十二味 (LADDER Dundas) (已結業)

口痕想食川菜，但係又唔想食咁辣，就黎呢度食個唔辣既醬香鍋。形式就係自己揀配料，然後廚師幫你用醬撈埋啲配料，就係咁簡單。健康啲想食多啲菜，慶幸呢度都幾多蔬菜選擇，揀左娃娃菜（$22）、海帶（$22）、寬粉（$22）、豆皮（$22）、金針菇（$22）、萵筍（$22）、鮮蝦（$48）、鮮魷（$38）。作為以重口味聞名既川菜，個鍋既醬味就差少少，但係勝在份量幾大，兩個人都食唔晒。一大抽金針菇。再叫埋蔥油拌麵($38)。等如一個豉油王炒麵，油分充足。飲品每人叫左支桂花冰釀($28)。用陶瓷酒壺上，好似飲日本酒咁，但係其實就無酒精成分既，只係桂花蜜之類，唔會好甜，幾清爽。

一出升降機就見到非常奪目既中國風既裝修，用紅磚壁瓦蓋頂做牆，耍哂功夫既熊貓畫，加埋象徵性紅燈籠。【水煮魚】$198一上菜，兩盤都系紅噹噹晚辣椒，煮法應該大同小異，味道差不多。熱油燙到啲辣椒發出嗞嗞聲，魚肉厚切又大片，無骨吾腥，魚肉肉質細嫩，辣而不膩，不過魚肉份量吾多。底下有寬粉，煙煙韌韌幾有嚼口，但系有D痴埋一舊就有D硬。【飄香毛血旺】$148湯汁紅亮，麻辣鮮香，未入口已香氣撲鼻，有鴨血、牛柏葉、魷魚、肥腸、午餐肉、大豆芽菜，味濃味厚人胃口大減。牛柏葉脆嫩吸哂麻味，鴨血嫩滑但系切得太薄，最正系想刺激胃口

約好左同麻辣控同事放工去十二味功夫食晚飯，入到店內裝修得好有中國風味，配上特色川菜，視覺與味覺俱備!好彩7:00pm已經到，7:30pm 已經全部滿座，有客人仲要等位！第一次食香辣鍋，以為好似火鍋咁有湯底，原來係似炒小菜咁！而且份量係勁大份（5款配菜）！經典香辣鍋（中辣，加麻）- 好麻辣，完全夠哂味！滷水肥腸 - 豬腸有炸過，所以比較乾身，但係係淋既，咬落唔會韌！美國肥牛 - 雖然麻辣味濃，但仍然食到牛肉味而且唔韌！土豆 - 切得勁薄，好香薯仔味，似食麻辣薯片！豆皮 - 煙煙韌靭，吸哂d麻辣味，好野味！寛粉 - 類似薯粉，滑滑的，又係吸哂麻辣味！呢個香辣鍋真係至啱喜歡食麻辣既朋友！川式口水雞 - 唔算辣，大約小辣但好野味，而且雞肉好嫩滑！夫妻肺片 - 都係小辣，好爽口又入味！兩個人食三百幾蚊，好豐富，好味又抵食，仲食唔哂要打包拎走，低估左佢地既份量！

與朋友在旺角睇戲後，很想吃開胃小菜，所以就選擇這間出名的餐廳−十二味功夫。我們點了新疆大盤雞、炒土豆絲及糖醋排骨。土豆絲加了辣椒炒，十分惹味，口感爽脆。大盤雞則用不同香料炮製，微辣，味道似雞煲，適合配飯，入面的薯仔既入味又軟糯。糖醋排骨絕對係翻食必選，甜酸醬合到好處，排骨外層脆口，咬落啖啖肉，絕對不像外面餐廳這樣配菜多過肉！讚👍🏻餐廳雖小，但五臟俱全，我們被編排坐角落位，十分適合與朋友暢談。值得一提餐廳提供的水加了檸檬，開胃解膩。

朋友相約於旺角吃飯，這天朋友安排了一間中菜， 這就是四川菜，但原來朋友說那是有點抗拒的， 所以我們點了兩個菜，一個是辣的， 另一個是不辣的，方便不同人的喜好。餐廳位於大廈之內， 位於兩個地鐵站的中間， 路程上還可接受。秘製醬香鍋，雞軟骨，鮮腐竹，豆皮，鮮嫰牛肉，牛柏葉。 請緊記最少需要點五個配料。 味道方面鹹鹹甜甜， 還算有趣， 配料價錢合理， 由最低的22元起發售。極品麻婆豆腐， 這是四川菜的重點， 充滿四川的味道。熱情果梳打， 沒什麼特別。這次有辣有唔辣，也算是一個不錯的選擇。

