千葉鳥

营业中

休息中

過天水圍整電腦，間舖未開門，唯有食個飯先，見呢間餐廳門口咁多人，一定係好嘢！加上我一位，等一陣就有位！一坐低第一時間就放個口罩袋你，再俾餐牌，由於係lunch hour，超級多人，快快手揀完落單。二品刺身飯，我揀咗呑拿魚切身+碎蔥三文魚，吞拿魚新鮮肥美，三文魚碎亦不是太碎，一條條咁，食到三文魚味，加錢配檸樂一流跟餐小食我揀咗紫心薯餅，一碟有2件，切開真係紫心，食落甜甜地，好味叫咗2個小食，原味燒廣島蠔同鹽燒厚切牛舌心。廣島蠔大大隻，味道鮮甜;牛舌心串燒唔乾食、厚肉、唔會太熟同好un！果然係推介食品之一！地點方便，價錢又唔貴，食物又美味，最讚嘅係員工友善，會問我會否坐得迫、少人d又話幫我轉枱，好窩心，一定會再去

係天水圍區，要揾反質素好既日本料理餐廳選擇其實唔算多，千葉鳥位置係天澤商場入面，一間特別日本餐廳，店內裝修日本懷舊式風格，餐廳內卡位每格都有唔同設計，好有特色安排坐位後，店員介紹每日特別推介，今晚推介係<<池魚王>>，池魚屬於一年四季都有既魚類，每年6-8月最肥美，而種魚貴既地方係離水即死，所以一定係每日非常新鮮就會運到餐廳，介紹下要左個池魚刺身，刺身脂肪比例適中，一D腥味都無，池魚透明色澤潤，一口咬入，首先是清甜的感覺，繼而魚油在口中爆發，無介紹錯🤤呑拿魚七色丼有七種唔同刺身，分別有三文魚，呑拿魚，大甜蝦，帶子，油甘魚，碎蔥拖羅同海膽，另外仲有一隻鵪鶉蛋同酸薑，只係睇每樣刺身就感覺到好新鮮，而個刺身下面仲有彩蛋，就係刺身下面有拌飯素放係飯上面，將鵪鶉蛋同拌飯素再加小小醬油一齊食帶來一份滿滿的幸福感牛肉鍋(配壽喜燒+烏冬)未幫襯之前睇食評已經見到幾多人食而個牛肉鍋，侍應放上枱後幾有震撼感覺，成座山咁高，厚疊既牛肉，而牛肉唔會係只係肥膏果隻，肉味飽滿，而個鍋入而份量都好足串燒秋葵幾有驚喜，秋葵燒得岩岩好，食落唔會串得過熟，仲有木魚雜跟碟一齊上，幾有心思燒秋

屋企冇煮飯，打算近近地係附近食個晚飯，就黎左天澤食飯。唔好以為天水圍甘細就冇野好食，呢間真係入我嘅高質secrete list嫁。店面算大坐得好鬆，舖內行居酒屋設計，好有心思！🏮⭐️醬油漬牛舌拉面呢個牛舌拉面真係唔簡單，醬油漬得岩岩好唔會過咸，牛舌最怕咬唔爛，但佢食落好霖好軟，真係好推薦！牛舌仲要有9大舊甘多，CP值爆燈！配埋雪白嘅豚骨魚介湯，好肥美好濃郁！⭐️火炙醬油漬三文魚腩左口魚背脆脆飯不愧係三文魚腩，油脂非常豐富。魚生只有一面燒過，軟嫩之餘帶點焦香。個飯都唔簡單，脆脆飯姐係加左天婦羅脆脆同飯素，食落香口冇咁膩，亦有多重口感，不愧為店長推介。⭐️串燒走地雞頸肉唔好以為雞頸肉，但好鞋冇肉食。呢個雞頸肉好嫩滑啖啖肉，燒得好惹味！⭐️串燒甜蕃薯🍠蕃薯係用黃芯bb蕃薯，食落好似麻薯甘QQ嘅。串燒上面仲搽左少少蜜糖，燒到外皮香脆，內里好軟糯。當佢甜品食一流丫！

