十二味 (LADDER Dundas) (已結業)

十二味我就食過幾次架喇,今日得我一個人食午飯,就入左旺角十二味功夫食.旺角呢間新開,新裝修環境不錯 坐起來也很舒服,人也不是很多,一上去便可以馬上坐下點了個午餐,order左酸菜魚🐟大約15分鐘就有食物端上枱喇,魚肉係又無骨又嫩滑,個湯頭酸酸辣辣咁, 好開胃. 碗內除左魚同酸菜，仲有菇菇、爽筍，我覺得好正, 啱哂胃口, 不過佢唔係小辣黎架, BB辣GE 朋友仔自己小心點喇!酸菜魚午餐加$5 有汽水, 盛惠$73.今日午餐好滿足,值得推介, 下次會試下點口水雞.

週末午餐 新裝修環境不錯 坐起來也很舒服 人也不是很多 一上去便可以馬上坐下點了個午餐 口水雞和酸菜魚 口水雞唔夠入味 似食緊白切雞 醬汁只有紅 味道不多 酸菜魚只有酸 非常的酸 魚肉一般服務態度也好

果然和不同的人就會吃不同的東西, 這次很久沒有見的舊同學竟然會約我吃川菜。我這個米線也只能吃四小辣的, 聽到吃川菜就會想吃一鍋紅紅的辣油, 還要是滿窩辣椒的十分嚇人, 但其實也有一些微調後較"溫和"的。這間要上樓的川菜館我是第一次來, 想不到地點幾方便。餐廳是新式中式裝修, 紅.黑色主調帶點格調外, 坐也舒服, 最少張飯枱不算少, 可以同時放得下所有東西。因為未吃過這樣型式的食物, 還是舊同學發板好了, 他只問我不吃什麽東西, 吃牛或吃豬等, 飲什麽外, 就快手點了菜。有他真好, 我可以暫時不用想太多 , 讓腦袋休息一會。(平時點菜大多是我...)十二味上上簽應該是這兒涼菜併盤吧, 每款也有兩條, 可以試試不同口味, 最適合我這個愛試新的人。有我喜愛的海帶結, 附了"小辣"的辣油後亦是爽脆好吃, 多帶了點刺激, 加了芝麻就更香, 十分不錯的開胃菜。同樣年藕片也是爽爽甜甜的, 素菜也可以配辣, 而且可令味道更突出。另外亦有鵪鶉蛋串, 小小的卻是在整碟中味道最濃, 蛋黃香味濃郁, 配辣原來幾夾的。我們這晚的主菜是經典香辣鍋,  自選了幾個食材, 土豆, 豆皮, 萵筍, 美國肥牛, 鮮魷等爆

平時去旺角食飯都好少行到去信和嗰邊揀嘢食不過今日咁岩喺油麻地落車就見到原來呢度有新嘅大廈仲要係有得食辣野就想去試吓啦一想到去就見到好明顯係中國風啦又熊貓又有大紅燈籠咁菜式唔複雜好快我哋就揀到想食嘅嘢啦叫咗呢個桂花酒釀同酒釀丸子好接近不過就係凍嘅分量比較少正呀正呀酸菜魚嚟啦啲魚好滑好味道唔泰勒又夠酸仲叫咗一個可以自己揀材料嘅秘製醬料鍋最少要揀五款餸菜食完仲叫咗個甜品去試吓就係紅糖糍粑啦yummy yummy 其實即係黃糖加糯米糍

