十二味功夫 (已結業)

以前打正黃埔地鐵站A出口嘅係功夫點心大概一年前見佢裝修，我以為佢結業，點知原來係將舖位縮細一半，分咗一半比十二味功夫😮😮呢到同十二味烤魚係同一集團，所以個menu好似樣，都係簡單易明同埋選擇超多😱唔知佢同十二道鋒味嘅chef lemon 有冇關係呢😂😂一入座已經feel到佢陣中國四川風，紅燈籠🏮配上古色古香嘅裝潢，好似返咗大陸咁😂😂因為我朋友唔太食魚，所以就無試佢嘅招牌酸菜魚，不過就嗌咗佢另一個必食之選口香鍋😍朋友唔食辣，所以我哋揀咗秘製醬香鍋，配料另計，雞軟骨$48、牛肉$48、萵筍$22、腐竹$22、寬粉$22，上碟時我地仲擔心食唔食得晒😝結果太惹味我地兩個人清晒！另嗌多咗個糖醋排骨，但其實係完全無骨的，超送飯😍高質小炒！甜品叫咗紅糖糍粑，之前喺啲川菜舖試過就念念不忘！呢個好似麻糬咁嘅小食，佢係用糯米製，加咗啲熟嘅黃豆粉，用碟仔上咗啲紅糖漿，食時比你蘸醬食，嗜甜兼愛煙韌口感人士如我，一定好鍾意！

早前在附近吃火鍋，係黃埔A出口 兜口兜面見到呢間十二味功夫，勁方便，紅卜卜好搶眼，裝修頗具中國風設計，被佢吸引住。今日專程為食佢嘅人見人愛酸菜魚而來！🤣酸菜魚有辣有唔辣任君選擇，我就揀左辣，雖說是辣但又唔算好辣，唔會搶左魚嘅鲜味，酸菜都不太酸，容易入口，酸辣適中不傷胃！份量超大，魚肉嫩滑美味，切得唔會太薄，唔會一夾就散。👍🏻另外還點了 紅糖糍粑，超驚喜好好味，熱騰騰外面香脆可口，裏面軟糯煙韌，不太甜，紅糖好香喔！桂花冰釀～見個＂釀＂字仲以為係酒，冰冰涼涼帶濃香桂花香味 正！欲望酸梅～個名有啲曖昧🙈大大杯好抵飲，幑酸帶淡淡桂花香！

上次試過十二味烤魚，今次見到有間十二味功夫，紅噹噹嘅鋪頭，好引人矚目，於是同朋友仔決定試下呢間，呢度以中國風為主題，掛住幾個紅燈籠🏮入面都幾闊落坐得都幾舒服。我地點左四個餸。分別有酸菜魚🐠紅糖糍粑👍🏻口水雞🐔同酸辣木耳！酸菜魚🐠$198酸菜魚分量十足，魚肉夠嫩夠滑都夠味，酸菜魚最重要當然唔少得酸菜啦，酸菜夠曬爽口味道適中，啱曬我口味🤤紅糖糍粑$48呢個必點，滿滿嘅黃豆粉，煙煙韌韌，記得一定要趁熱食，超好食💕口水雞🐔$68雞件唔算好滑不過就夠味，有啲碎骨酸辣木耳$28木耳就覺得一般般，唔係好夠味，所以唔推薦，總體黎講都算可以，會有下次

這間十二味功夫，正正座落於黃埔地鐵站一出口位置，食川菜最合我意，今日有時間就過來食。餐廳裝修古色古香，一個個的魚網形紅燈燈籠，及以木為主的裝修，很是雅緻。糖醋排骨$88糖醋排骨，我喜愛食酸酸甜甜的味道，所以要了個糖醋排骨，但侍㒣話沒有糖醋排骨，隻有咕嚕肉，咕嚕肉酸酸甜甜，惹味之餘啖啖肉。乾煸四季豆$68乾煸四季豆，用欖菜及肉碎炒，炒得夠鑊氣，又香口。霸王辣子雞$128霸王辣子雞，本來我最最喜愛食麻辣水煮魚，但先生喜愛食霸王辣子雞，夫唱婦隨，就揀了霸王辣子雞了。霸王辣子雞上枱真是滿碟濃厚的川式味道，一整碟鋪滿了炒得一上枱已飄過來麻香辣味道干辣椒，令人垂涎，雞切得細細粒，帶干身很香口，不要見到這麼多辣椒，就以為會很辣，其實隻是香辣，很可口，佐飯最正。可樂$15食川式菜自然更加少不了可樂，冰冰凍凍帶甜可解辣又美味。

紅磡咁細竟然開左兩間十二味，新依間可能地點比較方便，係正地鐵出口，加埋新裝修所以樂多人等位。舖面好細，都幾迫下。waiter又好似唔係好夠咁，見佢地跑黎跑去都好忙下，但係想落單都要有d耐性。不過上菜個下都好滿足，碟碟都好有好大碟，熱辣辣，又唔會辣到食唔到。辣子雞都好多肉，唔會好似出邊個d得d骨、四季豆炒得好乾身、水煮牛都好好味。不過個蔥油拌麵就油左d同埋都幾細，有d唔係唔抵食。兩個人叫左4樣野完全無可能清得曬。