屋企樓下有間日本野，一直都未食過。而家大熱天時唔係太想出街，近近地，就決定嚟呢度食個快飯就返屋企hea 喇🙈呢個係火焰醬油漬三文魚腩左口魚背脆脆飯。玉子大大舊，甜甜地，蛋味幾香。啲火焰魚食落暖暖地，入口即溶，配埋啲日本米飯食，幾甲朋友叫左個吉列豬扒拉面，偷食左佢個豬扒，炸得好脆，炸粉唔算厚，顏色都幾金黃。食落冇話好油膩，亦都好容易咬開。出面好多店啲豬扒都會韌，呢到好冇呢個問題。仲有少少菜伴碟，可以中和左個邪惡感。

今日黎到天水圍搵到間平靚正日本嘢！🤓我係中午嘅時間食，餐廳有好多都係價錢實惠嘅lunch set，同埋加多少少錢就可以追加小食或者刺身👍🏻而我因為想試多啲唔同嘅壽司，就嗌左一個「極上壽司盛合」，總共有9件壽司，三件卷物同一件厚玉子，仲有附送嘅小食我就揀左唐心鴨蛋。另外加多$19就有一份雞肶肉串燒🤣 先講壽司方面，整體質素都幾好，海膽鮮甜無腥味，三文魚子粒粒晶瑩剔透，一咬落去魚油香味爆晒出黎👅 另外唐心鴨蛋幾特別，一般平時食到嘅多數都係雞蛋，而唐心鴨蛋唔同之處就係會多左少少鹹味，未試過嘅朋友絕對值得一試！雞肉串燒師傅燒到皮脆香口，連埋中間嘅京蔥一齊食係一個好好嘅配搭。同埋叫左個kirin生啤飲，消暑解渴🍺 整體而言，覺得呢間餐廳性價比幾高，推薦屯元天朋友一試！

今日係呢邊附近交收 之後就決定再會呢間cp值高餐廳見佢餐牌都有少改動 試下新款午餐<廚師推介-吞拿魚七色丼>以及八件壽司配細烏冬餐 午餐除主食亦包括小食或飲品 揀咗2件黃金魷魚手卷同埋紫心薯餅 紫心薯餅夠脆又夠熱 外皮薄脆唔會厚粉 紫心薯非常甜 手卷都好味 只係薯餅太出色丼飯內有大甜蝦 帶子 海膽 油甘魚 吞拿魚拖羅 淨係咁多種食材已經夠曬開心 估唔到裏面嘅魚生係咁有質素 食材都夠新鮮抵讚佢而家仲可以用七折優惠加小食我哋就加咗兩隻特大海赤蝦刺身當然符合個名非常之大隻而且肉質非常彈牙爽口鮮甜壽司餐有八件壽司 北寄貝 希靈魚 帶子 件件分量十足 夠晒滿足 呢個價錢食到咁多美味壽司再加個烏冬 真係超值

細佬話樓下商場有間日本菜，午市好抵食，所以今個星期六就同佢落去試下！上到一樓一睇就知係呢間，外邊已經好有日本氣氛，掛滿哂啲燈籠，入邊環境都唔錯，枱之間都唔算太密每人仲會派一個口罩袋俾你方便食嘢嘅時侯放口罩，讚！Lunch menu都好多款式，有拉麵、烏冬、定食、壽司同魚生飯等等，每個套餐都包咗一款小食或者飲品，仲要唔洗加一㗎！心大心細咩都想食，最後就揀咗一個壽司set, 有8件壽司，再配一個迷你烏冬；細佬就揀咗鰻魚飯，配生芥茉八爪魚手卷，同埋佢話一定要加配特大赤蝦刺身，話好新鮮好甜㗎喎壽司set比想像中好食呢，有唔同嘅魚生，仲有燒粟米壽司，開頭覺等好奇怪，點知又幾夾，燒粟米甜甜地配堆沙津醬幾特別㗎！細佬個鰻魚飯都話好好食，我都試咗一啖，都算燒得香脆，又夠多醬汁！個赤蝦刺身先係最令人驚喜，真係超新鮮超甜，仲要好大隻㗎，足足有兩件壽司咁大，啖啖蝦似好滿足😋😋果然真係唔錯，但都好多人排隊等位㗎，所以weekend嚟食都最好早少少去就會好啲！

