千葉鳥

营业中

休息中

到朋友家小聚, 晚上到附近屋村商場覓食, 在連鎖食肆林立的商場中竟然有一家日本餐廳, 門面看起來很不錯。被安排到門口的卡位, 自成一角很舒適。店內都已經滿座, 看來很受附近街坊歡迎呢。大家都不算太餓, 所以主要點了串燒, 刺身和壽司。串燒菠蘿 $17串燒甜蕃薯 $21串燒雞軟骨 $33串燒厚切牛脷心 $46串燒性價比很高, 雞軟骨很香脆, 牛脷爽爽的容易咬開, 菠蘿和甜蕃薯燒得微焦, 吃起來很香口。另外桌上有七味粉和檸檬汁可以調味。$68兩件來說不算便宜, 但份量足, 兩大條海膽在壽司飯上, 海膽很鮮甜味道清新。$95可從表單上自選三款刺身。朋友愛吃三文魚和赤蝦, 我則選了黃金蟹膏鮮帶子。各款刺身都很新鮮。三文魚很厚切, 赤蝦也很大隻, 吃起來口感很好。黃金蟹膏很香不會腥, 跟帶子是很好的配搭。天婦羅碎三文魚反卷中間是天婦羅碎, 乾身脆脆的, 配上三文卷很開胃, 和朋友每人吃四件都不覺得膩。想不到屋村商場都會有高質素的日式餐廳, 真的是很驚喜的一餐呢。

今日同大家姐一齊去食日本嘢呢間店装修好富日本色彩，我覺得好似係日本咁menu 有好多選擇，價錢大眾化大家姐叫左特大海赤蝦海鮮飯+抹茶蕨餅:$85海蝦刺身丼~有兩隻大大赤蝦🍤、三文魚角、海螺 、鮮魷魚 角、青瓜絲 、蟹籽 、八爪魚鬚、希靈魚、酸薑，D材料好豐富賣相好靚，材料新鲜同鲜甜，舖滿哂成個碗，食極都仲有，好滿足抹茶蕨餅，煙煙韌韌，抹茶味豐富我自己叫餃子拉麵+紫心薯餅：$58配料豐富，有芽菜、荀、木耳絲、雞旦，個湯有好濃嘅豬骨味，好好飲，餃子配醋嚟食，好match嗰紫薯餅好足料，啖啖紫薯仲叫左鰻魚壽司，D鰻魚好肥美，好味這個北海道帶子牛油燒，帶子都幾大粒，好鮮甜，very good埋單$210，不用加一，熱茶有得添飲

日本料理元朗大部分已經食過，今次就出走去遠少少🏃‍♀到天水圍~踩場😆店裏環境富有色彩， 周圍牆身畫上日本畫像，設有特色包箱卡位，令人好像置身在本居酒屋一樣😎食物也有很多種類， 多元化鮮魚二食系列$185.00🐟🐠🐡壽司四件、薄切刺身十二片、赤蝦頭麵豉湯2碗，刺身有5款選一款，目仁奈、蓮子鯛、赤羽太、貝割和池魚，咁就叫咗蓮子鯛刺身🐟，個名正常少少😅 咁就用咗幾分鐘時間🤣🐟味咁甜，食起來很順口， 如果壽司大小小會更加好 蝦頭湯味濃，如果有埋個蝦頭仲更好蔥燒京葱芯$21.00䓤嘅甜味出曬嚟燒雞泡魚乾$42.00幾香口銀雪魚西京燒$105.00滑、多魚油馬糞海膽手捲$45.00👩‍⚖ 下次嚟會揀刺身丼食

朋友介紹這間日式餐廳推介串燒、刺身和鱈魚所以今晚去咗天水圍食晚飯其實元朗入天水圍都好近喺天逸輕鐵站落車行5至10分鐘就到天澤商場👍🏻餐廳裝修都好別緻充滿日式及居酒屋的風格坐落都幾有氣氛今日坐類似嘅卡位所以都好舒服😊服務員都會主動介紹特別菜式所以今日都揀咗個鮮魚套餐☝🏻蓮子鯛兩食（有刺身、壽司和蟹頭湯）蓮子鯛肉味鮮甜，入口順滑，都幾有特色😍☝🏻鱈魚坂京燒鱈魚非常足份量，厚底😍非常滑和鮮味👍🏻✨☝🏻雞泡魚干都鮮甜，分量多如果魚干再軟身些就更好😍☝🏻原隻矮瓜和京蔥串燒兩款蔬菜都非常多水份味道鮮甜，冇咩油比較健康值得推介👍🏻餐廳比較特別係有二人套餐、四人套餐、六人套餐！價錢都大眾化！😊