在寶石戲院看完Avengers順面係黃埔吃晚飯。上次係深圳吃了酸菜魚，令我回味無窮，想一試再試，甘岩見到呢度有，於是試試。人見人愛酸辣魚，可以選辣或𣎴辣，辣度也細分為小辣，中辣，大辣。圖中為小辣，辣度剛剛好，適合不吃得好辣但又想食小小辣的人。魚肉方面，魚肉厚實，配上湯汁，酸辣開胃，配飯一流。熔炒土豆絲。土豆絲炒得爽脆，加上少許調味，十分惹味，不過稍為多了點油。吃完辣野，當然要吃一碗冰粉解辣。冰粉有陣陣桂花香，清新脫俗。其實他的自選香鍋也很吸引，可惜肚子容量有限，下次再來試試。

女友嘈o左好耐想試呢間十二味功夫，一於滿足下佢試一下啦。星期五晚放工去，排隊排了大約15-30分鐘，裡面全場爆滿都幾旺場。一坐底即刻叫了經典香辣鍋，跟指示點了五款菜，包括肥牛，牛肚，涼麵，雞軟骨，腐皮等。另外又叫了川式口水雞及飲品蜜瓜奶和桂花冰釀。先說食物: 川式口水雞，味道不夠入味，而且肉質粗糙，價錢亦不平，感覺譚仔的口水雞性價比要高好多。經典香辣鍋就係好好食，好值得推薦，香和辣味不停湧出來，而且份量不少，愛辣之人必叫，配上一碗飯已經好夠食。至於飲品方面，蜜瓜奶雖然食得出有蜜瓜蓉，可以味道和紙包飲品不差太遠，而且份量少，賣$28/杯不值。桂花冰釀就味道甜甜，頗特別，$28/杯尚算可以。這晚共消費了$400+，感覺性價比稍低。

經過黃埔 一出A出口就見到有間川菜好吸引 所以就黎試下首先個環境好舒服 同朋友傾計一流乡妹兒冰粉 $26晶瑩剔透 有淡淡既桂花香味 加入黃糖唔會死甜 夏日消暑一流人見人愛酸菜魚$198酸做主味 酸完之後會有陣薑味刺激味蕾 有層次 而個魚質好爽彈 值得推薦 食完唔會口渴 係真材實料。蔥油拌麵 $38鐘意蔥油既你一定會鐘意紅糖糍粑 $48炸得啱啱好 有少少跪 但又唔會話好焦 配埋黃豆粉同紅糖 好perfect 而且紅糖另外上 可以按番自己鐘意既甜度配合番以下係晚市既餐牌：

今晚約了同樣喜歡食辣野的朋友來品嘗川菜😋兩個人坐了一邊的卡位，幾闊落舒適。店員遞來菜單，哦？有A3 size咁大既？！老花都可以睇得清楚😂跟朋友快手商量好吃什麼，下好單兩三分鐘後，涼/菜就到了，主角酸菜魚更是五分鐘就已經上台！速度快得驚人😮👏🏻蒜泥青瓜：酸酸地好開胃，我們特意叫一樣不辣的來中和其他兩樣辣野😌夫妻肺片：有幾種不同的牛肉/牛肚，肉質軟腍，辣度適中，有那陣川菜獨有的香辣味，越食越正，下飯一流！主角：人見人愛酸菜魚這個不得了！魚肉大大塊，啖啖肉，好滑溜，不腥，叫了小辣，辣度及麻度都很順口，一不留神就吞了好多塊，太美味！湯內還隱藏不少爽口的萵笋片，有多樣蔬菜食，好！桂花釀：吃重口味的東西怎可不來一杯凍飲？見呢個桂花釀咁特別，唔係周街有得飲，就叫了一瓶share，店員還醒目地拿了兩個杯給我們，抵讚！味道香甜、清新，正呀！極力推薦！店內的水也有檸檬味，解辣！跟朋友清了碟！今餐非常滿足！店內的燈頗有特色

食酸菜魚不二之選位於紅磡站地鐵站一出🚇就係非常方便🥳第一次係香港食酸菜魚 通常都係大陸食多今次有朋友叫我去食 我就二話不說就去啦😝因為真係好鐘意食呀⋯⋯門面成個都係色 非常搶眼👀嘢食款式唔係太多但係主要係食辣野 多喜歡食辣嘅朋友 就嚟啦🥰有額外嘅廚師新菜推介招牌酸菜魚 $198酸菜足夠小小辣魚好滑四季豆$68好鑊氣冰粉$28食完喇再食呢一個清一清個口有桂花嘅味道 好清新唔錯唔錯🥰地方方便近近地 而且酸菜魚嘅味道啱我口味所以黎會再試下水煮魚🥳