今日同朋友食飯去咗天水圍， 一入到去已經覺得有人山人海 既感覺，叫左牛肉鍋一上到嚟，嗰種澎湃嘅感覺迎面撲過嚟，佢裏面有非常之多嘅蔬菜，而炸嘢就有 炸蠔炸蝦壽司同埋 炸軟殼蟹牛油果卷，個炸蠔炸得啱啱好，個皮非常之鬆化，炸蝦壽司配上壽司飯去面頭仲有少少沙律醬，食落去真係有唔同嘅層次，而炸軟殼蟹牛油果卷牛油果都幾新鮮，隻軟殼蟹啱啱炸起， 陣陣香味滲透出嚟，而啲刺身都幾新鮮， 嗌咗佢哋一個廚師嘅推介醬漬三文魚壽司，食落去三文魚嫩滑有醬油醃製過嘅味道上面仲有少少蔥去調味，真係令到三文魚既層次增加咗好幾倍

估唔到原來天水圍都有間咁高質嘅日本嘢！今次喺天澤商場發現咗一間好多人排隊嘅日本嘢，所以今次就決定入去試吓，一入到去發覺呢一間日本野嘅裝修真係好似日式嘅居酒屋，好有日本嘅氣氛，服務員嘅服務態度十分之好，好多人食。今次食嘅時候係午市時間，所以可以食到午市嘅套餐，價錢真係好抵食㗎，所以顧客都好多，都需要等位。今次揀咗兩個午市刺身飯套餐，第一個係二品刺身飯，分別揀咗鮮帶子同埋碎蔥三文魚，第二個就揀咗吞拿魚七色丼，而每個午市套餐都可以配小食或飲品一款，所以今次就叫咗紫心薯餅，同埋雪糕泡芙甜品。首先係個鮮帶子份量真係好多，好新鮮好甜所以好推薦呢個丼，而個三文魚都好好食，蔥同埋三文魚配合得好夾，成個丼都可以比好高分。而必食嗰個就係呢一個吞拿魚三色丼，無論係魚生定係個飯所有食材都好新鮮好好食，呢一個真係10分推薦。而兩個小食分別係紫心薯餅，同埋呢一個雪糕泡芙，都好好食，紫心薯餅炸得來唔會太油膩，而配合埋個雪糕泡芙真係可以清晒口裏面嗰啲油炸味，所以兩個都好推薦。

星期日難得有朋友黎到天水圍，小妹決定盡地主之誼帶佢食天澤商場新開既日式居酒屋🏮餐廳內既佈置掛上燈籠🏮、浮世繪壁畫及掛簾等元素，充滿古色古香星期日既午市時間已經坐滿哂客人，我地等左10分鐘左右就入到去啦，服務員做事快手，仲好細心咁為我地遞上口罩紙袋事不宜遲，我地叫菜！！千葉鳥玉子燒（$19追加小食）蛋味濃郁，微甜味，入口軟滑蟹籽沙律（免費午市套餐小食）：作為前菜，食呢款爽口輕盈沙律，好開胃呀手卷兩件（免費午市套餐小食）：我地叫左三文魚&黃金魷魚🦑，餓底既我地三口就食完，推薦黃金魷魚，質感爽口吞拿魚七色丼：朋友叫左呢款色彩繽紛既丼入面有碎蔥拖羅、吞拿魚、海膽、油甘魚、大甜蝦、三文魚、鮮帶子咁多款海鮮，淨係望都已經覺得好靚好吸引用料食得出好新鮮，各種魚生份量分配得好平均，壽司飯上有香香既飯素，味道唔會太酸，配埋鵪鶉蛋液呢個飯簡直係色香味俱全滿分💯特大海赤蝦海鮮飯：小妹係個蝦迷，丼上呢兩隻有我手掌咁長既海赤蝦，加上周圍既刺身（三文鮮、油甘魚、吞拿魚、希靈魚），平時大食既我，淨係食完呢d咁鮮味既刺身未食飯，已經飽到9成，絕對稱得上大份夾抵食，嘿嘿食左咁多野，二人埋單都只係$242，居酒屋價錢黎講

I chose the Japanese restaurant in TSW to celebrate with my friend’s birthday 🎂 The restaurant is well decorated 👍🏻👍🏻😛and sticked full of menu. In view of the Covid-19, the restaurant gave each customer a paper bag to store mask. Very heartfelt and caring ❤️We only ordered three dishes. The starter is this 軟殻蟹牛油果🥑salad, yummy and healthy 地獄豬骨湯叉燒拉麵🍜， a well-known Japanese dish, must order~ the taste is strongFinally comes to chicken wings, crispy and juicy $38 for two , can dine eat with the salad