從國內來旅遊的朋友看到網上推介這家位於旺角的醬香窩，即管跟他去試試新口味。十二味功夫位於彌敦道575號二樓，電梯大堂入口在百佳超級市場旁邊。電梯門一打開就可透過欄柵見到餐廳，裝修簇新而簡潔，座位不太寬闊。以紅色作主調，感覺熱鬧，若果吃麻辣窩應該更有氣氛。這裡的招牌菜是自選香鍋，起初以為像火鍋一樣，生的配料自己盪熟，到上菜時才知道所有的配料都已經在窩中煮熟了，可以即吃，真的長知識了⋯⋯因為朋友不吃辣，故點了秘製醬香窩窩底（$38）；醬香窩即是豉油窩底，味道調得很好。配菜我們點了六款金針菇甚為新鮮（$22）萵荀鮮甜爽口（$22）豆皮十分彈牙（$22）窩物至愛午餐肉（$48）嫩牛肉很嫩滑彈牙（$48）美國肥牛（$48）；火鍋常見配料，煮全熟仍不會靭。飲品超級大杯，熱情果梳打和慾望酸梅，每杯$28。二人飽餐一頓才盛惠$334，價格相宜。

油麻地區新起的大廈成座大廈都只係去到2樓餐廳營業到凌晨2點餐廳分店多我已經係第二次嚟食啦食過酸辣魚覺得好好食今次邀請咗朋友一齊嚟食大年初四 都係加一新年快樂餐廳人流唔多餐廳座椅數目大約30人左右人少少傾計都暢快啲點咗三道菜一酸菜魚朋友唔食得辣叫咗走辣酸菜魚真係好酸最後叫加咗碗白飯食yummy冇骨開胃二干炒鍋七餸炒一鍋雞軟骨娃娃菜蝦寬粉蓮藕土豆魷魚炒得唔錯夠香但下次要order少油三炒麵48hkd有點乾身黏埋一齊飲品方面柚子茶750ml 正熱情果梳打750ml正仲可以2人share熱檸檬水免費甜品紅糖糍粑48hkd

旺角近日新開的十二味功夫 招牌好顯眼 充滿中國風 係對面街都見到好多紅燈籠餐牌選擇唔不太多但充滿特色近排內地盛行的酸菜魚呢度都有得食但今次無簡到食酸菜魚 簡左食麻辣野嗌左霸王辣子雞 有得簡大中小辣點了個小辣 一上檯見到咁多辣椒 好驚但食入口唔算太辣 可接受雞肉炸到好乾身 完全唔油膩 食多幾件都唔覺肥 但略嫌切得太細粒 好多骨碎 要小心食最好食的是腰果炸到非常脆口 愈食愈好食另外點了招牌香窩香窩最少要點5個配菜很特別 辣辣地配上自己簡既材料

最近無時間返深圳玩，但又好想食酸菜魚，經同事介紹油麻地開左間十二味同深圳太二差不多既，於是今晚放工即刻去試下先餐廳環境唔錯，樓底都幾高，原來宜家上樓舖頭都幾舒服款式都係大同小異，當然有主角酸菜魚啦！另外亦有香鍋提供好似打邊爐咁既！但嚟得呢度我見其他客人都係食酸菜魚男朋友叫左杯桂花酒釀，初初以為會好大酒味，而且我麻麻地桂花製品，所以我唔太敢試！但佢飲左話好清好香桂花味道，咁我就膽粗粗試下！哈哈！果然有驚喜，入口清甜而且酒味唔太濃，正呀！餐前小菜例牌會叫個重口味既蒜泥青瓜，怕一陣個酸菜魚太辣，呢個就可以解辣喇！入口好爽好冰涼！另外再叫左口水雞，坐低見到幾枱客人都有點，應該係唔錯既！果然都係有驚喜，雞肉嫩嫩唔太辣，而且份量剛剛好，值得一試！嚟酸菜魚前我哋既習慣係叫碗白飯一齊食主角酸菜魚出場，果然無失望，同深圳太二比較真係有d似，真係好好味！辣度餐廳已經安排咗係適中既，魚肉份量好多，厚度適中唔會太薄，入口亦都好滑！酸菜加萵筍做底好夾！真係頂到我未去到深圳既癮呀！

