十侍 - 棉花糖A5和牛壽喜燒專門店

营业中

休息中

一早book左呢間餐廳，諗住同朋友慶生，見佢有棉花糖做gimmick打卡應該幾靚咁。本身book左8pm，上到去話無枱一路等等等，等左成4-5個字，期間一路俾一個男侍應煩住，態度輕佻，完全唔尊重客人，終於去到接近8點半終於有枱，唔係好明點解book左枱都要等成半個鐘，好明顯係安排有問題。一坐低就上壽喜燒set，之後有個侍應過黎煮牛肉，態度好好多，細心同會問我哋想食幾熟。牛肉就不過不失，有肉味不過無乜驚喜。除左壽喜燒，我哋仲叫左幾串串燒，不過個牛舌串都幾燶下，食落好硬，雞翼就正正常常，成餐飯性價比低。食完呢餐飯之後去到半夜就覺得大髀生咗好多粒粒，然後慢慢蔓延到四肢都有嚴重風癩，接近20日都未好，期間睇咗四個醫生，都話係食物敏感，我本身食野無敏感，所以醫生話有機會係味精同色素，然後我就諗起呢間餐廳壽喜燒個湯底，食落甜到有d怪。希望大家重視呢個comment，我諗我會叫哂所有朋友千其唔好食呢間鋪，貼錢買難受。

壽喜燒既熱潮好似係近幾年開始盛行，以前食既壽喜燒係普通日式家庭料理，而家大家開始追求有品質既壽喜燒，高品質既牛肉，食高價壽喜燒既舖頭亦都愈開愈多。呢間位於旺角鬧市既壽喜燒專門店係一間樓上舖，走日式風格，有兩間榻榻米房間可供多人預約。我地今次兩位去試，就坐番普通沙發位，坐位都幾寬敞舒服，可能食壽喜燒需要位置比較多，我地2位坐既係4人枱。《串燒 $42 大蔥豚肉卷, $42 大蔥雞, $38 雞腎》雖然壽喜燒專門店串燒唔係重點，但見佢塊喜燒二人前份量唔多，就叫D串燒頂下肚。雞腎正常發揮，特別既係店家係雞腎上面劃左幾刀，令佢更入味，咬起上黎都絕對唔會韌。大蔥豚同大蔥雞都係咁上下，特別一提大蔥蔥香味好足，以唔係專做串燒既舖頭黎講都算合格。《$898 壽喜燒二人前》$898係兩位既價錢，以和牛壽喜燒黎講算係中上價，牛肉會有服務員幫手煮。舖頭用既係自家製壽喜燒汁，再用棉花糖代替砂糖，相當有新意。不過唔知係因為用左棉花糖，定本身店家壽喜燒汁既比例，食落甜味都幾重。套餐包左鹿兒島A5和牛 300G (大約五大塊)，如果唔夠客人可以再加錢加肉。我地今次加左兩塊肉(每塊$128)，每份牛肉都用木盒裝住，仲

提早食聖誕🎄大餐，預訂坐位時冇特別要求坐位，最後好好彩被安排坐到一間私人日式榻榻米房間，房間很大，可以坐到6人，需要除鞋坐。店舖聖誕裝飾都好靚、有氣氛。.點了二人A5黑毛和牛壽喜燒套餐、雞拼盤串燒、兩杯酒🍻、日本啤酒買一杯，有優惠加$10有第二杯，有店員細心介紹後，幫忙燒肉，先燒了兩塊後，亦會問我地要唔要休息一陣先再食，會俾我地休息一下，不用一次過食晒全部牛肉，一會兒再過黎幫忙燒剩低既牛肉同埋蔬菜烏冬，都食得好飽，好好食！

