十二味 (LADDER Dundas) (已結業)

在油尖旺區，要搵好食店，一點都唔難搵，只要大家話想食咩，就咩都有得食。 不揀飲擇食的，就有好多選擇……感恩我地2人對食不是有好大問題……今晚我地就想去食『四川菜』， 向味蕾打招呼……以前為了就男友，佢唔食辣，自己都唔食辣，慢慢地口味都好似變淡左少少不過唔緊要啦…總要作出少少改變，就同朋友友去食四川菜……食店樓下看更叔叔提我，係第8分店，在2樓吖…🤣😅🤣🤣見到menu, 其實好多選擇……見到menu, 其實好多都點0黎食……見唔見到天花上面有🐦籠仔……水煮牛肉：唔好以為紅噹噹好辣，其實食落口係好有層次……慢慢地……辣。水煮牛肉：牛肉好嫩滑，有青瓜，有油麥菜。蔥油拌麵：麻油味濃，配上水煮牛肉一起食，都好好味川香回鍋肉 ： 辣得0黎，配一流蒜泥青瓜 ： 口感辣辣地，食下青瓜，可以清新一下口空。涼拌土豆絲 ：好喜歡食薯仔絲，配上辣油及醋，好開胃，好好的開胃菜。不過有次同朋友去梅湘菜店食炒土豆絲，新鮮炒，比較好食……香港越來越多四川菜店，湘菜店，我們好有口福 ，可以食到唔同口味的菜館。

魚香茄子這個魚香茄子很惹味，茄子、肉碎份量夠多。而且不太多油。佐飯一流。每逢到餐廳或大排檔吃飯，總會叫一煲魚香茄子，香辣開胃。小時候總以為魚香茄子煲內是有魚的，十分抗拒。可是，自從試了第一口，就愛上了，後來才知所謂的魚香，其實只是加入了切碎的鹹魚，是整道菜惹味的主要來源。乾煸四季豆以大火快炒，四季豆燒至表皮略帶焦黃，乾身而不失原味。夫妻肺片四川最經典的小吃之一。這道菜有牛舌、牛肚。辣而不辛、麻而不嗆。蔥油拌麵熱辣辣的麵條，香噴噴的蔥油四溢。紅糖糍粑糍粑是用糯米蒸熟搗爛後所製成的一種食物。慢火煎香，蘸紅糖糖漿同食。完美!

今晚同朋友嚟十二味功夫， 之前就聽佢講十二味個麻辣火鍋有幾好食， 但我唔食得太辣， 但今次佢話同我嚟試呢間唔食麻辣火鍋，而且有多兩個人可以有辣有唔辣，OK，咁我就下你地啦。人多嚟食好好多， 我唔食辣可以另外點多款食物，所以點左人見人愛酸菜魚，店員話佢其實唔辣。等左一陣，一大盤酸菜魚就上場了。目測魚肉份量都幾多， 用嘅係鱸魚肉， 肉厚、無細骨，而且都算滑，湯味就帶少少辣，配埋酸味味嘅酸菜，好惹味。朋友話個湯都好好喎。麻辣干鍋就係自選配料，再選鍋底同辣度，廚房就會幫你熱炒。我地四個人選了六樣餸其實都好似有點多，不過其中嫩牛肉真係好滑，而寛粉就煙煙韌韌，我個人認為必點的。干鍋香辣但有點油，所以配上一碗白飯比較好。飲品我就點了酸梅湯， 貪佢夠大杯。不過呢度如果晚市嚟真係建議人多點好，因為可以試多幾款菜式嘛， 唔係兩個人點個干鍋，配白飯就飽了。