係天水圍天澤商場入面呢間日本餐廳一到午市時間就好多人排隊，見咁多人排隊應該唔錯所以就決定食呢間！甘就叫左廚師推介炙燒三文魚腩左口魚背脆脆飯，佢三文魚腩同左口魚分別都覺俾咗三四塊左右，魚生經過炙燒之後油脂出晒嚟，食落口感非常肥美，配埋個飯入面加咗一啲脆脆，食落口感非常豐富，成個飯都係好味ge😋另外我仲叫咗二品刺身飯，原本要三文魚腩可惜佢冇晒所以就轉左吞拿魚同海膽，吞拿魚同海膽食落冇腥味，食得出食材算新鮮，配埋醋飯一齊食非常夾同好好味，另外佢每個餐可以免費追加小食、甜品或者嘢飲，而我就叫咗紫心薯餅舖同綠茶蕨餅，仲加咗杯奶茶同燒雞軟骨！佢個薯餅夠脆同埋紫薯味好重，蕨餅ge綠茶味都重值得一試而佢個燒雞軟骨，燒得岩岩好唔會太乾身仲保留左啲肉汁都係值得推介，而且佢仲有口罩套跟埋俾你非常貼心！總括間餐廳嘢食價錢唔貴而且食物都幾好食，值得推介👍🏾

同朋友食飯梗係要食日本嘢㗎喇， 所以我哋今日就約咗去天水圍去咗呢間好有居酒屋風嘅餐廳度食飯，啲侍應的服務都幾好， 我哋兩個人都食唔多好多嘢，不過就見到好多人都嗌咗個牛肉鍋，咁就一於帶嚟試下啦 ，牛肉鍋一上到枱面 心裏面真係哇一聲成咗山咁高， 之後就嗌咗少量嘅壽司，炸蠔， 同三款刺身，吉列炸蠔一啲腥味都冇非常之鬆脆，刺身就叫咗三文魚甜蝦帶子刺身， 三文魚非常之新鮮爽口， 甜蝦就好軟糯，而帶子都幾鮮甜🤩🤩🤩🤩🤩

睇食評果陣比座牛肉山吸引住今日長途跋涉咁黎天水圍試下呢間居酒屋我地大約6點半黎到 已經差不多坐滿佢地食物既選擇好多，樣樣都想試下見到佢地有兩人套餐套餐又有我想食既牛肉火鍋 二話不說就揀左呢個餐刺身六品盛我最鐘意海赤蝦 大大隻啖啖肉 好鮮甜而紋甲魷魚最特別魷魚切直紋再將紫蘇葉夾係裏面自選四款壽司北寄貝沙律、碎蔥三文魚、三文魚同油甘魚最鐘意碎蔥三文魚加左碎蔥多一份香味，多一份層次外層既紫菜仲好脆燒日本廣島蠔+燒沙白大蜆燒到岩岩好唔會乾而且4隻蠔都好飽滿 食完好滿足到我期待已久既鍋物一座牛肉山好震撼除左色澤好靚，肥瘦均勻牛肉吸左湯底既味道 亦不失自身既肉香第一次食鍋物有羽衣甘藍甜甜地 又有口感 好好味雖然我地叫既係兩人餐但係佢地既份量我相信三人食都冇問題而且員工都好勤力 即使好忙都不忘主動幫客人加茶👍🏻

呢排疫情緩和，終於可以出街食下飯，網上睇到呢個地點位於天水圍既日式餐廳千葉鳥評價相當不錯，就同女朋友黎試下。晚上6點30分已經相當多人等位，我地揀左呢個自選極上二人套餐豆腐櫻花蝦溫泉蛋沙律溫泉蛋配合超滑豆腐，加上櫻花蝦配合芝麻醬既沙律，豆腐大大件，非常開胃刺身六品盛刺身好新鮮，海赤蝦好有鮮味，希靈魚非常爽口👍🏻燒日本廣島蠔、大蜆蠔燒得時間岩岩好，仲好有鮮味，而且係好大隻，正！個set 真係好抵食，仲有四款8件自選壽司，特別推薦北寄貝沙律，超好食牛肉火鍋（壽喜燒湯底）牛肉明顯係高檔次，好小肥肉，擁有鮮嫩既牛肉味，仲有冬菇、粉絲、烏冬等等既配料，呢個set 只係$405，可以講係超級抵食，包你食到捧腹而歸最後上埋朱古力碎泡芙，泡芙裡面係雲尼拿雪糕，相當滿足既一餐