一入去就已經好有聖誕氣氛🎄「棉花糖壽喜燒」好吸引丫😍叫左個（二人前）有：鹿兒島A5 既黑毛和牛送埋張出世紙既「Postcard」俾你☺️日本蘭王蛋讚岐烏冬/日本米飯靚靚菜盤煮法：店員會預先放個棉花糖係個鍋上面，代替左灑啲砂糖😍，開爐！加入適量既壽喜燒汁，棉花糖完全溶入係壽喜燒汁😋，之後將美味既和牛放落個鍋到，個牛燒到咁上下，仲有少少紅紅就夾落啲蛋到，個和牛好掛汁，連埋啲蛋一啖放入口😌嘩～好味到呀～愛E C🤩🤩🤩（想濃郁啲可以只食蛋黃🍳）食晒牛牛就放埋個菜盤落去，索晒啲牛肉汁，好好味呀～個menu影到咁靚，驚死唔夠飽加左啲串燒（和牛、牛舌、帆立貝、鹽燒鮑魚）個鹽燒鮑魚好出色，外觀燒到好靚，食落又彈牙又有啲碳燒味～Yummy😍同埋兩杯特飲（巨峰提子乳酸梳打、鹽味蜜桃乳酸梳打）食完和牛再飲杯碳酸飲品，一個字「爽」☺️係旺角居然有間日式居酒屋feel加埋咁好食既和牛，也太高質喇吧🤩🤩🤩估唔到食得咁飽，正丫❤️❤️一定會再黎食😝😝

今次去食嘅係旺角壽喜燒— 「十待」門口已經見到一個大武士喺門口，舖頭擺設都好有特色同埋日本味道。今次嗌咗二人套餐，佢嘅壽喜燒係用A5鹿兒島黑毛和牛，而每一台都會有侍應幫你處理壽喜燒，侍應亦都會問你需要幾多成熟，咁就唔會怕太生或者過熟啦👍🏻👍🏻佢嘅壽喜燒汁上面有一個棉花糖，侍應會過嚟淋湯，直到佢溶化，非常適合打卡拍片，而甜度亦都適中。套餐嘅A5和牛總共有6塊，大約360g 份量方面，啱啱好唔會太漏，每一塊都入口即溶，睇脂肪嘅紋理就知有幾鮮嫩多汁，再加上有蛋黃雞蛋做蛋漿，增加肉嘅嫩滑感。配菜方面，有一個野菜盛盒同埋讚岐烏冬，食完肉之後，侍應會加入鰹魚湯做火鍋，索晒啲湯嘅精華。額外嗌咗一啲串燒嚟食，咁就唔使淨係食牛啦，而家每一串都係用採用高質食材，簡簡單單嘅鹽燒已經好好食。喜歡飲酒嘅朋友，可以試吓佢嘅清酒Set

作為牛肉愛好者，見到介紹寫明A5和牛緊係即刻狗沖去試😂舖頭裝飾好有特色，門口有兩個1:1日本武士相當架勢，加埋暗淡燈光令人有種神秘感😈今次叫左個2人set值得一讚店員服務好周到👍所有嘢基本上都係佢烹調。呢間主打棉花糖壽喜燒，本身覺得感覺有啲奇怪，估唔到食落唔會死甜，個汁啱啱好主角到😎淨係望落已經流晒口水🤤有灑出世紙俾你睇😂雪花油脂好平均都唔使講啦，配埋日本雞蛋擺落口即時溶左，簡直上左天堂，一個字「正」👍配菜所有都好新鮮，食到最尾個汁索灑啲A5和牛味再隊個烏冬落去🤤荔枝果梳同青檸梳打👌我哋另外叫咗少少串燒同埋吉列炸蠔，牛舌同雞腎高水準，口感滿足。吉列炸蠔係必食！外脆內嫩，炸完入面舊蠔仲保持水份同埋原身味道👍👍未食之前本身覺得會唔夠飽，估唔到未食烏冬之前已經覺得好飽😂