近排突然間好想食辣野又懶得返大陸，於是搵下香港有咩川菜選擇，搵搵下竟然搵到哩間新店。一出𨋢職員已經好好笑容咁招待我地埋位坐，菜式既選擇都幾多。 香鍋。哩道最出名既招牌麻辣香鍋，最少要揀5款配菜。今次揀左牛柏葉，滷水豬腸，嫩牛肉，海帶，寬粉。一黎到勁大鍋😂，哩個份量應該至少3個人先好叫。揀左少辣，最正就係啲寬粉同牛柏葉，吸哂啲辣味，建議中意食辣既人可以挑戰再辣啲。-夫妻肺片。件件都好大塊，切得又薄，容易入口，麻味都幾出，做前菜夠哂開胃糖醋排骨。份量多，每件都炸得好香口，酸梅味好出，用黎解辣都唔錯。蔥油拌麵。同平時出面食既有啲唔同，哩道係拌油麵，入口彈牙，重有陣蔥香味，但因為係蔥油加油麵，比較滯口，一定要share🤣🤣但都惹味既紅糖糍粑。成晚最期待既一道甜品😍，外皮炸到脆一脆，內裏煙煙韌韌，沾埋紅糖食，簡直絕配。重要整到細細舊咁，食落口又唔會好漏。慾望酸梅。哩杯飲品係解辣之選，淨係見佢咁大杯都已經好抵。食完辣野飲幾啖又可以繼續挑戰其他😂。最後值得一讚係哩道啲職員服務態度真係好好。

最近打算和友人聚舊，苦思進餐地點之時，發現油麻地一帶新開了一所川菜，據悉十二味餐廳品牌由一名未滿三十歲的年輕港漂創立，近年在香港大展拳腳，主打正宗有特式的外省菜，至今已頗具規模。餐廳設於新建的商業大廈之內，進入商業大廈時，我們就發現了一幅奇景，電梯上只有十二味功夫的招牌，其他樓層都只有白燈槽，估計其他公司尚未入伙，也就說是執筆之時此大廈只有一所餐廳而已。電梯門打開，就看到整所餐廳。由於是平日，人流不多，立即可以入座；餐廳雖佔全層，內部實際空間其實不大，裝修偏向簡約，白色的牆身，加上紅色燈籠作點綴，整體氣氛不俗，但部份餐枱的距離較窄，相信繁忙時會感覺到侷促。我們點了三款菜，川式口水雞、水煮魚、蔥油伴麵。川式口水雞口水雞是冷盤，雞肉也沒有因而變硬，依然爽滑，而且頗能混入醬汁的辣味，青瓜也是非常爽口，十分有水準。水煮魚、蔥油伴麵待應上菜時視覺震撼，整道菜色澤深紅，份量十足，足足比口水雞大了兩圈， 盤上滿怖辣椒和魚片，筷子一撈發現辣椒下還有很多不少薯粉和芽菜；辣湯底口味不算太辣，相信為本地人口味作出了調整，但依然十分惹味；我們也點了蔥油伴麵，配上辣湯底，令我食意大開；魚片質素也不錯，魚片去骨撤

朋友今晚帶我食酸菜魚，來到十二味功夫，環境十分不錯，坐位闊，人不多坐得舒服。火紅logo加上紅燈籠，好有中國味。靠窗幾張卡位，飲杯野都幾好。先要一枝無糖可樂，等待好菜上枱。朋友點了酸菜魚，份量好大，我地唔食辣，所以安排了走辣，魚肉十分嫩滑並且好大舊，食落口感好好，酸菜搭配正好合適，好夠味。魚肉大塊又嫩滑，酸菜送飯一極棒。乾扁四季豆，不算太油，清清地，好健康，夠香口，脆脆有味，一碟份量都幾多，抵食小菜。

今晚又嚟encore 十二味， 之前同媽咪去食麻辣香鍋食到唔停口， 最近見佢係屋企附近開新店，即刻call埋細佬去試🤤😋。人多嚟食好好多， 因為香鍋可以多點幾款餸嘛，今晚我地仲加左個人見人愛酸菜魚添。酸菜魚係湯菜， 魚肉用左鱸魚肉， 厚肉得嚟但好滑溜，湯味帶微辣，啲酸菜都超好味，個湯好好飲，酸酸辣辣但唔鹹，用嚟自制湯飯超級正😜。辣炒鍋就一如既往咁惹味，我地點左六款餸：雞軟骨、嫩牛肉、寬粉、萵筍、豆皮同豬頸肉。配碗白飯，連細佬弟婦都大贊好味又抵食！飲品我推介佢地飲酸梅湯， 夠大杯可解辣。而我就試佢地嘅桂花冰釀，桂花釀嘅清甜味，中和辣度👍。餐廳食物真材實料， 味道好有真正四川嘅神韻，而且CP值超高， 我覺得佢將會成為我同家人嘅飯堂囉🤭👍。