今日又要黎天水圍做野竟然係個屋邨商場入面見到有間裝修睇落幾唔錯既日本餐廳即刻入去食啦內部裝修好有日式酒場感覺,估唔到係屋邨入面都可以見到lunch menu都幾抵食有個主食同小食,加幾蚊有野飲選擇都多揀左蒲燒鰻魚飯配面豉湯小食要包皮薯條,加多杯凍檸茶蒲燒鰻魚飯吉野家牛飯SIZE,飯量以午餐黎講叫正常不過蒲燒汁少左D鰻魚燒得幾香,個汁都唔錯但鰻魚略嫌唔夠肥美不過總體都算上品面豉湯算幾好,我好怕飲放耐左有酒精味既面豉湯呢到既面豉湯冇呢個問題包皮薯條新鮮炸起好香口,薯味香濃不過睇唔到包皮係邊凍檸茶不過不失始終只係日式餐廳本身都唔抱太大期望串燒安格斯骰子肥牛粒肥牛好淋,而且牛味香濃,仲燒得好香最鍾意佢有唔同口味比大家配搭我推介加蒜片,一流鮮帶子壽司可圈可點,口感唔錯,但帶子鮮味略為不足自家制厚燒玉子味道都唔錯,甜甜地有少少蛋味但玉子唔係跟壽司的話,個人都係鍾意熱食多D但佢係凍凍地既另外個人好推薦落呢個日本辣油除左辣之外仲有好香芝麻味因為太好食搞到連個lunch都唔經唔覺豪食左差唔多兩舊水今日ot條數都差唔多係返到不過整體既體驗係絕對值呢個價!

千葉鳥招牌就係刺身，串燒，手打烏東。餐廳既歌全部都係香港流行歌既日文版，今次去食午飯，叫左個櫻花蝦三文魚烏東，包皮薯條，燒帆立貝，燒牛脷心同懷舊燒魷魚。櫻花蝦三文魚烏東係手打烏東黎但可以加錢轉靚d既烏東 不過手打烏東都幾滑，櫻花蝦同三文魚量都好足，三文魚切得好好好，可以係湯上面浮浮下。包皮薯條個名真係令人唔知點開口落單，好彩午餐紙套餐有得揀，不過呢包皮個意思其實係連包咁解，值得一提就係佢油同鹽既份量好好，食完都唔太罪惡，不過下次去一定要試芝士薯條。燒帆立貝燒得好香口，一份有四粒，裙邊好得意，又彈牙又香脆。燒牛脷心整得好好，咬落好嫩，可以睇到d肉仲係粉紅色。焗芝士蠔，芝士味好濃，焗得勁香，d蠔亦都好肥美，我覺得係必食。餐廳有藍旗吞拿魚大中拖羅，完全係意料之外，不過我對刺身冇咩興趣就冇叫。

雖然係係天水圍啲屋邨商場入面，但係都好有格調同質素。千葉鳥飯- 見到menu 已經俾海膽三文魚籽同埋拖蘿蓉呢幾隻字吸引，黎到其實個碗好細，但係勁多勁多料！ 海膽細細件有三件，有少少腥味，但入到口嘅；三文魚籽細細粒，唔似平時食果啲咁有咸香味；拖蘿蓉第一啖有啲腥，但加埋䓤同芝麻食就冇喇！ 本身以為果三樣野係主打，但我想講下面嘅雜錦魚生先超級驚喜，拎開塊葉見到勁多款，真係要數曬出黎，有蝦、三文魚、希靈魚、油甘魚、魷魚、螺、芥辣八爪魚、北寄貝沙律、紅色同綠色蟹籽、黃色魷魚條、青瓜絲！真係食到個碗見底都仲有料！ 成碗都係$132，超抵！ 蟹膏帶子壽司-帶子鮮甜，蟹膏都好濃味！ 芝士燒蠔- 蠔本身就唔算重味，但加芝士就正呀！ 落單果時諗試牛脷心定牛脷囊，不過未試過囊驚中伏，所以都係叫番心，果然冇失望，側邊仲有檸檬汁可以店！ 其他就冇乜特別。見到呢個都吸引，下次再試呢個！