無肉不歡嘅我，心血來潮想食下sukiyaki, 於是就嚟左呢間十侍嚟試一試佢地壽喜燒啦😋座位都幾闊落，坐得舒服除左壽喜燒之外，都有唔同嘅串燒同炸物可以選擇嘅。我地就嗌左個壽喜燒二人前、幾款串燒、一款炸物、同兩杯飲品首先就上左個黑毛和牛先，每盒牛上面都有張出世紙，可以帶走留念🤣個牛嘅油花分布靚到我第一眼以為係假嘅😂😂個set仲包左蛋、烏冬、野菜拼盤，非常豐富😋一開始見到店名有寫「棉花糖」，都好好奇壽喜燒同棉花糖係有咩關係，原來係煮牛肉之前，會將一大嚿棉花糖擺喺鍋中，再淋上壽喜燒醬汁慢慢煮溶佢，令到個醬汁多咗一份淡淡嘅甜味😋店員會幫手煮啲和牛，煮之前都會問客人prefer咩生熟度，好貼心👍🏻我就揀咗要生啲，食落去入口即溶，但又唔會好油膩，配埋日本蛋一齊食，好似會直接滑落個喉嚨入邊咁😋野菜鍋份量都幾多，我特別鍾意食個蟹柳、芋絲、同埋啲菇，呢幾樣食物都非常之索汁～最後落埋個烏冬，撈埋剩返嘅蛋汁一齊食，好滿足🤰🏻飲品方面，我哋叫咗一杯巨峰提子梳打，同一杯荔枝海鹽梳打。梳打類嘅飲品配壽喜燒好夾，解膩之餘可以清一清味蕾串燒方面，我哋試咗個鰻魚、牛舌、雞腎、同埋豚肉京蔥卷。我個人最鍾意牛舌同埋鰻魚，厚

壽喜燒二人前🍲（$898）呢個棉花糖和牛壽喜燒，新奇得意得來佢啲肉又真係幾好食。啲肉係入口即溶，配上蘭王蛋🥚真係冇得頂😍以份量來講，兩個女仔係啱啱好夠飽，佢有得揀兩樣主食（烏冬或者飯），啲飯係用日本珍珠米，烏冬應該係手打烏冬，識落吸晒啲湯汁，正👍🏻清酒鐵桶焗蠔🦪（$328）所用嘅蠔是來自日本的，但口感方面偏硬，清酒味略嫌唔夠重，不過勝在隻蠔夠大，可飽腹。冰鎮鮑魚配日本大根🥕（$168）鮑魚非常爽口彈牙，花雕酒味幾香✨，日本大根清甜軟爛。串燒-和牛（$68）口感偏硬，少有和牛香味，不過勝在味道夠濃。串燒-牛舌（$58）爽口彈牙，味道濃郁，質地夠厚，仲要非常Juice😍👍🏻串燒-雞腎（$38）味道甜甜地，都幾爽口，鹽味足夠唔會太鹹，鍾意食雞腎嘅可以試吓！夏祭<花火>Hanabi ($108)以Cocktail來講，呢杯嘢唔算酒精味好重，甜味都幾高，最主要係個樣靚，性價比就麻麻哋。環境比較昏暗，亦不會太嘈吵，適合情侶約會🤍。食嘢全程有Staff幫手跟進，唔使驚食物煮過龍。整體嚟講推薦大家去食🥳

最近去咗一間食棉花糖和牛壽喜燒，想同大家分享下。呢間餐廳用鹿兒島黑毛和牛A5和牛壽喜燒。我點咗二人餐，肉質多汁，入口即化，真係好好味。加上餐廳自家製燒烤醬汁，更加有嘅風味。.套餐仲有季節嘅野菜盛合同李節野菜盛合，食落無咁油膩。.仲有日本蘭王雞蛋。點和牛口感滑嫩，加入料理度更令整體更加豐富。.至於主食，你可以揀讚岐烏冬定係日本飯。兩個都係好好嘅選擇，睇你鍾唔鍾意。我個人偏好讚岐烏冬，呢款傳統嘅日本烏冬麵配埋牛肉，口感真係好出色。.整體上嚟講，佢哋嘅食材新鮮。如果你想試下鹿兒島黑毛和牛壽喜燒，可以一試。