咁多種中菜之中，我都幾鍾意食四川菜，特別係麻辣口味嘅餸菜。早幾日比我搵到呢間十二味功夫，口味夠正宗，下次想食麻辣嘢都唔使返大陸了。涼拌土豆絲（$28）土豆即係我哋食開嘅薯仔，酸酸辣辣，非常開胃。糖醋排骨（$88）味道有啲似咕嚕肉，碟頭幾大，又係甜甜地酸酸地，好開胃。水煮魚（$198）我最期待就係呢碟水煮魚，魚片啖啖肉，冇骨架！肉質新鮮嫩滑；顏色紅卜卜，入口麻辣度剛剛好，仲有好索味嘅芽菜同薯粉，又夠大盤，食得津津有味！么妹兒冰粉（$26）一般四川菜都有冰粉叫，呢碗冰粉非常解辣，有淡淡桂花香，可以解辣又可以做甜品，正！

平時食川菜，唔係諗起樓下屋村商場啲地茂感覺小店，就係貴到fine dining嗰啲川菜館。今日我同男朋友就搵到一間正常價錢，又好時尚雅緻嘅川菜館啦，喺旺角嗰頭，地點方便易搵！入到去就被佢嘅擺設感引，中國式紅燈籠加埋啲裝修，有時尚特色！見到menu，見到有任揀嘅招牌自選香鍋，就梗係試呢樣啦！我哋叫左，魷魚、魚腐、窩荀、豆腐皮、四季豆，鍋底揀左經典香辣鍋（小辣）。黎到個鍋夠份量，我直情覺得我地揀嗰五樣餸係經典絕配，應該要放返一個pre set喺menu。個賣相都係打卡位添呀～啲料夾埋啲醬汁，好惹味，配白飯就岩哂！真係會食唔停，因為濃味菜式配白飯係絕配。之後我哋仲叫左涼拌土豆絲，蒜泥青瓜，正正常常都okay! 特別推介佢個「桂花冰釀」，好好飲！桂花愛好者岩哂^ _ ^

@ 十二味功夫 (旺角)旺角彌敦道575號LADDER Dundas 2樓-因為我太太太鐘意食酸菜魚啦 呢間係我近排大愛❤️❤️酸菜魚好味 酸菜多 最重要係唔會太辣太油！雖然鐘意食 但都唔想滿口滿胃油之前食大陸嘅酸菜魚都係太辣 同埋太多油 即使幾好味 最後都有少少唔舒服但呢間好適中 佢有酸有辣 味道岩岩好！-仲有最鐘意佢嘅黑糖粑糍！我大大大愛❤️❤️❤️好鐘意食 出面脆脆的 入面軟 好似食年糕咁 仲有黑糖甜味 我超鐘意！講起 又想去食！[🍽好食指數：10/10]

同朋友行過油麻地，咁啱見到呢棟building新開啵行入去望吓俾我哋發現到呢間食四川麻辣菜嘅餐廳竟然有我最想食嘅酸菜魚！呢排個個都話要返大陸食酸魚，太好啦，而家連大陸都唔使返就可以喺香港食到餐廳裝修得都幾有四川味道，掛咗好多紅色嘅燈籠同埋係用熊貓來做主題，唔知係咪功夫熊貓咁嘅意思呢？餐廳都幾得意㗎喎，預備客人一張好大的嘅點餐紙，想食啲咩就直接喺點餐紙到寫。樣樣都想食，又有酸菜魚，又有水煮牛，又有香辣鍋，最後我同朋友揀咗招牌酸辣魚，四川口水雞同埋極品麻辣豆腐餐廳好細心仲可以俾客人揀辣嘅程度我哋兩個都揀咗小辣首先口水雞到咗先，賣相好出色，一睇就知好夠味，好有四川嘅味道，食落口啖啖肉之餘每件雞都入晒味！麻得黎又辣辣地，真係好過癮！招牌酸菜魚都上枱啦，好大盆既酸菜魚，未食已經覺得好吸睛，首先飲咗啖酸菜魚既湯，勁好飲好夠味，先會飲到酸味然後帶少少辣味，好開胃呀！而且裏面有勁多塊魚片塊塊都好滑溜好有魚嘅鮮味！配埋酸菜食簡直食到舔舔脷最後盤麻婆豆腐都上埋枱，肉碎豆腐配埋麻辣嘅醬汁，超級送飯呀！今餐四川味道嘅晚餐真係有驚喜呀💕💕紅色燈籠💕💕功夫熊貓💕💕人見人愛酸菜魚💕💕魚片好滑溜💕💕川式口水雞💕💕啖啖

見到有折就諗住去呢間！一直都好期待之前係深圳食過酸菜魚之後係香港一直想食翻咁岩見到呢間！環境都幾衛生同幾有特色都幾靚嫁首先要叫既梗係酸菜魚啦！有唔辣 少辣 中辣 大辣選擇嫁！我同男朋友都怕辣所以都係食少辣好啦！上菜啦！俾我想像中大好多！仲要湯底酸辣岩岩好啊！最鐘意係佢唔算太油岩曬次次食完好油既野都會肚痛既我！再見到好多人推呢個望落覺得好普通但食落真係超正內軟外脆加埋好香既豆粉同蜜糖下次一定再試！但要加一 不過無乜特別服務連紙巾都要加錢就覺得唔算合理但食物質素唔錯