日本菜算係香港人最鍾意嘅菜式之一，基本上去到邊都會搵到日本餐廳。連鎖嘅日本餐廳亦越開越多，不過有心、高質、抵食嘅日本餐廳就要用心搵！星期六晚同男朋友咁啱嚟到天水圍，一於試吓位於天澤商場嘅千葉鳥！餐廳嘅位置都容易搵，喺天逸站隔離行幾步就到。係一個屋村商場嘅一樓。我哋大概七點半去到，都有人等緊位的，不過好快就有得入座！餐廳雖然唔算大，但係裝修得好靚好有心思，而且座位都夠闊唔會坐得辛苦。特別一提有一啲大嘅卡位適合一家大細一齊坐！坐低之後打開Menu第一個驚喜：原來除咗日本菜之外，千葉鳥仲有新鮮生蠔提供！不過今日我哋專心試食日本菜，所以冇特登嗌生蠔。日本菜式都好多選擇，前菜冷盤、串燒炸物、手卷飯卷壽司刺身、烏冬拉麵飯、窩物等等。兩個人我哋簡單嗌左幾樣野，等我逐一介紹：鹽燒三文魚鮫：餐牌入邊有「鹽燒三文魚頭($62)」同埋「鹽燒三文魚鮫($58)」，其實掙扎左一陣，因為價錢爭小小。不過最後唔想失儀態（笑）所以嗌呢個簡簡單單試吓先，點知嚟到之後好後悔！！因為實在太好食了，呢個部位唔係個個都識得食，覺得好似食魚骨，但其實好滑好鮮甜。仲要千葉鳥夠新鮮，又煮得啱啱好，真係好好食。後悔係因為其實應該嗌三文

難得黎到天水圍 突然有啲想食啲日本野所以就上openrice search下有冇高質日本野於是就揾到呢間位於天澤商場嘅居酒屋裝修同音樂都令我好似身處於日本 好有代入感餐單超多選擇選擇困難症發作呢個牛油帶子味略淡如果有啲燒汁調下味就好了牛脷心好好食 推介!味道剛剛好好有咬口之餘又冇乜渣 串燒雞肉冇咩味 比較乾包皮薯條呵呵 好有趣的名字串燒帶子味道唔錯但裙邊燒得有點乾三色刺身帶子蟹膏好有驚喜!!蟹膏嘅濃味配上帶子嘅鮮味真係好夾!!北寄貝好鮮甜赤海蝦就有啲啲腥味有待更新鮮牛肉火鍋個壽喜燒湯底好甜 幾好飲就咁飲下啲菜湯都覺得好正!!又係超級推介飯後仲叫左個綠茶蕨餅一放落口覺得自己有啲似一隻牛係度食緊草好有草味 勁fresh 同平時嘅蕨餅好唔同 另外 要讚一讚佢地嘅服務係繁忙時段 做都做唔切嘅時候都仲特登幫我地換左個寬落啲嘅位

今次黎到天水圍，朝早去咗小學時期去嘅濕地公園，晚餐就黎到天澤商場入面嘅千葉鳥食。真係估佢唔到，屋邨裝修嘅商場入面竟然有一間似模似樣嘅日式居酒屋店。佢個menu入面有好多種類嘅野，睇到我眼花撩亂。最後叫咗幾款刺身，一定要叫三色刺身，入面有最正嘅赤蝦刺身，蟹醬夾帶子同埋北寄貝，每一樣都清甜可口。另外叫咗幾款串燒，有厚牛脷，雞肉串同埋帆立貝串燒，其中厚牛脷係好爽口幾鮮嫩，值得一試。壽司有一款係網上好多人推薦嘅，醬汗炙燒左口魚，佢嘅油脂香好特別，亦都入口即溶，細細份，一啲都唔會太油膩。最後驚唔夠飽叫咗個牛肉火鍋，湯底好清甜，面底係粉絲，吸曬啲牛肉精華，真係食完一碗再一碗。店員有推薦試下泡菜豚肉火鍋，但我唔想食辣野，就留番下一次試啦。會再黎嘅。

