千葉鳥

营业中

休息中

早幾日同朋友食完天鳥居酒屋覺得幾好食，今日同朋友再去天水圍同一個集團既千葉鳥食dinner。千葉鳥既地方好大，坐得好舒服，環境唔錯，職員仲為我地提供裝口罩袋，好甜心。我同朋友嗌咗近400蚊既野食，我太肚餓既關係就嗌咗個火炙醬油漬三文魚腩左口魚背脆脆飯，我朋友就嗌咗個鹽燒青魚定食。唔好以為呢到只係一間偏遠地區既餐廳就唔食，呢到既丼同定食比出面好多餐廳都出色，份量又足。我地太肚餓既關係，另外仲嗌咗火炙三文魚醬油漬壽司、火炙特選蟹柳壽司(美乃茲)、自家製厚燒玉子、同埋半磅既三文魚腩刺身。呢到既刺身都好新鮮易入口，又抵食，而且食物黎既速度都算快。最後我地嗌咗319蚊既野食，就算全港黎講呢間都絕對係高質既居酒屋，屯元天人一定要黎！

蒲燒鰻魚飯，鰻魚好新鮮，咬落去有口感，同埋有好多魚油香香味。鰻魚汁適量，用嚟撈飯，就係最好嘅配搭。估唔到個鰻魚餐，90元有鰻魚飯，有一串串燒，另外仲要有嘢飲，性價比好高雞軟骨，剛剛燒出嚟，骨同肉嘅比例相當好，燒得好香脆螺肉，都幾爽口厚燒玉子，不過不失。流心蛋，做到留心嘅郊果。總括嚟講呢度係1間性價比非常之高嘅日式餐廳。另外，佢個裝修好特別，好有日式嘅感覺。呢度地方好大，但係都滿曬座，外面仲有好多人排隊等。

好想食日本野,呢間日本餐廳價錢實惠又有特色。呢度好多壽司可自選,食到唔同既味道。叫左幾件壽司。鰻魚肥美又多汁,玉子自家製,好厚身甜美。蟹柳小卷好好食,蟹柳高質。個櫻花蝦豆腐HOTPOT好正,勁多塊豆腐,高湯煮豆腐,櫻花蝦與淡淡既豆腐好夾!仲有好多Kale..好健康呢! 另外叫左個燒pineapple,都好抵食.份量多而且cut成一片片。另外叫左個波子汽水,真係有波子既呢!味道好好。好中意呢度既碟,有d係shell既shape,有d soy sauce碟有魚既樣,好別致。呢度好多食物既選擇,每樣都可以試下d

經過呢間餐廳，見裝修幾好，而且價錢又唔貴，就入左去食喇～～～入到去坐低，服務員就提供紙袋裝口罩用，細心又貼心嘅服務❤️❤️刺身方面，我地點左👉🏾墨魚刺身👈🏾呢個係廚師推介，係今日新鮮運到😱😱😱menu無的！！咁新鮮既食材，緊係要試下啦煙煙韌韌得黎，又有鮮甜味，新鮮嘅魚油香味😋😋😋仲有點左👉🏾黃金蟹膏鮮帶子👈🏾未見過有呢個組合，於是試下～～勁多蟹膏，而且蟹膏陣味勁濃郁！！帶子又肥又鮮🤩🤩🤩🤩前所未有咁好食！！好幸福🥰🥰而👉🏾帶甜蝦刺身👈🏾又係勁新鮮😘😘😘好甜好好食壽司方面，我地點左👉🏾三文魚壽司👈🏾三文魚勁厚身，唔需要點豉油都勁好食😚😚😚😚😚一啲腥味都冇而👉🏾黃金魷魚壽司👈🏾多餡到滿瀉晒😂😂😂😂想一啖食哂落肚都唔得～～正啊！！👉🏾牛油果軟殼蟹反卷👈🏾每次食壽司都一定會點呢個，因為實在太鍾意食牛油果同埋軟殼蟹，飯嘅比例唔會太多🤣🤣🤣nice呀～～～～仲有，我地點左個👉🏾蟹子沙律👈🏾好足料👍🏾👍🏾👍🏾勁多蟹籽😍😍蟹柳絲又夠多😁😁青瓜又好新鮮，一啲都唔霉～～～～二沙律醬嘅份量啱啱好，唔會過多因為我地大食既關係，除左以上既食物，我地仲點左個👉🏾三文魚三寶飯👈🏾入面有三文魚、蟹籽、北寄貝沙律、黃金魷魚