朋友相約於旺角吃飯，這次朋友安排了，前往一家在內地的連鎖食店，主打四川菜。 四川菜重點是麻和辣，也令我十分期待。餐廳位於旺角油麻地附近，地理上十分方便，距離地鐵站只有短短五分鐘路程。至於餐廳裝潢方面，以簡單嘅格調，配合充滿中國特色嘅小飾物，份外入型入格。我們點了秘製醬香鍋，配菜選了嫰牛肉，台灣魚腐，萵筍，金針菇及豆皮。 這是完全沒有辣味的， 吃起來充滿豆香味， 味道還算不錯，鹹鹹甜甜。極品麻婆豆腐，四川菜的重點， 一吃便知師傅的材料，絕對真材實料。 麻中帶辣，辣中帶點麻， 口感佳，絕對是代表作。甜品點了紅糖糍粑， 入口鬆軟，像年糕一般，也算是不錯，但可惜油份十足，未必每個人也很喜愛。價錢還算公道，意料之內，性價比也不錯，我還會再來的。

平曰食開川菜都是小辣一族。今日就來到十二味功夫川菜刺激下味蕾，七點左右上到，人流不算多，餐廳裝潢時尚不失中國風格，坐座位寬敞舒適。食川菜每次都必點酸菜魚，這里的酸菜魚用特選優質盧魚起雙飛做的主食，熱辣辣的一鍋送上，不但賣相吸引，味道一流，要求小辣的我們食到津津有味，魚肉嫩滑鮮甜，酸菜吸收魚湯的精華，又爽又辣又酸又鮮，非常惹味，加上新鮮花椒更野味，招牌自選香鍋又另一種風味，選五種菜式，炒咪一碟，有豆濃的腐皮、爽脆蓮藕、嫰滑本地牛、入味菇菇和窩筍味道好夾好豐富的一餐，吃過返尋味，我會常來的。

好多人都話鐘意食辣而又食得辣係一種幸福，因為味覺會有無窮既樂趣 呢度既環境非常有現代中國風既感覺本小姐推介：飲品桂花冰釀，非常正頭盤先黎個青瓜女士必點喔，青瓜有助隔油，食幾多都無問題啦 呢個青瓜爽口帶帶少少蒜蓉磨成碎既汁，開胃呢碟叫：十二味上上簽，個麻辣汁不得了 我個人覺得係成碟餸既精髓，麻麻地帶有辣味，但又唔到咳到喉嚨店員推介：經典香辣鍋滷水肥腸，雞軟骨，萵筍，鮮腐竹，寬粉炒埋一鍋禮成味道真係非常好，食香味俱全，重點係辣道可自行選擇以上開飯食評，只係查小姐個人食後感

朋友生日 佢又想挑戰食下辣野 上網搵下搵下就搵到呢間 呢間餐廳雖然唔太大 不過一d都唔迫 我地仲坐到可以望街景既卡位〰️川式口水雞〰️$68口水雞食落去有少少麻辣 而雞肉既肉質非常嫩滑 雞皮爽口 仲要係幾大碟添呀〰️香辣木耳〰️$28木耳酸酸辣辣 大大塊既木耳 估唔到係咁爽口彈牙 一邊傾計 一邊食 不知不覺勁快食晒成涼前菜 正〰️乾煸四季豆〰️四季豆炒得好有獲氣 肉碎好均勻沾滿左係成碟四季豆上面 鹹味調較得啱啱好 而家仲有少少辣 非常惹味〰️糖醋排骨〰️$88排骨表面沾滿左白芝麻同糖漿 味道甜甜酸酸 口感又有d脆口 食落去啖啖肉 好juicy 〰️人見人愛酸菜魚（少辣）〰️$198黎到今晚我最期待既重頭戲 酸菜魚 魚既份量比想像中多 魚食落去無骨之餘 口感覺仲好滑添 而味道方面 有魚味之外 食落仲有淡淡既芝麻香味 酸度同辣度適中 餸飯簡直一流 我地仲再加埋寬粉 寬粉索滿左酸汁既味道 同酸菜魚真係好夾 真係好好味！〰️桂花冰〰️$28食完d比較重口味既野 再飲返杯桂花冰 非常清新可口 正