朋友介紹話呢間日本野幾好食就黎試下，入面座位都幾闊落坐得好舒服。入面菜單有好多嘢食揀，睇落都好似好好食。我哋揀左四樣嘢食分別係串燒厚切牛脷心，厚切黑豚五花腩叉燒手打烏冬，松竹海鮮丼同綠茶厥餅。 先講下五花腩手打烏冬，五花腩整得好淋，又好夠味好香口，唯一美中不足係份量唔多，唔夠喉。烏冬就正常普通食開既味道，湯底都唔錯。海鮮丼魚生份量好足，亦都好鮮甜，連平時唔食魚生既我都食左多好。我地揀左三文魚腩同碎蔥拖羅，全部都好新鮮好好味。牛脷絕對有驚喜，切得好厚身，食落好滿足。亦整得好入味，絕對水準之作。最後厥餅份量都俾出面買既多，味道都差唔多，不錯。

甫踏進門口，便感受到濃濃的居酒屋風情，餐廳四處掛上紅紅的日本燈籠，牆身塗上色彩繽紛的日本油畫，感覺非常日系。蟹籽沙律 $28用上新鮮青瓜絲，清爽開胃，加上適量的蟹籽及沙律醬，顏色吸引，口感清新。 但沙律Size 只有一款，多人一起吃時，略嫌不夠喉。牛肉火鍋 $95上菜時視覺非常澎湃，令人食指大動。醬油湯底濃郁，香味四溢。配料不俗，牛肉片油脂分佈均勻，肉質滑嫰，蔬菜鮮爽，豆腐軟滑，性價比高。三重芝士焗薯條 $35賣相吸引，芝味濃郁好香，煙肉豐富，但主角薯條因是焗的關係，不夠爽脆，像是麥當勞放涼了的薯條口感，略為失色，可作改善。

好耐冇行過天澤商場，原來翻新左好多，開左好多新食肆！係到隨便逛逛就入左呢間千葉鳥食。佢裝修得又唔錯wor！好好彩入到去有卡位坐😂 我地叫左個特大赤海老海鮮丼午餐套餐（$85），簡左配兩件手卷。海鮮丼真係好多料，算新鮮，不過隻蝦就冇張圖片顯示既咁大啦😂 ，手卷正正常常咁。另外見到門口佢啲生蠔好似有晒大獎啊證書咁，又做緊推廣，都叫左兩隻納米比亞南非生蠔（$28@1）叫做試下，味道新鮮，好推介！等左差唔多半個鐘，個串燒安格斯肥牛粒（$59）終於都上菜啦！啲肉嘅程度烤得啱啱好，唔會話太韌或者太淋。不過我會希望佢整到細粒啲，好想可以一啖食曬。值得一讚嘅係，啲侍應都好勤力，耐唔耐就會幫客人加水。最後兩個人食咗剛好$200，好飽😂

曾經有段時間，對呢間日本野失去信心，覺得食物無新開張時咁好食，同埋退步左，所以無食好耐。今日男胖子話未食過想試下，見佢咁渴望嘅眼神，就估且食多次。以往星期六日都會收起lunch set menu，呢點我好唔滿意，星期六日就唔可以食lunch咩？咩道理。今日係星期日嘅lunch time，發現有得食lunch set，而且無加一，作為食客真係覺得好感動。講返食物質素，有進步到，由唔好食變返好食，總算無入錯黎。呢個係我嘅牛舌烏冬，超多塊薄牛舌，塊塊都好入味，配埋清湯烏冬，好好味呀！呢個餐配左2個手卷，都好正！重點係好抵食。男胖子就食辣嘅牛舌拉麵，一整鍋上未食已經好滿足，味道都唔錯。佢配左蟹籽沙律，有足夠沙律醬，推介~淨係2碗麵我地緊係唔夠，另外加左燒粟米，燒鰻魚同三文魚腩手卷，正！希望下次黎都一樣好食！

天水圍呢間日本餐廳都唔錯wor，平平地，食物都幾好食，午餐仲抵食呀。有個三文魚花之戀飯都係$62，仲可以揀一款小食或飲品tim，小食都有12款，包括壽司3件，手卷2件，薯條等等，抵食👍👍而個三文魚花之戀飯都有4 5塊三文魚，雖然唔算厚切，但以$62嘅價錢黎講算唔錯嫁啦。