呢日，係我充滿挫敗既一日。我，handle唔到呢到既辣。呢日我最generous既好朋友請我同我男朋友食飯！仲食我地好愛挑戰既川菜！第一次黎呢幢大廈食飯，一層細細地都幾骨緻，都幾舒服。入正題！【酸菜魚】全枱最唔辣既菜式。魚滑新鮮唔腥，酸酸地微微既辣，好開胃。好大份！好多料。【乾鍋】-中辣我地加加加加唔同既配科，叫咗中辣，然後，我失去咗自我。好好食，超惹味，同時都好辣！！！特別講講呢到既肥腸，好大條，好厚，少少un，我自問handle唔到太厚又un既肥腸 :<【辣子雞】呢個都好好食，d雞好乾身脆口，好香，都係好惹味！加下腰果，連腰果都好辣！同埋優點係佢辣椒下的雞粒都幾多，唔會借d宜比好少雞你，讚！【紅糖糍粑】我既救命恩人，差唔多全部我食晒。糍粑太淋，我覺得之前返深圳食既好味d！總結，今日既失敗，只係我既精神力唔夠。下次，我！會！叫返小辣。

Chuan cuisine is getting popular in Hong Kong nowadays, It's known for its tongue-numbing and hot from the use of the various spices. However, there are also many items on the menu that are suitable for non-spicy lovers.Boiled Fish with Pickled Cabbages have spicy and non-spicy option, which we go for the spicy option, it actually wasn't that hot, I guess probably the chefs has localised the flavour of some of the items. The fish is chewy and fresh, with the special type of wide starch vermicell

今次約朋友去香港有好多分店既十二味呢間旺角分店新開，仲係一棟新起好既大廈入面全棟樓就係得呢間餐廳咁大把入到去得幾枱客 餐廳得三個卡位有book位所以有得坐卡位 以為私隱度高啲啦點知餐廳連星期六晚都無客 我地用正常音量講野都全餐廳都聽到我地叫左酸菜魚$198偏貴辣味唔多夠 魚都唔多夠 朋友就話番大陸食好過喇另外叫左夫妻肺片 味道唔錯 辣味加沙茶醬好好 不過份量都係差啲囉仲有酸辣土豆絲 呢個就比較合格喇 唔會太油 酸味辣味平均綜合黎講呢間野比較普通 性價比唔高 人均170好貴又唔夠飽啊仲要冇得用信用卡差啲唔夠現金比啊

而家喺香港食酸菜魚嘅鋪頭越開越多，食物嘅質素比起內地亦都一啲都唔遜色，今日就黎試吓旺角嘅呢間十二味功夫嘅酸菜魚首先叫咗酸菜魚，價錢大約係$200 ，份量都算多，魚片食落去嫩滑冇骨，而且算厚身，魚湯味道酸酸辣辣，和入邊嘅配菜亦都好食，唔錯之後有麻婆豆腐，佢亦都煮得非常出色，豆腐入口除左滑，仲可以食到淡淡的豆香，送飯真係一流最後叫咗個干扁四季豆，調味非常嘢味，抄得非常有鑊氣，四季豆嘅味道依然喺度，好食夠曬香

自從食過酸菜魚，就愛上了酸菜魚的味道，同埋貪酸菜魚通常起哂骨，唔洗吐魚骨！今次就搵了呢間食下，因為網上見到好多推介，同埋呢到嘅酸菜魚好大碟，因為食得幾件會唔夠喉！呢到嘅裝修走中國風，環境跟食物很配搭！原來佢有分店，呢間已經係第8間分店，咁下次想食酸菜魚都唔一定要出黎旺角啦！人見人愛酸菜魚 $198酸菜魚果然沒有令我失望！ 鱸魚肉質厚實嫩滑，質感很好，又大大件，無骨又鮮味，完全不腥，因為一腥就會大打折扣，無論味道多好，腥味是難以掩蓋！個湯亦都係酸菜魚嘅靈魂，辣度屬於小辣，夠酸，唔會油膩！酸菜魚入面仲有好多酸菜，菇菇、萵荀都鮮甜爽口！蒜泥青瓜 $28蒜泥青瓜是涼拌菜，青瓜與調味料醬汁拌製而成，蒜味好重，爽口清涼又開胃，平時唔鍾意食蒜嘅我，都接受到呢個味道！紅糖糍粑 $48紅糖糍粑是四川的一道經典小吃，亦已經成為一道用於開胃解辣的必點小吃！食完咁多重口味嘅野，緊係叫埋佢紅糖糍粑甜返一下！呢到做嘅紅糖糍粑，炸得夠香脆，咬落香甜軟糯，沾小小紅糖更惹味可口！