今次黎到天水圍呢間新開張既日本餐廳。用餐方式：只供堂食或外賣自取。輪候時間：平時約5-10分鐘;Remark: 貼心服務為顧客提供口罩袋裝口罩！！！食物方面：前菜：蟹子沙律（$30）：蟹子同蟹柳份量勁多。而沙律醬蛋黃醬嘅比例剛剛好，味道恰到好處，又唔會太濃味，正！推薦指數👍👍活墨魚刺身（6片/$75）： 即日運到既新鮮食材，即日廚師推介，果然鮮甜美味，肉質煙韌。新鮮墨魚刺身就是甘甜，必食！！推薦指數👍👍👍👍👍大甜蝦刺身（4隻/$38）：唔錯，甘甜，鍾意食魚生嘅你一定唔可以錯過。黃金蟹膏帶子（2隻$38）：勁多蟹膏，簡直係分量十足，濃郁嘅蟹膏，配上甘甜美味嘅帶子，鮮味十足，超好食。必食！！！推薦指數👍👍👍👍👍主食：哈蝦笑（脆蝦角及吉列蝦）拉麵（$65）：有兩種唔同嘅湯底選擇，分別係豚骨魚介湯同麻辣湯2樣湯底提供選擇。呢次我就揀咗豚骨魚介湯。CP值超高，平民恩物，份量多，味道好，營養十足，呢個價錢有兩隻炸蝦同埋三件蝦角，簡直係超值。推薦指數👍👍👍三文魚三寶魚生飯（$65）三文魚六片、蟹子、北寄貝沙律及黃金魷魚）：分量十足，又一CP值超高之作，黃姜同埋沙律嘅味道好夾，而且成個肺入邊有多款唔同

難得入黎天水圍，朋友介紹呢間位置天澤商場嘅日式餐廳。餐廳嘅裝潢好有居酒屋嘅風味，而且燈光同格調亦營造到居酒屋嘅感覺。而餐牌嘅設計非常值得一讚，每一樣食物都會附上圖片，連小食都有圖片。對於選擇困難嘅我，都幫上一點忙。但由於刺身丼都好吸引，都猶豫左好耐。最後叫左大大粒雜錦魚生飯 同 蟹籽沙律。魚生切得都好厚，真係大大粒，肥美鮮甜。份量十足，實物同圖一樣。如果想食刺身飯，又決定唔到食邊個，可以叫大大粒雜錦魚生飯，因為有成5種以上嘅魚生可以試到，一次過滿足晒。而朋友叫左 鐵板厚切低溫慢煮雞扒定食，食落好juice ，慢煮保留到雞扒嘅嫩滑。但唯一嘅缺點就係，肉與皮之間嘅肥膏較多。

早前托朋友買口罩已到貨，所以今日入天水圍取貨順便聚舊。之後朋友提議去天澤商場食晏，話有好介紹，包我鐘意喎！😯 原來佢帶我去到1間日式餐廳，門前掛了幾個紅燈籠，裏面牆上畫滿可愛圖畫，餐廳佈置很有日本風格，坐位多而寛敞很舒服。 午市有很多選擇，我叫左吞拿魚七色丼配蟹籽沙律（$102），朋友就點左壽喜燒牛肉火鍋配青瓜螺肉（$90） 大大碗的吞拿魚七色丼，刺身有三文魚、吞拿魚、油甘魚，件件厚切有口感，還有海胆，鮮帶子、鮮甜蝦和免治拖羅，全部都很新鮮，鵪鶉蛋配合暖暖的櫻花蝦紫菜飯，妙極。 侍應拿出來的壽喜燒牛肉火鍋，真係超大份，厚疊的牛肉片下面有蔬菜和豆腐粉絲，非常足料，還跟珍珠飯，份量夠2人食。 我們還點了原味燒日本廣島生蠔（$42），炸雞軟骨（$38）和白桃梳打特飲（$22）。 燒蠔1份2只，脹卜卜，好食又扺食👍 炸雞軟骨，香脆可口不油膩👍 白桃梳打特飲，桃味很香，不太甜，抵讚👍 估不到屋苑商場都有咁高質又抵食既日式餐廳，朋友果然好介紹，日後又多個食飯好地方！