十侍棉花糖A5 和牛壽喜燒，就咁睇個名已經有種期待與幻想！間店裝修走嘅路線好日本風，疫情期間多數店都整塊膠版，其實最多口水細菌集中🤣但呢度用把大摺扇整成屏風，美觀又有特式！點餐後，店員拎出A5和牛，一卷卷排放，一盒裝六卷，肥瘦比例適中，拎個日本野菜盛盒鍋出嚟，放舊大棉花糖入去起爐，然後加京蔥同秘製醬汁，等個棉花糖溶滲出甜味，轉下轉下咁就溶咗入個鍋。日本鹿兒島A5和牛煮熟之後可以自行沾上日本蛋漿 ，一口咬落真係好軟綿綿，入口即化😋個日本野菜盛盒有油豆腐，蟹柳，獅子狗，豆腐，金菇冬菇好豐盛 好好味 食完靚牛之後食返啲蔬菜又可以解膩店員嘅好好服務 好評的回憶😇有慶祝活動一定會再去 如果鍾意食壽喜燒絕對值得一試

今日search旺角見到依間餐廳，見d食評講到有棉花糖咁有特色就去試下😌上到去成個裝修都幾靚，走型格路線，入到門口有個好大嘅武士歡迎你💪🏽去到叫咗壽喜燒二人餐，再加d 小食，再加兩杯野飲。最後係食到勁飽。講下d食物先，除左二人餐內，仲叫我串燒。串燒勁有心，下面啲熱石，熱住個串燒，所以上到枱，過咗就算食，都仲係熱辣辣！如果炸生蠔，炸得啱啱好，唔會炸到乾晒身，咬落去脆之餘，生蠔嘅汁都仲保留住👍🏾去到重點，壽喜燒！啲靚靚牛肉搵個木盒裝住，再加張證書，氣派十足！之後張證書係明信片嚟嘅，幾有趣😂😂 每個湯底都真係有棉花糖做，個感覺好正！ 而其他料，都好多，見圖啦當所有料都放野係到，感覺都幾震撼！之後有個可愛妹妹就會走過泥幫你煮牛，會按你要求煮好，再之後，仲會好細心咁問你想放係碗定蛋到！食兩塊之後，又會再問下會唔會覺得要休息一陣，細心程度100分！上段講到要食到休息，點解要兩塊就休息？因為依A5和牛，油脂豐富，極度香口！但係食兩塊真係要休息，一陣先可以再食。總括而言，十侍服務細心，食物質素高，價錢合理，地點方便，十分推薦！唯一要彈既係，商廈入口係巷仔入面，唔近大街

和牛同壽喜燒都係我Favourite 加埋棉花糖打卡，真係超級IG-able🤩 其實留意到呢間餐廳好一段日子，終於有機會黎試下！壽喜燒 二人前日本蘭王蛋🥚有買開日本蛋都知蘭王蛋係好野，橙色嘅蛋黃望落勁fresh，係煮和牛之前，店員會提你打散隻蛋，準備好開餐😂🇯🇵日本鹿兒島A5黑毛和牛見到d油花已經流晒口水，一片片A5和牛獨立包好放係木盒入面，仲有張出世紙俾你睇返牛牛係邊到黎，望落去好精緻好吸引🤩壽喜燒係由店員負責係你面前煮，等你幫棉花糖影完張靚相就開始啦，煮之前會問定你想牛肉熟嘅程度，十分貼心🥰唔好以為和牛一片好少，每塊都係完整一大片，食落好嫩滑，好滿足😌每人食左兩片之後，店員問我哋洗唔洗先暫停再繼續，等我地可以食下其他野先👍🥗季節野菜盛盒、稻庭烏冬🥕野菜盛盒包左好多款蔬菜、菇類、油揚、豆腐食完和牛，店員就會將菜同烏冬放落煲到，滾起就食得，最欣賞豆腐係有燒過，帶出豆香，食落仲勁滑，唔會一夾就散串燒。炸廣島蠔貪心嘅我哋仲嗌咗幾串串燒 share ，牛舌超正，店員會將串燒放係熱爐上面，咁就唔怕串燒方耐左會凍左。炸蠔外脆內軟，入面勁Juicy 😋😋Menu 入面有唔少cocktails ，見