辣癮起☝️又去搵新嘢試😀呢棟大廈好似淨係得呢間餐廳開咗張餐廳座位唔係好多， 四川餐廳嚟講裝修好四正同幾摩登👍兩個人叫咗一個酸菜魚小辣加薯粉，乾扁四季豆小辣， 酸辣木耳，冰粉同埋一個飯酸菜魚好滑，無骨，食得好爽😂 小辣辣度適中啱曬我，酸菜唔會太咸，送飯幾好加咗一份薯粉份量超級多，薯粉係好闊嗰種，好煙韌😋乾扁四季豆幾乾身，表面好香調味料既味，好惹味😋😋 唔會太油，小辣辣度都係perfect 👏個酸辣木耳唔係好辣， 酸酸地好開胃，size好大粒😅 同食開嘅幾唔同冰粉又係超大碗， 有淡淡嘅花香味， 要黎解辣或者當飯後甜品非常好😋店員服務都積極，幾滿意，唔駛返大陸食既好選擇👍

同朋友食生日飯，大家都喜歡食川菜，又想搵個中間位，於是搵到應該係新開冇耐嘅餐廳試下Menu就係呢兩頁，選擇唔多但好精，好多好吸引桂花冰釀$28好清甜微甜嘅桂花味飲落好舒服，中和番一陣比較濃味嘅菜式～川式口水雞$68份量好多，3-4人分先食得晒，辣油好香，辣味可接受酸辣木耳$28份量好多，都係3-4人分先得，酸辣剛好十分開胃酸菜魚（唔辣）$198呢個超正！勁大盆4人食完全夠，魚超滑又冇骨，係我食過最滑嘅鮮魚片！酸菜好正仲好多，記得加埋寬粉吸晒湯汁！魚湯加埋酸菜冇得頂～乾扁四季豆（唔辣，素）$68份量都好多，有朋友唔食肉，所以呢個可以揀素真係岩晒味道好惹味，炒得夠獲氣，好送飯！

發現了新開的川味店，對於愛食辣的我當然要去食我見鄰坐的食酸辣魚其實都吸引，可惜太大鍋，我們2個人，只能食個撈鍋再加小食。撈鍋碰不是火鍋，是選了配料後要把所有菜炒在一起，可選辣和不辣！上菜時辣椒麻辣味很吸引，菜的分量也很足夠！配飯特別野味我覺得食撈鍋不錯，麻辣後衣服也不會有一陣味！另外我們也點了炒土豆絲！這個比起撈鍋清淡一點，有一些陳醋的，所以酸酸的，清新也可以解解辣！飯類選了暗然銷魂炒飯！名字搞笑，味道也不錯，飯炒得很乾身～我們選不辣的，因為可以用撈鍋汁撈飯！正！！！講起解辣，我點了桂花冰釀。細細杯，不過桂花味好濃，而且甜度不誇張，正合口味最後發生小插曲，我走了後發現漏了錢包有餐廳。打回去店員叫我回去取，雖然是小事，不過我覺得店員也是值得一讚！

近日彌敦道開了很多樓上舖，今日中午又跟同事來試新菜，十二味功夫菜，地方不算大就是夠光猛整潔！🥢酸菜魚 $68味道不錯酸香中帶麻辣配白飯一碗非常醒胃，魚片新鮮嫩滑！🥢蔥油伴麵 $38賣相了得，但份量比較細，食落太多油，醬油味淡了點，麵條質地還算可以口感軟彈。平均每位 $53 不用加一都抵食啊！十二味覺得是用上 12 種調味料炮製，該是這麼理解吧！內容包括什麼就不知了！