天水圍多數印象都係美食沙漠 比較多連鎖既餐廳進駐 有時食得多連鎖都會有d厭 想試下其他野 所以 就去左一間日式既小店 開業左都好一段時間 但都未得閑去幫襯下店鋪外既裝修都幾靚下 有一個魚缸養左啲觀賞魚比食客等位既時候可以望下 幾好行入去餐廳既時候覺得店面雖然唔係好大 但入面可以容納既人都唔少 都有好多捧場客係入面食緊 人多始終中伏機會細見到menu 佢既定價真係好親民 應該係配合返呢到附近既街坊最後我叫左一個限定既慢煮雞扒 因為見佢話限量供應 就睇下佢咩質素雞扒切開會有好多汁 而且一啲都唔鞋 可能因為佢用慢煮熟成既方法去煮 令到肉質唔會overcooked 唔怪之得要限定供應 配埋個芝麻醬食好好味 跟雞扒佢會有個白飯同埋味噌湯 份量真係好多叫左一個主食佢會送一個小食 有壽司炸物溏心蛋揀 我地就揀左個紫薯薯餅同𡊰竹溏心蛋溏心蛋可以睇得中間個黃真係做到流心既感覺 中意食溏心蛋既人可以一試至於個紫薯薯餅都好好食 好香既紫薯味 又有蛋黃醬配住食偶爾食下唔同既小店都錯 支持小店

今日來到天澤商場處理私人事，順路食個午餐。今日唔太餓，就叫個正餐加點小食。限定加推介，炙燒三文魚腩左口魚背脆脆飯，出奇咁好食，重點在於脆脆多了一重口感，當然三文魚腩同左口魚背都是十分好食的部位啦（超嫩）。軟殼蟹手捲有點問題，炸漿唔係食開果隻同軟款蟹個殼有點硬，整體怪怪的。雞泡魚乾又係無得輸的小食。紫心薯餅唔夠薯香，好惜。燒牛舌一流，夠厚身，燒得剛剛好，必食之選。今餐算滿意的，雖然部分食物一般，但個飯同燒物十分出色，價格同上菜速度正常，環境闊落， 服務細心(有紙袋提供入口罩)，值得再光顧。

天水圍冇乜食得既日本野，千葉鳥未正式開之前已經好期待，到而家都食過好幾次。裝修幾靚，好日式，不過位同位之間都好近，次次都聽到晒隔離檯講咩。岩岩開業時去試佢啲壽司，同埋叫左個三重芝士薯條。壽司冇乜特別，啲牛油果又勁硬，好似未熟咁，我好鍾意食薯條，但佢個薯條真係好一般，又好漏，又唔夠脆，最後都食唔晒個薯條，之後隔左好耐都冇再食呢間野，覺得唔值得encore。但天水圍食野既選擇真係太少，又唔想搭車出去，又想食日本野，就決定再畀多次機會佢。試左其他野食，又唔係咁差喎。第二次試左佢豬軟骨拉麵同火炙三文魚左口魚飯。豬軟骨好淋好岩我口味，不過湯底偏鹹。火炙三文魚左口魚飯勁有驚喜，左口魚入口即溶。佢仲有啲脆脆喺個飯度，撈埋一齊食勁有咬口，超得!之後都encore左幾次火炙三文魚左口魚飯，有次見到成間野啲人都係食牛肉鍋，即刻試試佢。壽喜燒湯底，甜甜地，加埋勁多菜同埋有豆腐，好夾好好味。牛肉好靚仔，但唔夠淋，少少UN，但個湯底加番分，撈埋飯食一流。總體黎講近近地又想食日本野既好選擇，但專登黎食就冇必要喇~~

星期六想食餐好嘅，同屋企人搵間近近地嘅日本餐廳。餐廳係天水圍天恆站隔離嘅商場，交通方便。餐廳裝潢有特色，架上擺左一排日本酒樽，牆上面亦有唔同嘅日本裝飾，好有居酒屋嘅感覺，旁邊有啲卡位設計都好得意。我地叫咗個二人套餐。首先係清新嘅蟹籽青瓜沙律佢開胃小菜，青瓜清甜。🥗二人套餐可以揀四款壽司，壽司不過不失，尚算新鮮。🍣然後每人會有一碗烏冬，湯唔會話好勁味精，烏冬夠彈牙。🍜另外有一份炸物，炸得香脆可口，配埋個醬減少左個油膩感，唔錯。🥟最後，我揀咗鹽燒秋刀魚，煎得香口，有油甘味，勁正，配埋一杯大啤酒🍻，爽啊！整體來講食物選擇多，價錢偏低，食物質素唔錯。平時係附近可以嚟呢度試吓。