十侍係主打和牛壽喜燒嘅餐廳，地段尚算方便，距離旺角地鐵站大概10分鐘步行距離，不過入口就比較隱蔽，要喺一條小巷入邊搭lift上去。餐廳裝潢行傳統日本風，門口有個一比一嘅日本武士figure，餐廳內嘅座位都幾寬敞，座位唔算好多，如果假日嚟就要提前book位啦！今次冇試到佢哋嘅壽喜燒，叫咗餐廳推介嘅夢見鳥set，有雞腿肉、雞腎、雞頸肉、雞心、雞肝同雞翼，一於試唒雞嘅唔同部位！雞全翼最有驚喜，火候啱啱好，而且啖啖肉，肉質又嫩滑。另外叫咗兩款炸物，炸吉列蠔炸到金黃色，好香口，蠔肉鮮甜。仲有🍤炸海老天婦羅，大大隻，一啲都冇欺場。最後叫咗碗白湯烏冬，雖然入面冇乜配料，但清清地中和返炸物嘅熱氣，個湯都好濃味，不過略嫌份量偏少。十侍 - 棉花糖A5和牛壽喜燒專門店📍旺角豉油街21C號Station 21 1樓

對壽喜燒同和牛冇抵抗力嘅我，點會唔試十侍咁特別嘅棉花糖壽喜燒當日點咗二人前，$898兩位，主打嘅A5鹿兒島黑毛和牛，上碟已經勁靚，仲有出世紙，雪花分布平均，逐件包住，壽喜燒嘅棉花糖原來係現場即製，開火就淋啲壽喜燒汁上去，好精緻好特別，專人幫手燒，按客人喜好調整生熟程度，牛味香濃，口感嫩滑，絕對有喺日本旅行食嘅質素稻庭烏冬同野菜，燒完牛肉，啲汁吸晒啲精華，味道都入晒去烏冬同疏菜度，食得好滋味，野菜嘅種類同份量都多，仲有蟹柳、腐皮、芋絲等，勁豐富另外仲點咗幾串串燒同炸蠔，有牛舌、大蔥豚同雞肉同芝士甜蕃薯，食得出食材本身新鮮，調味出色，啖啖肉好惹味飲杯揀咗荔枝梳打同巨峰梳打，清甜解渴，sukiyaki加串燒同果味嘅梳打好夾，好正好嘆除咗signature嘅壽喜燒，仲有好多其他唔同種類嘅選擇，各類酒精同非酒精飲品都有，啱晒同朋友一路飲一路傾裝修好新，佈置好日系，又乾淨又闊落，坐得好舒服，深色系同環境暗暗地，好有格調，氣氛好好，店員又招呼周到，係好抵食同食得好開心嘅一餐

壽喜燒一向係我最鍾意嘅日本嘢食頭幾位，一聽見十侍嘅棉花糖壽喜燒咁有創意，位置仲要喺旺角咁方便，點可以唔嚟試顧名思義，壽喜燒嘅甜味係嚟自十侍即製嘅棉花糖，和牛係嚟自鹿兒島嘅A5黑毛和牛，一望就見到脂肪分布好平均，有專人幫手燒，仲會問客人鍾意生啲定熟啲，非常貼心，和牛肉質又滑又軟，幾乎入口即溶，中間仲夾住入晒味嘅大蔥，非常高質芝士甜薯、炸廣島蠔 - 甜薯食得多，配芝士嘅真係第一次食，有諗過會咁夾咁好食；炸廣島蠔皮脆得嚟保留到蠔嘅濕潤，配千島醬亦好夾大蔥豚肉卷、大蔥雞、牛舌 - 連埋炭爐上枱，一路烘住，keep住熱，味道同賣相同樣高質，食得出食材新鮮，所以簡單調味已經好好食各款野菜、真打稻庭烏冬 - 有香菜、大白菜、菇、燒過嘅豆腐、蟹柳、腐皮同芋絲，特別想讚豆腐，非常有誠意，係燒過再煮，所以特別香；烏冬口綿滑，成煲食材都入晒味，好正巨峰提子梳打、荔枝梳打 - 果味突出，唔會剩係得甜味，壽喜燒同果味梳打係個好夾嘅配搭，飲得好爽十侍環境同氣氛都非常唔錯，深色系嘅設計俾人一種典雅嘅感覺，酒吧枱令人覺得好chill，其他位又闊又好坐，仲有間房俾一班人聚會，好有置身日本嘅感覺今次試二人前嘅壽喜燒，份量