食物味道: 呢度辣嘅食物可以選擇走辣，以酸菜魚為例，可以要微辣或唔辣，我們選了微辣，的確只係微辣，容易入口，所以不嗜辣嘅人都接受得到，呢度最值得欣賞嘅其中一樣，就係火候夠，同你落單之後，就聽見廚師開爐煮野，爐火嘅聲音猛烈，你就知一陣出嚟嘅食物幾夠鑊氣，幾咁熱騰騰嘞。 食物份量: 主菜份量大價錢: 扺食環境: 今年一月十八日新張試業，地方新淨企理，餐廳不算大，大概40個位，可能新開張，星期日晚飯時間都唔多人，大概有10個客，所以坐得舒服，而紅色為主的裝修，仿佛提醒大家，提供的食物都是辣辣的。服務: 殷勤，亦經常幫我地添水。回頭指數(10分滿分): 10分

星期六晚我又同朋友周圍覓食，係旺角行完街，又中意食辣既朋友今次有口福喇，呢間十二味功夫新開係小米附近既彌敦道575號2樓，裝修新穎得黎保留左中國特色。我建議大家叫佢地既經典香辣鍋黎食，可以自由配搭配菜，辣度又可以自己揀，唔食得辣既可以叫佢既秘製醬香鍋。個人覺得必配既材料係萵筍、寬粉、娃娃菜、鮮腐竹同肥牛，太岩我口味喇，而且好大鍋（話夠四個人食都唔誇張），同朋友兩個人完全食唔曬，最後打包返去繼續食🤤飲品我要推薦桂花冰釀$28好好飲，停唔到口，極香桂花味，易入口，又解辣，黎到一定要叫丫！蔥油拌麵$38又係份量大，呢道菜其實簡單得黎好考功夫，要香得黎麵唔痴身又唔油膩，呢度係做得到既～熗炒土豆絲$68無辣不歡既我地，問左可好揀辣炒，土豆絲切得好幼身爽口，師傅功力真的不錯！服務都親切，會主動幫客人添水（係檸檬水，唔係白開水）菜單係自己剔，成個落單環節方便快捷～

應該是新開張的關係餐廳沒有很多宣傳牌, 不過我哋喺附近放工偏偏就喺樓下見到!直到有一日真係忍唔住要試下, 話曬都好耐冇食過辣嘢呢間餐廳嘅裝修簡潔清潔, 中上環的餐廳高檔少少嘅感覺...環境清靜方便傾計,仲有彌敦道景緻很好的第一印象我哋叫咗川式口水雞, 十二味上上籤, 酸菜魚, 蔥油拌麵, 太吸引嘅關係, 兩個人又好似叫得太多添川式口水雞: 老闆調味, 麻而不辣酸菜魚: 呢個真係要推薦!啲雨落得嚟好有口感十二味上上籤:唔好以為好紅好辣, 又係嗰句味道適中麻而不辣蔥油拌麵成枱都係好味仔整體嚟講真係值得推薦, 環境好食得舒服有卡位,服務態度良好, 最適合一家大細或者朋友聚會可是由於新開張未有太多宣傳的關係, 希望來年多啲人!小妹推薦

香港地，食店多過天上繁星。如果冇返一兩味撚手野，文雅 D叫 signature ，真係好難留住客人的心，好難保證回頭率架！呢間的signature酸菜魚，堅得！真係人見人愛呀！人見人愛酸菜魚$198酸菜，甜酸辣咸味都有，味道有層次得來又唔會過火，真係好香好開胃架。魚片又真係可以做到薄切得來彈牙，煙韌之餘又嫰滑，而且完全無碎骨，令人食得好安心。除左酸菜同魚片，佢仲加入左窩荀，浸到入曬味，好好味。仲有個酸菜汁都想讚吓，好濃味唔油膩，撈飯一流，五星無懸念。夫妻肺片 $68通常夫妻肺片都係切到碎碎的，第一次食到咁大片上的牛肚和牛什。夠重手夠足料，而且係靚料。視覺上比較靚，CP 高。可惜切大片亦有個唔好處，就係較難咬，感覺上川辣汁亦無咁入味。個人還是比較喜歡切到碎碎的夫妻肺片。大盆花菜 $78椰菜花炒五花肉，係我最愛的經典川菜之一。今次試唔辣，仍舊好香口、好美味。走了辣，更加能夠食到椰菜花的香，與五花腩片的美，幾正的。裝修不錯，幾好坐的，新開張人唔算多。味道好又舒服，加上價錢公道，會再來。