星期日同朋友去完濕地公園行行就順便係天水圍食埋野先走就去左天澤商場見到有野日本野見到佢好似幾正咁 就入左去食佢個feel又係我鍾意既type佢係好有心思令你置身於一個居酒屋既感覺燈光柔和I like it我地叫左個牛肉火鍋一齊食見到個陣就嘩左一聲咁鬼大兜啲牛一層一層咁鋪滿左個鍋底下仲有好多配料有菜有菇仲有粉絲好好食佢索晒啲壽喜燒湯底好jeng有小食配添我第一淡就咁食佢係好甜基本上唔洗點醬食已經好好味點左反而會搶左佢既鮮甜另外叫多左個牛脷拉麵食湯底好濃味佢既牛脷好嫩好滑不過都唔夠燒牛脷心好食由於朋友十分喜歡食牛脷連小食都叫埋牛脷我本身唔想食但見到好吸引就食左一食過去就已經感受到牛脷的風味燒得好好落既調味料也剛好少少鹽 再加啲黑椒粉完全帶出左佢既香下次黎一定要食燒牛脷心Its a must

小店好細心提供咗紙袋比我地放口罩😎係疫情底下帶比我地一點溫暖，香港人加油！3款壽司經火槍燒至微微焦香，壽司已調味好，建議不用加豉油都已經夠味。左👉🏻火炙三文魚油漬壽司$18尼款食落油脂味重，壽司上面既蔥中和番，整體感覺油而不膩中👉🏻火炙三文魚壽司(汁燒) $18無另外兩款咁多油脂，所以味道集中係火炙既焦味及三文魚既味，而汁燒味道亦唔太重右👉🏻火炙三文文魚腩壽司(岩鹽燒)$22三文魚腩入口即溶，腩位香口, 岩鹽燒令味覺多左一種層次，比汁燒更加吸引，而且咸度適中，推薦比大家👍🏻鹽燒厚切牛脷心$49牛脷心採自牛舌最嫩滑的中心，口感更細緻之餘，牛味仲好香濃添，咬落去非常彈牙，而且唔似平時既牛舌有筋。芝士辣肉醬焗原條茄子$48蒜蓉燒茄子就食得多，尼個芝士辣肉醬焗茄子咁新穎真係第一次食，肉醬味道有啲似魚香茄子，只係少咗鹹魚味，食落唔錯幾香口😋，至於芝士味唔算太突出，亦唔太辣，整體滿意。仲有茄子皮同肉可以輕易分開，方便唔喜歡食皮既客人👍🏻三重芝士溫泉玉子焗BBQ大菌$48賣相雖然普通，但芝士味非常濃郁，真係食得出有3種唔同既芝士味道，絕對低估左佢！配搭埋大菇出乎意料既好食，一大淡放落口包你滿足🥴入面

入到去就見到日式嘅裝修，掛咗紅色嘅燈籠🏮放咗好多唔同嘅酒樽，而且係半開放式嘅廚房，透明度高👍🏻廚房乾淨另外，不得不提嘅係服務質素。佢地會提供紙袋比我地放口罩，而且拎食物比我地嘅時候，都會有講有笑。辛辣肉醬黑豚叉燒飯嘅豚肉煮到咁岩岩好，咬口唔錯，絕對唔會韌！同埋啲肉醬辣辣地，撈飯食就岩岩好啦！三文魚腩手卷好足料！個面鋪滿左三文魚，同埋食到最尾個啖都仲有三文魚肉！呢個手卷啲三文魚好肥美，同埋食得出好鮮味呢個炸蝦手卷，總共有3隻炸蝦🍤都係一樣咁足料。啲蝦炸到好鬆脆，同埋本身加左啲沙律醬上面，真係好唔錯，食落都好開胃。熱辣辣嘅芝士年糕呀，一定係岩岩出爐嘅！我一咬落去，係軟林林嘅，然後食到中間有啲溶緊嘅芝士，真係超正！🧀🧀

話說夜晚九點半入座，佢安排我 地下有垃圾 嘅位置， 我拒絕了轉咗另一張枱， 之後正常叫餐用餐， 跟住發現 佢哋提供嘅紙巾有血漬， 追問發現原來之前佢哋嘅員工整親手流血另外佢哋有一個員工長期唔戴口罩仲要喺我哋 啲嘢食麵前講嘢， 我已經同佢講咗一次： 你唔好講嘢佢行開咗之後轉頭又過嚟講嘢