲可以配埋大大塊嘅海帶食中和番芝麻雞翼($38)炸得一啲都唔乾！雞翼外皮香脆，一咬雞肉仲竟然會有汁溢出！加分位係上檯時仲熱騰騰！😆牛油果軟殼蟹反卷($46)有4件和8件選擇，我選了4件試試。牛油果新鮮，唔會有變黑/擺得耐嘅情況。如果軟殼蟹更脆會更好味😋壽司加左牛油果感覺更fresh😋前：油甘魚壽司 (28)　後：車海老壽司($22)油甘魚甘香，而且唔係薄切，更有口感。車海老有蝦嘅鮮味！😋餐廳內部裝潢都設計得好有和風風格，有刻真係唔覺得係係屋村嘅日本餐廳入面，而係好似去左當地😆每個卡位都會有呢盞充滿和風的燈👍🏽------------------------------總結味道：✨✨✨✨推薦：✨✨✨✨回頭：✨✨✨性價比：✨✨✨✨（滿分為5✨）

平時好少黎到天水圍咁遠食嘢，今日咁岩喺附近有嘢做就去咗附近一間商場搵吓嘢食。天澤商場本身大部份食肆都係大集團連鎖店，我喺轉角位搵到一間日式料理鋪頭。門面裝修都幾唔錯，中午時段都幾多人排隊食，就諗住入去試吓啦！大概等左15分鐘到同事就安排左我哋坐卡位，張枱都幾舒服！黎手望一望佢個餐牌，以日本野來講午市套餐都唔係話太貴，佢係可以俾你揀一個主食，然後配一個小食或者一杯野飲，如果你揀咗小食加多$7都可以有嘢飲！咁我哋就嗌左一個極上壽司盛盒，入面包九件壽司同埋三件卷物，賣相方面都幾唔錯，都幾新鮮。刺身色澤都幾靚。佢卷物係用咗一啲吞拿魚茸放左係卷物上，然後嗰卷物包住一啲脆脆。食落去口感幾鬆脆。跟住其他壽司嘅食材都幾新鮮。尤其是係帶子，大大粒好肥美。亦都唔係用一啲平嘅食材，海膽壽司質素都屬於中上。除此之外，佢嘅壽司飯亦都處理得好好，睇得出師傅手握嘅手勢好，壽司飯會太大舊亦都唔會太細。小食方面我哋要咗一個蟹子沙律，份量都幾大！整體來講，絕對係大件夾抵食！另外我哋都叫咗個吉列豬扒手打烏冬。豬扒炸得非常靚，入口鬆脆，睇顏色都知道唔係用萬年油炸，唔會話好重油味。豬扒油脂分布都好靚，入口一定唔會話咬唔開，以小

身為大西北人，之前完全唔知有呢間野🙈🐟碎蔥拖羅(兩件) $42🐟🍳自家製厚燒玉子(兩件) $20🍳🐔串燒免治雞肉(兩串)$26🐔🍛黑豚吉列豬扒咖哩飯$65🍛🐔串燒拖羅雞肉(兩串)$26🐔🍜冷稻庭烏冬配温泉蛋$55🍜🍣蒲燒鰻魚(兩件)$28🍣.其實還有好多沒有列出來🙈吃太多了🌝食物質素ok，算區內比較好的選擇，拖羅不腥有鮮味❤️串燒類必點，免治雞肉跟甜蕃薯都幾好食幾香~京蔥芯就略嫌油膩了點，不過入口都幾爽甜🤤咖哩飯就正正常常，熱辣辣好難唔好食🤣豬扒唔會薄切切，有肉味👍🏻.食物質素: 🌕🌕🌕🌖🌑食物顏值: 🌕🌕🌕🌕🌑性價比: 🌕🌕🌕🌕🌑回頭率: 🌕🌕🌕🌕🌑

住天水圍有時行落街都無咩選擇，呢間千葉島都比到小驚喜的，天水圍黎講有間正正常常、環境同食物質素都唔錯嘅日或餐廳，而且仲要喺樓下😌，好快變飯堂！食左佢嘅魚生飯，都幾新鮮，價錢尚算合理！下次可以試埋佢d煱物、串燒咁

又到午飯時間，今天工作非常辛苦，午餐想吃得豪華一些，成個商場最豪華的就是這間餐廳。有時學生放學時間這裏人山人海要等位，所以今天我們早點去食。於是我便光顧了這一間餐廳，吃了一客海膽刺身丼，海膽新鮮鮮甜。午餐還包括一個小吃，也挺美味。朋友叫了一個慢煮雞扒餐，真的幾慢，差不多要半小時才有，而我都已經吃飽飽了。幸好有個小食可以醫下個肚先，炸紫薯餅，新鮮熱騰騰，很好美。

見到OpenRice app 天水圍竟然有200笑哈哈店，就打算試一試，果然正評！首先點左d sushi ，雖然飯量唔多，但每一件都好好食！叫左一堆sushi😻😻😻再叫左個牛肉鍋 黎到真係比個牛肉山嚇親😱😱2人食個鍋其實都8成飽，但仲好想試下炸野 就叫左炸雞同炸蠔 一樣係無伏👍🏻因為6點左右就到 所以唔多人 食到一半d位都開始full 真係無諗過屋邨商場都有唔錯既日本野👍🏻價錢都算合理 因為食材都新鮮 推薦！

係商場行左幾個圈，終於搵到有野食果條街，見到lee間餐廳lunch set 好多選擇，就決定試一試佢了！入面裝潢風格都係日本古風，幾特別~佢lunch set 一個主食會配一杯飲品 / 小食，因為普通都有茶飲，我地就決定叫小食了！叫左兩個lunch set，兩個小食，小食竟然有手卷x2 選，不過咁樣就太飽了，所以選左紫薯餅&包皮薯條。醬油三文魚拉麵醬油三文魚總共有5塊，又香又滑重唔會好肥，另外重有成隻的糖心蛋，份量超級足料！紫薯餅&包皮薯條紫薯餅好特別，唔似就咁出面凍肉店買返黎炸果d，一咬開滿滿的紫薯又唔會太甜包皮薯條亦有驚喜，岩岩即炸亦唔使加茄汁已經好夠味！另外再追加左個醬油三文魚壽司，但其實同拉麵的醬油三文魚一樣，哈哈

日本餐廳黎講千葉鳥的熟食選擇比一般的多，適合唔喜歡吃生野既朋友！今次試了燒鯖魚，唔腥，味道甘甜，肉是結實的，同埋魚肉有汁，很好！朋友食燒牛肉定食，牛肉就煮得有點燶，稍微有點乾，但味道是不錯的。加上有好多蔬菜一齊煮，無甘油膩。另外午市套餐都會配一款小吃，我地叫了紫薯餅同炸薯條，都好吃，剛炸好夠脆！實在太吸引食完先發現唔記得影相...... 提一提套餐不包飲品，要另外加錢，但入座之後職員會提供一杯熱的綠茶，所以感覺可以不需要另叫飲品。套餐平均$50-70，都算抵食！