平常最喜歡和友人到大陸覓食，好吃的川菜都例如是酸菜魚、水煮魚等等都是我的心頭好。非常辣同惹味嘅菜式。最近同行的友人推介這家十二味，説是跟內地的餐廳很像的感覺，十分有中國特色。茶單有招牌的香辣鍋外，更有涼菜、熱食、主食及甜品等。夫妻肺片四川名菜是把牛內臟洗乾淨後用滷水煮熟，並切成薄片，看刀工就知道是花功夫的料理。還有花椒、滷水、芝麻和芹菜等的佐料，拌勻後色香味俱全。由牛肝、肚、舌、牛筋、牛肺、及牛𦟌等組成。牛內臟很入味，而且口感彈牙。蒜泥青瓜 青瓜爽口而且清新，是個不錯的開胃菜。水煮魚水煮魚份量蠻大一盤的，魚肉片數量很多，另外再有紅薯寬粉、芽菜、西芹、青瓜等配菜。水煮魚用的鱸魚肉入口滑溜，仍能保持原片狀態。湯底有指天椒、花椒、八角等調味食材熬煮，麻辣度可以接受，不至於太辣。蔥油拌麵 雖然外表普通的醬油色，但沒想到蠻好吃的。麵條充滿彈性，加上蔥令味道更清新。

同朋友仔想食辣野知道旺角開咗間新嘅十二味功夫即刻去試吓係咪咁有水準菜單如下我哋叫咗個人見人愛酸菜魚魚肉鮮甜無腥味 食落魚肉嫩滑鹹酸菜沿用左細個用嚟炒餸隻鹹酸菜鹹味酸味都好夠再加埋辣椒嘅辣味非常惹味涼拌土豆絲土豆絲非常爽口 食落有少少麻辣帶酸開胃非常酸辣雲耳雲耳清爽 本身呢種食物已經對人身體好呢一個煮更令人食到停唔到口 一啖又一咪刺激嘅鮮辣椒味 再有酸味 簡直令人食指大動紅糖糍粑剛剛乍起嘅米糕 外脆內軟上面沾上花生粉 再點糖漿 軟糯感配上甜味 好吃到不能自拔

近來十二呢個數字好多人都拎嚟形容美食，好似十二道鋒味咁人人皆知是美食，而今次我同我朋友就去了旺角一間「十二味功夫」來享受一個中國重慶式風味的美食。在餐牌上見到有介紹“十二味” 嘅由來，是代表一個完美的味覺序列， 食店招牌主打麻辣香鍋又要炒出來的火鍋， 發源於中國重慶， 香鍋秘製香油由大廚精選十二度香料炒製而成， 回味悠長嘅獨特口味，麻辣鮮香，不傷胃，不上火。睇完介紹後我就同朋友嚟試一試有幾辣，先點一個經典香辣鍋底，要一隻辣椒嘅辣，之後必需點5款食材，就點了午餐肉、田雞、嫩牛肉、土豆及萵筍。落單後廚師為你精心烹煮，等待10分鐘食物隨即上檯， 香辣鍋好大碗，而且仲滿紅色辣醬，睇到就馬上覺得好辣。入口第一啖先感到有麻辣香，午餐肉，田雞及嫩牛肉滲入了香料後，味道更香非常惹味，而且仲好有麻辣感， 越食越過癮。至於萵筍好爽脆，好新鮮夠晒甜，我好鍾意。另外土豆即係薯條，好好味好夾個麻辣醬油味， 真係令人一試難忘。之後仲點了一個重慶甜品「 紅糖糍粑」，煎得好香，外脆內軟，而且不會太甜，食呢個甜品解辣真不錯。飲品方面，超級抵飲，一杯只係$28蚊的熱情果梳打及慾望酸梅， 成壺水咁大，可夠飲足一晚，厲害。