公司附近開左一段時間，每次經過都覺得好香，好想試，但經常出現等位情況，終於尋日lunch早少少去試左啦!! 果然冇失望，我地一行五個，叫五樣不同lunch set，埋單位位55左右仲要連飲品，算好抵食，份量又足，味道又好!! 佢近黃埔地鐵站出口，所以佢真係揀左個好舖位，就算約朋友放工食走都方便!!! 值得再試～

其實在黃埔區真的很多選擇，而且時常有新食肆！食水煮魚、酸菜魚，通常在北上的食店才會食到，得知到有一間川菜店，立即非常興奮約同事們一起去趁熱鬧！一到中午已經有很多人等位，幸好只是等了一陣就有位！由於我們想試多些菜，雖然我們只有三個人，一共叫了四個餐，連侍應也驚訝我們咁大食😅前菜：🍠仔切條水煮魚：我見到🌶🌶！同事們好興奮🥰，而且有芽菜及紅🍠粉做底，所以好有滿足感！酸菜魚：怕辣的我，只可以食酸菜魚，魚片又大片又嫩又滑，配上酸菜湯，真的好易送飯！川式口水雞：原來不是想像中咁辣，我可以食到！

今天公司要加班，所以女友便來了黃埔搵我吃飯。一上地鐵，便留意到這間紅噹噹的餐廳，所以便進去一試。餐廳佈局中國風，坐得非常舒適和清靜，適合情侶，朋友前來。我們叫了酸菜魚，一如職員所說，它真的不辣，反而我們不覺有辣味呢。但味道是好味的，只是如果再辣一點會更美味。重點是我們叫得香鍋，香鍋最少要揀五個菜，我們選了肥牛，娃娃菜等等。一上鍋就嚇親了，因為它得份量真得很多很多，肥牛也不是一兩片而已，份量是打邊爐的份量呢！味道很有川菜風味，不算太辣，但非常香，很適合香港人口味。

這店剛好係黃埔地鐵站A出口，位置十分就腳。路經此地，見到有口水雞就好想試一試。舖面全黑，其實不太顯眼，但勝在貼上大大個menu，價錢仲好合理親民，吸引入內試試😁。室內裝修就是簡約現代中國風，座位寬敞，乾淨👍🏼星期六下午時段都有午餐menu，真讚！本來想試口水雞，但見到麻辣鍋，居然一人食都可食到麻辣鍋，加$10可轉田雞，餐包白飯同菊花蜜，仲有雲耳做前菜。前菜係微辣的，菊花蜜不會太甜也不會似水般淡，啱我少甜嘅口味食完前菜不久，麻辣田雞鍋送上，跟本就係縮細版嘅麻辣鍋，絕對無因為係午餐set而偷工減料，賣相一流驚喜係佢有好多蓮藕片同薯仔片，另外大豆芽（應該係，除非唔係），我個人唔太喜歡芽菜青味，呢個完全無青味，所以覺得佢係大豆芽😅。田雞約一隻或多dd，好似食到3大隻大脾🤔。雖然田雞唔多，但夠晒大隻多肉味道是香辣過種，唔會辣喉(我食開譚仔5小辣)，呢個辣到剛剛好，唔會辣到勁飲嘢，食得個人舒服😁👍🏼，味料內應該有點蝦米乾，炒香咗好味。如果食得辣嘅朋友就可能覺得佢唔夠勁。 不過，美中少少不足係略嫌無花椒味，所以麻味不足。這店員工都有禮貌同埋手腳快，靈活走位合作好似好好咁呢間小店好似新開，門口貼上試業

行過紅磡，見新開川菜，見裝修幾企理就入去試一試，返正川菜我與老婆也喜歡吃，結果也沒有失望。只點了兩款食物，第一款為蔥油拌麵，此好一般，好油，係肥油的肥，並不是蔥油的油，麵條淋身，與我於四川所吃過的蔥油拌麵完全不同，四川所吃的是蔥油香加乾身麵條，麵條黏上蔥油的香好吃得不得了的，此處完全不合格，可以不點。水煮魚 - 但凡水煮都是越煮越辣，此處為碗上的，但好辣的不用怕不夠辣，辣度貼近譚仔的中辣(大家識得衡量)，由於四川水煮菜色厚油的關係，所以一般而言餸菜都唔會咁快灘凍，碗上都ok。食得辣野唔好預的魚好鮮，但魚好滑又多，我粗略咁數過有成12/13片，入味，嫩滑加入味，魚好吃，麵條係扁水晶粉，水晶粉煮很剛好，煙韌，由於係扁水晶粉所以麵條非常上湯，所以水晶粉非常入味，好吃！其他配菜有豆牙及青瓜同樣入味好吃。總括而言，此處吃辣不錯，但份量不多，大吃的應該不夠飽。12片魚加一份水晶粉理應不夠兩個成年人填肚，最後我哋加多一份水晶粉($22)。就啱啱好喇。